Uncategorized

رواية مجنون أخته الفصل السادس 6 بقلم مريم محمد

 رواية مجنون أخته الفصل السادس 6 بقلم مريم محمد

رواية مجنون أخته الفصل السادس 6 بقلم مريم محمد

رواية مجنون أخته الفصل السادس 6 بقلم مريم محمد

وائل متصلش بيها لحد دلوقتي المفروض انه يكون وصل دعت جواها انه يكون بخير وفتحت الفيس بتقلب في البوستس وخبر بعنوان”كل العزاء لشهداء واقعه انقلاب قطار القاهره اسوان “
لحظه مش دا القطر بتاع وائل! 
التلفون وقع من ايديها من الصدمه 
احمد: نغم بقول…. بس قطع كلمته دي لما شاف نغم مصدومه اوي معني اصح هو مش عارف مالها 
قرب منها نغم نغم مالك! 
فيه حاجه طيب 
حصلت حاجه يا بنتي ردي 
ردت بصوت واطي اوي مهزوز وحزين: ينفع نروح بيت وائل 
احمد: نروح لي دلوقتي طيب وبعدين وائل خطيبك مش موجود 
نغم بالفعل مش بترد عليه دا قايمه وبتلبس اي حاجه وخلاص ونازله 
احمد حس انه فيه حاجه وقام ينزل وراها وخلاص 
وصلوا بيت وائل وكان حالهم تقريبا ميقلش عن حاله نغم الي ساكته ومبرقه 
هنا احمد استغرب تقريبا هو الوحيد الي مش عارف جري اي 
اول ما شافت نور جريت عليها: ها وصلتوا لحاجه عايش صح! 
نور بعياط: لسه منعرفش حاجه 
كلهم مستنيين 
تخيل يكون اغلي حد عندك بين الحياه والموت وانت بس مستني حاجه بشعه اوي 
احمد كان زعلان اوي علي حال اخته واستغبي نفسه انه في يوم من الأيام كان فاكر انها عيله ومش بتحب وائل بجد
التلفون رن وكلهم جريوا ملهوفين وابوه محمد الي بيرد وخايف يسمع حاجه متريحوش…. تكسره 
وبيرد بصوت مهزوز: أأيو.. ه اانا أبوه 
ابوه وقع التلفون من ايده وكلهم حسوا فعلا ان دي النهايه خلاص نور سندها الوحيد في الدنيا ضاع ياااه طب ازاي الدنيا دي تمشي من غير وائل 
هرخم علي مين…. هضحك مع مين هرازي في مين هي رافضه الفكره دي تماما 
اما عن نغم فهي احساس جواها رافض كل دا ايوه هي مستنيه امها تدخل تصحيها علشان تقولها في الاول وفي الاخر دا كان حلم 
احمد كان حاسس بضيق نفس وائل دا صاحبه وهو عذبه اوي بس علشان حب اخته بجد 
نغم جريت علي التلفون مسكته ومستنيه بس كلمه واحده من الطرف التاني في المكالمه كلمه هو عايش 
: ألو وبتعيط. حضرتك معايا هو عايش طيب! 
بس بعدها اتنهدت بإرتياح: اه عايش بس عنده إصابة جامده وممكن نعمله بتر في رجليه 
هنا ملامحها اتغيرت تماما بس: طيب ممكن عنوان المستشفى 
كلهم اخدوا العنوان ورواحوا جري 
الي رايحه تشوف حبيبها وتقف جنبه 
والي رايحه تعيط علي اخوها والي جراله 
والي رايح يعتذر عن كل حاجه 
والي رايحين يطمنوا علي ابينهم
وصلوا المستشفى 
وكانوا قاعدين في الاستقبال لحد ما خرج الدكتور يقولهم حالته 
لما خرج كلهم اتلموا حواليه مره واحده: ٠طمنا يا دكتور! 
الدكتور: ينفع تسمعوني! 
دلوقتي ابنكم اتعرض لبتر في رجله ودا شئ مش سهل ابدا بس دا قضاء الله وقدره ودلوقتي هو حالته النفسية سيئه جدا فمحتاج دعم منكم فياريت الي مش هيكون دعم لي يبعد 
هنا نور انسحبت لوحدها بعيد 
واحمد استغرب نفسه انه راح وراها مع ان اخته بتعيط برده بس راح لنور: تعرفي انا مستغربك اوي 
نور بصتله بعياط: لي يعني مبحزنش زي النااس 
احمد: لا مش القصد بس اصل اول مره اشوفك ضعيفه دايما بتجننيني بقوتك فانا مستغرب لانك ضعيفه دلوقتي 
نور: لما اكتر انسان بيسندك يبقي واقع وضعيف متخيل حالتك هتكون ازاي، انا صحيح دايما قويه حتي دايما كنت ند قوي ليك في علاقه نغم ووائل وكنت دايما اقف قصادك معاهم بس دلوقتي انا ضعيفه ومكسوره اوي علي اخويا علي الي هيتعرضله اقل حاجه انت هتاخد اختك وتمشي وتبعت كل حاجه الخطوبه بحجة انه خلاص بقي معاق 
احمد كان متفاجئ من تفكيرها: يااااه لدرجادي انا واطي اوي كده في تفكيرك؟! 
وبعدين اي معاق دي دي كلمه مبتتقلش الا من شخص عقيم بس مش في جسمه لا في عقله 
نور بصتله وعنيها كلها دموع: ينفع نبقي صحاب ونجمع وائل ونغم سوا وائل اكيد مش هيبقي زي الاول وهيبعد نغم عنه انا عايزاك معايا نجمعهم 
احمد: وانا معاكي
وائل بدأ يفوق 
حاسس بفراغ ناحيه رجله الشمال 
لا دل هو مش حاسس انها موجوده اصلا 
يا تري اي جراله هو مش فاكر حاجه لي! 
ام احمد عرفت بإلي حصل بس فضلت في البيت بتصلي وتدعي ربنا ينجيه فعلا ساعات الدعاء بيغير القدر وهي نفسها وائل يبقي بخير 
كلهم في جو توتر رهيب 
لحد ما خلاص ينفع يشوفوا وائل 
كلهم دخلوله بلهفه وهو اول ماشافهم اتعدل 
وائل انت بخير 
انت كويس يا ابني 
عامله اي صحتك 
رجلك واجعاك 
لحظه لي جابو سيره رجلو لي! 
هو مش حاسس فعلا برجله الشمال 
مد ايده بتعب يشوف مكانها بس لقي فراغ 
بصلهم نظره غريبه كأنه فاهم بس مش عايز يفهم 
لحد ما نغم اتكلمت: للاسف انت فقدت رجلك في الحادثه دي 
هنا وائل افكاره دارت كتيره اوي مصدوم 
مش عارف يقول اي 
هنا امه ادخلت: معلش يا ابني ان شاءلله خير 
هنا بصلنا نظره غريبه: معلش! 
ايوه برده اعمل بيها اي دي اصرفها منين 
هنا احمد ادخل: خلاص يا وائل لعله خير ان شاءلله 
هنا وائل ضحك جامد: ابو حميد حبيبي فينك تلاقيك اكتر واحد فرحان خلاص بقي جاتلك من عند ربنا بس ياريت بقي متبعتش هدايا الخطوبة علشان مش حابب افتكر 
احمد:……. 
يتبع…..
لقراءة الفصل السابع : اضغط هنا
لقراءة باقي فصول الرواية : اضغط هنا

اترك رد