Uncategorized

رواية عندما يكون العوض جميلاً الفصل الثالث عشر 13 بقلم نور محمد

 رواية عندما يكون العوض جميلاً الفصل الثالث عشر 13 بقلم نور محمد

رواية عندما يكون العوض جميلاً الفصل الثالث عشر 13 بقلم نور محمد

رواية عندما يكون العوض جميلاً الفصل الثالث عشر 13 بقلم نور محمد

عمر : مريض زي اي مريض
ياسمين : لا مش زي اي مريض ده يبقى بابا
عمر بصدمة: مين؟!!!
ياسمين : زي ما سمعت دي يبقى بابا بس مش عارفه هو وصل هنا ازاي
عمر : مش فاهم قصدك ايه
ياسمين : على حسب ما افتكر بابا ثروته متغطيش ربع تمن العمليه والغريب ان تمن العمليه كله مدفوع مقدم
عمر : طب مين اللي دفعله؟ 
ياسمين : تعالى نشوف مين جاي معاه
عمر : تعالي نشوف
في الممر اوقفت ياسمين احدى الممرضات
ياسمين : لو سمحتي
الممرضه : نعم يا دكتوره
ياسمين : مين جاي مع المريض سيد عبد السميع
الممرضة : الاستاذة اللي واقف هناك ده حضرتك
ياسمين : شكرا
الممرضة : الشكر لله 
عمر : لو سمحت 
الشب وهو يلتفت ناحيته : نعم
ياسمين بصدمة : انت
الشب ( احمد ) : انتي 
خبئ عمر ياسمين خلفه : انت ايه اللي جابك هنا
احمد : انا جاي مع عم سيد
ياسمين : جاي معاه ازاي انت تعرفه منين اساسا
احمد : وانتي مالك اعرفه منين
عمر بغضب : ولاااا اتكلم عدل لاعدلك
احمد : خلاصة الكلام عايزين ايه عشان مش فايق لكوا 
عمر: تعرف عم سيد منين وخرجت من السجن ازاي
احمد : خرجت من السجن عادي بعد ما خلصت المدة يعني من سبع سنين تقريبا لاني اخدت تلات سنين بس وعم سيد اعرفة اني لما خرجت من السجن مكنش ينفع ارجع العماره تاني اجرت شقه في حته بسيطه قصاد شقة عم سيد في الاول كان بيتجنبي بس بعد كدا بدأ يتعرف عليا ويسمع حكايتي وبقا زي ابويا شافلي شغل جديد ووقف معايا لحد ما وقفت على رجلي تاني من فتره عرفت انه تعبان ومحتاج عمليه كان رافض يعملها بس اصريت عليه يعملها وقبل ما يدخل قالي حاجه غريبه اوي قالي انه عنده بنت اسمها ياسمين عايزيني ادور عليها واطلب منها تسامحه قالي كمان انها دكتوره زيك
ياسمين بابتسامة الم : مش زيي دي انا
احمد بصدمة : انتي ازاي؟!!! …عشان كدا كان متابع اخبارك اول باول 
ياسمين بتعب : بعد اذنكوا
عمر : انتي كويسه
ياسمين: ايوا هعمل تليفون بس
عمر لاحمد : اقسم بالله لو فكرت تضايقها  ما هيكفيني موتك
احمد : متقلقش انا اتغيرت 
عمر : هنشوف
ياسمين في الهاتف : الو انجلينا اريدك بمصر غدا
انجلينا : حسنا ولكن ماذا حدث
ياسمين : ستعلمين حين تأتين واحضري معكي دكتور توماس واخبريه اني سأتكفل بكل مصاريف السفر لحين العوده
انجلينا : سافعل كل ذلك 
ياسمين : سارسل لكما طائرة خاصه غدا في تمام التاسعة صباحا
انجلينا : ساكون جاهزة …هل انتي بخير ؟
ياسمين لا رد
انجلينا : ساكون عندك غدا 
ياسمين: سانتظرك
عمر : عملتي ايه
ياسمين : كلمت دكاتره من بره يجيوا عشان عملية بابا
عمر : وانا كلمت بابا وقولتله اننا هنبات هنا 
ياسمين : روح انت ارتاح وتعالى الصبح 
عمر بتجاهل مكملا : قال انه هيجيب ماما ويجي بكرة وهيجبلنا لبس 
ياسمين بابتسامة: طب انا رايحة ابلغ مدير المستشفى ان في ناس جايه 
عمر : وانا هنزل المعمل لو احتاجتي حاجه كلميني
ياسمين : ماشي 
عند احمد تليفونه رن 
احمد : ازيك يا ماما عامله ايه 
زهرة : الحمد لله انت عامل ايه يا حبيبي 
احمد بتعب : الحمد لله على كل حال
زهرة : مالك صوتك تعبان
احمد : عم سيد تعبان وفي المستشفى بقاله يومين
زهرة : لا اله الا الله هيكون كويس ان شاء الله بقلم Nour Mahmoud 
احمد : يا رب
زهرة : انتوا في مستشفى ايه
احمد : في مستشفى****
زهرة : ايه رايك اجيبلك اكل ولبس واجي اشوف الرجل اللي ديما تحكيلي عنه عم سيد
احمد : يا ريت لاني بلبسي من اول امبارح
زهرة : خلاص  ساعة كدا واكون عندك
احمد : مستنيكي 
عند ياسمين في مكتب المدير
ياسمين : السلام عليكم
عبدالله : عليكم السلام كنت لسه هبعتلك
ياسمين: اكيد عشان العملية اللي لغيتها
عبدالله : انا عايز تفسير
ياسمين : المريض ده يبقى بابا
عبدالله : باباكي ازاي يعني …ليه مش قولتي انه باباكي من قبل ما يدخل
ياسمين : انا نفسي مكنتش اعرف انه هنا
عبدالله: ازاي مش فاهم 
ياسمين : دي مشاكل شخصيه ….المهم انا كلمت دكاترة من برة هيوصلوا بكرة والعملية تتعمل بعد بكرة ان شاء الله
عبدالله : يعني تبقى بنته اشهر جراحة مخ واعصاب في العالم وحد تاني هو اللي يعمل العملية
ياسمين : من خبرتي مينفعش حد يقرب للمريض هو اللي يعمله العملية وفعلا انا مش هقدر اعمل العملية دي
عبدالله : طب ليه طلبتي دكاترة من بره احنا عندنا احسن دكاترة في مصر
ياسمين : معلش انا واثقة في الناس دي اكتر من نفسي لو حضرتك مش موافق انا ممكن انقله مستشفى تاني 
عبدالله : لا طبعا تقدري تعملي اللي عايزاه واساسا ده هيزيد سمعة المستشفى شرف
ياسمين : اتفقنا بعد اذنك
عبدالله : اتفضلي
امام غرفة سيد كان واقف احمد ينظر له من وراء الزجاج
ياسمين : هيكون كويس
احمد : بطمنيني ولا بطمني نفسك
ياسمين : انت ايه اللي مخليك مهتم ببابا كدا مش معقول عشان كان جدع معاك تعمل كل ده انا عرفت انك مروحتش من اول امبارح
احمد : عم سيد اكتر من بابا الله يرحمة بالنسبالي انا عشت معاه سبع سنين عمري ما حسيت انه غريب عني تخيلي اما جيت اخطب هو اللي راح خطبلي كان فرحان كأني ابنه من صلبه وانا فرحت لفرحته  وانا بجيب الشبكة الفلوس قصرت معايا لقيته بيقولي قدام الناس خد يا احمد الفلوس اللي اديتهالي في البيت انت نسيت انك شايلها معايا ولا ايه
ياسمين : كان طيب مع كل الناس الا انا بقلم Nour Mahmoud
احمد : انا اسف
ياسمين : على ايه 
احمد باحراج : عاللي حصل زمان
ياسمين : اللي فات مات واظن انك اتعلمت الدرس
احمد : فعلا انا آذيت نفسي اوي باللي عملته وضيعت مستقبلي 
ياسمين : محدش بيتعلم ببلاش 
ممرضة : المريض فاق وبيسأل على استاذ احمد
احمد : انا اهو ممكن ادخله
الممرضة : اتفضل
احمد لياسمين : مش هيتجي معايا
ياسمين : ادخل انت الاول 
دخل احمد لسيد لقاه قاعد عالسرير ماسك راسة بالم
سيد : الممرضة بتقول اني معملتش العملية ايه اللي حصل
احمد : هحكيلك بعدين شوف بس مين عايز يشوفك
سيد : مين
احمد : ادخلي 
دخلت ياسمين وهي باصه في الارض
سيد بعدم تصديق : ياسمين ؟!!!!
ياسمين : لسه فاكرني
سيد : حد ينسى حته منه
ياسمين بالم : مكنتش كدا من 11 سنه
سيد : كنت مغفل كان معمي على قلبي كان اهم حاجه عندي الكيف وبس
ياسمين : وايه اللي غيرك كدا
سيد بتذكر : فاكرة اخر مره شوفتك فيها وانا راجع كنت بفكرلك كيف اموتك وجه على بالي اني اخليكي تعملي حدثة وساعتها انا اللي عملت حدثة وكل اللي معايا ماتوا الا انا ربنا نجاني كإنه بيقولي دي فرصة تانيه فوق بقا وتوب وانا توبت سامحيني يا بنتي سامحيني انا اسف انا عارف ان الاسف عمره ما هيصلح اللي فات بقلم Nour Mahmoud 
ياسمين بدموع : ياااه من زمان وانا مستنيه اليوم ده وكنت محضرة كلام كتير ارد بيه زي لا مش مسامحك على كل كسرة كسرتهالي ولا مسامحاك عاللي عملته في ماما كلام كتيييير اوي مش باقي منه غير ان نفسي تاخدني في حضنك
سيد فتح ليها دراعته فرمته نفسها في حضنه
سيد : كنت خايف اموت قبل ما تسامحيني
ياسمين : بعد الشر عنك انت هتعمل العملية وهتكون كويس وهرجع اعيش معاك
سيد وهو بيمسح على راسها : قلبك كبير زي امك
ياسمين مسحت دموعها : مش بنتها لازم اكون زيها
طرقات عالباب ثم دخلت سيدة في الخمسين من عمرها ترتدي ملابس محتشمة وتمسك بيدها علبه طعام واكياس ملابس انها زهرة والدة احمد بقلم Nour Mahmoud 
زهرة : السلام عليكم الف سلامة عليك يا ….
وقعت  منها الاغراض على الارض واصدرت ضجة
سيد بزهول : زهرة
زهرة بصدمة لا تقل عنه : سيد 
احمد : انتوا تعرفوا بعض ؟
 زهرة : ده يبقى ****
احمد وياسمين بصوت واحد وصدمة : نععععم 
ايه علاقة سيد بوالدة احمد ؟
وايه موقف احمد وياسمين من العلاقه دي وهل عمر هيعجبه التغير 
يتبع…..
لقراءة الفصل الرابع عشر والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير

اترك رد