رواية أنتِ لي وحدي الفصل التاسع 9 بقلم إسراء أشرف

-حور:بصراحه مع جاسر ونرمين بس فين دي هتعرفها لما أنا أعرفها 

-أحمد:طيب خلي بالك من نفسك واثق فيكي

-حور:حبيبي يلا سلام ثم دخلت الجامعة فوجدت مها ومني وسالي ونرمين

حور الله أكبر أي التجمع الرائع دا عصابة ياناس ????????

-سالي:بقا كدا ماشي ياختي

-حور:مقدرش علي زعلك ياخطيبة أخويا 

-مها: بجد والله أخوكي خطبها

-حور: أنتِ أي يابنتي صحفي ولا مخابرات ما بتصدقي الكلام 

-سالي: حور اتكتمي ومينفعش تقولي كدا ومفيش هزار في الكلام دا 

-حور: عندك حق خلاص بقا ياحبي 

-سالي: بعد حبي دي خلاص خطفتي جلبي 

-حور: أنا حراميه قلوب من يومي اللهم زدني تواضع ????????

-مني: كفايه رغي يلا علي المحاضرة

-حور: الله علي عم المجتهد يلا ياباشا وبالفعل ذهبوا إلي المدرج بعدما تواعدت حور مع نرمين علي اللقاء بعد المحاضره الأولي 

_بعد انتهاء المحاضره أستأذنت حور من أصدقائها بحجه ان عندها أجتماع مهم في الشركة مع جاسر 

_وجدت حور جاسر بأنتظارها في السيارة فركبت في الخلف وبجانبها نرمين التي شعرت بالخوف من قبل ما تركب السيارة ثم أنطلق جاسر بهما

_أما داخل الجامعة كان هناك أعين وقلوب تشع كراهيه وتتوعد بالأنتقام 

-حسن:أهي الحلوة بقت تمشي مع شباب وكانت عامله ست الشيخه وهي مقضياها 

-عادل:ياشيخ أتقي الله أكيد قريبها وبعدين معاها بنت كمان وركبوا ورا والشاب باين عليه محترم

-حسن:هما المحترمين دول أكتر ناس مقضياها وبتتخفي ورا ستار الأحترام 

-عادل:احسن الظن وبعدين حور سبب التزامي بعد ربنا أبعد عنها ياحسن وكفاية اللي بتعمله 

-حسن:أبعد دا بعدك مش هسيبها غير وهي في حضني وأشبع منها 

-عادل:أنت بتقول أي عارف لو قربتلها هنخسر بعض

-حسن:مش فارق وبعدين سكتك مبقتش شبه سكتي 

-عادل:أنا حذرتك وأنت حر صدقني هتخسر كتير لو حاولت تلمس شعره من حور 

__________________________________________

_داخل المصحة تقابل جاسر مع صديقة الطبيب شريف 

-شريف: أهلا وسهلا نورت ياجاسر

-جاسر: نورك ياشريف أعرفك حور إن شاء هتكون زوجتي بعد يومين ونرمين أختي 

-شريف: أهلا نورتوا 

-حور: تسلم يادكتور 

-شريف: طيب نقوم نشوف الأوضة اللي الهانم هتشرفنا فيها بس الأول نعمل فحص بسيط 

-نرمين: نظرت بخوف لحور قائلة حور متسبنيش خليكي معايا هنا 

-حور: أحتضنتها قائلة الممرضة باين عليها جميلة وطيبة وأنا هفضل معاكي علي الفون عوزاكي قوية وشجاعة عشان تخرجي بسرعة 

-نرمين: تمام حور أنا بحبك اوي 

-حور: أنا أكتر وربنا يعلم ثم نظرت للمرضة بالله عليكي خلي بالك منها 

-الممرضة: متقلقيش عليها هتكون في عنيا ثم أخذتها وخرجت بها إلى غرفة الفحص 

-حور: تحدثت مع الطبيب عاوزه حضرتك تلغي أي زيارة محدش يعرف بوجودها غير جاسر وأنا وفي ناس كتير بتتمني ليها متتعالجش 

-شريف: تمام أنسه حور جاسر فهمني علي كل حاجه وخير إن شاء الله 

-جاسر: شكرا جدا ليك نستأذن ثم خرج هو وحور

-حور: جاسر عاوزه اشوف نرمين قبل ما نمشي 

-جاسر: تمام وذهب معها إلى غرفة نرمين 

_كانت نرمين نائمة بعدما أخذت أول جرعة من العلاج للقضاء علي السموم التي تعاطتها 

-حور:بكت بشدة عند رؤيتها هكذا 

-جاسر:أهدي ياحور بإذن الله هتكون كويسة يلا عشان منتأخرش وخرجوا من المشفي وأتجهوا نحو الشركة

_داخل مكتب جاسر 

-حسام:عريسنا عامل أي 

-جاسر:الحمد لله انت عامل اي 

-حسام:الحمد لله 

-جاسر:أنا أديت حور اجازة اليومين دول عشان تلحق تشتري اللي محتاجاه 

-حسام:تمام وياريت أنت كمان تستريح 

-جاسر:تمام أنا فعلاً محتاج أرتاح شويه هقوم أروح 

__________________________________________

_في منزل حور أجتمع أصدقائها مها ومني وسالي كي يذهبوا جميعاً إلى المول لشراء فستان كتب كتابها 

-حور:بجد يابنات مش عاوزه اروح وهلبس أي حاجة

-مها:في عروسه بتبقا كدا نكد

-مني:مالك ياحور

-سالي:أكيد زعلانه عشان نرمين مش معانا 

-حور:فعلاً والله بس كان لازم تسافر ترتاح شويه من اللي حصلها يارب ترجع بالسلامة

-سالي:هتكون موجوده يوم الفرح إن شاء الله يلا بقا ياريري فرفشي كدا 

-حور:خلاص أنا مستسلمة يلا وكمان عشان بطوط اللي زعلان عشان أنا مكشرة 

-فاطمة:عشان أنا مستنية اليوم دا من زمان تيجي تزعلي فيه وتقولي مش هشتري ومش هنزل والكلام الفاضي دا 

-سالي:خلاص ياخالتو فرفشت أهي 

-حور:اه والله ياببلاوي فرفشت أضحك بقا يابطوط ولا أجيبلك عبده يافرفشك 

-فاطمة:بت أتلمي 

_نزل البنات بالفعل وأشتروا لحور فستان في غاية الجمال ومعه كل مستلزماته ورجعت كل منهم إلى منزلها منتظرين غدا بفارغ الصبر 

__________________________________________

-حور:أول مرة أشوف أتنين الفرق بينهم أوضة وبيتكلموا فون هههه 

-أحمد:تصدقي أنا غلطان 

-حور:لا طبعا ياقلب اختك 

-أحمد:طيب يلا سلام العريس وصل ومعاه المؤذون ياعروسة 

-حور: سلام 

-سالي: قمر ما شاء الله 

_كان فستان حور لونه اوف وايت ومرصع بالالماظ والطرحة من نفس لون درجه الفستان وعلي رأسها تاج وتضع القليل جدا من مساحيق التجميل كانت كالأميرات 

_تم كتب الكتاب ودخل أحمد وعبدالحميد لحور كي تمضي علي عقد زواجها وبالفعل مضت أسمها بجانب أسم جاسر وملئت الزغاريط المنزل 

-عبدالحميد:قبل رأس ابنته مبروك ياحبيبتي عقبال الليلة الكبيرة ثم اخذ يدها وخرج بها من الغرفة وأمسك بيد جاسر ووضعها فوق يد حور خلي بالك منها دي غالية اوي عندي 

-جاسر:في عنيا يا عمي ثم أمسك يد حور

-أحمد:عندك والله ما حد هيحضنها ويبوسها قبلي 

-حور:هههه مجنون من يومك ثم أحتضنته بشده 

-جاسر:كفاية كدا عليك سيب مراتي عشان بغير 

-حور:احم احم أهدوا مش كدا أحنا لسه بنقول ياهادي ????????????

-جاسر:تسمحيلي ألبسك الشبكه 

-حور:أكيد 

_وبالفعل أوضع جاسر الشبكه في يدها وألبسته هي الأخري الدبله ثم جذبها إلي حضنه ورفعها من علي الأرض وظل يدور بها أمام الجميع 

_التف الجميع حولهم مهنئين كان الكل سعيد لسعادة حور وجاسر ومع ذلك كان هناك قلوب تمتلئ حقد وكره لحور 

_وبعد قرابه النصف ساعه من عقد القران رن هاتف حور 

-حور:السلام عليكم 

-…..:معايا أنسه حور

-حور:أيوه مين حضرتك

بعدما سمعت حور كلام الطرف الأخر مستحيل ثم جريت بأقصي سرعتها والدموع تتساقط من عينها 

-جاسر:حور استني يامجنونه حصل أي 

ياتري مين اللي كلم حور؟!وأي حصل يخليها تجري كدا؟!????

دا اللي هنعرفه الفصل الجاي إن شاء الله.