رواية وهذا لأنني شرطية الفصل الثالث عشر 13 بقلم ملك الصباغ

…فتحيه: عهد ممكن تيجي معايا الجنينه شويه 

اومأت عهد في روي 

نزل الاثنان إلي حديقه الڤيلا

ليجلس كل منهما لتبدأ فتحيه الكلام لتردف قائله: بصي يا عهد انا اعتبرتك بنتي من اول ما شفتك ولازم تعرفي كل حاجه بس عشان تعرفي كل حاجه لازم تسمعي القصه كامله. 

اومأت عهد في رضا

لتتنهد فتحيه وتقول: والد ٱسر الله يرحمه اتجوز واحده اسمها فاتن وكان بيحبها اوي فوق ما تتخيلي وهي كانت بتحبه بس مش عشان هو هو لا عشان  فلوسه ودايما كانت مش بتهتم غير بلبسها وحتي هو الله يرحمه كان بيجي من الشغل يلاقي البيت مش نضيف اللبس مش مغسول كان بيلبس اللبس وهو مبلول لانه كان هو اللي بيغسله وبعد فتره فاتن خلفت ٱسر. 

لتتسع مقلتين الاخري في صدمه  لتلاحظ فتحيه  ذلك فتقول: مش تتصدمي يا عهد فعلا انا مرات ابوه بس عمري ما حسسته بكده بعد فتره من ولادته فاتن أمه جابت ليه مربيه برغم اعتراض(مؤمن) والد ٱسر 

بعد كده ٱسر كبر وبقي عنده ٥سنين وبرده هي لسه مش بتهتم به وحاسس انه يتيم مؤمن الله يرحمه قرر يطلقها وبعد ما طلقها ٱسر اتأثر فمهما ان كان هي أمه بعد فتره مؤمن قرر يتجوز بس مش من المدن قرر يتجوز بنت ارياف لانه عارف انهم بنات اصول بيحافظوا علي شرف وسمعت الشخص قبل أي حاجة وبعدين البنت دي كانت أنا ايوه أنا بنت أرياف شهادة اعتز بيها وبعد فتره جيت فارس وفارس اتربي مع ٱسر وانا عمري ما فرقت بين واحد فيهظ بالعكس حبيتهم هما الاتنين بس برغم كده كنت بحس ان فارس مش بيحب ٱسر وحاولت كتير أصلح تفكير  فارس عشان يحب اخوه برده مفيش فتره عدت جبت سديم والحمد الله كانوا بيعاملواها زي الاميرات هما الاتنين ومع مرور الوقت مؤمن كبر والصغيرين كبرم بس كان كل واحد ليه شخصيته ٱسر دايما كان هادي وحبوب اما فارس برغم الحب اللي ادتهوله طلع شخص كاره لكل اللي حوليه 

مر الوقت ومؤمن مات او بمعني اصح اتقتل علي ايد فارس ابنه عشان ايه 

لتكمل في تهكم: عشان شويه ملاليم عشان الورث

كانت تحكي والاخري عقلها غير مستوعب ايعقل ان يقتل احد والده لاجل ماذا؟ لاجل…ميراث. 

اكملت فتحيه بدموع في مقلتيها: وبعد فتره انبعتلي جواب قريته اتصدمت ان ابني ضنايا اللي من لحمي ودمي اتبري مني وسافر وسابني ساعتها ٱسر برده اتدمر نفسيا بالرغم من كره فارس ليه إلا انه كان بيحبه ومش تفكري يا عهد ان ٱسر مش عارف حاجه  ٱسر عرف انتي خايفه ليه وليه بتخبي وبتخافي تتكلمي مع حد إلا قليل ٱسر اتجوزك عشان يحميكي من فارس لانه كان عاوز يعمل فيكي زي اللي عمله في اختك أما بقي لحد ما نخلص من فارس تقدري تطلقي براحتك. 

انهت كلامها تنتظر الرد من الاخري ولكن عهد مصدومه كيف يحدث كل هذا في حياتها لما حياتها قاسيه لماذا…لماذا؟ 

انتفضت عهد من مكانها لتتجه داخل الڤيلا ولم تمنعها فتحيه متقبله لصدمتها لتتنهد فتيحه بحزن والدموع علي وجنتيها لتتجه عهد لغرفتها فتجد ٱسر متسطحا علي السرير  يضع يده علي عينيه لتقول بصوت به قليل من الحديه والحزن والبكاء: طلقني يا ٱسر. 

ليعتدل ٱسر في جلسته ويردف: طلاق مفيش فاهمه

عهد بصوت عالي: طلاق وهطلق يا ٱسر أنا مطلبتش منك تحميني من فارس فاهم مطلبتش أنا اقدر احمي نفسي ومتشكره علي الفتره اللي قضيتها معاكم. 

لينتفض ٱسر من مكانه ويحاصرها بين ذراعيه والباب وينخفض لمستواها ليصبح وجه مقابل لوجهها الباكي وأنفاسه تلفح انفاسها

ٱسر: اشش اهدي طلاق مفيش فاهمه ومش عايز اشوفك بيتعيطي تاني انتي اقوي من كده ياريت تبطلي عياط

قال أخر كلماته وهو يمسح دموع عينيها التي تهبط مثل الشلال علي وجنتيها 

عهد ببكاء وانهيار: انا مش طالبه منك تحيميني مش طالبه اكون عاله علي حد ارجوك سيبيني

لتنهار بين يديه فتصير في أحضانه وهو يضمها ويربت علي ظهرها وشعرها 

حتي هدأت

ليردف قائلا: عهد

عهد وهي مغمضه العينين تشعر بالراحه في احضانه: اممم

تنهد ٱسر ثم أخذ نفساً عميقاً وقال: بحبك…♡

عهد لارد

ٱسر بدموع يحبسها في مقلتيه: أنا ٱسف علي كل حاجه حصلتلك في حياتك حتي زواجي منك كان تحت ضغط بس صدقيني والله حبيتك. 

لتخرج من بين احضانه وتنظر لعيونه بضع ثواني ثم وبلا أي مقدمات تحاوط عنقه بيديه وتدفن راسها في عنقه وتجهش في البكاء 

عهد ببكاء: صدقني تعبت يا ٱسر تعبت مش قادره من ساعه ما بابا وماما ماتوا واخواتي ماتوا كانت حاجه صعبه مش عارفه اعيش ولا أخد قرار أخاف اخد قرار ويطلع غلط تعبانه يا ٱسر

ليضمها ٱسر أكثر حتي كاد يكسر عظامها 

ٱسر: خلاص يا قلب ٱسر كله هيبقي تمام وهجيبلك حقك واوعدك انك عمرك ما هتندمي انك فضلتي معايا بحبك يا قلب ٱسر. 

لتحتضنه وتقول: أنا فعلا بحس معاك بالامان واهتمامك ليا لكن مش عارفه بحبك ولا لا

ٱسر وهو يحاول التخفيف عنها: هعتبرك قلتي بحبك

عهد بضحكه رقيقه وهمس يكاد يسمع: بحبك…

ليقبلها ٱسر ويأخذها ويذهب بها في عالم لا نهايه له عالم لا يعرف عنه سوي العشاق لا يوجد بهذا العالم حدود للعشق فقد يعرف عنه العشاق …العشاق فقط. 

_____________________________احكمي 

…

…

سديم: ايه اللي غلط الغلط اننا كنا مخبين عنها الحقيقه والغلط الاكبر ان ٱسر كان عايزك تكدبي عليها وتقوليلها حاجه تانيه. 

فتحيه بمكر: بس تحسي ٱسر بيحبها

سديم: امم بس الغبي مش بيعترف

فتحيه: اصله عنيد اوي ودماغه ناشفه. 

كادت سديم ان تتكلم قبل ان يقطع كلامها انها اشتمت رائحة معشوقها وعلمت انه يقف خلفها وقبل ان تستدير اردف قائلا: انا برده بقول قعدت الستات مع بعضها مش فيها إلا حكاوي في القهاوي. 

سديم: انا قايمه انام يا مااما 

فتحيه: اقعدي يا بنتي لسه بدري الساعه لسه٨ و…

قاطع كلامها صادق الذي اردف بجديه: اطلعي وسبيني معاها شويه. 

اومأت فتحيه في صمت وكادت سديم ان تهم في الرفض لكنه نظر لها نظره إذا كانت الاعين تخرج شراره لهيب النار لكانت احرقت كل شيء حوله حتي…هي. 

فصمتت في خوف فدائما صادق من النوع الهادي ومعني ان هناك شيء يغضبه فهو شيء ليس بصغير  وكما يقول المثل *اتقي شر الحليم إذا غضب* 

صادق بجديه: اقعدي يا سديم 

سديم بغضب: كل حاجه بينا يا صادق ماتت من زمان بعد سفرك…

صادق بمقاطعة: انا مش بحب اكلم كلامي مرتين واقعدي اسمعي وابقي احكمي 

اومأت سديم في صمت فهي تحبه لا بل تعشقه اللعنه علي ذلك الاحمق الذي ينبض بين ثنايا صدرها بأسمه فقط اسمه اسم حبها وعشقها …صادق. 

تنهد صادق قائلا: سديم ٱسر صديق عمري وهو كان متدمر نفسيا لما قرر يسافر عشان كده روحت معاه من غير تردد كل حاجه إلا صاحب وفي بيحبك بس كده ده كان سبب سفري وابتعادي عنك. 

تنهدت سديم بحزن: صادق بجد مش عارفه اوزن نفسي الفتره دي لو بعدت عني هعرف افكر لكن قربك بيلخبطني. 

اأقول له ان قربه يسرع ضربات ودقات قلبي ام ان قربه مهلك يجعلني مثل الثلج الذي يذوب في الكماء

صادق بألم: حاضر يا سديم هبعد هبعد عنك. 

___________________________

في غرفه ٱسر تجلس علي الفراش تبتسم ابتسامه بلهاء كلما تذكرت بوابل كلمات العشق التي امطرها به

ليخرج من الحمام وكاد ان يتكلم لكن قطعه رنين الهاتف ليزفر بضيق ويرد

ٱسر:الو…طبعا…ماشي…مستنيك

ليغلق الخط

عهد  باستغراب:كنت بتكلم مين

ٱسر:…