رواية أصداف الفصل الخامس عشر 15 بقلم مريم خليفة

نايف بضحكه خبيثه:بنغير ولا ايه؟

تالين بارتباك وهي بتسيب لياقه القميص:لا طبعا مش غيره بس المدلعه دي مستفزه مش اكتر

نايف بخبث:ومستفزاكي ليه دي حته اريچ دمها خفيف

تالين برفعه حاجب:بجد والله؟طب ما تروح تقعد معاها مدام دمها خفيف وسيب النكديه في حالها

نايف باستعباط:ومين قال بس انك نكديه؟

تالين بنرفزه:اووف انت سمج كده ليه؟ بقولك ايه سيبني انام يعم وبكرا نشوف الموضوع ده

نايف باعتراض:لا قبل ما تنامي اشربي النعناع وبعدين نامي 

تالين فضلت تشرب النعناع براحه عشان كان سخن ونايف كان ماسك تليفونه بعد ما ركب الخط الجديد وادي تالين خطها الجديد وكل شويه يفتح يبص فيه وبعدين يقفله بضيق

تالين:هو انت مستني مكالمه من حد؟

نايف بتشتت:لا يا حبيبي مش مستني

تالين بشك:طب ليه كل شويه تفتح التليفون وتقفله؟

نايف بخنقه:تالين خلاص انا مش قادر اتكلم

تالين بنرفزه:في الاول كنت بتقولي متساليش علي حاجه والي انت كنت بتبقا عايز تعرفه ليا بتعرفه بس دلوقتي احنا بقينا في مركب واحده ورايحه بينا احنا الاتنين لمكان واحد ولازم نكون مفهمين بعض كل حاجه علي الأقل مبقاش شبه الاطرش في الزفه.!

نايف بخنقه واضحه:واحنا من امتي مكنتش مركب واحده يا تالين؟

من بعد ما اتكتبتي علي اسمي واحنا خلاص بقينا مركب واحده والي بيحصل من طرف منا بيأثر علي الطرف التاني اكيد 

تالين أنا لازم أرتب أفكاري عشان نحدد الخطوه الجايه هتبقي ايه بس كل الي محتاجه منك انك تفضلي هنا جمبي هعرف اعدي عشانك كل الي بيحصل عشانك اصلا انا خايف عليكي اووي مش هستحمل وجع فقدان تاني صدقيني هدمر ولو حصلك حاجه 

تالين سابت النعناع علي الكومود ومسكت ايد نايف وباستها وقالت بحزن:نايف انا مش متعوده عليك كده انت علطول قوي انا مشوفتش في عينك قبل كده نظره التشتت والخوف دي 

نايف انا حابه اقولك حاجه وممكن تدايقك بس يا نايف مش حلم الي يعمل فينا كل ده نكسر الخطوط ونهرب وكأننا عاملين عامله انا بس عايزه اعرف ايه الي مخليك واثق كده ومتأكد من الحلم ده هيتحقق؟

نايف بصوت محشرج ومغمض عينه:الموضوع لما يتعلق بيكي يبقي لازم يحصل كل ده

شدد علي أيدها وقال:الموضوع اصلا كبير اووي وانا عند كلامي فعلا في حاجات كتير اووي مينفعش تعرفيها علي الاقل دلوقتي.!

بس بعدين هتعرفيها 

تالين بتمسد علي ايد نايف وباصه في عينه ومبتسمه:كله هيبقي خير صدقني انا واثقه في ربنا ثم فيك أن كله هيبقي خير.

نايف نام جمبها وحضانها جامد 

تالين بضحكه:نايف انا مش ههرب انت متبت فيا كده ليه؟

نايف مغمض عينه وبيشم رائحه شعرها:ده مكانك الاساسي حضني

كمل وهو بيمسد علي شعرها:فاكره يا تالين لما قولتي اني لو اخر واحد في الدنيا مش هتثقي فيه؟

تالين بندم:ايوه فاكره بس والله…

نايف بمقاطعه:وفاكره لما قولتي اني انسان مؤذي ودمرت حياتك؟

تالين باحراج:ايوه

نايف بعد عنها شويه وبصلها:طب ودلوقتي لسه شيفااني كده؟

تالين رفعت عينها فيه وقالت:لا

نايف:ليه؟

تالين بخنقه وندم:نايف انت لو عايز تبين اني قد ايه كنت ظلمتك خلاص الرؤيه وضحت وانا اسفه خلاص

نايف بهدوء مريب:لسه مجاوبتيش ليه؟

تالين بنبره اسف:عشان كنت غبيه يا نايف مكنتش اعرف الحقيقه علي رايك ومكنتش شيفاك كده..

نايف بخبث:كده ازاي؟

تالين بسرحان في عيونه:كده انك يعني خايف عليا وبتحترمني و…

قاطعها نايف ببوسه عميقه خلت تالين دقات قلبها تذيد

نايف بنهج:عايزك تثقي فيا اكتر لان الي جاي مش سهل خالص 

تالين مغمضه عنيها وفي دنيا تانيه:انا واثقه فيك اكتر ما بثق من نفسي

*في نفس الوقت

الشخص بهدوء مربك:معاك يا زين 48 ساعه ونايف يكون تحت ايدي الواد ده عرف اكيد حاجه

زين بخوف:يا باشا يا باشا بس هجيبه ازاي بس؟

الشخص بيمسد علي اسد: ازاي دي بتاعتك انت لو نايف مجاش في المهله دي هتبقي اكل الاسد بتاعي اصل بقاله يومين مكالش حاجه 

زمجر الأسد فقال زين بخوف:لا ياباشا نايف هيكون عندك هو..هو عنده خاله في***** هنروح ونتأكد 

الشخص:Naice مشوفش وشك قبل المهله واشوفك بس ونايف معاك مفهوم

زين:مفهوم يا باشا طبعا 

بس كان عندي سؤال معلش اساله

الشخص وهو بيبص في ساعه أيده:اممم مع اني معنديش وقت لغبائك بس فضولي بيقولي اسمعك

زين:هو مش انت قولت هتساوم نايف علي ثروته عن طريق يسري والمندل وتالين ازاي دلوقتي عايز نايف حي كان أو ميت فين المساومه نايف هيمضي علي ورقه التنازل ليه ما هو احنا مش مسكينه من أيده الي بتوجعه

الشخص:لما تكون عايز حاجه متفكرش في خطه واحده لا ده انت المفروض يكون عندك كذا خطه عشان كده انا كنت متوقع أن في حاجه هتحصل واهو حصل فعلا دلوقتي احنا هنساوم نايف باردو بس بطريقه تانيه خالص 

زين بذهول:فعلا دماغك فيها ترتيب عن اذنك يا باشا

*عند نايف وتالين

نايف كان حاضن تالين من ظهرها بس كل واحد كان في ملكوت تاني خالص بس قطع الصمت الرهيب رنه تليفون نايف 

جري نايف علي التليفون و رد بسرعه وتالين كنت بتراقب الموقف و بتحاول تستشف الموضوع الي بيحصل

المتصل:كل حاجه جهزت يا نايف باشا بس مستنين الاوكيه الاخيره منك

نايف: Great استني مني إتصال في فتره قصيره جدا

المتصل باحترام:مستنين من حضرتك يا نايف باشا طبعا 

قفل نايف الخط واترسمت علي وشه الحزن والتفكير في المستقبل

تالين:حصل حاجه؟

نايف بيبص للفراغ:لا يا بابا محصلش حاجه.

تالين بصتله بنظره شك لحد ما نايف لحظ واتخنق وقام من مكانه وراح البلكونه

راحت تالين وراه وحضنته من ضهره

تالين:انا عارفه ان الي جاي مش سهل بس انا معاك وجمبك كله هيعدي

نايف بحزن:هيعدي يا حبيبي ثقتنا في ربنا كبيره وربنا مبيخيبش ظن حد ابدا

قطعهم تخبيط علي باب الاوضه

تالين بسخريه:اكيد دي الست اريچ ام دم خفيف

نايف بضحكه بسيطه:تقريبا استني افتح الباب

تالين بحده:عندك اقف هنا وانا الي هروح افتح

راحت تالين تفتح الباب وهي بتعدل شعرها ولبساها

تالين بتفتح الباب بدلع:ايوه يا اريچ في حاجه؟

اريچ بغيظ:لا كنت عايزه نايف يجي يتفرج معايا علي الفيلم بتاعنا المفضل اصل كنا ديما نتفرج عليه سوا

تالين بتسند علي الباب الاوضه بدلع:لا اصل انا تعبانه شويه ونايف قاعد معايا استحاله يسيبني

اريچ بديق:وانتي يعني بتخافي تقعدي لوحدك عشان هو يفضل جمبك!؟

تالين بتعجب: تؤ تؤ صوتك عالي وبعدين انتي بتدخلي بين واحد ومراته ليه ما نقعد ما بعض براحتنا ولا حضرتك عندك مانع!؟

اريچ اتنرفزت ومشيت وسابت تالين بتضحك علي منظرها

دخلت تالين وقفلت الباب وهي بتضحك علي منظرها

نايف:ايه الي حصل؟

تالين بتريقه:المدلعه كانت عايزك عشان تتفرجوا علي الفيلم بتاعكوا المفضل

نايف:فيلم مين دي الي المفضل يختي؟

تالين وهي بتسرح شعرها:وانت بتسألني انا متسأل نفسك فيلم ايه المفضل؟

نايف:دي بتغيظ فيكي 

تالين بضحكه:دي هبله وانا من امتي بتغاظ

نايف: اسرحلك شعرك؟

تالين بطفوليه: هتعرف تعمل ضفيره؟

نايف بضحكه:اتعلم لأجل عيونك

تالين:…..