Uncategorized
رواية دار الأيتام الفصل الثاني والثلاثون 32 بقلم أميرة أسامة
رواية دار الأيتام الفصل الثاني والثلاثون 32 بقلم أميرة أسامة
 |
| رواية دار الأيتام الفصل الثاني والثلاثون 32 بقلم أميرة أسامة |
رواية دار الأيتام الفصل الثاني والثلاثون 32 بقلم أميرة أسامة
ليل…. تحبي تروحي مكان معين ولا اطلع انا على مكان.
ريما….عايزه اروح المكان بتاعنا يا ليل…
بصلها…ليل…
ليل…حاضر
وطلع بالعربيه…..
……..
وصل جاسر. ادام البيت…
حمدالله على السلامه..
زهره…شكرا ياجاسر تعبناك…
جاسر…تعبكم راحه….
جاسر….عشق مالك ساكته ليه…
عشق….لا ابدا مفيش بس مصدعه شويه…
شكرا يا جاسر
جاسر….على ايه بس.
نزلت زهره…وعشق…
جاسر هتروحو بكرة لنور
تمارا…ان شاء الله هتروح ولا لا…
جاسر….اه ان شاء الله هتروحو امته…
تمارا….يعني هننزل بعد العصر بشويه..
جاسر…تمام..يلا اطلعو واول ما تدخلو طمنوني
تمارا… تمام… وانت لما تروح طمني..وخلي بالك من نفسك عشان خاطري…
جاسر…وهو بيغمزلها خايفه عليا..
تمارا…مش اوي????
جاسر…بقى كده طب مش هخلي بالي…
تمارا…خلاص خايفه عليك..اوي
جاسر…بحبك
تمارا…وانا بحبك اوي.
جاسر…طب يلا انزلي قبل ما اتهور…واعمل حاجة هموت واعملها..
ضربته تمارا…على كتفه…قليل الادب …فتحت الباب ونزلت…فضل جاسر يضحك عليها…
تمارا…يلا بااي.
جاسر…اطلعو يلا وطمنيني اول ماتطلعي عشان امشي.
تمارا…حاضر…
دخلت تمارا للبنات…وركبو الاسنسير وطلعو…ودخلو الشقه وقفلووو وكلمته تمارا. طمنته ومشي…..
………..
ادم….مساء الخير..
سهام…مساء النور يا حبيبي حمد الله على السلامه..
ادم… باس ايدها الله يسلمك يا امي..عامله ايه.
سهام…الحمد لله ياحبيبي.
نوح…ازيك يا امي وباس راسها…
سهام…بخير يا قلبي…
راحو اعدو
نوح…نور. عامله ايه…
سهام…صحتها احسن. بس نفسيتها وحشه اوي يا نوح…
نوح…شوفتوا الحلقة..
سهام..اه شوفناها…..بس بردو هي مش تمام اوي..
نوح…وهو بيتنهد بحزن.ان شاء الله خير.
سهام…امال فين ليل..
بص..نوح وادم لبعض.
سهام…في ايه بتبصو لبعض كده ليه ليل كويس
ادم….بخير يا امي الحمد للله
سهام…امال في ايه مالكم…
نوح….ليل. مع ريما يا امي…
سهام….ايييه ريما..ازاي…
ادم…جاتله الشركه وخدها وطلع بيها..
سهام…يعني ايه جاتله ويعني ايه خدها وطلع بيها اتجنن ده ولا ايه…
نوح…اهدي يا امي…من فضلك
سهام…اهدى ايه وزفت ايه…اخوكم هيموتني قريب بعمايله دي احنا مش كنا خلصنا من ريما دي ..ازاي ليها عين ترجع وازاي يوافق اصلا يديها وش..بدل ما يرميها بره يخرج معاها…
نوح…بعد الشر عنك يا ست الكل…متقوليش كده..
سهام….رجعت ليه وراح معاها فين.
ادم…ولله يا امي ما نعرف ده اللي حصل جاتله وخرج بيها واتعصب علينا لما سألناها نفس السؤال ايه اللي جابك مسكتش واتعصب وجه ادامنا كلنا خدها من اديها وخرج بيها..
سهام…ده اكيد حصل حاجه في عقله انا لازم اكلمه يجي فورا…ومسكت الموبايل..
نوح…استني بس يا امي ..
ادم…عشان خاطري انا بلاش اكيد هنعرف منه هي عايزة ايه بس خليه لحد ما يجي…
سهام….ازاي ازاي بعد كل اللي حصل ده يوافق اصلا يبص في وشها…
ادم…محدش عارف ليل بيفكر ازاي انتي هتوهي عنه يعني يا امي…انتي عارفه ليل دماغه محدش يعرف فيها ايه…
سهام…سترك يارب احنا مصدقنا ابتدا يتحسن هترجع تظهر في حياته تاني..
نوح….صلي على النبي كده ياامي واهدي واكيد هنسأله ونعرف منه…
سهام…عليه الصلاه والسلام….قومو يلا حبايبي غيرو هدومكم لحد ما احضر العشا…
نوح…ماشي يا امي انا هطلع اشوف نور…
سهام…هات نور معاك انا قولتلها تنزل تتعشى معانا ووافقت..
نوح…حاضر يا امي..
وطلع نوح وادم…
خبط…نوح…على الباب….ومكنش في رد..
فتح..الباب…مكنتش في الاوضه… بس اطمن لما سمع صوت مايه جاي من الحمام….
اعد…نوح بتعب… على السرير…وسند راسه.. لحد ما تخرج…
فات حوالي عشر دقايق…خلصت نور… شاور وكانت لابسه بچامه بيتي مرسوم عليها اشكال ديزني فتحت…نور الباب…واتخضت اول ما لمحت… نوح.. اعد على السرير…لكن تنحت اول لما شافته نايم وهو اعد وساند راسه على السرير…صعب عليها خصوصا انه صاحي من بدري راح عمل بلاغ ورجع خدها وراح الجامعة ورجعها وراح على الشغل وبعدين راح صور ورجع تاني على الشغل …
حست انه مرهق بجد…وشكله لوحده كان بيأكد كده…فضلت واقفه بصاله من بعيد. ملامحه وحشتها كل حاجه في وحشتها…ثواني…وراسه فضلت تتزحلق براحه لتحت…وفجأه فاق نوح. وعدل نفسه لمح نور واقفه ادامه بتبص عليه. واول ما عينها جت في عينه… بعدت عينها بسرعه ..
نوح…ازيك. يانور…اسف. يظهر اني روحت في النوم…وانا مستنيكي تخرجي…
نور…..مش بترد…
اضايق نوح انها مردتش عليه لكن من جواه كان مبسوط انها واقفه ادامه بشعرها ولبسها من غير ما تلبس ادامه حس ان عالاقل في امل…مشي…نوح… ناحيه الدرسينج…طلع غيار .ليه..و.خرج… راح من سكات على الحمام ياخد شاور….
اعدت…نور…على حرف السرير… وهي سرحانه…ومضايقه…من الفجوه الكبيره اللي حصلت بينها وبين نوح…مسكت نور الفرشه..وفضلت تمشي الفرشه على شعرها بشرود….
خرج…نوح بعد مده بسيطه…كان لابس تيشرت اخضر فاتح وبنطلون اسود…كان شكله يجنن..خرج…اتسرح…ورش من البرفيوم بتاعه….
واعد على الكنبه…مسك موبايله. واتصل بجاسر…كل ده تحت نظرات نور…
جاسر…ايه يانوح
نوح…روحت..
جاسر…داخل على الڤيلا خلاص… انت فين و في جديد بخصوص ليل…
نوح….روحت…اه من شويه….ومفيش جديد لا كلمته ولا كلم حد فينا…
جاسر…انا كمان مكلمتوش ولا طايق اكلمه بعد اللي عمله….
نوح….انا مش مطمن يا جاسر.
جاسر…ومين سمعك ربنا يعدي اليومين دول على خير. كل يوم مفاجأه…الواحد زهڨ…
نوح…ربنا يسترها… المهم قربت انا اصلا بتصل عشان اطمن عليك…
دخل جاسر الڤيلا…اه انا وصلت خلاص ودخلت الڤيلا اهو.
نوح…..طيب كويس..يلا ادخل انت بقى
جاسر…تمام لو حصل حاجه قولي..
نوح….ماشي تمام…يلا سلام…
جاسر…سلام…..
قفل جاسر مع نوح. مسك موبايله واتصل على تمارا…
تمارا…الووو.
جاسر…ايه ياحبيبي..انا وصلت خلاص.
تمارا…طيب الحمد لله..
جاسر…مالك قلقانه كده ليه بس
تمارا…انا فعلا قلقانه..
جاسر…لا ياحبيبي متقلقيش احنا اتفقنا نخلي بالنا بس مش لدرجه القلق والتوتر…
تمارا…ربنا يستر….انت جوه الڤيلا خلاص.
جاسر…اه انا فالجنينه وداخل اهو بس قولت اكلمك على طول عشان مطولش عليكي اكتر من كده وتقلقي…
تمارا…طيب يلا ادخل بقى
جاسر…ماشي ياقلبي يلا روحي كلي حاجه وانا هاخد شاور واكل واكلمك..
تمارا…تمام. هستناك باي..
جاسر…باي ياحبيبي….
ودخل جاسر…الڤيلا…
……. فضل نوح اعد. عل الكنبه…بعد ما قفل مع جاسر… مش باصص لنور ولا بيتكلم..
وهي… اعده على السرير سرحانه ماسكه الفرشه في ايدها وباصه على الارض..
قام…نوح. وقف.مرة واحدة..بص ناحية نور بسرعه وبعد عنها تاني…
نوح….نور…العشا جهز وماما بتقول انها قالتلك تنزلي تتعشي تحت لو مش حابه او مش قادرة هخلي الشغاله تطلعلك العشا هنا…
نور….لا انا هنزل..
نوح…تمام…طيب يلا عشان تنزلي معايا..
قامت…نور. وقفت…واتحركت ببطئ.
نوح…استني هنا…انتي رايحه فين
نور…وهي بصاله بغضب…مش قولت هننزل تحت.
نوح…ايوة انا قولت هننزل تحت بس انتي نازله بمنظرك ده…
انتبهت…نور على لبسها… اللي ماسك عليها… وشعرها…
بس حبت تضايق نوح…
نور…ماله منظري..
نوح…بغضب…انتي بتتكلمي جد ولا بتحاولي تستفزيني..
نور…انا مش ههزر معاك واصلا مليش دعوه بيك عشان استفزك…
نوح…نووور اتعدلي وبلاش تستفزيني اكتر من كده
نور…انت عايز ايه.
نوح…عايزك تغيري اللي انتي لبساه ده…
نور…اغيره ليه عاجبني..ولا جنابك شايف ان شكله مش حلو
نوح…عاجبك انتي مش عاجبني انا…وايوة شايف شكله مش حلو الظاهر حضرتك مخدتيش بالك ان في هنا رجاله معاكي في البيت…وبعدين انتي نازله ازاي من غير طرحتك…هي هبت منك ولا ايه
نور…من فضلك وطي صوتك.. وبعدين انت ملكش دعوه بيا اصلا البس ايه وملبسش ايه دي بتاعتي مش بتاعتك اغطي شعري ابينه بردو بتاعتي شئ ميخصكش
قرب منها نوح…بغضب ومسك ايدها بعنف…..انتي كلك على بعضي كده بتاعتي. انا اللي اقول تلبسي ايه ومتلبسيش ايه مش انتي.
انتي تنفذي وبس انتي فاهمه وقسما بالله يانور اسمعك تقولي الكلام ده تاني هتكرهي نفسك من اللي هعمله فيكي وشعرك ده لو شفت منه خصله بس. يوم مش هيبقى فايت…طول ما ادم وليل موجودين. لا اشوف جسمك ولا اشوف شعرك…
نور….انت مالك بيا اصلا انت فاكر نفسك هتتحكم فيا تبقى بتحلم. وبعدين انا حره وبمناسبة شعري انا هريحك خالص. انا قررت اني هقلع الطرحه خالص…
نوح….مسكها نور. اكتر من ايدها…
صرخت نور..بوجع….
نوح…بتقولي ايه. سمعيني كده تاني تقلعي الطرحه…بصي يانور… واضح. ان التعب اللي انتي تعبتيه مأثر على دماغك وانا مش هتكلم معاكي غير لما تفوقي كده عشان وقتها لو نفس الكلام ده اتعاد وديني يا نور… هتزعلي مني بجد…
نور…انت فاكر انك جوزي بجد واني هسمع كلامك. انت جوزي مؤقتا فاهم. يعني على الورق وشويه وهبعد عنك وارتاح منك.
نوح……الكلمه وجعته اوي بس محبش يبين
حتى لو مؤقتا. بس بردو انا جوزك ومن هنا لحد ما ترتاحي مني يانور. تنفذي كل حاجه بقولها مفهوووم..تروحي تغيري هدومك وتلبسي طرحتك…بسرعه.
نور…بصتله. بغضب…وراحت على الاوضه طلعت بنطلون چينز وتيشرت.. بكم. ولبست عليه طرحه. وخرجت……
بصلها نور وكأنه بيتفحصها. من فوق لتحت… وفتح الباب…نزلت نور ادامه بغضب…ونزل وراها…
……..
سحب..ليل الكرسي..لريما…
ليل…اتفضلي…
اعدت ريما عالكرسي…واعد ليل ادامها….
ليل…تحبي تشربي ايه..
ريما….عادي اي حاجه..
ليل….نادي الويتر…
الويتر…تحت امر حضرتك…..
ليل…عايز قهوه مظبوط..وعصير فراوله
الويتر…حالا الاوردر هيكون جاهز.
ليل…شكرا…
ريما….لسه فاكر اني بحب الفراوله..
ليل…اكيد…
ريما…شكلك متغيرش خالص ياليل. مفيش حاجه اتغيرت فيك غير ملامحك ونظرتك..
ليل…ودول اتغيرو ازاي..
ريما…يعني. ملامحك بقت جد. وجامدة…نظراتك بقت حادة..
ليل…وده احسن ولا اوحش..
ريما…مش حكايه احسن او اوحش…بس الاول كنت اهدى ملامحك ونظراتك فيهم هدوء. الوقت بقيت تخوف شويه..
ابتسم…ليل…مش يمكن انا كنت كده وانتي اللي مكنتيش واخده بالك.
ريما….استحاله
ليل…انتي كمان متغيريتيش .شكلك زي ماهو..وفضل باصصلها شويه…رجعتي ليه يا ريما؟؟ايه اللي رجعك بعد 3 سنين..
ريما….عشانك ياليل…
ليل….عشاني انا…
ريما…ايوه عشانك انت…ايه مضايق اني رجعت..
ليل…بالعكس…بس مستغرب رجوعك وبعدين انتي جيتي امته من سويسرا..
ريما.يعني. من فترة كذا شهر…
ليل…فين جوزك..
ريما…لا ما انا انفصلت من سنه تقريبا وفضلت هناك شويه كنت بصفي شغلي عشان ارجع..بس بعد الانفصال بشهر.. اتوفى واتفاجأت انه كان كاتب كل ثروته بأسمي.. فأضطريت اني اعد الفتره دي عشان اصفي اي حاجه ليا هناك…وقررت اني اجي هنا وابدأ من جديد في مصر…
ليل…واضح انه كان بيحبك ..
ريما… اكتشفت ده بعد ما مات…
ليل…وقبل كده مكتشفتيش.
ريما…لا كنت عارفه انه بيحبني بس مكنتش اعرف انه بيحبني لدرجة انه يكتب ثروته بأسمي…
ليل…وعملتي بزنس هنا ولا لسه..
ريما….في الحقيقة لسه…بس طبعا مقررة هعمل ايه…
ليل…وناوية على ايه بقى…
ريما…يعني.نفس النشاط اللي كان في سويسرا…هفتح مصحه تجميل متكامله…
ليل…يعني ايه..
ريما…يعني هي فكرتها جديدة بس اكيد معروفه ..الشخص اللي بيدخل بيفضل في المصحة مده 10ايام 20يوم شهر وممكن اكتر والمدة بتتحدد على حسب اللي هو محتاجه… بيدخل شخص بيخرج شخص اصغر من سنه 10سنين. صحيا وجسديا حتى المظهر الخارجي. وبيتعمل جلسات نفسيه يعني لو حد عنده اضطرابات مأثره على شكله ملامحه بيعاني من مشكله بيأعد معاه دكاتره نفسيين بيظبطوه خالص لو في سلوك مش حلو مش حابه في نفسه بيتعمله تعديل سلوك. يعني باختصار اللي بيدخل بيخرج واحد تاني خالص…من جوه ومن بره
ليل…حلو ده على كده انا هكون اول كلاينت عندك…
ريما..بابتسامه…ياسلام احنا نطول ليل باشا بنفسه يشرفني…بس انت عايز. تصغر اكتر من كده. انت سنك مش باين عليك..
ليل…لا ما انا محتاج الجزء بتاع من جوه ده اوي…
جه..الويتر وحط القهوه والعصير ومشي..
ليل…بس بردو انا معرفتش انتي رجعتي ليه ياريما خصوصا انك بتقولي انك واصله مصر من كذا شهر اشمعنى ظهرتي الوقت…
ريما…انا من ساعة ماجيت. كنت بدور على المكان…المناسب لشغلي. يعتبر كل حاجه خلصانه حتى الموظفين اللي هيشتغلو ولقيت المكان…يمكن من يوم ما جيت وانا بفكر فيك بس مكنتش قادرى اخد الخطوة دي… لحد يعني ما شوفت اخبار الفترة اللي فاتت وشوفتك..انهرده في التلفزيون….لقيت نفسي بلبس بعد نهاية الحلقة وجيالك..كنت خايفة الاقيك مش في الشركة لاني مكنتش هقدر اجي البيت انت عارف…
بس الحمدلله لقيتك…لما شوفتك في التلفزيون مقدرتش امنع نفسي اني اشوفك في الحقيقة ياليل…كنت حاسه انك مضايق وحسيت اني لازم اقف معاك…يمكن ده يكون مضايقك بس انا مقدرتش معملش كده…
ليل…مين قالك اني مضايق.
ريما..بابتسامه يعني مبسوط. انك شوفتني..
ليل…خد نفس بحزن…چدا وياريت كنت شوفتك من يوم ما جيتي…
ريما…اشمعنى.
ليل…مش عارف… صدقيني.. بس انا الفترة دي تعبان اوي
ريما…لسه. زعلان من اللي حصل زمان ياليل..؟؟؟
ليل….بحزن….اوي يا ريما.. اللي حصل زمان عمري ما نسيته ولا عمري كنت كويس من بعده…اوقات كتير بحاول اقنع نفسي اني كارهك بسبب اللي عملتيه فيا… بس مبعرفش…
يمكن…لو كان حد سألني قبل ما اشوفك انهرده بثواني…وقاللي لو ريما رجعت هتعمل ايه..
كنت قولت هقتلها… بس لما شوفتك مقدرتش اعمل اي حاجه غير اني باخدك من ايدك وبمشي بيكي…وحشتيني يا ريما…وحشتني بنوتي الصغيرة اللي كنت بلف بيها في كل مكان…وكأنها توأمي اللي لا يمكن امشي من غيره…
ريما…بدموع…انت كمان وحشتني اوي ياليل…كنت واثقه من ان رد فعلك هيكون غير كده خالص كنت عارفة انك هتثور وتتعصب وتغضب ومع ذلك مقدرتش مجيش اشوفك… بس انت خالفت كل توقعاتي ياليل…
ليل…بلاش دموعك دي ياريما… ومش يوم ما هشوفك بعد كل الوقت ده اشوف دموعك…ومد ايده مسك ايدها باسها…انا مش عارف اعمل ايه اخدك في حضني زي زمان اقتلك عاللي وصلتينا ليه.. صدقيني مش قادر اعمل اي حاجة من بعد ما شوفتك .
ريما…سامحني ياليل… اللي حصل زمان كان غصب عني والله العظيم عمري ما قصدت اني اوجعك…يمكن غلطت بس كنت عيله مكنتش فاهمه بعمل ايه ولا بتصرف ازاي…
بعد ما سبتني ياليل…اترجيت احمد انه يتقدملي بس رفض وبعدها اختفى…بعد ما اهلي عرفو حياتي بقت سوده ومع اول عريس اتقدملي اهلي وافقو عليه…وطبعا عملت عمليه عشان متفضحش…وفعلا اتجوزته وسافرت.معاه. وكل اللي اعدتهم معاه سنه ونص. وكان دايما في خلافات بينا…هو كان طيب بس كان اهم حاجه عنده شغله طول الوقت في شغل كان مهمل معايا جدا مكنش بيهتم بيا خالص. بقيت اقارن كل حاجه بتحصل منه بيك…كنت دايما معايا وفي الاخر قررت اني لازم انفصل وفعلا انفصلت وقولت هخلص كل حاجة خاصة بيا هناك وانزل كان ليا نفس الشغل ده هناك… كانت الحاجة الوحيده اللي تقريبا مسلياني وحبتها في سويسرا…ولما قررت انزل اتفاجأت انه مات..وكتب كل فلوسه بأسمي…فضلت هناك شهور تاني لحد ما كل حاجه خلصت ونزلت..من كذا شهر ومن يوم ما نزلت وانا مش بعمل غير حاجتين اني افكر فيك واني ادور على مكان لشغلي…
وانهرده بعد ما شوفتك اقدر اقول اني حققت الاتنين…
ليل…وهو مبتسم نورتي مصر ونورتي حياتي من تاني ياريما…
ريما…ابتسمت
ليل…هتبتدي شغلك امته
ريما…المكان لسه المفروض هيتبني… وصراحه دي حاجه انا لسه مش فاهمه فيها خالص…
ليل…متحمليش هم…سبيها عليا..
ريما…يعني ايه
ليل…انتي ناسيه…ان التأسيس ده شغلي ولا ايه…
ريما…لا طبعا مش ناسيه
ليل…خلاص يبقى سبيها عليا..ومن يوم السبت ياستي هنبتدي شغل على طول…وهاجي انا بنفسي اشوف المكان…قبل ما نبدأ فيه رمي الاساس..
ريما…بجد????
ليل…بجد..
ريما…طيب ممكن بقى توصلني عسان متأخرش..
ليل…على الڤيلا
ريما…لا انا مش اعده مع مامي وبابي انا اعده لوحدي…
ليل…طيب تمام يلا
قام ليل وريما… وركبو وبعد مده بسيطه…وصلها ليل للڤيلا بتاعتها….
ريما…ميرسي ياليل بجد
ليل…على ايه بس..ريما انا عايز رقمك..
ريما…مسكت موبايلها ورنت على موبايل ليل…
ليل..باستغراب… رقمي لسه معاكي ياريما…
ريما..رقمك عمره ما اتمسح ولا هيتمسح يا ليل..
ليل…مسك ايدها وباسها… مبسوط انك رجعتي واني شايفك من تاني..
ريما…انا مبسوطه اكتر منك بكتير …
ليل… هشوفك يوم السبت..
ريما… ان شاء الله… انا رايحه بكره المكان وهبعتلك من هناك اللوكيشن. وانت يوم السبت تيجي على هناك على طول..
ليل…تمام انتي بس عرفيني المعاد وهتلاقيني عندك..
ريما…ماشي…
ليل…يلا ادخلي بقى عشان الوقت ميتأخرش اكتر من كده.
ريما..حاضر…خلي بالك من نفسك وسوق براحه بلاش جنان..
ابتسم ليل…. حاضر هسوق براحه وهبطل جنان…
ريما…باي.
ليل…باي…
وفضل ليل واقف لحد ما دخلت… ودور عرببته بسعاده. وطار على الڤيلا بتاعته….
………..
سهام….كملي اكلك يا نور.
نور…شبعت والله ياطنط.
سهام…شبعتي ايه بس انتي مكلتيش كويس وبعدين انتي ناسيه انك لازم تاكلي كويس زي ماقال الدكتور
نور…والله كلت الحمد لله تسلم ايد حضرتك…
ادم…بابتسامه عامله ايه يانور احسن
نور…بابتسامه بخير الحمد لله يا ادم…
ادم…مش كفايه دلع بقى ويلا شدي حيلك عشان ترجعي الشغل…زهره محتاسه بيني انا ونوح…شايله شغلك وشغلها
نور…انا كمان الشغل وحشني اوي انا هنزل يوم السبت .
نوح..كان اعد يهز رجله ومتغاظ انها بتتكلم مع ادم بس كان ساكت. لكن كلمتها… خلته اتكلم…
نوح…شغل ايه اللي هتنزلبه يوم السبت انتي محتاجه ترتاحي…
نور…وهي مش بصاله… انا كويسه
نوح…لا مش كويسه يانور… انتي محتاجه تأعدي شويه كمان وبعدين اصلا انتي مش هتنزلي شغل غير بعد الامتحانات امتحاناتك ناقصلك عليها اسبوعين…
نور…انا عارفه انا بعمل ايه كويس… وبعدين مين قالك اني ناويه اروح الامتحان…
نوح…نعم اللي هو ازاي يعني..
نور….زي ما سمعت مش ناويه اروح…
نوح…بعصبيه…هو ايه اللي مش ناويه…
بصتله نور بغضب عشان زعقلها بصوت عاللي ادامهم.
سهام…نوووح…وطي صوتك وانت بتتكلم…
نوح…انتي مش سامعه يا امي كلامها…
سهام…ليه يانور مش عايزه تروحي عايزه تضيعي سنه عليكي
نور…مش مهم يا طنط انا مش مستعده خالص للامتحانات حاسه ان كل حاجه ذاكرتها مش بس السنادي كل السنين طارت من دماغي…ولو دخلت مش هقدر احل وهعيد السنه فا هي هي مش فارقة كتير.
سهام…لا طبعا فارقه وبعدين مين قال ان اللي انتي ذاكرتيه طار من دماغك. انتي بس عشان مضغوطه بس لو ذاكرتي هتفتكري كل حاجه تاني.
نور …معتقدش يا طنط خصوصا اني مش هقدر اصلا اروح الجامعة..
ادم….لا هتقدري يانور..ولازم تقدري ولازم تتحدي نفسك ولازم تقفي على رجلك وتبيني للكل ان مفيش حاجه تقدر تأثر فيكي…وبعدين انتي ناسيه ان ده حلم عم محمد ولا ايه…
نور…عارفه ان حلمه اني اخلص دراستي ودي كانت حاجه هتفرحه..بس هو مش موجود خلاص ..
نوح…بس حاسس بيكي وهتدخلي الامتحان يا نور…ومن بكره هترجعي تذاكري تاني ولو محتاجه احسن دكاتره في كل ماده عندك. يشرحولك وينجزو معاكي هجبهملك بس هتدخلي الامتحان…
نور….شكرا… مش محتاجه حاجه
نوح….انا مبعزمش عليكي بعصير. على فكره واللي قولته هيتعمل…
بصتله نور… بغضب…..ورجعت بصت لسهام وادم…معلش يا طنط انا هطلع ارتاح… بعد اذنك بعد اذنك يا ادم…
وطلعت .. وسابتهم… ونوح بيطلع شرار من عينه…
سهام…عاجبك كده انت يا ابني مش هتتغير هتفضل متسرع وعصبي كده…
نوح…مش شايفه طريقتها..
ادم…اهدى عليها يانوح شويه… وبعدين يا اخي راعي اللي هي فيه… انت مش قادر تستوعب اللي حصل ولا ايه يانوح…
نوح…لا قادر بس اللي حصلها ده حصلي انا كمان معاها ومأثر عليا زي ما هو مأثر عليها..ليه بقى بتحملني المسؤوليه
سهام….بعصبيه… هي مش بتحملك المسؤوليه يا نوح نور شيفاك انت السبب في كل اللي حصلها ..وهي معذورة ومهما حلفت وقولت هي صحيت لقيتك جمبها افهم بقى اللي هي بتمر بيه صعب…لازم تقدره…
نوح…سكت….عارف ان سهام كلامها صح…
ادم…نوح عشان خاطري اهدى ولو حصل ايه متحاولش تتعصب..وتقبل منها اي حاجه لحد ما اللي حصل ده يبانله اخر متحاولش تبوظ اللي فاضل يانوح… خدها براحه وبالهداوه. عارف انك مشدود ومضغوط بس اللي انت فيه برده مش زي اللي هي فيه سايسها يا اخي… لكن متبوظش اللي باقي..
سهام…اسمع الكلام يا ابني ربنا يهديك.. نور بتحبك اوي هي بنفسها قالتلي الكلام ده…قالتلي انها مش قادرة تكرهك. بس بالعقل بردو مش هتيجي تترمي في حضنك يانوح اللي مرت بيه صعب. ومهما كانت بتحبك وواثقه فيك هي ليها باللي صحيت وشافته..فاهمني يا نوح. نور مشوشه الوقت احاسيسها متخبطه. خدها براحه زي ما ادم قالك..
نوح…وهو بياخد نفس بقلة حيله ولانه عارف ان اللي بيقوله ده صح…حاضر. حاضر يا امي..
ادم…متقولش حاضر وترجع تتعصب احنا قولنا عايزين طولة بال..
نوح…حاضر. يا ادم…هعمل كده…انا هقوم بقى..عشان مش قادر هطلع انام
ادم…ايوه انت من الصبح وانت بره اطلع ريح يلا..
سهام…هما البنات جايين بكره.
نوح…قالو جايين اه.
ادم…ايوه يا امي هيجو عشان يشوفو نور…وبعدين بكره احنا اجازه فا هيجو يأعدو معاها شويه.
سهام…ان شاء الله…
نوح…يلا تصبحو على خير…
ادم…انا كمان هطلع معاك…مش هتنامي يا امي..
سهام…وهي بتبص بغموض… وليل هو اللي في بالها..لا انا شويه وطالعه.
ادم…تصبحي على خير…
سهام…وانت من اهل الخير يا حبيبي.
نوح…تصبحي على خير يا امي..
سهام…وانت من اهل الخير يا نوح…
طلع ادم ودخل اوضته. ودخل. نوح. الاوضه من غير ما يخبط…لقى نور…غيرت هدومها… دخل من غير ما يكلمها…
راحت .. اعدت على السرير…
نوح…عشق وزهره وتمارا هيجو بكره. عشان يشوفوكي ويأعدو معاكي.
نور…طيب
ولع نوح.سيجاره… واعد على الكنبه
فضلت مراقباه من بعيد وهو مش باصصلها…خلص سيجارته…وسند دماغه وهو اعد على الكنبه بارهاق شديد…وغمض عينه…دقيقة وكان نوح… نايم وفي دنيا تانيه..
فضلت نور بصاله وصعبان عليها نومته دي..والكنبه صغيره مينفعش ينام عليها عشان طويل..
فضلت…نور…تفكر.تعمل ايه…
لحد ما هي نفسها راحت في النوم…
…………………….
تمارا…عشق… عشق.
عشق…هااا.في حاجه يا تمارا.
تمارا…انتي اللي في ايه…اعده تلعبي في طبقك ومش بتاكلي..ليه
عشق…لا ابدا سرحت شويه… بس انا شبعت اصلا الحمد لله…
تمارا…شبعتي ايه.. انتي كلتي اصلا
عشق…انا مش جعانه اوي والله
زهره…مالك ياعشق…
عشق.. مفيش يا حبيبتي انا كويسه بس مصدعه شويه محتاجه انام…
زهره…لا تنامي ايه… انهرده الخميس احنا مش هنسهر .
عشق…معلش يازهره… مش قادره والله محتاجه ارتاح. وبعدين احنا بكره هنروح لنور وناعد مع بعض براحتنا ونعوض اليوم ده…
تمارا…متبقيش رخمه بقى
عشق…معلش والله ما قادرة…
تمارا…ماشي حبيبتي
عشق…تصبحو على خير..
مسكت…تمارا ايدها…عشق. متأكده انك كويسه..
عشق…بابتسامه حزينه..اه والله يا تيمو هنام وارتاح وهصحى احسن.
زهره….ماشي يا قلبي يلا ادخلي نامي
عشق…تصبحو على خير.
تمارا…وزهره…وانتي من اهله..
….دخلت عشق الباب….وقفلت وراها بالمفتاح واول ما دخلت انهارت… وكأن كان في حاجه على رقبتها بتخنقها ومحتاجة تخرج منها….راحت على السرير.. وفضلت تعيط مسكت صورته بايدها… ونامت وهي في حضنها.من كتر ما تعبت من العياط…..
……..
تمارا….عشق… مضايقه اوي
زهره… شكلها باين من واحنا في الشركة اصلا..
تمارا…طيب هنفضل ساكتين كده
زهره…احنا في ادينا ايه نعمله..
تمارا…معرفش بس هي صعبانه عليا اوي..ومش قادرة اشوفها كده..
زهره….عشق .حبت ليل..بس محدش فينا يعرف ليل حبها ولا لا حتى هي نفسها متعرفش..
تمارا…ايوه بس ليل باين عليه انه بيحبها.. انتي
مبتشوفيش.. طريقته معاها هي بالذات عامله ازاي…
زهره…بس بردو احنا منعرفش هو ليه مشي مع اللي اسمها ريما دي ..
تمارا……معرفش بس واحد يكتشف ان اللي هيتجوزها تعمل كل ده المفروض لو مقتلهاش يفضل كارهها العمر كله..مش يشوفها ويتكلم معاها عادي ويجي ادامنا وياخدها من ايدها ويخرج بيها…صراحه نزل من نظري…بعيدا عن عشق يعني
زهره…هو تصرفه حقيقي غريب بس بردو هما بيقولو انه كان بيعشقها…واللي بيحب ياتمارا… مستحيل يكره…
عشق….معرفش بقى… انا مش هاممني اي حاجه الوقت غير عشق.
زهره…فعلا. بس متقلقيش عشق قوية ومش صغيرة وهتعرف تتحكم في نفسها وتسيطر على مشاعرها…
تمارا..ابتسمت
زهره…بتضحكي على ايه..
تمارا…من يوم ما خرجنا من الدار.. وانا كنت شايله همك اكتر ما كنت شيلاه في الدار… وفعلا لما خرجنا كنتي خايفه اوي لحد من بعد ما اشتغلتي في محل خان الخليلي…
ابتديت احس انك ابتديتي تتأقلمي شويه…
ومن بعد وفاة بابا محمد وانا حاسة فيكي بتغيير عمري ما اتخيلت انك توصليله… طريقتك شخصيتك كلامك كل حاجه…اتغيرت…انا حتى مش مصدقه اني بقولك انتي الكلام ده يا زهره…حساكي واحدة تانيه غير زهره اللي اعرفها.. واحده مختلفه وكأنك مولوده بشخصيتك دي… يمكن لو حد سمعني هيقول اني ببالغ في وصفي ليكي مابين شخصيتك الاولى وشخصيتك الوقت بس دي حقيقة فعلا وبيتهيألي ان مفيش تشابه غير في اسمك وبس…انا اللي بقوله ده صح ولا غلط..
زهره…صح وصح جدا كمان.. انا نفسي مستغربه نفسي ياتمارا…وكل ما افتكر اني كنت زمان بالضعف ده أكره نفسي اوي..كل ما افتكر اللي كان بيحصل فيا فالدار واسكت من كتر ما انا خايفه. احس اني بقوى اكتر…
تعبت يا تمارا من الضعف.. تعبت من الخوف تعبت من الظلم تعبت من حاجات كتير اوي…عارفه يوم ما الولاد دول اتهجمو علينا…لما ضربت ولد فيهم بالسكينه انا مش بس كنت بضربه.. عشان يبعد عني. او صحابه يخافو ويبعدو عن نور وعشق…
انا كنت. بضرب…كل حد في حياتي آذاني…
اهلي اللي رموني…في الشارع…
حنان…والكلاب اللي كانو معاها…
بضرب ظلم وعذاب وكسره وقهره…
انا فعلا اتغيرت ياتمارا….
بقيت واحده تانيه…حاسه اني مش عايزة اعمل اي حاجه غير اني اشتغل وانجح واثبت نفسي واخد شهادتي وبس…
حتى اني ارتبط بشخص مش قادرة اعمل كده ولا هقدر ولا بيتهيألي اني هحط حاجه زي دي في حساباتي..
حاسه. اني مش هقدر اعمل كده…
تمارا…ليه بتقولي كده بس يا زهره…انتي الف حد يتمناكي وادام قررتي انك تكوني قوية وتتغيري يبقى لازم تحبي وتعيشي وتعملي حياة..
زهره….انا هقولك على حاجه بس من بعد ما هقولهالك انسيها ومتحاوليش تفتحيها معايا تاني..
تمارا.. قولي يازهره….
يمكن…اكون…انا اول واحده فيكم حسيت باعجاب….ويمكن مع الوقت كبر وبقى ارتياح وامان مع الشخص ده… بس انا من جوايا رفضت الفكره نفسها..
تمارا….تقصدي ادم صح…
زهره…اشمعنى ادم…
تمارا…معرفش بس حسيت…
ويمكن…محستش منك انتي انا حسيت منه هو…انا كتير بحسه مركز معاكي بس عشان انتي مكنش بيبان عليكي كنت بكدب نفسي واقول عادي يعني مفيش حاجه…
بس انا مش فاهمه ليه بتعملي كده يازهره…يمكن ادم يكون احسن واحد فيهم طيب وحنين ومؤدب جدا ومحترم… بحسه في منك لايق عليكي…ليه لا يازهره..ليه بتقولي انك رفضتي الفكرة…
زهره…… عشان مش هينفع يا تمارا… ونزلت دموعها
تمارا…ليه ليه مش هينفع….
زهره… عشان من يوم ما شوفت ادم وحسيت اني بحبه… وانا خايفه اتعلق بيه…..رافضة الفكرة من ادم او من غيره عشان خايفه ياتمارا… خايفة اورث قلب امي وابويا… خايفه يبقى عندي نفس جحود قلبهم خايفة اكون قاسية على ولادي. وخايفه من الچينات المشتركه بيني وبينهم اتمنيت كتير لو يكون في حاجه اسمها اختبار للحنيه يا تمارا. عشان اقدر اعرف هكون رحيمه بولادي واحبهم ولا هعمل زيهم واسيبهم وامشي… خايفة معرفش اربيهم واكون حنينه عليهم لاني معرفش يعني ايه امومه ويعني ايه حنيه…عرفتي يا تمارا..انا رافضه ليه…
مسحت تمارا دموعها. اللي نزلت من كلام زهره…
مينفعش تفكري بالطريقة دي…ومش شرط يا زهره انك تورثي قساوة قلبهم انتي مفيش اطيب من قلبك… بصي يمكن الظروف اللي اتحطينا فيها خلت عند كل واحده فينا عقدة مختلفة بس مينفعش يازهره العقدة دي تأثر عليكي وفي نفس الوقت مش دايما يازهره فاقد الشئ لا يعطيه… بالعكس انتي المفروض تدي اللي اتحرمتي منه ويبقى نفسك يكونلك بيت وعيله وولاد تربيهم وتعوضيهم من اللي اتحرمتي منه وتعيشي معاهم طفولتك اللي معشتيهاش في وسط اهلك… وبعدين يا بت انتي هو انا وعشق مش اهلك.وكل حاجه ليكي
زهره…وهي بتمسح دموعها…طبعا. انتو كل حاجة في حياتي..
تمارا…فكي كده يازهره وعشان خاطري ادي لقلبك فرصه يعيش ويحب ويجرب…صدقيني ادم ابن حلال وهيصونك
بلاش تصديه. بلاش تتعاملي معاه على انه زي اخوكي او مجرد مدير في شغل
زهره….حاضر ياتمارا..
ورن…موبايل زهره…
زهره…????
تمارا..في ايه يابت مالك بلمتي كده ليه..
زهره…ده..ادم..
تمارا…طب قومي ردي عليه بسرعه
زهره…بس…
تمارا…انتي لسه هتبسبسي قومي يلا اتحرك يا ابو الهول…
قامت زهره… راحت على اوضتها…وفتحت الخط…
زهره….الوووو
ادم….الووو
زهره…ازيك يا ادم.
ادم….الحمد لله انتي كنتي نايمه.
زهره…لا انا صاحيه..في حاجه ولا ايه…
ادم….سكت. شويه..
زهره…ادم
ادم…معاكي
زهره…مالك با ادم انت كويس…
ادم…مش اوي…
زهره…في حاجه حصلت ولا ايه..
ادم…لا لا مفيش بس انا مش مظبوط شويه ولقيت نفسي بكلمك.
زهره…وانا موجودة انت ايه اللي مخليك مش مظبوط.
ادم…والله ما عارف بس لقيت نفسي مخنوق مش اكتر..
زهره….اكيد بسبب المشاكل يا ادم..
ادم….ممكن…بس اللي مضايقني اكتر اللي حصل انهرده…
زهره….تقصد على ليل..
ادم…ايوه..
زهره ..بص انا من بعد اللي اتقال ده وحكيتوه…بصراحه مش قادرة اعرف ليل اتصرف كده ليه..بس ليل مش صغير يا ادم وعارف بيعمل ايه..
ادم…عارف انه مش صغير… بس هو للاسف مش عارف بيعمل ايه..انتي مهما سمعتي مننا عن ليل وحبه لريما مش هتتخيلي ابدا…عارفه يا زهره…هقولك حاجه بس تفضل سر بيني وبينك.
زهره…طبعا يا ادم..
ادم…لما روحتي لعشق ولقيتك اتأخرتي روحت اشوفك خفت يكون في مشكله مع عشق او معاكي…
لما عشق…حكتلي هي عيزاكي ليه اعدت تحكيلي عاللي حصل من شاهي ..وفجأه ليل دخل علينا..
وحسيت..انه وشه اتغير عشان شافني اعد مع عشق..ومن كلامه كنت حاسس ان ليل بيغير على عشق…ومش بس انهرده…لا كذا موقف وكذا مره نتكلم وتيجي سيرة عشق.
ومش انا بس اللي حسيت بكده ..نو ح وجاسر كمان…
واحنا كنا متأكدين من احساسنا ده. بس بعد اللي حصل انهرده حسيت اني مش فاهم اي حاجه..
زهره…انا كمان عشق. صعبانه عليا اوي من ساعة ما جينا وهي في الاوضه حتى مكلتش. ومودها مش تمام خالص …
ادم…انا لاحظت انها كانت ساكته خالص في المكتب…
زهره….فعلا.
ادم….هي عشق في حاجه من ناحيتها لليل يازهره..
زهره…بارتباك…ااا لا يعني اقصد..
ادم….يبقى في.
زهره..بص انا مليش دعوة…هو مش بالظبط بس يمكن.
ادم…لا هو اكيد وواضح اوي كمان مش منها هي بس من ليل كمان.
زهره…طيب لما هو من ليل تفتكر ليه عمل كده..
ادم…والله ما عارف يا زهره..بس عموما انا اللي قالقني ان ليل. يحن لريما…
زهره…ربنا يستر ان شاء الله خير عموما هو مش صغير وفاهم بيعمل ايه وعايز ايه…
ادم….المهم هتيجي بكره..
زهره…اه ان شاء الله
ادم…خلاص هستناكي يلا بقى روحي نامي عشان متتعبيش.
زهره….انت هتنام…
ادم…انا عايز انام وفي نفس الوقت مش جايلي نوم.
زهره…بضحك عروستي..
ادم…بابتسامه…والله بتتريقي
زهره…طب قولي انت اللي هو ازاي عايز انام ومش عايز دي..
ادم…والله زهقان جدا بفكر اخرج اسهر…
زهره…الوقت. هتروح فين.
ادم…اه الوقت هروح اي مكان من اللي بنسهر فيهم
زهره…لا مفيش سهر خليك في البيت..
ادم…الله طب وانتي ايه اللي مضايقك بس
زهره…انا لا خالص بس الوقت اتأخر وبعدين ايه الاماكن اللي بتروحوها .
ادم..يعني نايت كلاپ في كافيه تحفه عالنيل كده يعني..
زهره….وهتروح ازاي لوحدك حتى الخروجه هتبقى وحشه
ادم…لا ما اكيد هلاقي اي حد اعرفه الكل سهران يعني.
زهره…اه قولتلي بقى يعني حاجة كده فيها بنات..
ادم…يعني
زهره…طيب????
ادم…ايه تيجي معايا
زهره…????انا لا طبعا الوقت متأخر وبعدين انا عمري ما روحت مكان زي ده وصراحه محبش اروح..
ادم….ليه بس
زهره…يعني حرام.
ادم…حرام..
زهره…اه حرام..وعلى فكره بقى انت كمان مش هتروح..????
ادم ..انتي شايفه كده..
زهره…اه.
ادم….وانا مش هخرج خلاص.
زهره…بجد????????????اقصد???? يعني طيب.
ادم….بابتسامه…شكرا يازهره
زهره…على ايه..
ادم…يعني عشان اتكلمت معاكي وخرجتيني شويه من الزهق والخنقه اللي كنت فيها.
زهره…بابتسامه…اي خدمه انا موجودة اي وقت واي وقت تحس انك محتاج تتكلم كلمني..
ادم…اكيد هعمل كده انا اصلا برتاح وانا وبتكلم معاكي.
زهره…باحراج…بجد ولا مجاملة
ادم…انا مش بعرف اجامل يازهره…وحقيقي برتاح وانا بتكلم معاكي والدليل اني كلمتك لما حسيت اني محتاج اتكلم
زهره….احممم. على فكره. انا كمان برتاح لما بتكلم معاك..
ادم…بجد…ولا بترديهالي
زهره…لا بجد والله العظيم..
ضحك. ادم على طريقتها..
ادم….طيب يلا روحي نامي بقى عشان ترتاحي واشوفك بكرة..
زهره…حاضر. وانت كمان نام
ادم…حاضر.
زهره…ومتخرجش.
ادم…حاضر..اي اوامر تانيه…يا برنسس
زهره…ابتسمت زهره مع نفسها بأحراج…لا كفايه عليك كده انهرده.
ادم….حاضر يا ستي…يلا تصبحي على خير.
زهره….وانت من اهل الخير…
ادم…سلام.
زهره…سلام..
……..
قفلت زهره وهي مبسوطه وضحكتها مش راضيه تفارق وشها…وكان نفس الحال عند ادم…
……….
تمارا…….كل ده
جاسر…..على بال ما خدت شاور وكلت. واعدت معاهم شويه…متأخرتش اوي يعني ياحبيبي.
تمارا….لا اتأخرت????
جاسر…طب حقك عليا..
تمارا…لا مخصماك. صالحني
جاسر…ياسلام بس كده اصالحك… وسعي كده خديني جمبك..
تمارا…بضحك….لا يا قليل الادب
جاسر…الله مش انتي زعلانه وانا مينفعش اسيب حبيبي زعلان لازم اصالحك….
تمارا…لا مش عايزه اتصالح خلاص..
جاسر….ضحك ..طب خلاص اصالحك ازاي..
تمارا…امممممم عايزة شوكلاته..
جاسر….بحب عيله…بزمتك ده صلح..
تمارا…اه انا بتصالح بشيكولاته عادي..
جاسر…ماشي ياستي عيوني ليكي احلى شوكلت. هتكون عندك بكره…بس اعملي حسابك انتي بتتصالحي بشوكلت…لما ازعل انا بقى هتصالح بالطريقه اللي ترضيني
تمارا…بضحك…يبقى هتفضل زعلان ياروحي..
جاسر…واهون عليكي.
تمارا…لا متهونش بس هتفضل زعلان ومش هصالحك.
جاسر…وهو بياخد نفس… بحبك يا تمارا..
تمارا…حست ان. قلبها بيدق جامد…وانا كمان بحبك اوي
جاسر….بقولك ايه…
تمارا…قول
جاسر…انا هعدي عليكو بكره نروح سوا
تمارا….طب ليه تعب عليك هنروح مع السواق..
جاسر…ياستي انا هكون مرتاح كده
تمارا…خلاص زي ما تحب..
جاسر…وانا بتحرك من الڤيلا هقولك عشان تجهزو…
تمارا…تمام..يلا بقى نام عشان ترتاح شويه
جاسر…مش هتاخديني في حضنك طيب…
تمارا…طب ما احكيلك حدوته قبل النوم بالمره..
جاسر….ياسلام…ده كده يبقى تمام اوي..
تمارا…اتلم يا جاسر ونام يلا
جاسر…ياساتر…طيب هنام..
تمارا…جاسر.
جاسر…نعم عايزة مني ايه????
جاسر…بحبك اوي
جاسر…بابتسامه. وانا بموت فيكي يا قلب جاسر…
تمارا…تصبح على خير.
جاسر…وانتي من اهلي❣️
ابتسمت تمارا على كلمته…..باي
جاسر…باي ياحبيبي..
…………………
فضلت سهام…اعده مستنيه… ليل يجي…الوقت اتأخر وهو كل ده لسه مجاش….كان جواها غضب منه وقلق وخوف عليه…طلعت موبايلها تكلمه…لكن ثواني ولقت الباب بيتفتح……
دخل ليل… وعلى وشه ابتسامه وسعادة
مساء الخير يا امي..
سهام…قصدك صباح الخير.
ليل…دخل ليل باس ايدها ايه اللي مسهرك يا امي..
سهام…مستنياك ياليل
ليل…ليه يا امي ودي اول مره اتأخر فيها بره..
سهام…لا مش اول مره …كنت فين ياليل…
ليل…ايه يا امي انتي كويسه.
سهام…هو انا لما اسالك كنت فين ابقى فيا حاجه…
ليل…لا يا امي طبعا…بس يعني اول مره تسأليني بس عموما كنت في مشوار مهم..
سهام…مشوار ايه..
…اعد ليل وهو بياخد نفس طويل…واضح من اسئلتك انك عارفه يبقى بتسألي ليه.
سهام…مش يمكن عايزة اتأكد اللي سمعته ده صح ولا لا..
ليل…..ايوه يا امي صح…كنت مع ريما…
سهام…بصاله بحزن…ليه يا ليل..
ليل…..هي جت وطلبت تتكلم معايا
سهام…وانت وافقت ياليل..وافقت بعد كل اللي حصل ده
طب ازاي قولي..ازاي. ياليل
ليل….عادي يا امي…مفيش حاجه حصلت مجرد مقابله
سهام…بغضب…لا مش عادي ياليل. ومينفعش يكون عادي…وصدقني ياليل..دي مش مجرد مقابله.
ليل…لا يا امي صدقيني مجرد مقابله ودردشه عاديه. مش اكتر
سهام…وهي بتقف…عشان تطلع اوضتها…صدقني انت ياليل. مش مجرد مقابله عاديه…ولا حتى دردشه لان مينفعش بعد ده كله يبقى في بينك وبينها كلام….وهقولهالك تاني ياليل صدقني مش مجرد مقابله انا ام…ياليل. وقلبي بيقولي انها مش مجرد مقابله…وراحت .لا دي هتتكرر. تاني وتالت ورابع…وبكره هأكدلك كلامي. وشك وملامحك وابتسامتك اللي مفارقتش وشك من ساعة مادخلت بيأكدو كلامي بس صدقني ياليل لو حصل وريما رجعت لحياتك تاني اعتبر وقت دخولها هو وقت خروجي انا من حياتك….
وسابته ومشيت….
خد ليل نفس طويل بحزن…وفضل اعد مده طويلة لحد ما النهار طلع..وطلع اوضته… خد شاور ونام….
…………
في صباح يوم جديد…
صحيو ابطالنا….
وصحيت…نور…من نومها… كانت الساعه حوالي 12الظهر
قامت نور..من نومها واول ما فتحت عينها بصت على نوح…لكن لقت مكانه فاضي….بصت في الاوضه كلها براحه ملقتهوش…فكرت انه ممكن يكون تحت…
دخلت خدت شاور. وطلعت…
خبط…الباب..
نور…ادخل..
سهام…صباح النور على احلى نور.
نور…بابتسامه جميله
…صباح الخير يا طنط..
سهام…وشك رايق انهرده…يارب تكوني كويسه
نور…الحمد لله ياطنط بخير..
سهام….انا قولت اجي اقولكم يلا عشان تفطرو…
نور….حاضر…هتسرح والبس الطرحه..واجي ورا حضرتك..
سهام…ماشي يا حبيبتي …قولي لنوح ينزل.
نور…باستغراب…بس هو مش هنا
سهام…هو مش بياخد شاور
نور…لا انا صحيت مكنش في الاوضه. يمكن تحت.
سهام…باستغراب…تحت فين…لا مش تحت انا من ساعة وانا تحت مشفتوش.
نور…يمكن في الجنينه.
سهام…يمكن…عموما يلا متتأخريش وانا هشوفه..
نور…حاضر..
خرجت…سهام..وجهزت.نوروفتحت باب الاوضه ونزلت… كانت سهام وادم تحت…
نور…صباح الخير يا ادم.
ادم…بابتسامه صباح النور يا نور…
سهام….لادم…مقفول بردو. يا ادم
ادم…هيكون راح على فين على الصبح كده
سهام…معرفش يمكن ليل قايله على شغل يعمله…
ليل…جه من وراهم….صباح الخير.
الجميع صباح النور…
ليل…في ايه مالكم واقفين كده ليه…
ادم…مفيش بس نوح مش موجود في الڤيلا وتليفونه مقفول.
انت قايله على شغل ولا حاجه..
ليل…لا شغل ايه احنا اجازه تلاقيه خرج يتمشى بره
ادم…يمكن..
سهام…نور حبيبتي مش قصدي اتدخل والله انتو اتخانقتو او حاجه…يعني عشان ابقى عارفه بس هو خرج ليه
نور…لا والله يا طنط.. انا مشفتوش من ساعة ما طلع امبارح…بعد ما طلعت..
سهام…بقلق هيكون راح فين.
ليل.. ايه يا امي هو نوح عيل. تلاقيه خرج يغير جو
سهام…وهي مش بصاله… خير ان شاء الله يلا عشان نفطر…
اعدو فطرو في صمت…ما بين قلق نور على نوح… وشرود ليل. ونظرات ادم وسهام لليل …
بعد مده بسيطه خلصو فطار…
سهام…انا هدخل احضر الغدا مع الشغالين. عشان هنتغدا كلنا مع البنات…
نور…ممكن اجي اساعد حضرتك…
سهام….خليكي حبيبتي عشان متتعبيش انتي لسه مخفتيش اوي.
نور…انا كويسه صدقيني بس انا زهقانه ومفيش حاجه اعملها..
سهام…لا في تطلعي تذاكري شويه عشان خاطري… افتحي الكتب كده حبه وفكري نفسك عشان تبتدي تذاكري
نور…بس..
سهام…مفيش بس الوقت بيجري يانور اسمعي كلامي..
ادم…ماما معاها حق يا نور اسمعي الكلام ذاكري شويه لحد ما البنات يجو..
نور…حاضر…..
سهام…بالتوفيق يارب ياحبيبتي..
نور…شكرا…بعد اذنكم…
طلعت..نور.. ودخلت سهام عالمطبخ…
ادم…باصص لليل.. من غير ما يتكلم…
ليل…خير
ادم…هو ايه اللي خير
ليل…يعني شايفك باصصلي وحابب تسأل مية سؤال
ادم…كويس انك عارف..
ليل…..من غير ما اعرف باين في عنيك..
ادم…مش هتقولي كانت عايزه ايه…وليه وافقت اصلا
ليل…ادم. انا مش فايق وصاحي مصدع واصلا منمتش كويس وهطلع انام تاني شويه…وقام وقف. وقبل ما يمشي
ادم…يبقى مش خير يا ليل…
وقف ليل وبصله …ايه اللي مش خير…
ادام هربت من اسئلتي يبقى مش خير وشكل اللي خايف منه هيحصل وهتحن من تاني ياليل…بصله ليل وسابه وطلع على اوضته من غير ولا كلمه….
ادم….يارب…
عدت الساعات بسرعه وراح جاسر… للبنات كانت الساعه 4 وكل ده ولسه نوح مظهرش ولا حتى فتح موبايله…
وصل جاسر والبنات..الڤيلا..
سهام…اهلا اهلا بالقمرات عاملين ايه
تمارا…حضرتك اللي عامله ايه
سهام…بخير يا قلبي…ازيك يا عشق
عشق…بابتسامه…الحمد لله. حضرتك عامله ايه
سهام…بخير يا حبيبتي ازيك يا زهره..
زهره…الحمد لله بخير يا طنط
ادم…اهلا اهلا اهلا.. الڤيلا نورت
جاسر…اكيد عشان انا جيت.
ادم…انت لاجئ هنا على طول هنمثل…
ضحكوا البنات عليه.
ادم…اخباركم ايه.
عشق…الحمد لله
تمارا…كله تمام.
زهره…وهي بصاله بنظرات مرتبكه…الحمد لله..
سهام…تعالو يلا ادخلو…
دخلو معاها جوه…
عشق ….امال فين نور..
سهام…هبلغها حالا. تنزلكم
ثواني وكانت نور… نازله عالسلم جري..
سهام…براحه براحه…هتقعي..
جريت. نور.. بابتسامه على البنات وكانت اولهم عشق…
عشق…وحشتيني
نور…كده مشفكوش امبارح..
تمارا…وهي بتاخدها في حضنها…ما احنا قولنا كده كده هنيجي نشوفك انهرده
نور…وحشتيني..
وراحت لزهره… وحشتيني يا زهره ..
زهره…عامله ايه يا قلبي انتي وحشتيني اكتر..
سهام…لو اعرف انك هتفرحي لما تشوفيهم كده… كنت خلتهم جم من بدري…
اعدو البنات… جمب بعض…
ادم…عينه على زهره…وهي اعده مرتبكه كأنها عامله عَمله.
جاسر….امال فين ليل ونوح..
عشق…مترقبه الرد… من ساعة ما جت وهي بتدور عليه بعينها
ادم…ليل في اوضته…ونوح..منعرفش
جاسر..باستغراب…يعني ايه متعرفش..
ادم…من ساعة ما صحينا عالضهر وهو مش هنا
جاسر…يمكن ليل باعته لحاجه في الشغل..
ادم…ماهو ليل قال لا
جاسر…طيب كلمتوه
سهام…موبايله مقفول
جاسر…غريبه..
جالهم…صوت ليل. من وراهم بكل ثقه..ولا غريبه ولا حاجه…اكيد خرج يغير جو…
وقف قلب عشق بمجرد ما سمعت صوته…كان نفسها تلف ضهرها بسرعه وتشوفه لكن مقدرتش تحط عينها في عينه….
ليل…مساء…الخير.
الجميع… مساء النور…فضلت عشق عينها بعيد عنه ومردتش…
لاحظ ليل. عشق… بس قرر انه يتعامل عادي.
جاسر…بيقولك خرج من بدري وموبايله مقفول..تقول ولا غريبه ولا حاجه.
ليل… عادي يعني ياجاسر… مكبر الموضوع ليه انت مش حاسس بالضغط اللي حوالينا وبالشغل ولا ايه…وبعدين انهرده اجازه اكيد حابب يغير جو…
جاسر…يمكن…
ليل….ايه اخباركم يا بنات…
زهره…بخير الحمد لله..
تمارا…تمام…الحمد لله..
عشق………………………..
ليل… عامله ايه يا عشق.
عشق…باختصار… بخير.
بصلها ليل… وبعد وشه عنها… تعالو ناعد بره احسن..
جاسر…يلا….
خرجو كلهم بره في الجنينه….
كان الجو جميل.. بوجود تمارا وجاسر وادم وزهره حتى نور كانت حاسه انها فاكه خالص… وليل اللي كان غريب بالنسبالهم كلهم… كان بيضحك.. على غير العاده وبيتكلم…
عشق…كانت ملتزمه الصمت… خالص…
فجأه جه تليفون لليل.. من ريما…
ليل… هستأذنكم ارد عالتليفون
قام…ليل بعد عنهم شويه…
هما فضلو يتكلمو ويهزرو …لكن عشق.. كانت عينها على ليل اللي بيبتسم ويضحك… وملامحه باينه… هاديه…
حست…عشق… بخنقه… فظيعه….قامت وقفت…
ادم…راحه فين ياعشق..
عشق…بارتباك…ابدا… بس يعني… كنت هروح اشوف مهره وعشق. بقالي كتير مشوفتهمش..
جاسر…خلي بالك… احسن دي عصبيه.
عشق…بابتسامه… لا متخافش.. احنا خلاص بقينا صحاب…
دخلت عشق… لمهره.. وعشق…
اللي اول ما شافوها كانو مبسوطين وفضلت مهره تلف حواليها تعبيرا عن فرحتها… فضلت عشق.. تطبطب عليها. وعلى عشق…ونزلت منها غصب عنها دمعه…
وانتبهت بصدمه عالسؤال….
حبتيه ياعشق..
عشق..????????????????ادم.
ادم….مردتيش على السؤال يعني
عشق….مش فاهمه تقصد ايه..
ادم…لا فاهمه ياعشق…وعارف انك حبتيه..
عشق…بصت بعيد وسكتت
ادم….بس اللي بيحب ياعشق… بيبقى عارف انه داخل حرب..ولازم يكون ادها…ويدافع عن حبه
عشق…مش صح يا ادم…ادافع لو في عالاقل شعور متبادل…
لكن ادخل حرب وانا عارفه اني هطلع خسرانه مينفعش… وانا اصلا طول حياتي بحارب… تعبت من الحرب… وجه الوقت اللي ارتاح بقى شويه…قلبي تعب من كتر الوجع..
ادم…ومين قال ان مفيش شعور متبادل يا عشق… انتي مشوفتهوش لما دخل علينا المكتب… ليل. اخويا مش بس ابن خالتي… متخيله ان ليل يغير مني..
عشق…بيتهيألك..
ادم.. ولو اثبتلك ده هتدافعي عن الحب ده..
عشق…صدقني بيتهيألك يا ادم… وانا حقيقي مش عايزه اعلق نفسي بحاجه توجعني خليني كده احسن.
ادم…بردو مردتيش لو اثبتلك ده هتدافعي عن الحب ده؟؟؟؟؟
عشق….تثبتلي ايه..
ادم ..عايزك بس تشوفي رد فعل ليل لما يجي ويشوفني معاكي… شوفي شكله وملامحه وطريقته… عشق… انا محتاج اتكلم معاكي ضروري جدا في حاجات لازم تعرفيها ولازم نتكلم مع بعض..
عشق…امته. وفين.
ادم…هظبط واكلمك انا..تمام.
عشق ..تمام…
ليل….خير واقفين كده ليه … سايبنهم يعني وجيتو هنا..
ادم ..بص لعشق.. ورجع بص لليل…
ابدا… عشق جت تشوف مهره وعشق… وانا جيت اشوفها احسن مهره.. تتهور.
ليل.. بابتسامه غاضبه… لا متقلقش… مهره مبتعملهتش حاجه…بقولك ايه صحيح. جاسر كان بيسأل عليك..
ادم…تمام انا خارجلهم اهو…وبص لعشق… هنبقى نكمل كلامنا وغمز لعشق..
ابتسمت.. عشق… تمام..
مشي… ادم…
اما ليل… كان غضب الدنيا فيه…
ليل…كلام ايه اللي تبقو تكملوه…
عشق….نعم..
ليل..سمعتيني على فكرة..
عشق…سمعتك بس معنديش رد.
ليل… اللي هو ازاي
عشق…زي الناس… عادي بنتكلم مع بعض في حاجه بيتهيألي احنا الوقت مش في الشركة واكيد مش هيضايق حضرتك…
ليل… قرب منها ومسك ايدها بعنف… عشق… اتعدلي معايا وبلاش طريقتك دي..
عشق… وهي بتنطر ايده بلاش انت طريقتك دي من فضلك وياريت انت اللي تعدل تصرفاتك معايا…
ليل… وهو بيمسك ايدها تاني… انتي متقوليليش.. اعمل ايه ومعملش ايه انا اللي بقوله يتنفذ…
عشق…ليه ربنا…وانا معرفش..
ليل…لا مش ربنا بس كلامي هيتسمع يا عشق..ومتفكريش تعاندي معايا واللي قولته قبل كده هيتعمل مفهوم ملمحكيش تقفي مع ادم تاني…
عشق…ما تروح تقوله هو كده.
ليل… بس كده حاضر…ومشي ليل بغضب. وقفت عشق… بزهول. من جنانه… جريت بسرعه وراه..ومسكت ايده..
عشق….ليل. من فضلك متعملش كده بلاش جنان…
ليل….انتي مش طلبتي مني اقوله
عشق…انت بتعمل كده ليه..
ليل…في ايه بينك وبين ادم…
عشق…ولا حاجه وحتى لو في انت مضايق ليه…ممكن اعرف..
ليل…. مينفعش يكون في حاجه بينك وبينه ياعشق انتي فاهمه مينفعش…وقسما بالله لو شوفتك واقفه معاه تاني هتزعلي مني ..بجد…
عشق…ليل متقفش في طريقي من فضلك وملكش دعوه بيا ولا بحياتي..
ليل….ليه مش انا اللي بتستدمي منه قوتك..
عشق…لا كنت بقول كده عشان انت كنت محتاج حد يقويك.
ليل…انتي كدابه يا عشق…عارفه ليه..
عشق..????????????????
ليل…عشان انتي بتحبيني يا عشق….
عشق….????????????????????????
سابها…ليل. وخرج. بسرعه
فضلت عشق.. واقفه. تعيط ومضايقه انها معترضتش على كلامه وبانت ضعيفة ادامه….
فضلت واقفة شويه..
وخرجت بعد ما ظبطت شكلها….اعدت
فضل ليل… عينه عليها…
وفجأه…. سمعو صوت فرملة عربية..
انتبه الكل عالصوت…لقوه نوح…نزل وقرب منهم بسرعه. تخوف..
سهام…نوح حبيبي انت فين وتليفونك مقفول ليه..
نوح…مش وقته يا امي…نور… تعالي معايا ..
نور…نعم. اجي معاك فين .
ليل… في ايه يانوح. ومالك داخل كده وكنت فين..
نوح…انا قولت مش وقته..يلا بانور..
نور…انا مش هاجي معاك في حته..
نوح…نور.. اخلصي.. وبسرعه من فضلك
نور…قولتلك مش هاجي
نوح…مسكها بغضب من ايدها. صرخت نور…
جاسر…نوح في ايه
ليل…انت اتجننت ولا ابه هتاخدها فين.
نوح…ايه ياليل باشا. نسيت انها مراتي ولا انا محتاج اخد الاذن..
ليل…لا منستش بس قولي واخدها فين…
نوح…لما نيجي هتعرفو.. وبص لنور… يلا ومتخافيش انا مش هاكلك..
ليل…روحي يانور..متخافيش
نوح…يلاااا
مشيت…نور…وراه…وهي خايفة…
وفضل الكل اعد مصدوم ومستنبن يعرفو نوح خدها فين. وليه جاي بالشكل ده????
يتبع…
لقراءة الفصل الثالث والثلاثون : اضغط هنا
لقراءة جميع فصول الرواية : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير