Uncategorized
رواية تزوجت معاقاً ذهنياً الفصل الثاني عشر 12 بقلم شهد محمد موسى
رواية تزوجت معاقاً ذهنياً الفصل الثاني عشر 12 بقلم شهد محمد موسى
 |
| رواية تزوجت معاقاً ذهنياً الفصل الثاني عشر 12 بقلم شهد محمد موسى |
رواية تزوجت معاقاً ذهنياً الفصل الثاني عشر 12 بقلم شهد محمد موسى
ريناد مسحت دموعها من علي خدها وقالتله :اسمع بقي انت هتروح معانا هتقعد في السرير ومش هتروح حته والدكتور هيجي يتابعك في البيت وجلساتك هتاخدها وهبقي معاك خطوة بخطوة ولولا إلياس كنا فضلنا في المستشفي هنا……
أمجد ضحك وقالها:حاضر يا ريناد هانم في حاجة تاني…….
ريناد بإبتسامة:لاء خلاص كفاية عليك كده…..
باب الاوضة اتفتح ودخلت نادين ومعاها احمد وعلي ملامح وشها الهلع…….
نادين بهلع:إلياس ……..
ريناد قامت وقفت ….
ريناد بقلق:ماله……
نادين بهلع :كان ماشي معانا وبعدين ببص ملقتهوش……
ريناد خرجت بسرعة من الاوضة ونادين خرجت وراها وسابت أحمد مع أمجد والاتنين فصلوا يدوروا علي إلياس وينادوا عليه زي المجانين……
___________????__________
_في مكان آخر_
*علي فكرة لازم تقولها
&انت شايف كده……
*طبعا شايف كده وابو كده كمان انت بتحبها دا اولا وثانيا هي مراتك وانت مش قادر تتحكك في مشاعرك فلازم تقولها وهي اكيد هتقف جمبك…….
&طب مهي ممكن تتكلم او حتي لو متكلمتش ممكن تتعامل معايا بطريقة تخلي الي حواليا يشكوا فياا ……
*انت واثق فيها……..
&الحوار مش مجرد ثقة…
*قاطعه:رد عليا واثق فيها…..
&جدا
*خلاص قولها من غير خوف…..
&طب حتي لو افترضنا اني هقولها هقولها ازاي………
*غمزله:انا الي هعلمك بردوا……
&ابتسم وقاله:طب فكر في حاجة تخرجني من الي انا فيه…….
*سكت شوية وبعدين سقف وابتسم:انا عرفت هخرجك ازاي تعالي…………
___________????__________
نرجع لريناد تاني…….
ريناد لسة عماله تدور علي إلياس والخوف اتملك منها……..
ريناد……..”سمعت حد بينادي بإسمها”
لفت فلقت إلياس هو الي بينادي عليها
راحت جريت ناحيته وحضنته جامد وراحت بعدت وسألته بقلق وهي محاوطه كتافه:كنت فين انت كويس…..
*متخافيش عليه اوي كده هو كويس
ريناد بصتله بهدوء وسألته :مين حضرتك……..
* بإبتسامة: دكتور عز اخصائي امراض القلب ……
ريناد بهدوء:أهلا بحضرتك…..
عز بإبتسامة:هو شافني واقف فجه وقالي ممكن تدور معايا علي صاحبي كان معايا ومش عارف راح فين فلما سألته انت عندك كام سنة قالي تسع سنين فعرفت انه في حاجة ففضلت معاه لغاية ما يظهر حد…………
ريناد بإبتسامة: شكراً لحضرتك جدا حقيقي مش عارفة اشكرك ازاي هو فعلا عقله عقل اطفال فعشان كده مكانش عارف يتصرف ……
عز بإبتسامة: لاء الف سلامة عليه ربنا يشفيه بإذن الله و متشكرنيش دا واجبي …بس معلش في السؤال مين حضرتك ……
ريناد بإبتسامة:انا مراته وصاحبته ……
إلياس بإبتسامة بريئة:صح…….
عز لتاني مره بيغلط ويمد إيده لبنت فمد إيده لريناد وقالها بإبتسامة:تشرفت بمعرفتك………
ريناد رفعت إيديها بتوتر عشان تسلم عليه بس إلياس مسك إيديها وقالها بإبتسامة:تعالي ياله نروح لبابا………
ريناد بإبتسامة:حاضر …..وبعدين وجهت كلامها لعز الي تعبيرات وشه اتغير للآلم………
ريناد بإبتسامة و إستغراب: الشرف ليا عن إذنك………
وراحت واخده إلياس ومشيت……..
عز بألم:أهههه يا حيوان……….
……….وراح مشي هو كمان…………
_____________????__________
ريناد رجعت الاوضة هي وإلياس وباتوا الليلة دي كلهم مع أمجد ……
وعدي اليوم علي ابطالنا بسلاطاته ببغانوجانته بكل حاجة????????
_____________????__________
واشرقت شمس يومٍ جديد وكان يوم الجمعة افضل ايام الاسبوع………
وهنروح بيت جديد لسة مروحناهوش ماحنا مقضينها????????????
_في بيت عز_
عز جه من المستشفي الصبح وراح دخل خد دش ولبس الجلابية البيضة بتاعته ومسك مصليته وخرج من اوضته ودخل المطبخ…
عز : ماما انا نازل اصلي الجمعة ……
الام بإبتسامة: ماشي يا حبيبي ربنا يفتحلك باب رزق وينولك الي في بالك
عز باس دماغها وقالها: اللهم امين يا ست الكل………..
لين دخلت عليهم………
لين وهي تمثل الصدمة:ايه ده يا عز …
عز بإستغراب:في اي يابت
لين :ايه الي انت لابسه ده……..
عز بص علي هدومه وقالها: في اي يابنتي لابس جلابية هو انا لابس بدله رقص وانا مش واخد بالي………
لين :مهو المصيبة في الجلابية اوعي تقولي نازل تصلي……..”كل ده وهي مازات بتمثل الصدمة”
عز بص لمامته بإستغراب وبعدين رد:ايوه في اي……
لين:اصلي مش مصدقة اغيب سنة أرجع الاقي إبليس بيصلي دي اكيد نهاية العالم يا جدعان………….
عز قلب عنيه وقال لمامته :انا نازل “وراح مشي من جمبيها وعدي من جمب لين وراح مديهاا حته قلم علي قفاهاااااا….فرقع”
عز بسخرية:إبليس بيسلم عليكي وبعتلك ده معايا …….”وراح مشي”
لين حط ايديها علي قفاها…….
لين بألم:أهههه يا حيوان….. ابنك ده ايده مرزبة………
الام بشماته:تستاهلي……..
لين بغيظ:اه مهوو ابنك الحيلة وانا لقياني جمب الجامع………..
الام حدفتها بالخيارة الي في إيديها…..
الام :غوري يابت انتي من وشي الساعة دي………
لين مسكت الخيارة كلتها
وقالتلها:غايرة بس بقولك اي انا عايزة اروح عند بسمة وحشتني اوي……
الام وهي بتقطع السلطة:اما عز يجي من الصلاة وتفطروا ابقي خليه يوديكي………
لين بحماس: اوكايي…… “وخدت بعضها وخرجت”
تعالوا اعرفكم علي لينوو…..
“”لين بنوتة عندها 22 سنة بتدرس طب نفسي في أمريكا كانت أخر سنة ليها السنة دي يعني دلوقت اقدر اقول عليها دكتورة نفسانيه بشرتها قمحاوي فاتح عنيها باللون العسلي الفاتح وشعرها بني طويل من الآخر فورتيكه???????? وتبقي اخت عز وهنتعرف علي شخصيتها مع الاحداث “
___________????________
_في فلة السيوفي_
كلهم كانوا رجعوا البيت الصبح وأمجد كان في اوضته عشان يرتاح وريناد كانت مع نادين في المطبخ وإلياس وأحمد كانوا بيلعبوا في الجنية فريناد خرجت من المطبخ عشان تشوفهم فلقت أحمد بس ……
ريناد قربت منه وحطت إيدها علي دماغه ……
ريناد بإبتسامة: بتلعب لوحدك ليه اوماال إلياس راح فين …….
أحمد ببراءةوهو بيلعب بالمكعبات:قالي اروح اتحمي عسان أتلي……..”قالي هروح استحمي عشان أصلي..”
ريناد ابتسمت وقالت:ماشي……
رواحت سابته يكمل لعب وطلعت تشوف إلياس………
وصلت لغاية اوضته وراحت فاتحة الباب……..
ريناد في سرها وهي داخله : اللهم اغزيك يا شيطان….. الواد ده مش هيرتاح غير لما يخرجني عن شعوري واروح ابوسه انا عارفة……..
صوت تاني جواها:ما تبوسيه دا جوزك حلالك يا بت……..
ترجع تقول:عيب هو اه كبير بس مش بعقله……
“ريناد كانت بتكلم نفسيها اول ما شافت هيئة إلياس وهو بالجلابية البيضة كان شكله جميل بشكل فظيع لدرجة انه انا كشهد كنت هبوسه????????”
إلياس بإبتسامة بريئة:رينوو……
ريناد بإبتسامة وهدوء عكس مشاعرها الهوجاء دي:قلبها يا عم……
إلياس قرب منها وراح حط ايده علي دماغها وقربها من صدره………
“انا: ياعم سيبها في حالها واتقي الله هي ماسكة نفسها بالعافية تقوم تعمل كده دي اخلاق طفل محترم????”
إلياس وهو مبستم:ايه رأيك في البرفان ده ……….
“انا:انت بتكلم مين ياسطا دي زمانها أغمي عليها????”
وحقيقة فعلا ريناد سرحت في قربه منها يمكن مش شايفة وشه بس القرب وريحة البرفان بتاعه الي اتجنن دي سحرتها………
إلياس بعد عنها سيكا وقالها بإبتسامة:ايه رأيك……
ريناد بسرحان :في اي…..
إلياس بإبتسامة:في ريحة الرفان …..
ريناد شدته من الجلابيه وراحت دفنت وشها في صدره وحاوطت ظهره بإيديها…….وقالتله بخفوت:استني كده اشمه كويس ……..
“انا:إلياس إلحق نفسك قبل ما تتحرش بيك افتكر اني نبهتك اهو????”
إلياس حاوطها بإيده هو كمان وابتسم ابتسامة غريبة……….
إلياس بإبتسامة ونبره مختلفه: شمتيها كده…….
ريناد بخفوت وتوهان:امم ريحتها تجنن…….
إلياس همس جمب ودنها ولمس ودنها بشفايفه وهو بيهمس:هجبلك واحده…..
“أنا:انت ياعم المرهف الصلاة هتفوتك⏱️ ارحم امي العيانه وارحم البت وروح صلي???? “
اللٰه أكبٰر _ الله أكبر……
إلياس سمع الأذان راح بعد عنها
وحط ايده علي وشها وراح مديها بوسه سريعة جمب شفايفها…….
إلياس بإبتسامة ساحرة:هروح اصلي الأذان بيأذن….باي …
وراح خد المصلية بتاعته وخرج من الاوضة ويعينيي سايب ريناد مشلولة الحركة بتحاول تستوعب ……..
ريناد بعدم إستيعاب:هو باسني بجد ولا دي تهيؤات ……..
وراجت خارجة من الاوضة وعمالة تكلم نفسهاا لغاية ما وصلت المطبخ….ونادين خدت بالها انها بتكلم نفسها ……
نادين بضحك:انتي بتكلمي نفسك يا ريناد………
ريناد فاقت لنفسها…..
ريناد بإبتسامة متوترة:احم…لاء ابدا انا بس كنت بفكر في حاجة…..
نادين مقتنعتش بس ابتسمت وقالتلها:طيب…..
ريناد تمتمت في سرها: منك لله هتجنن بسببك….. وبعدين وجهت كلامها لنادين بعد ما افتكرت انها عايزة تسألها عن حاجة……
ريناد بإبتسامة:صح هو إلياس متعود يروح الجامع اصلي من ساعة ما جيت بشوفه بيصلي بس في البيت……
نادين بإبتسامة:اه دايما يوم الجمعة بيروح يصلي الظهر في الجامع قبل ما يروح الشغل………….
ريناد هزت دماغها وقالت:اهااا
وبعدين بصتلها بإستغراب وقالتلها:شغل..!!!!
نادين قطبت حاجبيها وابتسمت وقالت:هو انتي متعرفيش انه إلياس دكتور قلب مشهور جداً
ريناد بصدمة:هاه لاء استني كده براحة عليا مين ده الي دكتور قلب مشهور……..إلياس
نادين بإبتسامة :ايوة إلياس هو أمجد بيه مقالكيش ……
ريناد بصدمة:لاء مقاليش حاجة خالص غير انه ازاي اتعامل معاه لكن محاكليش حاجة بصي بقي انتي تيجي تقعدي كده هنا وتحكيلي كل حاجة وازاي دكتور وهو بالحالة دي……
نادين قعدت جمبها واتنهدت بحزن…..وبدأت تتكلم…..
نادين بنبرة هادئة حزينة: بصي يا ستي إلياس ده مكانش فيه زيه اتنين لا في عقله ولا أدبه وأخلاقة وكان متفوق جدا في دراسته وكان الاول علي الجمهورية في الثانوية العامة ودخل كليه طب واتخصص في مجال القلب وحتي دي تفوق فيها وكان دايما الاول علي دفعته علي مدار السبع سنين لغاية ما اتخرج وسافر بره مصر وفضل هناك سنتين بيتدرب ورجع وبقي الدكتور إلياس أمجد السيوفي أشهر دكتور قلب…………لغاية ما اتوفت والدته من ست شهور فزي ما تقولي كده جاتله صدمة نفسيه نتيجة انه هو كان متعلق بيها جدا فرفض يصدق الواقع انه هي ماتت وبقي زي مانتي شايفاه دلوقت…………
ريناد بصالها بإنتباه وتركيز وفي نفس الوقت بذهول لانها مكانتش تعرف موضوع انه عاقل ده هي افتكرته مولود كده ……………
ريناد بهدوء ولكن علامات الذهول علي وشها: مامته دي الي هي زينب هانم صح………
نادين هزت دماغها بمعني نعم…….
ريناد بهدوء:يعني هو ممكن يرجع طبيعي تاني……….
نادين إبتسمت بهدوء وقالت:ايوه الدكتور قال انه هي حاله نفسيه بس هتزول مع الوقت وهيرجع طبيعي بس هيرجع امتي الله اعلم……………
ريناد من جواها كانت مبسوطة بس هي مش عارفة مبسوطة من اي هل لانها عرفت انه عاقل وده وضع مؤقت
ولا اي……………….
ريناد بهدوء:طب وقاسم تصرفاته كده بردوا بسب انه الست زينب ماتت….
نادين بنبرة حزينة:لا يا حبيبتي ده كده من ساعة ما مامته ماتت….
ريناد بإستغراب:هي مش زينب هانم مامته ……
نادين بهدوء:لاء دا ابن مراته الاولي هاله هانم اصلي أمجد بيه كان متجوز اتنين……….
ريناد اتصدمت للمرة التانية ….
ريناد بصدمة:اتنين…..!! لاء بقي انتي كده تحكيلي …….
نادين إبتسمت بهدوء وبدأت تتكلم…..
نادين: أمجد بيه اتجوز الاول هالة هانم بنت صاحب باباه الله يرحمه والحقيقة انه مكانش بيحبها كان بيحب زينب هانم بس اتجوزها غصب عشان باباه اجبره علي كده وقاله انه زينب مش من مستواهم وكمان هدده انه يا يتجوز هاله يا هيتبره منه ويحرمه من كل حاجة………
ريناد :وهو اتجوزها طبعا عشان الفلوس………..
نادين اعترضت:لاء السبب الرئيسي مش عشان الفلوس ……
ريناد :اومال اي……
نادين بتنهيده:أمجد بيه بعد ما باباه هدده هو مهتمش وقال انه مش مهم الفلوس ومشي من البيت بس بعديها بكام يوم لما هالة عرفت انه مش عايز يتجوزها حاولت تقتل نفسها بس لحقوها بسرعة وودوها المستشفي ….
ريناد عنيها دمعت وقالت:وبعدين حصل اي……
نادين كملت بهدوء: فلما هالة عملت كده راح باباها لأمجد واترجاه كتير انه يتجوز هاله وأمجد لما عرف الي هي عملته أضطر يوافق واتجوزها …..والشهادة لله كان بيعاملها بإحترام في الوقت الي بيقعده في البيت بس طبعا في فرق كبير بين الحب والاحترام …..والصراحة اكتر محدش فينا كان بيحبها لانها كانت رافعة منخيرها في السما وبتعاملنا كأننا عبيد مش خدم حتي………..وبعد فترة السيوفي بيه مات و أمجد بيه خد الشغل حجه عشان يبعد عن البيت فكان بيقضي معظم وقته في الشغل …..لغاية ما اتولد قاسم….. أمجد بيه في الاول مكانش عايز اطفال منها بس الحذر لا يمنع من قدر وشرف سي قاسم……..المتوقع انه واحد مكانش بيحب واحده ومش عايز منها عيال اول ما يجيب منها عيل هيكرهه ويعامله وحش…..بس أمجد بيه خلف التوقعات وحب قاسم جدا وبقي بيقضي وقته في البيت ويلعب معاه وفضل الحال علي كده لغاية ما قاسم بقي عنده اربع سنين و في يوم لقينا أمجد بيه داخل وفي ايده زينب هانم وبيقول انها مراته ……….. طبعا كانت صدمة علي الكل واولهم هاله هانم…………
ريناد حطت إيدها علي بوئها ودموعها نزلت لمجرد تخيل الموقف…….
ريناد بدموع: أزاي عمو أمجد يعمل كده حتي لو مبيحبهاش وهي كانت متكبرة بس برضو مكانش ينفع يتجوز عليها لاء وكمان يجيبها تقعد معاها في البيت .طب علي الاقل كان قعدها بره بعيد عنها…………….
نادين بهدوء: الحقيقة الي انا عرفته بعدين انه كان متجوز زينب هانم بقاله فترة طويلة وكان مقعدها في شقة بره وهو لما جابها هنا كانت حامل في إلياس……………فبصراحة يعني انا بررتله انه جابها عشان تلاقي حد جنبها يراعيها في فترة حملها بدل ما تقعد في الشقة لوحدها وكمان عشان يقدر ياخد باله منها وفي نفس الوقت ميبعدش عن ابنه قاسم………. بس الله اعلم بردوا انا معرفش انا افترضت انه ده السبب لكن العلم عند الله……………..
ريناد بصتلها وسكت كانت متلغبكة مش عارفة تنصف مين وتلوم مين ……
نادين رجعت اتكلمت بإبتسامة جميلة: بس عارفة أمجد بسه كان ليه حق يحب ست زينب فكانت طيبة جدا ومتواضعة وكمان كانت جميلة جدا الله اكبر وعلي فكرة فيكي شبه منها في طباعها اوي……..
خلصت نادين كلامها و قامت وقفت وراحت مبتسمة وقالت: هقوم انا بقي اشوف شغلي …….
ريناد ابتسمتلهاا بهدوء وقالتاها:شكرا
نادين بإبتسامة:متشكرنيش دا حقك انك تعرفي كل حاجة “وكانت بتملس علي شعر ريناد وهي بتكلمها”
ريناد ابتسمتلها بحب وراحت قامت حضنتها………..
ريناد:انا حبيتك اوي…….
نادين بإبتسامة:وانا كمان حبيتك…..
وبعدين بعدوا عن بعض ونادين بدأت تشوف شغلها وريناد وقفت معاهم تساعدهم ……….
__________????_________
_الساعة4 في بيت بسمة_
تيك…تيك…تيك…..
منة من المطبخ:انتي يا طرشة افتحي الباب……..
بسمة بمرح:خلاص يا حجة هفتح اهو …الله
فتحت الباب…….
عز بخضه:اعععع
بسمة بمرح:اخص عليك يا ببلاوي في اي شوفت تمساح……..
“اصل بسمة يا جماعة كانت حاطه ماسك الفحم علي وشها????”
عز وهو يمسك قلبه وبتمثيل: ايه يا شيخة حرام عليكي هتموتوني ناقص عمر والله……….
بسمة مسكت خدوده وقالتله بمرح:وانا اقدر بردوا يا بطتي ياختي كميلة عليك وعلي جمال امك…..
عز قلب عنيه بملل وراح منزل ايدها من علي وشه…….
عز بسخرية:بتكلمي ابن اختك انتي احترميني شوية انا اكبر منك…….
بسمة بمرح:تعرف عني اني محترمة اصلاا……..
عز بسخرية:لا سمح الله……
بسمة بمرح:اهو اديك قولت يبقي متتكلمش تاني بقي ………..
منة جت من وراها:ادخل يا عز يا حبيبي دي رايحة منها والله……..
عز ضحك وقالها:لاء معلش مش هقدر ادخل عشان ألحق أروح المستشفي انا بس كنت جاي وجايبلكم مفاجأة ……
“وراحت ظهرت من وراه لين..”
بسمة ضحكت بسعادة:لييييين ……
“وراحوا الاتنين خدوا بعض بالحضن وفضلوا يطنططوا “
بسمة بسعادة:جيتي امتي يا كلب البحر وحشتيني جدااااااا……….
لين بسعادة:انتي وحشتيني اكتر يا مجنونة…….
عز بإبتسامة:ادخلوا حبوا في بعض جوا وانا همشي بقي سلام يا منمون …..
منة بإبتسامة:سلام يا حبيبي…….
بسمة شدت لين لجوا وراحت قافلة الباب في وشه وهي بتقوله:ياله غور في داهيه………
عز بضحك:يابت المجانين…….
“وراح خد بعضه ونزل”
…………..في الداخل…………….
منة رحبت بلين وحضنتها ……
منة بإبتسامة:وحشتيني يا روحي
لين بإبتسامةة:وانتي والله اوي يا ماما…..
بعدوا عن بعض……
منة بإبتسامة:جيتي امتي……
لين بإبتسامة:جيت إمبارح
بسمة راحت قرصتها في ودنها وقالتلها:ومجيتيش ليه يا كلب البحر امبارح………
لين بضحك:انتي هبلة يابت اجي ازاي وانا كنت تعبانة من السفر ……..
بسمة بمرح: اه صح خلاص عفونا عنك روحي بقي يا منون كملي الغدا وانا هستفرد بيها شوية في الاوضة……
“وراحت شدت لين ودخلت الاوضة”
لين بضحك:يابنتي اهدي عليا هو انتي بتجري جموسه وراكي……….
بسمة بحماس:عايزة اعرف عملتي اي في أمركياا …..الله
لين بضحك: ما كده كده هتعرفي بس استهدي بالله كده وصح البت سجي عاملة اي وحشتني اوي الكلبة دي وعايزة اشوفها……
بسمة بإبتسامة:كويسة الحمدلله انتي بس احكيلي وانا هكلمها وننزل نتمشي بعد ما نتغدي…..
لين بسعادة:ياااه وحشني المشي علي كورنيش اسكندرية اوي………
بسمة بحماس:طب احكي ياله……
وقعدوا يرغوا……….
_________????_______
_الساعة 8 مساء علي كورنيش اسكندرية_
كانت لين وسجي وبسمة ماشين علي الكورنيش………
لين بضحك:هههههه والله قعدتك غم يا غريب …….
سجي بضحك: كان نفسي تشوفيها امبارح والله كنت هتشل منها….لاء والبجحة بتقولي هو ماله متعصب كده ليه……….
لين بضحك:ههههه اه همووت انتي اي يا بنتي مبتتغيريش…….
بسمة بمرح:يابنتي انا لو اتغيرت مبقاش بسمة وبعدين احب اقولكم انه رن عليا امبارح واعتذرلي كمان……”كانت بتتكلم بفخر شوية”
سجي بعدم تصديق:والله…..
بسمة بفخر:اه والله رن عليا وقالي انا اسف علي اني زعقت فيكي بس انتي غلطي لما كلمتيني بالطريقة دي…….
سجي :وبعدين قولتيله اي……
بسمة بضحك:ولا قبلين قولتله مانت متشلتش فعلا مكنت تطلع تجيبه انت بدل ما اقابل كآبه بيه فوق…ههههههه
سجي ولين ضحكوا علي الآخر…….
سجي بضحك: ههههه والله مكدبش عمو سعد زغلول لما قال مفيش فايدة………
لين من وسط ضحكاته:وهو رد قال اي ياعيني اكيد اتشل……..
بسمة بضحك: هههه لاء دا قعد يضحك ولا كأني قولتله نكته….
سجي بضحك: هههه يعيني دا اتصدم……..
بسمة بضحك:اه والله ولما قولتله هو انا قولتلك نكته راح قالي بسمة انا اسف اني اتكلمت باي اشوفك يوم السبت في الشغل ………
سجي بضحك:منك لله يا بعيده….الراجل سو موز اوي و كيوت معاكي جدا تروحي تجلطيه……..
لين بضحك:عيني عليك يا أمير يابن الآمرة????????
“قالت جملتها وراحت خبطت في واحد”
لين وهي بتضحك من غير ما تبص في وشه:أسفة لحضرتك…..
_لين…….
لين انتبهت للصوت فلفت تبص عليه….
لين بصدمه:خالد…….
خالد بهدوء وابتسامة:ايوة حمدلله علي سلامتك….
لين بهدوء:الله يسلمك اي اخبارك….
خالد بإبتسامة: الحمدلله بخير انتي عاملة اي واي اخبار امريكا علي حسك….
لين بإبتسامة: الحمدلله …..اي مش نادي تفرحنا قريب
خالد قرب شوية وهمس: قريب اوي ان شاء الله…….
لين بعدت وابتسمت بتوتر:اه ان شاء الله….عن اذنك عشان قرايبي واقفين….
بص عليهم لقاهم بصله ومتابعين الي بيخصل بإهتمام…….
خالد بإبتسامة:اتفضلي وبطلي ضحك وانتي ماشية عشان متخبطيش في حد تاني”قال جملته نوعا ما بحده”
لين بتوتر:احم ان شاء الله مبسوطة اني شوفتك ……
خالد بإببتسامة:انا اكتر……….
لين:باي….
خالد: باي….
وراحوا مشيوا …..
بسمة وهب تضيق عنيها:تعرفي الدكتور المز ده منين…….
لين بإبتسامة متوترة:في اي يا جماعة دا صاحب عز وكام بيجي عندنا البيت كتير فيعتبر مربيني فعشان كده عارفاه……
سجي بخبث:امممم مربيكي مهو باين……
لين :احم بقول اي ياله نروح لنتنفخ…..
بسمة وسجي بصوا لبعض بنظرات ذات مغزي وقالوا في نفس واحد:ياله………
……….ومشيوا ………..
___________????__________
_بالليل في فلة السيوفي_
ريناد راحت عن أمجد عشان تديله الدوا……….
تك…تك…تك…
أمجد من الداخل:ادخل
دخلت ريناد……
ريناد بإبتسامة:معاد الدوا…..
أمجد بإبتسامة:تعالي…….
ريناد إدته الدوا…….
ريناد بإبتسامة:بالشفا……..
“وراحت بصتله بتردد كأنها عايزة تقول حاجة…..”
أمجد بإبتسامة:عايزة تقولي حاجة يا ريناد…….
ريناد بإبتسامة:هاه لاء ابدا هروح اشوف إلياس………
أمجد تقبل هروبها وانها مش عايزة تتكلم……..
أمجد بإبتسامة:ماشي……
خرجت ريناد من الاوضة وراحت عند اوضة إلياس………
“اكيد بتسألوا ريناد كانت هتقول اي بس مش هرضي فضولكم لاء????????????????”
دخلت لقت إلياس لابس بنطلون قطني خفيف وعاري الصدر…….
ريناد اتوترت وبصت في الارض ……
إلياس بإبتسامة:تعالي يا رينو واقفة كده ليه…….
ريناد دخلت وهي عنيها في الارض….
ريناد بخجل: انت مش لابس تيشرت ليه……..
إلياس بإبتسامة:عادي لسة خارج من الحمام……
ريناد بخجل :طب إلبس التيشرت عشان كده غلط وانا ممكن اتهور….قصدي عشان متاخدش برد
إلياس قرب منها ورفع وشها بإيده بحيث تلاقت اعين الاتنين وبدأ يمشي إيده علي وشها برقة……..
إلياس بنبرة ساحرة:متخافيش عليا انا متعود علي كده…….
ريناد باصه في عنيه وتايهه مش معاه. اصلا..????????
ريناد بتوهان:هاه…….
إلياس قرب وشه من وشهاا وقالها بإبتسامة:هاه ايه بس……..
ريناد بتوهان:مش عارفة……..
إلياس ابتسم جامد وبانت غمزاته ….
وقرب من شفايفها وطبع قبلة رقيقة عليهاا
وراح حاوط خصرها بإيده لما حس انه هي هتقع وتعمق في في قبلته…………….
طبعا ريناد فاتحة عنيها علي مصرعها ومشلولة التفكير ………
“انا بقي:انت ياعم الحبيب لاحظ اني موجودة بينكم وكده مينفعش راعي اني سنجل بائس????????”
يتبع…..
لقراءة الفصل الثالث عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية المقاس للكاتبة فاطمة الدمرداش
????????
????????????
❤️❤️❤️
❤️????????????
????❤️❤️❤️????