رواية أنت مرادي الفصل الرابع عشر 14 بقلم علا عبدالعظيم

عدى يومين ومفيش احداث جديد تذكر و جيه اليوم المنتظر ، ايوه فرح ملك ومراد وكمان خطوبة مصطفى وروز  و عمر و مريم .

ملك : انجزوا بقا دا العروسه وخلصت قبلكم .

مريم : مش لوحدك اللي عروسه على فكره انا و روز كمان عرايس ولا اي يا روز .

روز : سبيها في حالها دلوقتي عشان هي بتطلع اللي جواها علينا احنا .

ضحكت مريم و روز وملك قالت بغضب : تصدقوا انا غلطانه اني بتكلم معاكوا اصلا  .

و في الوقت دا الباب خبط و دخلت عبير و ولاء .

عبير قالت : بسم الله ما شاء الله اي القمرات دي .

ولاء : ربنا يسعدكم يا حبايبي … يلا عشان العرسان مستنين تحت .

نزلت ملك و كانت لابسه الفستان الابيض و الميكب بتاعها كان هادي وجميل  وكانت طالعه شبه الاميرات . اول ما مراد شافها مقدرش ينزل عينه من عليها .

مراد : اي القمر دا .

ابتسمت ملك بكسوف : انت كمان زي القمر .

وبعدها نزلت مريم و روز وكانوا لابسين فساتين باللون الفضي وكانوا قمر اوي ????.

مصطفى راح لروز وقالها :  انا بحبك اوي.

روز بحب : انا كمان .

مصطفى : مبسوطه !

روز بفرحه : جداااا.

وعند عمر و مريم …… عمر : اي  يابت الحلاوه دي .

مريم : بت لما تبتك ، انا جعانه اوي يا عمر .

عمر : عمر هيدفن نفسه دلوقتي بسببك .

ضحكت مريم على طريقته وكل واحد اخد عروسته وراح على عربيته وبعد شويه وصلوا الفندق والفرح كان مليان رجال أعمال و دكاتره و ناس كبيره في البلد وصحابهم  وبدأت الاغاني والرقص والاحتفال .

عمر : انا عاملك مفاجأة .

مريم بإستغراب : اي هي  ؟

عمر : بصي هناك كدا ..

بصت مريم وكان عبدالرحمن و سحر ،سلمت عليهم بدموع .

مريم : انا مبسوطه اوي انكوا هنا .

عبدالرحمن بيطبطب على كتف عمر : البركه في عمر.

مريم بصت لعمر بحب : شكرا .

عمر مسك ايدها : انا مستعد اعمل اي حاجه تفرحك. 

وعند مراد وملك كانوا بيرقصوا سلو  …

مراد : انا عاوز افهم بقا كان ليه كل الجنان دا من الاول طالما بتحبيني؟

ملك : حطت راسها على صدره وقالت : مش لازم تفهم كفايه انا اتأكدت انك بتحبني .

مراد وهو بيضمها اكتر : بحبك اوي يا ملك .

ملك : وانا كمان .

مصطفى بيبص على مراد وملك : مش كنا عملناها فرح بدل خطوبه .

روز : انت مستعجل على اي بس ، انا لسه بدرس .

مصطفى : طب ما ملك هي كمان بتدرس .

روز : بابا مش هيوافق يا مصطفى وانت عارف .

مصطفى بحب : عارف يا حبيبتي بس كان نفسي تبقي معايا طول الوقت .

روز : انا كمان نفسي بس كل حاجه تاخد وقتها .

مصطفى : عندك حق .

خلص الفرح و كان أهل مراد وملك بيسلموا عليهم وبيعيطوا ( معلش احنا شعب لازم ينكد على نفسه حتى في الافراح )

وبعد شويه طلع مراد وملك على اوضتهم و اول ما دخلوا الاوضه …

مراد وهو بيحضن ملك من ضهرها : مش مصدق انك خلاص بقيتي معايا .. احنا اه مقعدناش غير شهر بس مخطوبين بس حبيتك اوي .

ملك لفت وكان وشها لوشه وقالت بطفوله: على فكره بقا انا بحبك من قبل الشهر دا ، بس انت ولا هنا .

مراد : ازاي يعني دا انتي كنتي بتعيطي عشان منتجوزش .

ملك : انا كنت بعيط لما قالوا إن مش لازم اتعلم بعد الجواز .

مراد شدها وحضنها : انا هخليكي تعمل كل اللي نفسك فيه ومش همنعك من اي حاجه .

ملك : ربنا يخليك ليا يا حبيبي .

مراد : ويخليكي ليا …. يلا نصلي بقا .

ملك : يلا .

صلوا شكر لربنا أنه جمعهم و دعوا أن ربنا يباركلهم حياتهم الجايه ، وبعدين راحوا لعالمهم الخاص . (هاا خاص يعني منحكيش فيه ، تمام ????؟)

 

و في بيت ملك ..

عبير : اصحي يلا يا مريم عشان نروح ل اختك .

مريم : اختي اي اللي تروحلها دلوقتي !

عبير : احنا داخلين على العصر يا غيبوبه .

مريم. وهي بتتاوب :خليها بليل احسن .

محمود : مريم عندها حق  .

عبير : على راحتكم ياخويا.

ملك صحيت وفضلت تتأمل في ملامح مراد وهو نايم وتلعب في شعره براحه لحد ما فتح عينه ….

مراد بإبتسامه : يا صباح القمر .

ملك بحب : صباح الخير يا حبيبي يلا عشان ننزل نفطر .

مراد : حاضر هاخد دوش وننزل .

ملك : اشطا .

وفي مكان تاني

الشخص : ايوه يا ست هانم ، لسه منزلوش .

‏داليدا : عينك متغيبش عنهم دقيقة ، انت فاهم ؟

‏الشخص : فاهم .