Uncategorized
رواية أنت مرادي الفصل الخامس عشر 15 بقلم علا عبدالعظيم
رواية أنت مرادي الفصل الخامس عشر 15 بقلم علا عبدالعظيم
 |
| رواية أنت مرادي الفصل الخامس عشر 15 بقلم علا عبدالعظيم |
رواية أنت مرادي الفصل الخامس عشر 15 بقلم علا عبدالعظيم
نزل مراد و ملك عشان يفطروا وبعد شويه تليفون مراد رن .
مراد : دي مكالمة شغل ،انا هروح مكان هادي عشان اعرف ارد .
ملك بإبتسامه : ماشي يا حبيبي متتأخرش.
قام مراد وخلص مكالمته و لسه بيلف وكانت داليدا ف وشه .
مراد : انتي اي اللي جابك هنا ؟
داليدا وهي بتحط أيدها على كتفه : جيالك يا بيبي .
مراد زق ايدها : انا مش عاوز اشوفك تاني .
داليدا بتهديد : دي اخر مره هقولك فيها نرجع بعد كدا هتصرف بطريقتي .
مراد ببرود : المفروض اخاف ؟
داليدا : اه خاف و خاف اوي كمان .
مراد : اللي عندك اعمليه
و زقها و راح لملك وباس أيدها.
وعند عمر .
عمر : صباح الخير يا كسلان .
مريم : صباح النور يا رخم ، بتتصل ليه دلوقتي !
عمر : المفروض انك خطيبتي وكدا .
مريم : تعالا خد دهبك ومتصحنيش .
عمر بمكر : اصل انا كنت جايبلك هديه كدا بس خلاص بقا ، باي .
مريم بسرعه : استنى بس هدية اي !
عمر : لا خلاص بقا انا جاي اخد الدهب بتاعي .
مريم بدلع : بهزر معاك يا عموري ، قولي بقا الهديه .
عمر بضحك : طب قومي اجهزي وشوية وجايلك .
مريم بفرحه : اشطا ، باي .
عمر : باي يا عبيطه .
و في اسكندريه .
سحر بعياط : ازاي يا عبده تعمل كدا ؟
عبدالرحمن بحزن : كنت عاوز اطمن عليها واخليها تعيش عيشه كويسه ، هي اتبهدلت معانا كتير .
سحر : انت كدا هتبهدلها اكتر ، احنا ما صدقنا أنها سامحتنا .
عبدالرحمن : طب اعمل اي البيه الكبير هيخلص عليا لو مدفعتش الفلوس وبرضو مش هيسيب مريم في حالها.
سحر بتخبط على رأسها : هنعمل اي دلوقتي ياربي!
عبدالرحمن : انا هطلب من مريم أنها تتجوز البيه الصغير وتبعدنا عن المشاكل دي ..
سحر : انت بتقول اي يا عبده البت مخطوبه دلوقتي وفرحانه بخطيبها ، عاوزنا نبعدها عنه عشان مصلحتنا! لا ياخويا دا مش هيحصل ابدا .
عبدالرحمن: حلها من عندك يارب .
عند مراد وملك وكان اهلهم وصلوا وبدأت السلامات والهزار و هما ماشين .
مراد : عمر .
عمر : اي يا مراد !
مراد :, عاوز اطلب منك طلب بس مش عاوز اي حد يعرفه حتى مريم ، فاهم !
عمر : فاهم ، في اي قلقتني .
مراد : بص … …
عمر : اعتبره حصل متقلقش .
مراد : تمام بس متتأخرش .
عمر : عنيا .
مراد : يلا بقا شوف انت رايح فين .
عمر : ماشي يا عم عريس بقا ومن حقك .
مراد بضحك : طب يلا غور .
مشيوا كلهم و راحت ملك لمراد .
ملك : انت كويس ؟
مراد بيحاول يداري قلقه : اه يا حبيبتي كويس .
ملك بقلق عليه : مش حاسه .
مراد وهو بيفتح دراعاته : طب تعالي قربي .
راحت ملك لحضنه و قالت : انت مخبي اي عليا ؟
مراد بيحاول يطمنها : مش مخبي يا حبيبتي بس عاوزك تاخدي بالك من نفسك .
ملك بقلق: حاضر يا حبيبي ، انت كمان خلي بالك من نفسك .
مراد : حاضر .
و في مكان جديد كان قاعد البيه الكبير (اسماعيل) و ابنه البيه الصغير (هادي)
اسماعيل : انا كلمت عبدالرحمن النهارده عشان نحدد معاد خطوبتك انت و مريم .
هادي : مريم اي دي اللي اخطبها انا حتى معرفهاش .
اسماعيل : بس انا اعرفها و هتتجوزها .
هادي ببرود اخد تفاحه من طبق الفاكهه وقام : اتجوزها انت .
اسماعيل بصوت عالي : هتتجوزها غصب عنك مش بمزاجك ، دا انا صارف عليها هي واهلها فلوس تبني مصنع .
هادي وهو خارج : الناس بتكبر وتعقل إلا انت .
وعند مراد الباب كان بيخبط فتح الباب وكان عمر وكان معاه حاجه.
عمر : اهو متأخرتش .
مراد : اول مره ياخويا .. عملت اللي قولتلك عليه ؟
عمر : بالحرف .
مراد : تمام اوي .. روح بقا.
عمر : اروح ؟ جايبني الصبح كدا من غير فطار وتقولي اروح ؟
مراد : انزل يا بارد أفطر على حسابي .
عمر بضحك وهو نازل : انت اللي جبته لنفسك .
خرجت ملك من الحمام بإبتسامه : مين اللي كان هنا .
مراد : عيل رخم كان تايه .
ملك وهي بتقعد عشان تسرح شعرها : طيب .
مراد جيه من وراها وطلع سلسله من جيبه ولبسها لملك .
ملك بفرحه : الله يا مراد دي جميله اوي .
مراد : مفيش أجمل منك يا روحي .
ملك : انا بحبك اوي .
مراد : انا كمان .
وفي مكان تاني .
داليدا : بكرا تنفذ ، فاهم !
الشخص: فاهم يا ست هانم