Uncategorized
رواية كدبة ابريل الفصل العاشر 10 والأخير بقلم حبيبة محمد
رواية كدبة ابريل الفصل العاشر 10 بقلم حبيبة محمد
 |
| رواية كدبة ابريل الفصل العاشر 10 بقلم حبيبة محمد |
رواية كدبة ابريل الفصل العاشر 10 والأخير بقلم حبيبة محمد
نيرا دخلت القصر لقتهم مشغلين اغاني وجو رومانسي
حياه صحيت من الحلم ال هي فيه وهي بتقول: ااااه يا قلبي
مش معقول يكون كل دا حلم يارب ميكونش حقيقه ويكون ماما وبابا عايشين لسه يارب
ادهم خبط علي الباب براحه وهو بيقولها:
مالك وشك مصفر كدا ليه؟
حياه بتوتر وارتعاش: حلمت ان ماما وبابا احممم اقصد مامت نيرا وباباها يعني… حلمت ان شيماء قتلتهم وانهم ماتوا وان نيرا خاصمتنا ومشيت وان شيماء… اقصد ان ماما اتعدمت واننا تاني يوم بعد ما اتعدمت فضلنا نرقص ونغني لا وكمان دخلت شخصيات عمري ماشوفتها في حياتي في الحلم تقريبا بنت اسمها ميليسا وولد اسمه يحيي حاجه كدا
ادهم ضحك بسخريه وهو بيقول: انتي عبيطه يا حياه انتي كنتي بتحلمي ب فلم لا وكمان تركي
حياه حطت ايدها علي قلبها وهي بتقول: اسكت دا حلم تقيل بشكل
ضحكت بصوت عالي وهي بتقول: لا وكمان انت كنت بتخليني انام علي الارض جمب السرير بتاعك
ادهم بعدم فهم: ازاي يعني اكيد مش للدرجادي هسيبك تنامي علي الارض وانا انام علي السرير؟
حياه ابتسمت وقالتله: والله الحلم دا هم وانزاح من علي قلبي
ادهم مسك ايدها وباسها وقالها: اعملي حسابك انك رجعتي للشغل
حياه اتكسفت واتوترت وقالت في نفسها: عادي يعني انا بنت عمه فيها اي اما يبوس ايدي
حياه بفرحه: سامحتني؟
ادهم بحب: انا اصلا كنت مسامحك وعمري ما فكرت ازعل منك
حياه حضنته بعفويه وهي بتقوله: انا اسفه يا ادهم؛ اسفه علي كل حاجه واسفه اني كدبت عليك….
ادهم بعدها عنها وغمض عينه بهدوء وقالها: حياه!!
حياه سمعت صوته المريح قالتله هي بهدوء: نعم؟
ادهم خد نفس عميق وقالها: ال بينا دا يسمي اي؟
حياه باستعباط: هيكون اي؟
احنا قرايب وانا بنت عمك!!
ادهم بعصبيه مكتومه: حياه.. انتي فاهمه قصدي متستعبطيش
حياه بتوتر زايد: ادهم انت بتقول اي ينفع تفهمني
ادهم مسك ايدها وقالها: هعتبرك مش فاهمه وهقولك….
حياه ال بينا دا مش علاقه ولاد عم بس!!!!
احنا من قبل ما نعرف اننا قرايب كنا عارفين بعض
وانا قبل ما اعرف انك قريبتي نظراتي ليكي كانت واضحه اوي
وانتي نظراتك ليا كانت بترشق في قلبي يا حياه
انا كنت بروح الشركه كل يوم علي امل اني الاقيكي هناك وابصلك بس انا مكنتش مبين دا ابدا ومكنتش مبين اني مهتم ل دا ابدا
لما بمسك ايدك يا حياه انتي مبتحسيش باي حااجه؟
طب لما بقرب منك او بحضنك مكنتيش بتحسي ب… بأعجابي بيكي
مكنتيش بتلاحظي غيرتي عليكي من اسر ال طلع اخوكي اصلا وانا مكنتش اعرف بفتكره صاحبك علي حسب ما قولتيلي
ملاحظتيش كل دا؟
حياه قلبها دق جامد واتوترت وايدها بدأت تترعش من الكسوف
ادهم ضم ايدها اكتر بين ايديه وقالها: متترعشيش يا حياه
انا مدفيكي!! انا جمبك متتوتريش قولليلي علي كل ال في قلبك انا من حقي اعرف انتي بتحبيني زي ما انا بحبك ولا لأ
انا بحبك يا حياه ومستعد استغني بنفسي عشانك انتي وقفتي جمبي في كل حاجه
ليا حق احبك…
حياه ابتسمت بفرحه مش سيعاها وهي بتبص في عيونه بدأت تبربش برموشها وهي مش مصدقه وبعدين قالت كل ال في قلبها بعفويه مستنتش حتي تفكر في الكلام الهتقوله:
انا بحبك… انا وقفت جمبك انت لأني حسيت بالامان في حضنك انت وساعه ما كان بيحصل حاجه كنت بلجأ لحضنك انت
عشان انت الشخص التستحق اكون معاه
الحب مبيختارش الناس… انا حبيتك من غير اسباب
مبصتش ل لبسك ولا لفلوسك ولا شخصيتك ولا لأملاكك ولا اي حاجه يا ادهم
انا كل البصيت عليه هو قلبك؛
بصيت لعيونك الكنت بغرق كل اما اشوفها
مكنتش مصدقه ان فيه حاجه اسمها حب او اني هقابل شخص في يوم من الايام واحبه كنت فاكره ان كل دا في المسلسلات والافلام والروايات بس دا طلع حقيقه عشان انا كنت كل اما انام افكر فيك اغمض عيني افكر فيك في كل ثانيه كنت انت في عقلي
في كل مره كنت بحضنك فيها مكنتش بنسي الاطمئنان الكنت فيه في حضنك
عارف يعني اي حب؟ يعني اني اغمض عيني وانا مطمنه اني هشوفك بكره
يعني اني برتاح وانا جمبك
يعني اني مستعده استحمل كل عصبيتك وقسوتك وكل ظروفك عشان بحبك يا ادهم عشان انا فعلا مأمنتش بالحب غير معاك انت
ادهم ساب ايدها ولمس وشها بأديه وهو بيقول برومانسيه:
انا قبل ما انتي تيجي … كنت بفتكر صحابي اغبيه لدرجه؟
لدرجه اني كنت بستغرب لما بشوف صحابي بيتجوزوا وبيحبوا؟
كنت بقول هما ازاي مش هيزهقوا لما يحبوا واحده ويتجوزوها وتفضل معاههم العمر كله
بس دلوقتي اتأكدت ان انا الغبي مش هما…
عشان انا محبتش من قلبي زيهم عشان اقول كدا…. لاكن لما حبيتك بقيت عايزه اعيش طول العمر جمبك
اسر فتح الباب فاجأه لقي ادهم قاعد علي سرير حياه وماسك وشها
ادهم قام بخجل وهو بيقول: احممم
اسر بعصبيه: حياه؟ انتي ليكي كلام معايا..
حياه اتكسفت ووشها احمر وقالتله: اسر انت..
اسر بعصبيه: اسكتي
ادهم خرج برا الأوضه وهو عايز ينط من هدومه من الموقف الاتحط فيه
اسر قعد جمب حياه وهو بيقولها: حياه انتي اتجننتي… ازاي تسمحيله يقعد معاكي في الاوضه وانتي لوحدك
مش عشان احنا ولاد عمه يعمل كدا….
حياه حضنت اخوها وهي بتعيط
اسر اتخض وحضنها وطبطب علي ضهرها وقالها:… حياه انا اسف والله مكنتش اقصد ازعقلك انا بس خايف…علي..
حياه قالتله وهي بتعيط في حضنه: مبعيطش عشان انت زعقتلي انا بعيط عشان انا بحب ادهم…
اسر بذهول: نعم؟ بتحبي ادهم؟
دا حصل امتي دا؟
حياه قالتله وهي بتعيط:
اسمعني يا اسر… انا محتاجه افضفض كلام كتير اوي جوا قلبي ولسه في اثر الصدمه مفيش غيرك احكيله
اسر بحنيه: طبعا احكي
حياه مسحت دموعها وه بتفضفض كل ال في قلبها:
انا ونيرا اتربينا مع بعض مع نفس الام والاب روحنا نفس المدرسه اتخرجنا مع بعض واشتغلنا مع بعض…
عيشت مع ماما وبابا ال طلعوا مزيفين دول اكتر من ٢٠ سنه وانا فكراهم اهلي
بس مكدبش انا فعلا اعتبرتهم اهلي ولغايه دلوقتي مش قادره اقنع نفسي انهم مش اهلي…
مش قادره انسي ان بابا كان بيوصلني انا ونيرا مع بعض المدرسه وكان بيعتبرني بنته فعلا
ولا قادره انسي ماما الكانت بتلعب معانا وتزاكرلنا وتفسحنا
ولا عمري هنسي؛ لحد ما قابلتك يا اسر كان عمري ٤ سنين تقريبا
قابلت اخويا الحقيقي ال هو انت… اعتبرتك صاحبي واكتر من اخ كمان وكميه الحب ال في قلبي ليك كانت متتوصفش اعتبرتك سندي وضهري كنت دايما جمبي في كل الاوقات
كنت بعدي علي بيتك واخدك ونروح نشتري حاجات
كنت بشوف مامتك المزيفه برضو بس عمرها ما ادتني اهتمام او سلمت عليا وانا مكنتش بفكر فيها اصلا
لحد ما عرفت انك اخويا وعرفت كل حاجه وانت العرفتني ان دول مش اهلي الحقيقين
خدت نفسها ومسحت عياطها وهي بتقول: وبعدين قابلت ادهم
ال فعلا اعتبرته ابويا واخويا وحبيبي… مش مكسوفه اقولك كدا لاني متعوده احكيلك علي كل حاجه… عنده قدره غريبه بتخليني احبه اكتر من الاول
بقيت بحس معاه بنفس الامان البحسه وانا في حضن بابا
ادهم كان تاني حد من بعدك احس معاه بأمان واحبه من قلبي يا اسر
ارجوم متمانعش اني احبه او هو يحبني… عشان حبي ليه دا عمره ما كان بأيديه
اسر ضحك بحنيه وهو بيقولها:
اي كل الرومانسيه دي؟ جبتيها امتي يعني؟
حياه مسحت دموعها وهي بتضحك وبتقوله: هاتلي منديل بسرعه مناخيري سابت من كتر العياط
اسر جابلها مناديل وهو بيقولها بهزار: امسكي ناقصه قرف هي
حياه فضلت تنف في المناديل لغايه ما خلصتها واسر واقف يضحك
****
ادهم دخل اوضته وهو بيبتسم كل لما يفتكر كلام حياه ليهه
دخلت شيماء وهي بتقوله: صاحي بدري كدا ليه يا ادهم؟
ادهم اتنفض وهو بيقولها: مفيش يا شيمو كنت هروح الشغل ما انتي عارفه
شيماء بعدم فهم:
ومروحتش ليه؟
ادهم قالها بصراحه: انا بحب حياه بنتك يا شيماء
شيماء اتبسطت وقالتله:
يا احسن خبر سمعته في حياتي وانا هلاقي لبنتي مين حد زيك
هلاقي حد انا واثقه فيه ومربياه علي ايديه ازاي
ادهم حضنها وهو فرحان وبيقولها: حبيبتي يا شيمو
***
ادهم خرج من اوضته وشيماء معاه و في نفس الوقت خرجت حياه واسر
شيماء بابتسامه عريضه: حاسه ان انهارده يوم حلو مش عارفه ليه كلنا مبسوطين كدا
حياه بصت لادهم وهي مكسوفه
اسر بص لحياه وهو بيقول لشيماء: والله يا امي… في قصه حب كدا ابغي اقولهالك بس استحي…
شيماء ضحكت بصوت عالي وهي بتقوله: خلاص بقا متكسفش البت كدا كدا ادهم قالي…
كلهم ضحكوا وصوتهم وصل لاوضه ناديين
صحيت من النوم وهي نعسانه وبتتمتع وبتقولهم: غريب اوي الوضع الانتوا فيه دا؟
اسر التفت لصوتها و هو بيبصلها برومانسيه وبيقول في سره: طلتك غير طلتهم كلهم… طلتك عامله زي القمر
شيماء شدت نادين وهي بتقولها: تعالي تعالي في قصه حب جديده هنا…
نادين بصت من طرف عينها وهي بتقول: م.. مين؟
قالت في سرها بخوف: يا خوفي يكون اسر هو العايش قصه حب مع حد غيري!
اسر قرب من ودن ناديين وهو بيقولها بهمس: ادهم و حياه بيحبوا بعض
نادين ضحكت بذهول وهي بتقول: متهزرش؟
ادهم وحياه!! واااااااااااااو؛ هما الاتنين لايقين علي بعض اوي
قالت في سرها: وانا وانت لايقين علي بعض برضو…
حياه قربت من ادهم بكسوف وهي بتقوله بهمس: ما تخليك انهارده ومتروحش الشغل.. ينفع؟
ادهم باس ايدها وهو بيقول: ينفع… عشان بس اشوف عيونك
شيماء كانت بتتصنت علي كلامهم وقالت بعفويه: حلو اوي
هروح اعمل انا الفطار عشان نكون مع بعض كلنا… دا يوم مش هيتكرر
حياه سكتت وبعدين قالت: بس ينفع قبل ما افطر معاكم اروح اشوف نيرا اختي؟
ادهم بأهتمام: اوصلك؟
حياه بحب: لا انا محتاجه اكون معاها لوحدي
اسر ونادين انتبهوا للكلام وبعدين قالوا في نفس الوقت: متتأخريش
اسر بص لنادين وقالها: انتي بتاخدي الكلام من علي لساني؟
حياه امأت برأسها بأبتسامه وقالت: مش هتأخر
ادهم بخوف عليها: مش هطمن عليكي وانتي نازله لوحدك لازم اوصلك
حياه سكتت وسابته يوصلها
***
في العربيه
حياه مسكت ايد ادهم وهو بيسوق وقالتله: تعرف اني بحب اهتمامك بيا؟
ادهم شال ايدها من علي ايده وباسها وهو بيقولها: وانا بحبك
حياه بهدوء قالتله: عايزه اروح اطمن علي اهلي وعلي نيرا اختي وحشوني اوي…
ادهم بحنيه: روحي يا حبيبتي واطمني عليهم وقضي وقتك معاهم زي مانتي عايزه ووقت ما تخرجي من عندهم اتصلي بيا عشان اجي اخدك عشان الوقت هيتأخر عليكي كدا…
حياه ابتسمت وقالتله: حاضر
*****
نزلت من العربيه وهي بتسلم علي ادهم باديها الاتنين وبتقوله: خلي بالك علي نفسك وركز في طريقك
ادهم بحب: اهم حاجه انتي لو احتاجتي اي حاجه تتصلي بيا ومتخرجيش بليل لوحدك كلميني اجي اخدك
مشي من المكان وهي رجعت لتفكيرها الاساسي ال كان في اهلها
بصت علي البيت وهي بتبتسم للذكريات العاشتها فيه
دخلت من الباب الحديد بتاع البيت وبصت علي شباك نيرا لقتها قفلاه بحديد مش هتعرف تنط منه زي كل مره
خبطت علي الباب وهي متوتره انها تشوفهم بعد الحصل
فتحت ام نيرا واستغربت جدا لما لقت حياه
وبعديها جت نيرا وباباها
مامت نيرا بحزن شدت حياه لحضنها وهي بتقولها: وحشتيني يا بنتي
حياه معرفتش تكون قويه قدامها معرفتش تمسك دموعها مهما كان دي امها…حياه حضنتها وضمتها جامد وهي بتقول: وحشتيني اوي يا ماما
ابو نيرا شد حياه وهو بيقولها: ابوكي موحشكيش يا حياه
حياه بدموع حضنته وطبطبت علي ضهره وهس بتقوله: وحشتني اوي هو انا عندي كام اب يعني
ابو نيرا بدموع: انا اسف يا بنتي
اسف اني مقولتلكيش انك مش بنتنا بس انا لقيت ريهام جيباكي في ايدها وانتي قد كدا وبتقولي: انا هتربيكي معانا
مرضيتش اقولك انك من غير اب او من غير ام عشان مجرحكيش
نيرا همست في ودن ريهام وهس بتقولها: حتي بابا ضحكتي عليه وقولتيله انك متبنيه حياه بس انتي اصلا كنتي خطفاها
هيعمل اي فيكي لو عرف الحقيقه
حياه مسحت دموعها وبعدت عنها لقت نيرا واقفه فاتحه ايدها الاتنين وهي بتقولها
: خش في حضن اخوك يا فواز
حياه جريت علي حضنها وهي بتقول: مهما حصل عمري ما هتخلي عنك يا نيرا
وهتفضلي انتي الاحكيلك مشاكلي وكل همومي هتفضلي كل اهلي مهما حصل
نيرا حضنتها جامد وهي بتقول: اصدقي يا بت القعده من غيرك ممله انتي كنتي عملالي حس
كنت كل يوم بستناكي للساعه ١٢ وبقول هي حياه ليه مجتش لحد دلوقت وبعدين افتكر انك روحتي لأهلك مش قادره اتأقلم خالص علي الوضع دا من غيرك
حياه حضنت نيرا جامد وقالت لريهام ولباباها: انا هاخد نيرا كل يوم تبات معايا ينفع؟
ريهام بخبث: طب وهنشوفها ازاي كدا…
حياه بكسوف افتكرت انها مبقتش بنتهم: خلاص نيرا هتبات عندي كل اسبوع
باباها بطيبه: خديها معاكي مش عايزها
نيرا لمت شنطه هدومهت بفرحه وهرجت مع نيرا وهي بتقولها:
يااااه وحشتني اوي القعده معاكي يا حياه
ااااه حصلت معايا حاجات كتير اوي عايزه احكيها ليكي
حياه بتسمعها: قولي
نيرا بفرحه: امبارح اتقدملي شاب انا بحبه
حياه سقفت بفرحه وقالت: بجد؟ طب وبابا وافق؟ احمم اقصد يعني باباكي وافق
نيرا بحزن: ليه بقيتي بتعملي كدا؟ هو لسه باباكي…
علي العموم يستي بابا وافق وقرا الفاتحه كمان
حياه حضنت نيرا جامد وقالتلها: احلي خبر سمعته في حياتي
نيرا بتفكير: طب..اسر هيزعل؟
حياه بسخريه: ياااه اسر دماغه مبقتش فيه لما شاف ناديين اخت ادهم
ادهم وصل بالعربيه لقي حياه واقفه مع نيرا وعاملين بيهزروا
ركبوا العربيه معاه وفضلوا طول الطريق يهزروا مع بعض
****
اسر في الجنينه كان بيقرأ كتاب
نادين خرجت وهي بتضحك بسخريه: الله الله؟ و دا من امتي وانت بتحب تقرأ كتب؟
اسر بيقلدها: اامم مفيش انتي عايزه حاجه؟
ناديين: انت بتقلدني؟ لا وكمان بتقلد طريقه كلامي
اسر قام من علي الكرسي وهو بيضحك وبيقولها: انتي عبيطه يا ناديين اكيد بقلدك يعني وانا من امتي وانا بقرأ كتب
ناديين بسخريه: طب وبتقرأها ليه لما انت مبتحبش تقرأ
كان في حمام سباحه وراهم
نادين رجعت لورا بتريقه وهي بتقوله: بتقلدن..
مكملتش كلمتها ووقعت في حملم السباحه وقبل ما تقع شدت اسر معاها
اول ما طلعوا من تحت المايه قالتله وهي بتضحك: خدنا غطس حلو صح؟
اسر ضربها بالمايه وهو بيقولها:
كنت هغرق انا وانتي يا نادين
نادين ببرود: لا يا شيخ طب ما احنا في المايه ومغرقناش اهو
اسر قرب منها ولمس وشها بهدوء
نادين غمضت عينها برومانسيه
اسر بهدوء: تعرفي ان…
نادين كان مغمضه عينها وقالت وهي مغمضه: امم؟
اسر لمس تحت عينها وهو بيقول: تعرفي ان…
نادين بهمس: امم؟
اسر بزعيق: تعرفي ان المسكرا هببت تحت عينك وبقا شكلك زفت…
نادين خبطته في كتفه وقالتله: اصدق انت تنح
اسر فضل يضحك وهو فطسان علي نفسه ضحك
ادهم وصل ومعاه نيرا وحياه
وفي نفس الوقت خرجت شيماء
لقت اسر و نادين في البسين وادهم شاف نادين في البسين معاه
ادهم كان لسه هيزعق؛ حياه مسكته من ايده وهي بتمنعه وبتقوله: متعملش كدا…
متزعلهمش.. هما بيحبوا بعض
ادهم بعصبيه: يعني اسيبه يصيع علي اختي
حياه بعصبيه: اسر مش صايع اسر بيحبها
ادهم سكتت وكتم عصبيته
نادين طلعت من المايه غيرت لبسها واسر برضو
شيماء بأنبساط: انا حضرت الغداء وهشغل اغاني وهنقعد كلنا مع بعض
****
حياه غيرت اللبس الكانت لبساه ولبست فستان ابيض قصير وعليه رسومات فراوله بسيطه وشكله حلو وسيبت شعرها الكيرلي…
وادهم كان لابس بدله الشغل من الصبح…
نيرا نزلت هي كمان وقعدت جمبهم علي السفره
ونادين نزلت وهي لابسه شورت وتيشرت
واسر نزل وكلهم اتجمعوا علي السفره
شيماء شغلت اغاني رومانسيه وهي بتقول: الانا عاملاه دا مش غداء بس انا محضرلكم مفاجأه
قامت وقفلت النور كله حتي نور الجنينه وشغلت نور احمر ونور ازرق كأنهم في حفله
وفتحت الشاشه الكبيره وهي بتقول: قدرت اجيب اول يوم ادهم وحياه اتقابلوا فيه ودلوقتي كلنا هنشوفه مع بعض
***
_ اتفضل
قالها بطريقه مقززه: انتي بتشتغلي هنا؟
_عدلت لياقه القميص وقالتله: اه بشتغل هنا… احمم لسه متعينه يعني.. انهارده اول يوم ليا
قام وقف وقال بعصبيه: اي الاشكال البتشغلوهم دول يا شويه بقر
قالتله بقرف: ليه انت فاكرني بقره من ضمن البقر الانت مشغلهم وهسكتلك؟ لا فوق انا مبحبش المعامله الزفت دي وبعدين انت مين عشان تعاملني كدا….
شيماء قفلت الشاشه وهي بتقول: جبت الفيديو دا من تسجيلات الكاميرات بتاعت الفندق الانت بتحتفظ بيهم
ادهم ضحك وقام وقف وشد حياه ووطي وهو بيقول:
انا بتعذر اني عملت معاكي كدا مكنتش اعرف انك انضف شخص دخل حياتي واحسن قلب واطيب بنت انا شوفتها يا حياتي
قالها وهو بيبص في عيونها:
انا حبيت قلبك يا حياه؛ حبيتك من غير اسباب…
مستعد اقضي عمري كل معاكي مستعد اعمل اي حاجه اكون معاكي فيها
وجهه كلامه لأسر وهو بيقول: وبطلب ايدك من اسر وشيماء؟
شيماء فتخت النور وزغرطت جامد وحياه فضلت تضحك برومانسيه
شيماء قالت: موافقه والف موافقه
اسر افتكر كلام حياه معاه الصبح وعمره ما هيرضي يزعل اخته منه خصوصا ان هي بتحي ادهم
اسر قاله بصوت رجولي: موافق بس؟
ادهم بتوتر: بس؟
اسر بص لنادين وهو بيقول لادهم: بس انا كمان بطلب ايد ناديين منك وعايزك توافق
ادهم بص لنادين وبياخد رأيها؟
نادين حركت راسها بفرحه وهي بتوافق
ادهم بابتسامه: انا موافق
اسر قاله بفرحه: وانا موافق
ادهم حضن حياه جامد ولف بيها وسطهم كلهم
واسر بص لل ادهم بيعملوا وقلدوا وحضن نادين ولف بيها برضو
شيماء ونيرا ماتوا من الضحك علي ال اسر عملوا
ادهم وقف وقال لحياه وسط الاغاني الرومانسيه الشغاله
: يوم ما اتقابلنا اليوم دا هفضل مش ناسيه… انا اتكتبلي احلي قصه حب فيه… اول مشاعر حلوه قلبي حسها…. ولهفتي لمعاد اقابلك بعدهااا
قالها برومانسيه: كان احلي يوم فعلا كان احلي قدر واخلي ساعه في حياتي
هفضل اشكر ربنا عليكي يا حياه
تفكيري فيكي كان مبيخلصش كنت شايل هم انك تكوني متحبينيش…
حبي ليكي دا قصه مرسومه في خيالي وعمري ما همسحها
بحبك اوي يا حياه
حياه ضحكت من قلبها وحضنته وهي بتقول: مش عايزه ابعد عن حضنك دا ابدا بطمن وانا معاك
نيرا وشيماء سقفوا جامد ل حياه وادهم
اسر بتفاهه: ما تسقفولنا احنا كمان الاه
نيرا ضحكت وقالتله: حاضر
كان يوم مبهج وجميل اوي بالنسبالهم
انا ك كاتبه روايه اتعلمت حاجات كتير اوي من الروايه الانا كتبتها
شئ جميل اوي ان يكون فيه ترابط اسري قد اي دي حاجه جميله انهم يحبوا بعض كلهم والاجمل انك تحس بالدفي وسط الناس البتحبهم
وان الحب عمره ما كان بالوقت ولا بالشكل والشخصيه الحب دا من القلب
وان الاخوات بيحبوا بعض مهما كان فيه اي بينهم
انا عيشت الفصل الاخير دا معاهم بكل تفاصيله كأني عايشه معاهم فعلا والحمد لله دا الفصل الأخير من الروايه بتمني تكون قصه حب ادهم و حياه اثرت فيكم زي ما اثرت فيا ????❤️
تمت…
لقراءة باقي فصول الرواية : اضغط هنا
نرشح لك أيضاً رواية نبض السيف للكاتبة سارة محمد