رواية نيران الحب تقتلني الفصل الخامس 5 بقلم هنا سلامة

كان فيه واحد واقف ورا سليم و مثبته و قال : انزل على ركبك يالا انزل !

بحر كانت بتترعش و هي حاضنة ملك إلى منهارة من العياط

بص سليم على سلاح على الأرض و بعدين بص لبحر

أيقنت انه عاوز السلاح، حدفتله السلاح برجلها فنزل على ركبه و هو بيقول : انا معييش سلاح، بنتي لو حصلها حاجه مش هرحم حد

سحب المسدس بخفة يد و الراجل بيقول : انت الي بعتنا كلنا يا سليم عشان مراتك.. و ياريتها صانتك يالا * ضحك عليه بسخرية *

وقف سليم بسرعه و لفله و هو مثبته بالسلاح و قال : متنساش اني كنت الكبير بتاعكم في يوم

شد أجزاء السلاح و هو بيطقطق راسه يمين و شمال، الراجل جيه يدوس على زينات المسدس عشان يضرب سليم صرخت بحر و قالت : سليم !!

لكن مطلعش فيه في الخزنه بتاعت المسدس رصاص !

ضحك سليم و قال بسخرية : سلام أدريانو

داس على زينات المسدس فطلعت طلقه اخترقت رأس أدريانو و الزجاج بتاع الشرفة !!

صرخت ملك من صوت الازاز و هي بتعيط بشحتفه و بحر بتطبطب عليها و بتهمس : متخفيش يا حبيبتي اهدى بابي موجود اهو

سليم قرب ليها و قال : كويسين ؟

بحر بارتجاف : سليم مين دول ! احنا كنا هنموت يا سليم

عيطت بقوه و هي بتحضن ملك؛ ملس على شعرها و قال : اهدى يا بحر قومي معايا دلوقتي قومي

ملك التفتت له و قالت بشحتفه : بابي.. انت كويس و لا لا ؟

اخدها من بحر بلطف و شالها و باس رأسها : كويس يا حبيبت بابي.. نامي على كتفي

حطت رأسها على كتفه و شالها بأيد و الايد التانيه مسك ايد بحر بيها و هو بيهمس : مش هسمح لحد ياذيكي متخفيش

دموعها نزلت فشد على ايدها و قال : بقول متخفيش.. يلا بينا

سحبها و نزلوا و كان فيه حارسين بس هما الي سلام آمنوا ضهروا لحد ما وصل للعربية بتاعته و ركب

سليم : خدي ملك و اربطي الحزام بتاعك

بحر بارتجاف : حاضر.. مين الناس دول يا سليم طيب

سليم ببرود : أعداء ليا في شغلي يا بحر و خلصنا بقى خلصنا

اخدت ملك منه و هي بتبصله بغيظ، دور العربيه و انطلق و هي سندت على ازاز الشباك و دموعها نازله، شدت ملك ليها اكتر و هي بتبوس رأسها و قالت : سليم

سليم و هو مركز في الطريق : نعم ؟

بحر بجديه : لو ملك حصلها حاجه انا مش هرحمك يا سليم

سليم بسخرية : انت عارفه بتفكريني بايه ؟ تخيلي انت جندي مصري بيدافع عن أرضه بايده و سنانه و ييجي عسكري تبع المحتل يقولك لو أرضك

ضاعت منك أو فرطت فيها انا مش هرحمك ! دي بنتي يا بحر بنتي افديها بروحي !

بحر بسخرية : ما هو واضح انت بتعرضها للخطر اهو الله اعلم وراك ايه

بصلها بحدة و قال : مهما كان ورايا ايه انت ملكيش فيه ! انت فاهمه و لا لا يا بحر

بحر بحدة : فاهمه يا سليم، بس مش هسمح أن ملك تتاذي

بصلها بغضب و مسح وشه و قال بعصبيه : اللهم طولك يا روح !

صحت ملك و قالت بنعاس : بحر

بحر : نعم يا حبيبتي

ملك : بابي ك.. كويس و لا لا

بحر بصت لسليم بغيظ : كويس كويس

عضت شفتها من الغيظ و قالت بهمس : ده ب ٧ أرواح ده !

ركن العربية قدام بنزينه على الطريق و قال : عاوزين اكل أو أي شيء  ؟

بحر : لا هات لملك عيش فينو بس عشان هي مبتكلش عيش بلدي

سليم : كل حاجه موجوده في الشاليه، اجيبلك قهوه ؟

بحر : لا شكراً و يلا بقى لاني تعبانه و عاوزه أريح جسمي من الطريق و الي انا شوفته النهارده

ركب سليم و اخد رشفه من قهوته و قال : هنوصل كمان ٤ ساعات فنامي عشان متتعبيش مني

بحر برفعه حاجب : و هتعمل ايه لو انا تعبت ؟

قال ببرود و هو بيرمي كوبايه القهوه : هيبقى مصيرك زي كوبايه القهوه دي كده

بصت له من فوق لتحت و قالت بعصبيه : طبعاً ما انت قتال قتله

بصلها و قال : انا مش قتال قتله.. انا هجى أفظع من كده فاتخمدي و اتخرسي عشان مصدع

بصتله من فوق لتحت تاني و سندت رأسها على الشباك..

..

بعد مرور وقت، صحت بحر و هي حاسه بصداع هيفرتك نفوخها، بصت على الغرفة إلى هي فيها، غرفة نضيفة و مترتبه بس فيه مشروبات كُحليه في جنب ورا بعض فقالت باشمئزاز : شخص مقرف.. يا ملك يا ملك

ندهت على ملك كذا مره لكن مفيش رد، طلعت بره الاوضه و هي حاطه ايدها على بطنها من الجوع و قالت : هو راح فين ده كمان !

دخلت أوضه من الاوض و كان سليم نايم و واخد ملك في حضنه و الجاكيت بتاعه مرمي على الأرض، قربت بحر منه لقت على وشه دموع بسيطه، وشه متازم من الواضح و كان بيقول : ريهام.. انا بحبك اوي.. مستعد اسيب الشغلانه الزفت دي عشان خاطر عيونك يا ريهام..

بدون شعور من بحر مسكت ايده و همست : انا مرتاحه معاك ليه ! انا ناسيه انت تبقى مين ليه !

بدأ يتقلب فقامت بسرعه و قالت : سليم.. سليم

سليم فتح عينه الرمادي و قال بنعاس : هاا

بحر : انا جعانه

سليم بقريفه : يا ستي كلي يا ستي انا بقالي ساعات سايق و مرهق اقوم اكلك في بوقك يعني ما تتنيلي تتطفحي يا شيخه

مسكت المخده إلى كانت مرمية على الأرض و رزعتها في وشه و قالت بعصبيه : اتخمد يا ابو لسان أطول منك اتخمد كتك القرف

طلعت بره و هي بتدب في الأرض بعصبيه

فقال بهمس : ايه الي وقعها في زفت طريقي بس !

صرخت بحر و قالت : سليم  !! يا حيواااان !!

قام من على السرير و خد سلاحه و قال بصوت عالي : محدش يلمس شعره منها يا ولاد ال *** انا هطلعلكم

كان واقف ورا الباب و ماسك السلاح و طلع و مدراش بنفسه غير و هو مضروب على راسه بخشبه !

نزل سائل احمر على وشه و صرخت بحر : يا نهار اسود !!