Uncategorized
رواية عندما يعشق القاسي الفصل العاشر 10 بقلم هدير بدر
رواية عندما يعشق القاسي الفصل العاشر 10 بقلم هدير بدر
 |
| رواية عندما يعشق القاسي الفصل العاشر 10 بقلم هدير بدر |
رواية عندما يعشق القاسي الفصل العاشر 10 بقلم هدير بدر
اثر : انتى ايه اللي جابك هنا
شهد: ايه يا اثر المقابله دى
جوري قاعده مش فاهمه حاجه وبصالهم بزهول
ناديه بزعيق: جرا ايه يا اثر كل دا علشان بنت اخويا جايه تزورني هو دا إكرام الضيف برضو
نتعرف بقا علي المصيبه اللي جات دي
(شهد ٢٤ سنه خريجه من كليه آثار بتحب اثر علشان فلوسه وهي مغروره جدا جسمها متناسق وعينها رمادي وشعرها اصفر وبشرتها بيضه لبسها ضيق جدا )
….صلي علي رسول الله
اثر اتعصب: وانا قايل دي ماتخشيش بيتي تاني
شهد بدموع مصطنعه: شوفتي ياعمتو شوفتي
ناديه : معلشي يابنتي كل دا علشان الجربوعه اللي هنا
شهد بعدت عنها : هي مين دي
اثر رد : مراتي يا شهد هانم
وبعدين بص لامه دي مش اسمها جربوعه دي هانم غصب عن الكل يالا يا جوري نطلع الجو هنا بقا خنقه
جوري طلعت معاه من غير ولا كلمه
اثر: تعالي نقعد
جوري قعدت معاه : ها
اثر : اولا دي بنت خالي تمام ثانيا انا مش بطيقها تمام علشان ماتفكريش ان في بينا حاجه
جوري هزيت دماغها وهي فرحانه انه بيهتم بزعلها
اثر تيجي ننزل نقعد في الجنينه
جوري بحماس وسقفت زي الأطفال؛ اشطا يالا
اثر: متجوز عيله يا ولاد
جوري : يالا اثر خلى يومك.يعدي
اثر: حاضر ربنا علي الظالم
ونزلوا تحت راحو الجنينه
….استغفر الله العظيم
ناديه: شوفتي يا خيبه خدته منك ازاى
شهد : اصبري عليا بس اما خليتهم يطلقوا
ناديه : ماشي اما نشوف
اثر : تعالى نقعد على المرجيحة دى
جوري : يالا
بص انا هاقعد وانت تزقني
اثر : يالا ياخره صبري
وفضلوا مع بعض يضحكو وقضوا وقت حلو
ناديه : شوفتي عايشه عيشه أهلها ماعاشوهاش
شهد: انتي تعرفي عيلتها
ناديه : اتصدقي ماعرفشي حاجه عنها
شهد: تمام اوى كدا
ياتري شهد بتفكر في ايه
اول ما اثر وجوري دخلوا البيت شهد عملت انها هاتقع وبقيت في حضن اثر
جوري دموعها نزلت وناديه فرحانه
اثر رماها في الارض
اثر: انتى عاميه
شهد.بدموع : رجلى اتلوت اااه
اثر: ماعنتيش تلمسيني تاني انتي فاهمه
شهد: طب ساعدني اقوم
اثر ومسك ايد جوري : لا معلشي عندك عمتك تسندك يالا ياروحي
وطلعوا
وشهد وأمه كانوا متغاظين اوي
اثر : ممكن ماتزعليش انتي شايفه كنت داخل وماختيش بالي دموعك دي غاليه عليا
جوري : دخلت في حضنه وعيطت انا بحبك اوي انت احلى حاجه في حياتي
اثر : ياختي علي القمر يبقا القمر دا بيحبني طب يالا ياروحي ننام علشان عندنا سفر بكرا
جوري: يالا
وناموا وطبعا اثر خدها في حضنه
تاني يوم
اثر : جوجو يا جوري
جوري : هممم
اثر : هم ايه قومي يالا ياروحي هانتاخر
جوري : كمان شويه
اثر : مش بداها بقا
وشال جوري وغسلها وشها في الحمام
جوري : بغرق بغرق
اثر مات من الضحك : بتغرقي ايه ياهبله انتي
جوري فتحت عينها : اه يابارد .بيصحي حد.كدا
اثر : والله انتي مش بتيجي بالادب قلت مش بدأها بقا
جوري لاحظت انه شايلها وفي الحمام
جوري : إنت شايلني ليه
اثر : علشان افوقك
جوري : طب نزلني
اثر : لا
جوري : نزلني بقا
اثر : هانزلك بشرط
جوري : ايه هو
اثر : بوسه
جوري فتحت عينها ????: نعمممم
اثر :خرمتي ودني هتديني والا اوقعك
جوري بخوف : عيب
اثر بيعمل اكنه بيوقعها
جوري مسكت في رقبته جامد وأثر فرحان انهم قريبين من بعض كدا
جوري بتوتر : خلاص خلاص هاديك
اثر : يالا
جوري بكسوف طب غمض عينك.علشان خاطري
اثر: طيب ياستي
جوري : قربت وباسته من خده
اثر : هي دي اللي ربنا قدرك عليها ليه شيفاني ابن اختك
جوري كانت هاتموت من الكسوف وبدأت تفرق في ايدها : خلاص بقا
اثر ماحبش يضغط عليها : ماشي ياستي حد.لاقي
جوري: طب نزلني
اثر نزلها يالا ياروحي غيري واجهزي وانا هاطلع اغير في الحمام التاني
جوري : تمام
وطلع
جوري لبست وخلصت وأثر كمان دخل وجهز نفسه
ولسه نازلين
ناديه: اثر عايزاك
اثر : خير
ناديه : مش هاينفع هنا
اثر : طيب تمام جوجو انزلى تحت وأنا جايلك
جوري : حاضر ولسه جايه تنزل قامت متزحلقه واقعه من علي السلم
اثر : جووووووري
جوري وقعت في الارض ودماغها اتفتحت واغمي عليها
اثر جاي ينزل لقي حاجه بتزحلق
امه وشها اصفر
اثر مين ابن *** اللي عمل كدا في مراتي
وبص لامه
اثر : ناديلي شهد وانزلولى
ونزل جري لجوري
حط دماغها علي رجله
اثر : فوقي ياحبيبتي ابوس ايدك
يا سعاااد
سعاد جات جري : نعم يابيه
اثر : جبيلي ميه حالا
سعاد جريت جابت ميه
وأثر فضل يفوق جوري بس شاف الدم اللي علي رجله
شالها وجري بيها
ناديه : هانعمل ايه.
شهد بعصبيه : قلتلك خديه الاوضه وهي اما تنزل هامسح الزيت اللي علي الارض
ناديه : البت اللي نزلت علطول قبل ماندخل
شهد: ربنا يستر اثر مش هايسيبنا
ناديه بخوف: يارب
اثر في العربيه : حبيبتي فوقي ماتقلقنيش عليكي
وصل المستشفي
اثر : عايز دكتور
معلشي بقا من اول الروايه مستشفيات????????
الدكتور جيه جري ودخلوا جوري اوضه
وأثر استني برا
الدكتور : احنا وقفنا النزيف وخيطنا دماغها بس في خبر مش حلو