Uncategorized
رواية دار الأيتام الفصل السابع والثلاثون 37 والأخير بقلم أميرة أسامة
رواية دار الأيتام الفصل السابع والثلاثون 37 والأخير بقلم أميرة أسامة
 |
| رواية دار الأيتام الفصل السابع والثلاثون 37 والأخير بقلم أميرة أسامة |
رواية دار الأيتام الفصل السابع والثلاثون 37 والأخير بقلم أميرة أسامة
لبس..ليل هدومه بسرعه….ونزل…خد معاه جزء من الجارد بتوعه..وراح على جاسر…بعد فتره بسيطه… وصل ليل شقه خاصه بجاسر محدش يعرف عنها حاجه ولا يعرف مكانها غير ليل وادم ونوح….
خبط…ليل…
ثواني وفتح جاسر….واول ما شافه وقف باصصله وساكت.
ليل…ايه جيت في وقت مش مناسب ولا ايه مالك باصصلي كده ليه…
جاسر….ادخل..
ودخل جاسر وسابه…
دخل ليل وراه وقفل الباب.. وراح اعد جمبه عالكنبه….
كانت ادامه الترابيزه محطوطه عليها طفايه مليانه سجاير… وازازتين خمره…واحده منهم فاضيه والتانيه فيها نصها..
ليل…. ايه المنظر المعفن اللي انت اعد فيه ده وايه اللي انت شاربه ده كله…
جاسر…اجبلك كاس..
ليل…لا مش عايز شكرا…قوللي بقى في ايه وايه العبط اللي انت فيه ده
جاسر….وهو بيشرب كاس مالي مانا تمام اهو
ليل…انت شايف انك تمام..بمنظرك ده وكمل بصوت عالي
وبعدين سيب الارف ده وانا بكلمك..
جاسر…في ايه ياليل. متفصلنيش
ليل… سايب البيت وامك هتتجنن عليك…كل ده عشان شادد معاهم من امته وانت بتسيب البيت عشان شديت معاهم..
جاسر…مفيش ياليل عادي يعني
ليل… بتتلكك مثلا عشان تسيب البيت
جاسر….عادي احسبها زي ما تحسبها..
ليل… احسبها زي ما احسبها طب عايز تسافر ليه يا جاسر ولا دي كمان احسبها زي ما احسبها..
بصله جاسر..بصدمه… انت عرفت ازاي… تمارا كلمتك.
ليل… يعني كلامها صح وكنت ناوي تسافر وعايز تتجوزها وتاخدها معاك…
جاسر… يعني بلغتك.
ليل…اه بلغتني عشان خايفه عليك عشان بعد رفضها انها تيجي معاك مش عايزه تخسرك وعيزاك تفضل معاها…تصدق بالله البت دي طلعت اجدع منك طلعت بمية راجل مرضيتش تسيب اخواتها وانت بسهوله بتبيعنا وعايز تسافر ومترجعش ومفكرتش في حد فينا…
جاسر…انا مش ببعكم يا ليل…بس انا مش هينفع اعد هنا انا لازم اسافر..
ليل… اولا تشيل فكرة السفر دي من دماغك خالص عشان مش هتحصل.. ثانيا فكرة سفرك دي مش بمزاجك..
جاسر….مفيش وقت للكلام يا ليل انا خلاص قررت ومسافر الصبح…انا حضرت كل حاجتي…
ليل… انا مش جاي اتناقش معاك في فكرة السفر دي خالص. والكلام منتهي…
كلمتين ملهمش تالت… تفوق كده من الارف اللي انت فيه وايآ كان اللي انت شادد مع ابوك وامك علشانه مش عايز اعرف بس سفرك ده تشيله من دماغك…. وبكره الكل هيجي عندي الڤيلا كل حاجه بكره هتتعرف وفي كلام لازم الكل يسمعه ويعرفه… وانت هتكون اول الموجودين. هتسمع كل اللي هيتقال عايز بعد كده تمشي امشي براحتك سافر ومحدش هيمنعك مفهوم .
جاسر…مش هينفع اعد ياليل
ليل…اظن كلامي اتفهم ووصلك…. ولو عاندت انت عارف قلبتي يا جاسر..
قام ليل… وقف انا ممكن ادخل اخد الباسبور والتذكره بس مش هعمل كده يا جاسر… وعايزك تجرب تسافر وساعتها متزعلش من اللي هعمله….انا هروح عشان منمتش بقالي يومين.
وسابه ليل وفتح الباب ونزل….
ليل….للبودي جارد…
عنيكم متغفلش عن جاسر… والصبح لو نزل. تمنعوه حتى لو بالقوه…مفهوم… واول ما اديكم اشاره تركبو معاه في العربيه وتجيبوه ميغفلش عن عينكم ابدا…
الجارد…مفهوم ياليل باشا…
روح. ليل…واول ما وصل طلع على اوضته غير هدومه وقبل ما ينام مسك موبايله كلم تمارا…
تمارا…اول ما شافت رقم ليل ردت بسرعه…الووووو
ليل… ايوه ياتمارا..
تمارا….ليل. روحت لجاسر.
ليل…روحتله ياتمارا ولسه راجع من عنده اطمني. مش هيسافر.
تمارا…جاسر…كان باين من كلامه انه بيتكلم جد اكيد بيقولك كده عشان يريحك.
ليل….واكيد انا مش عبيط انا سبت الجارد تحت بيته وفهمتهم انه لو حاول ينزل الصبح يمنعوه حتى لو بالقوه وهيفضلو واقفين هناك…لحد مايجيبوه بليل على هنا….
تمارا….شكرا ياليل قلقتك وصحيتك من النوم بس مكنتش عارفه اتصرف ولا كان في اي حاجه في ايدي.
ليل…بتشكريني على ايه يا تمارا…انا اللي المفروض اشكرك
لولا انك عرفتيني كان جاسر سافر وكل حاجه انا كنت مخططلها كانت باظت….المهم عايزك الوقت تنامي وترتاحي…ومتفكريش في اي حاجه خالص مفهوم.
تمارا…حاضر…تصبح على خير
ليل…وانتي من اهل الخير..
………..
عدت. الساعات بسرعه…. صحي جاسر ..على صوت المنبه… قام بسرعه خد شاور ولبس…
وخد شنطته وحاجته… ونزل من البيت واول ما قرب من الباب بتاع البيت كان الجارد واقفينله….
الجارد….صباح الخير جاسر باشا..
جاسر…باستغراب انتو بتعملو ايه هنا..ايه اللي موقفكم كده
الجارد…اوامر ليل باشا
جاسر…بهدوء ما قبل العاصفه…وليل باشا امركم بايه ان شاء الله…
الجارد….اننا نمنع جنابك من الخروج..
جاسر….بغضب مسكه من ياقة قميصه..نعممممم تمنع مين يالا انت نسيت نفسك ولا ايه..
الجارد…اسف. ياجاسر باشا بس دي اوامر واحنا هنا بنفذها
جاسر…ابعدو عن وشي وإلا قسما بالله هرتكب فيكم جريمه.
الجارد…جاسر باشا من غير عصبيه وشوشره ياريت حضرتك تطلع على فوق لحد ما ليل باشا يدينا إشاره ونروح مع حضرتك عالڤيلا…
في اللحظه…دي غضب جاسر كان وصل لمنتهاه. الاوامر دي تمشي عليكم انتو وسحب من حزامه المسدس…ابعد من ادامي انت وهو بدل ما واحد فيكم يقع ميت حالا انتو سامعييييين..
وبحركه سريعه كان الجارد التاني مسك ايد جاسر وخد منه المسدس….
جاسر…انت اتجنننت.
الجارد…جاسر باشا احنا مش حابين كل ده يحصل حضرتك عارف احنا بنحبك ونحترمك ازاي بس دي اوامر ليل باشا احنا ملناش ذنب احنا بنشوف شغلنا. ياريت حضرتك تطلع فوق الوقت….
جاسر….وديني لاوريكم انتو واللي مشغلكم وانا حسابي مع ليل…
سابهم جاسر وطلع والغضب عاميه فتح باب الشقه ورمي من ايده الشنطه بغضب وطلع موبايله وكلم ليل…
ليل. بصوت نايم…الووووو
جاسر….انت بتمنعني انا يا ليل من اني انزل حابسني ياليل..بتخلي شويه عيال متسواش تمنعني انا ..
ليل…. كان باعد الموبايل عن ودنه من صوت جاسر..
ليل…الله يخربيتك طرشت امي…
جاسر….ليل متعصبنيش اتصل بيهم خليهم يبعدو عن طريقي بدل وديني اصورلكم قتيل..
ليل… اعد عالسرير اهدى يالا واتكلم على ادك انا حذرتك امبارح وعشان عارف انك هتعمل اللي في دماغك خلتهم عندك ملكش دعوه بحد فيهم وبلاش جنانك ده عالصبح هما بيشوفو شغلهم مش اكتر….وكمل بضحك وصراحه لازم اصرفلهم مكفأءه عشان العيال دي طلعت كفاءه وقدرت تمنع جاسر باشا بجلالى قدره. من السفر..
جاسر…بغضب… انت بتضحك كمان ليك عين تهزر..
ليل…اصل شكلك حلو وانت متعصب..
جاسر….يا اخي ينعل ام استظرافك على الصبح ليل انا عفاريت الدنيا بتتنطط ادامي.
ليل….بيحاول يداري ضحكته…طب بقولك ايه اهدى كده عشان مجيلكش انا قولتلك بعد اعدت انهرده دي لو حابب بعد كده تسافر انت حر واي حد فيكم حابب يعمل اي حاجه بعد اجتماع انهرده ده يعمله بس بمزاجك غصب عنك هتكون موجود ..
جاسر…ده اخر كلام عندك.
ليل…اييييوه ومعنديش كلام غيره..
جاسر…ماشي ياليل انا هشوف اخرتها بس وديني يا ليل لا هتزعل على الحركه دي ومن غير سلام…قفل في وش ليل..
وفضل ليل يضحك على جاسر….وقام خد شاور ولبس ونزل عشان بروح عالشركه…
ادم…صباح الخير نازل بدري يعني انا قولت هتتقتل من النوم.
ليل…امال لو تعرف اني نزلت عالفجر روحت لجاسر
ادم…ليه في حاجه ولا ايه..
سهام…ماله جاسر.
حكالهم ليل كل حاجه حصلت..
سهام…طيب ايه اللي حصل لده كله…
ليل…. هعرفكم كل حاجه بليل يا امي…المهم متنسيش ان كلهم جايين انهرده..
سهام…ان شاء الله…
نور…صباح الخير.
سهام…صباح الخير يا حبيبتي..
ادم…صباح النور يا نور..
ليل…..نور…. تفطري وتذاكري شويه…ومتنسيش معادنا بليل
نور….انا مش عارفه ليه قلقانه من اجتماع بليل ده.
بص ادم لليل.
ليل…ولا تقلقي ولا حاجه مفيش اي حاجه متشغليش بالك ومتتسرعيش كل حاجه بليل هتتكشف… هقوم انا بقى عشان في شغل كتير انهرده يادوب نخلصه قبل معاد بليل.
يلا يا ادم.
ادم…يلا…
مشي ادم وليل ..
نور…سرحت..
سهام…مالك يانور
نور…معرفش بس حاسه اني قلقانه اوي…في حاجه غريبه
سهام…قلقانه ليه بس.
نور…مش عارفه بس حاسه ان في حاجه تخص نوح…وخايفه يكون انهرده ليل هيخلص كل حاجه
سهام…لا طبعا وبعدين لو الموضوع يخص نوح مكنش ليل هيقول للكل انه يجي…
نور…يعني نوح جاي.
سهام…والله ما اعرف يا نور ليل مقالش اي حاجه بس متشغليش بالك ومتفضليش متوتره كده متستعجليش هنعرف كل حاجه بليل.
نور….ان شاء الله…انا هطلع اذاكر شويه
سهام…مش هتفطري طيب.
نور…لا مليش نفس انا هاخد بس النسكافيه.
سهام…ماشي ياحبيبتي لو عوزتي اي حاجه قوليلي.
نور…حاضر يا طنط. بعد اذن حضرتك….
سهام…اتفضلي يا حبيبتي…
………….
عشق….كل ده حصل يا تمارا ومتقوليليش
تمارا…مرضتش اصحيكم يا عشق…
زهره…طيب وايه اللي حصل لكل ده… يعني خلاف بينه هو واهله يخلوه يسيب البلد كلها..
تمارا….مش خلاف يا زهره. ده الكلام اللي قاله ليل لمامت جاسر ..انه هيقوله كده عشان ميعرفوش انه عارف…
في حاجه اكبر من كل ده…بس ايه هي الله اعلم.
عشق…انا مبقتش فاهمه اي حاجه حاسه بكميه الغاز وغموض رهيبه…في حاجه مش طبيعيه.
تمارا…فعلا في حاجه اكبر من تفكيرنا جاسر مش عقله صغير لدرجه انه يقرر فجأه يسافر عشان مجرد خلاف.
عشق…كمان كلام ليل وتأكيده اننا كلنا نكون موجودين ده يقلق.
زهره…فعلا انا قلقانه اوي
عشق…خير اكيد خير كله هيعدي. يلا السواق واقف تحت بقاله خمس دقايق….
نزلو البنات وراحو عالشركه….
اليوم كان ماشي عادي جدا… بس كان في قلق. في قلب البنات من المجهول…
تمارا…كانت اعده في المكتب بحزن حاسه انها مفتقده جاسر….مش قادره تركز في الشغل حتى لو دقيقه…ولا قادره تظبط الجدول بتاع الاسبوع اللي هتأعد فيه عشان امتحاناتها…كانت حاسه انها مش مظبوطه…
…………..
ليل…. مسك موبايله واتصل على ريما…
ريما…الووووو
ليل… صباح الخير.
ريما… صباح النور
ليل…القمر عامل ايه..
ريما…بخير انت عامل ايه
ليل…انا تمام الحمد لله…انتي فين
ريما…بخلص شويه حاجات وورق بخصوص المشروع..
ليل….طيب ياستي انا مش هعطلك كتير..بس كنت حابب اعرف ايه ظروفك بليل…
ريما…ظروفي ازاي…
ليل…يعني فاضيه او لا..
ريما…عشانك اكيد طبعا فاضيه..
ليل…خلاص بليل… هعدي عليكي عالساعه 9كويس..
ريما…كويس بس انت قولتلي ان العيله كلها متجمعه عندكم ايه لغيت المعاد ولا ايه…
ابتسم…ليل…وسكت ثواني… لا ياقلبي ملغتش حاجه بس يمكن يكون انا عايزك عشان كده
ريما…مش فاهمه.
ليل…مش فاهمه ايه العيله متجمعه وعايزك معاهم هيكون ليه…اكيد عشان يعرفو الخطوه اللي جايه. معاكي…
ريما…بابتسامه… تمام بس انا قلقانه
ليل… بزمتك ينفع تقلقي وانا معاكي…
ريما…طبعا لا…
ليل… خلاص يبقى تجهزي عشان بليل هكون عندك.
ريما…ماشي ياحبيبي..
ليل…هسيبك الوقت تخلصي اللي وراكي…
ريما…اوك باي ياقلبي..
ليل…باي يا حبيبي…
قفل ليل…وهو مبتسم ومكنش واخد باله من اللي واقفه جمبه… مصدومه…
ليل…عشق…انتي واقفه هنا من امته..
عشق…. متجاهله كلامه….الورق خلص ياليل… تقدر توقع عليه عشان نتمم الصفقه..وحطت الورق على المكتب وقبل ما تلف وتمشي مسك ليل ايدها…
ليل…عشق….استني..
وقام وقف ادامها …
عشق… احنا اتفقنا قبل كده انك هتستحمليني وان اي حاجه بتحصل الوقت غصب عني…واتفقنا اني اعترفتلك بحبي عشان مقدرتش اشوفك تعبانه اكتر من كده… بس انتي عارفه ان لسه كل حاجه مخلصتش..صح
عشق….بجمود…تمام ياليل..
ليل….بحبك يا عشق والله العظيم بحبك..
عشق…بابتسامه..خوف وانا كمان بحبك يا ليل…
مسك ليل ايدها قربها من شفايفه وباسها..
ليل… كل حاجه هتخلص انهرده..ياعشق… كان في حاجات هتتأجل بس خلاص انا تعبت وقررت اخلص من كل حاجه انهرده…
عشق….انا قلقانه اوي ياليل…حاسه بخوف اول مره احس بيه قلبي مقبوض اوي…حاسه ان في حاجه اكبر من اي حاجه بفكر فيها هتحصل..خايفه عليك اوي..
ليل… وهو بياخد نفسه بقلق بيحاول يداريه…
بلاش تحسي بحاجه وحشه عشان خاطري…لاني بصدق احساسك اوي…ومش عايز اي حاجه تحصل لاي حد فيكم…خليكي اقوي من كده يا عشق… عشان انا بقوى بيكي..
عشق….مش عارفه ياليل. انا اللي بقوى بيك..وعشان القلق والتوتر اللي حساه في عنيك ده مش قادره اكون قويه..مش قادره احس باي حاجه كويسه..
ليل… طيب هنتفق اتفاق..
عشق…ايه هو..
ليل…نقوي بعض ياعشق. عشان اقدر اقف على رجلي خصوصا انهرده. لانه اصعب يوم هيمر عليا في حياتي..ومعنديش استعداد اقع واللي حواليا يقعو… معنديش استعداد اخسر حد فيكم…يحصل اللي يحصل فيا بس انتو لا..
عشق…متقولش كده عشان خاطري متقلقنيش اكتر ما انا قلقانه..
ليل…لا خلاص مفيش قلق…احنا اتفقنا نقوي بعض صح.
عشق…صح….
ليل…طيب يلا روحي خلصي اللي وراكي..عشان عندي كام تليفون مهم..لازم اخلصهم
عشق…حاضر…
مشيت عشق وخوفها بعد كلامها مع ليل تضاعف. وبقت حاسه بتوتر فظيع قلبها كل لحظه يتقبض قررت تفضل تقرا قرأن عشان تهدا شويه….
اما ليل….فاكان طول الوقت بيخلص تليفونات مهمه…
………………
الوقت كان بيمر بسرعه جدا وكل ما الوقت يعدي الكل يخاف ويتوتر اكتر….حتى ليل اللي كان بيحاول يجمع نفسه ويمسك اعصابه…كان القلق مصاحبه طول الوقت.
…………….
زهره….تمام. كده يا ادم الورق كله مظبوط…
ادم…كان مش مظبوط خالص وحاله ميقلش عن حال ليل..
ادم…تمام يازهره…
زهره…انت كويس.
ادم….لا يازهره..
زهره…مالك…
ادم…متوتر شويه
زهره…عشان اجتماع بليل صح
ادم…يمكن.
زهره…انا كمان متوتره جدا..ومش مرتاحه.
ادم…ربنا يستر…بس متقلقيش كله هيعدي..
زهره… يارب…الساعه الوقت 7 هنمشي امته..
ادم…لسه شويه احنا معادنا الساعه 9 هناك…بس انا هقوم الوقت عشان في كذا حاجه هجهزها لاجتماع بليل
زهره….طيب ممكن تخلي بالك من نفسك..
ابتسم…ادم… حاضر…وانتي كمان…على فكره انتو هتمشو مع السواق
زهره… مش مع ليل يعني
ادم…لا ليل كمان عنده مشوار مهم…لازم يعمله. بسرعه.
زهره…طيب..
ادم…زهره..
زهره..نعمم
ادم…متخافيش كل القلق اللي كنا عايشين فيه هيخلص انهرده…وانا معاكي اطمني.
زهره… يارب …ادم
ادم…ايوه…
زهره….باحراج…بصت في الارض… وسكتت شويه تجمع نفسها عشان تقدر تتكلم…رفعت عينها لادم…
انا…فكرت في اللي قولتلي عليه..
ادم…فضل باصصلها بترقب من ردها…..ووصلتي لايه..
زهره… خدت نفس طويل…. موافقه يا ادم…
ادم… مسك أيدها بفرحه وباسها….كنت عارف انك هتوافقي يا زهره..
ابتسمت زهره بخجل..
ادم….بس غريبه انك تقولي الوقت وهنا في الشركه..
زهره….انا فعلا مكنتش مقرره اني اقول… بس حسيت اني لازم اقول الوقت يا ادم……انا متوتره جدا من اجتماع انهرده وخايفه يحصل اي حاجه مش حلوه حبيت اقولك ردي عشان اللي جاي انا مش عرفاه ومفيش داعي اني أجل ردي عليك اكتر من كده…
ادم… بصي هو ان شاء الله مفيش اي حاجه وحشه هتحصل… بس يمكن اكون كنت متوتر وقلقان جدا بس بعد ردك ده انا مبسوط واسعد واحد في الدنيا ومرتاح جدا والقلق راح…
زهره… ابتسمت بخجل وسكتت.
ادم… انا مضطر اسيبك الوقت بس هشوفك في الڤيلا …وطبعا كلامنا مخلصش…اكيد لسه لينا اعده طويله مع بعض..
زهره… ماشي… خلي بالك بالك من نفسك يا ادم..
ادم… حاضر انتي كمان خلي بالك من نفسك…
زهره…حاضر…
خرج ادم وعدى على ليل…
ليل…ادخل
ادم….ايه يا بوص
ليل…تعالى يا ادم.
ادم…انا هطير انا بقى.
ليل…تمام..خد معاك الرجاله وزي ما فهمتك هتعمل ايه…
ادم…تمام متقلقش…كل حاجه هتمشي زي ما احنا عايزين.
ليل…خلي بالك من نفسك.
ادم…خليها على الله…يلا سلام.
ليل….سلام…
نزل ادم…. وعدت حوالي ساعه بقت الساعه 8..قام ليل من مكتبه بعد ما جهز نفسه…
ليل…عشششق
عشق….ايوه
ليل…انا لازم امشي الوقت..
عشق…بقلق… طيب.
ليل… مسك وشها بين ايديه …
عشق…حبيبتي متقلقيش انا ساعه وهكون في الڤيلا يعني جاي وراكم على طول تمام..
عشق…تمام ياليل
ليل… يلا ياحبيبي جهزي نفسك انتي وتمارا وزهره عشان تنزلو للسواق هو منتظركم..
عشق…حاضر..
ليل… باسها من راسها..بوسه طويييييله وبصلها بحبك يا عشق
عشق…بحبك ياليل..
خرج ليل … من مكتبه… وراح لريما…
بعدها نزلوا البنات ركبو مع السواق… ومشيو عالڤيلا…
عدي وقت…
وصلوا البنات الڤيلا….
سهام…اهلا حبايبي وحشتوني…
سلموا عليها البنات بحب…
عشق…امال فين نور…
سهام…نور فوق بتجهز اطلعولها لحد ما الكل يجي..
عشق…تمام بعد اذن حضرتك…
طلعو البنات…خبطو على الباب.
نور…ادخل..
فتحت عشق.. الباب واول ما نور شافتهم جريت عليهم حضنتهم وسلمت عليهم دخلو اعدو معاها جوه..
وثواني وكانوا البنات كلهم ساكتين كل واحده فيهم سرحانه…
نور…مالكم ساكتين ليه..
عشق…مفيش ياحبيبتي
نور…انتو قلقانين انتو كمان صح
عشق….جداااا…اول مره احس ان في حاجه غريبه بتحصل اول مره القلق يسيطر عليا كده
نور…انا كمان مش عارفه ليه حاسه ان في كارثه او حاجه كبيره.
زهره…بعد الشر متقوليش كده وبعدين احنا قالقين نفسنا ليه اكيد ليل هيقولنا اللي كان بيحصل الفتره اللي فاتت ده ايه بالظبط ومين اللي وراه انتو ناسيين انو قال قبل كده اننا ملناش دعوه باللي بيحصل مجرد بس اننا اتحطينا معاهم في اللعبه..يعني اللي بيحصل احنا بعيد عنه مفيش داعي للقلق اهدو شويه.
تمارا…بعد سكوت طال ..مين قالك كده يازهره… مظنش خالص ان احنا بعيد عن اللي بيحصل..انا قلبي مقبوض اوي حاسه ان في حاجه كبيره هتحصل.
عشق…بشرود…تمارا… عندها حق..في حاجه كببره هتحصل لايمكن احساسي يخوني ابدا… انا حاسه اني هتوجع اوي انهرده… احساس وحش ويخنق لدرجة اني حاسه انه اخر يوم ليا في الدنيا انهرده…
نور…ايه اللي انتي بتقوليه ده يا عشق بعد الشر عنك بلاش تجيبي السيره دي والنبي .
زهره.. ليه كده ياعشق توجعي قلبي بكلامك انا بحاول اهديكم وانا متوتره بتوتريني انتي زياده..٠وبلاش احساسك انتي والنبي في يوم زي ده…
عشق….طيب خلاص متقلقوش انا اسفه عموما كله هيعدي خير هيعدي شر هيعدي…كل اللي يجيبه ربنا كويس..يلا بقى يانور لفي طرحتك دي خلينا ننزل لطنط.
نور… حاضر…
لفت نور طرحتها ونزلت هي والبنات…
واول ما نزلو كانت منى مامت جاسر وسراج. وصلو..
سلمو عليهم البنات واعدو اتكلمو معاهم وسراج بقى يهزر ويكلمهم ويضحكو مع بعض لكن كان توترهم زي ما هو…
الساعه بقت 9 وربع ولسه محدش تاني وصل…
دخل ادم… بعد ما ركن عربيته… مساء الخير عليكم جميعا.
الجميع مساء الخير.
ادم..ازيك ياطنط منى
مني…بخير يا حبيبي
ادم…اويك ياعمي.
سراج…الحمد لله يا ادم…امال فين ليل
ادم…كلمته من شويه قال قرب عالڤيلا.
ادم…باس ايد سهام.. اذيك يا امي
سهام…الحمد لله بخير يا حبيبي…
اعد ادم.. معاهم ورجعو تاني يتكلمو في حاجات مختلفه
وصل ليل ادام الڤيلا..
ليل… نورتي الڤيلا ياقلبي.
ريما… زي ما هي متغيرتش..
ليل… يلا بينا
ريما…بتوتر… انا قلقانه اوي ياليل.
ليل…ليه بس يا حبيبي مفيش حاجه تقلق.
ريما…خايفه من رد فعلهم لما يعرفو خصوصا مامتك.
ليل… متقلقيش ايا كان رد فعلهم ايه… المهم اني انا معاكي وهفضل معاكي. ياريما…يلا بقى
ريما… خدت نفس حاضر يا حبيبي..
نزلوا ريما وليل… مسك ليل كف اديها بين ايده. وضغط عليها جامد عشان تطمن…
دخلو الڤيلا وسط الكل…
صدمه….وقعت على عشق اول ما شافته ماسك ايدها…
صدمه وقعت على سهام اول ما شافت ريما..
حتى منى وسراج صدمتهم مكنتش اقل منهم.
ليل… مساء الخير عليكم جميعا…
سهام…..بغضب… ليللل مين اللي جاب دي هنا…
ليل…بصوت غاضب.. امييييي لو سمحتِ…
سهام…هو ايه اللي لو سمحت انت ازاي تتجرأ وتجيب دي هنا في بيتي.
ليل… البيت ده بيتي يا امي.. واستقبل فيه اي حد
الكل كان في حاله زهول من رد ليل????????????
سهام… بيتك ياليل. يعني انا هنا مليش لازمه وعشان مين عشان دي..
ليل…. اميبيي قولتلك بعد اذنك بلاش كده
سهام… تمام يا ليل يبقى انا مليش قعدة في البيت ده وهمشي منه حالا..
سراج…استني ياسهام
منى…اهدي عشان خاطري.
ليل… محدش هيخرج من هنا غير لما اقول اللي انا عايزه الاول…
سهام… تمام يا ابن عمري هاعد وهسمعك بس من بعد ما اسمعك انا مليش مكان معاك يحرم عليا اي مكان معاك ياليل..
ليل…بجمود… اقول اللي عندي. بعد كده كل واحد يعمل اللي هو عايزه..
سهام… وانا سمعاك اتفضل..
ليل… مش الوقت لسه لما الكل يحضر…
سراج… ماتقول في ايه يا ابني كلنا موجودين..
ليل… فين كلنا ده يا عمي لسه الكل مش حاضر اتفضلو اعدو استنيتو كتير مجتش عالحبه دول..
اعد الجميع واعد ليل وجمبه ريما ولسه ماسك ايدها
فضلت عشق واقفه تبص على ليل بصدمه وكأنه اتحول مش هو ده ليل ده شخص تاني… شخص يخوف حتى امه جه عليها..ادام الكل… اما ليل فكان متجاهلها ولا مديها اي اهتمام…
شدتها تمارا من كتفها عشان تاعد
اعدت..عشق وهي عينها عليهم عنيها هتخرج من مكانها من زهولها من اللي بيحصل….جسمها تلج…
الكل كان اعد باصص على ليل اللي ماسك ايد ريما وهو ولا هنا…
ثواني.. وسمعو صوت دخل جاسر وهو شايط…بصوت عالي..وبغضب عاميه لدرجه انه محسش بكل اللي اعدين
انا ياليل انا تعمل معايا كده تخلي الجارد يمنعوني اني اسافر ويمنعوني من النزول وكمان يجيبوني هنا غصب عني…احمد ربنا انهم خدو من المسدس وإلا وديني كنت صورتلك قتيل…
ليل… ببرود… شاورله بأيده يأعد..
ليل…ششششش وطي صوتك ده شويه واعد.
جاسر… ماشي ياليل لما اشوف اخرتها…
تمارا… من اول ما دخل وهي باصه عليه وقلبها هيخرج من مكانه من خوفها .
انتبه… جاسر عاللي اعدين كلهم ..اسف مساء الخير
مني…حضنته وحشتني
جاسر..وانتي كمان يا امي..
منى بدموع هونت عليك يا جاسر عايز تسبني وتمشي..
جاسر…باس ايدها حقك عليا يا امي..
.سراج….لليل ايه مش يالله ولا ايه..اهو جه اللي كنت مستنيه…
ليل… لسه ياعمي..
مسك…الموبايل ليل..واتصل…فينك…
………….
ليل…طيب تمام..
وقفل….وفضل ساكت… ثواني ودخل عليهم نوح.
نوح…مساء الخير…
اتصدم الكل من وجود نوح بعد اختفاء دام قرب الاسبوع…
وقفت نور… بعيون كلها دموع اول ما شافته..
جريت سهام عليه حضنته نوح ابني وحشتني يانور عيني كده برده يانوح متطمنيش عليك حتى بمكالمه..
نوح…وهو واخدها في حضنه…وحشتيني يا امي ووحشني حضنك..
فضلت سهام تبوس فيه…
منى… وحشتني يانوح..
سلم عليها نوح وباسها.. انتي كمان وحشتيني يا حبيبتي …
فصل الكل يسلم عليه…وليل اعد بعظمه حاطط رجل على رجل. وبيشرب سيجارته…
وصل نوح…ادام نور…اللي كان قلبها هيخرج من الفرحه عشان شافته..
نوح…ازيك يانور.
نور…فضلت تهز دماغها وكأن صوتها. اتقطع…
اعد نوح… جمب سهام…اللي ماسكه فيه وماصدقت شافته
الكل اعد وقطعو الكلام وبصو على ليل…
وبحركة… سريعة اربكت الكل..
قام. ليل من على الكرسي..
ليل.. طيب كده تقريبا الكل موجود..
ضربات القلب بتزيد الادريناليين بيعلى اكتر توتر اصاب الجميع منهم اللي مرتاح عشان عارف ومنهم اللي يعرف جزء بسيط ومنهم اللي ميعرفش حاجه خالص ولا سبب التجمع ده… وهيموت من الرعب….
اقسم ليل في داخله ان كان قادر يسمع دقات قلوبهم جميعا من شدتها….
ليل…. طبعا في البدايه احب اقول…
اني مبسوط اوي اننا كلنا متجمعين من زمان متجمعناش كا عيله…وطبعا منورني جميعا… يمكن انهرده نكون زايدين شويه…. البنات منوريني..واحب اقول طبعا انكم بقيتو جزء من عيلتنا وجزء مهم جدا
وريما… كنتي زمان معانا في عيلتنا يعني انتي مش غريبه اه غبتي شويه بس رجعتي نورتينا تاني….
ابتسمت ريما…بحب لليل..
طبعا…كل واحد فيكم بيسأل من جواه ليل مجمعنا ليه…
انا مش هطول عليكم كتير لان واضح ان في كذا حد حابب يعمل حاجه..امي عايزه تسيب البيت
جاسر..عايز يسافر
نوح…يمكن يكون حابب يرجع زي ما كان.
يعني باختصار كل واحد فيكم حابب
يعمل حاجه مهمه…
اولا انا جمعتكم انهرده عشان اخد قرار مهم في حياتي يهمني انكم تعرفوه… واتمنيتوه كتير خصوصا انتي يا امي…
انا قررت اني اتجوز…
الجميع????
ليل… اه اتجوز زي ما سمعتو كده وبما انكم عيلتي فاكيد الخبر ده هيفرحكم جدا…
سهام…بتحذير…لو اللي وصلني ده صح يا ليل يبقى على جثتي وانا هقفلك فيها يا ليل…
ليل…. بس خبر زي ده اكيد هيفرحك يا امي..
سهام…. مش من دي ياليل…
ريما…بغضب…. ليل انا همشي.
ليل…اعدددي انا قولت محدش هيمشي من هنا غير لما اخلص كلامي..
ريما…انت مش شايف ياليل
ليل….اظن اني قولتلك اي رد فعل هتسمعيه اعتبري انك مسمعتيهوش…
بصتله سهام بغضب…
سراج…واضح انك مقرر يا ليل مش بتاخد رأينا..
ليل… طبعا ياعمي هو انا لما احب اتجوز المفروض اخد رأيكم في عروستي بيتهيألي كفايه اوي… اني افرحكم بالخبر… بس انا شايف انكم معترضين علي فكرة جوازي من قبل ما حتى تعرفو العروسه…
سهام..بغضب.. مش محتاجه سؤال ما الجواب باين من عنوانه…
بص ليل لريما… بابتسامه. وطلع من جيبه علبه فتحها كان فيها خاتم الماظ شكله يجنن….
الكل باصص بترقب… عشق كان فاضلها اقل من ثانيه وتقع وسطهم..
ليل…ابتسم لريما… وبصت ريما لسهام بشماته…
ليل…. الخاتم ده ياريما كنت ناوي البسهولك يوم فرحنا بس للاسف كل حاجه كنت مخططلها ممشيتش زي ما كنت عايز..كل حاجه راحت بس فضلت محتفظ بالخاتم..
يمكن يكون الخاتم ده غالي عندي اوي عشان يوم ما اشتريته اشتريته بحب وعشان الخاتم ده غالي على قلبي يبقى لازم اللي تلبسه تكون تستحقه…
وبص لريما وابتسم واكيد الحد ده مش انتي ياريما..
ريما????
ليل….فضل يقرب على عشق لحد ما وقف ادامها …هكون اسعد حد في الدنيا لو قبلتي تلبسي الخاتم ده…وسكت ثواني..تتجوزيني ياعشق .❣️
صدمه حلت على الجميع..
ابتسموا البنات وفضلت تمارا وزهره يهزو دماغهم لعشق عشان توافق..
ابتسمت عشق..وهزت دماغها بفرح وعيون مليانه دموع
مسك ليل ايدها…وباسها بحبك وندمان على اي وقت عدى وانتي مش معايا ندمان على وقت كنت فاكر فيه اني حبيت بس لو هقارن احساسي الوقت بزمان عمري ما هقول اني كنت بحب…اللي يعرفك يا عشق يعرف معنى الحب بجد مسح دموعها..وسابها وراح لسهام اللي كانت من جواها مبسوطه بس لسه مش فاهمه حاجه وغضبانه من ليل..
اعد ليل على ركبته
ومسك ايد سهام باسها اسف يا امي اظن الوقت انتي ابتديتي تفهمي عايز بس اقولك ان احنا هنا كلنا ضيوف عندك البيت ده بيتك انتي… وهتفضلي طول عمرك تاج على راسي اسف لو زعلتي مني..
سهام…بدموع مقدرش ازعل منك ياليل…
قام ليل… وبص لريما وهو مبتسم
ريما… بغضب… مممكن افهم ايه اللي بيحصل ده انت جايبني هنا عشان تعمل الشو ده…طب لما انت مبتحبنيش جبتني هنا ليه يا ليل لما انت مبتحبنيش اول ما شوفتني ضعفت ليه عايز تقنعني انك كنت بتمثل عليا عشان تجبني هنا وتعلن جوازك عالاموره دي….فاكر انك كده هتزلني عشان اللي حصل زمان. تبقى غلطان ياليل فوق يمكن زمان اكون غلطت بس كنت عيله لكن اللي واقفه ادامك دي بقت خطر عليك يا ليل والشو اللي حصل الوقت ده ميفرقش معايا وصدقني ياليل هتندم عليه وتدفع تمنه كمان…
ليل… كان واقف حاطط ايده في جيبه وباصصلها وهو مبتسم اول ما خلصت كلامها سقف
ليل ..براڤوووو براڤوووو كان بيتحرك ادامها…
واول ما وقف ادامها….مسكها بعنف من شعرها… صرخت ريما….
ليل…طلعتي غبيه فكراني لسه بحبك انتي غلطه ندمان عليها من قلبي بجد ليل مبيضعفش ليل مبيمثلش.ولا بيعمل شووو والاهم من ده كله ان ليل السيوفي يوم ما بيخرج حد من حياته بيدوس عليه بأوسخ جزمه خصوصا لو واحده زباله ورخيصه وملهاش اي لازمه.
بس حابب اقولك حاجه بسيطه ورماها عالكرسي.
لو انتي فاكره اني جبتك هنا عشان اعمل شووو واعرفك اني هتجوز عشق واردهالك تبقي غبيه وخانك ذكائك المرادي.لان انتي مش في حساباتي عشان افكر انتقم منك
انا جايبك هنا عشان عندي حساب محتاج اصفيه معاكي ومع كذا حد
رعب دب في قلب ريما
ليل…. بعلووووو حسه…ااااااادم…..اتحررررك.
ادم…وقف تمام ياليل..الكل كان مراقب في صمت اللعبه ابتدت ومحدش فاهم حاجه غير الشباب.
خرج…ادم… وثواني….ودخل معاه حد متغطي راسه بقماش اسود…
ادم… تمام ياليل..
ليل… ارفع..
ادم…رفع القماش. عنها..
الجميع…هايدي…
هايدي…بانهيار…جاسر. جاسر الحقني ياجاسر… انا عارفه انك زعلان مني بس انت عارف اني بحبك صح…
جاسر…وهو اعد حاطط رجل على رجل….وباصصلها بأرف…
انتي اللي زيك ميعرفش يحب انتي اقذر بني ادمه شوفتها
هايدي ابوس ايدك يا جاسر….
ليل…..بصوت جهوري… مش عاااااايز صوت..
وبص لريما اللي حالها بقى يصعب علي اي حد…
ليل…. ايه شايفك يعني اتصدمتي عرفتي الوقت انا جبتك هنا ليه صح… بس لسه بدري معايا كذا حد بره هتتفاجئي اكتر…
ليل… اهي الزباله دي متفرقش عنك كتير يا ريما…
كنت دايما شاكك في هايدي قبل ما اعرف مين اللي وراها يمكن اكون شكيت في ناس كتير بس للاسف مع انك زباله بس مجيتيش في بالي خالص ياريما…
هايدي…ليل ليل والله انا معملتش حاجه..
ليل…متجبيش سيره ربنا على لسانك ومبحبش اللي يحلف كتير اتقلي وهنعرف عملتي ولا لا…اصل انهرده عندنا غلطات بالكوم
..طب اغلبكم مش فاهم حاجه بس انا هفهمكم….
ريما…رجعت من سفرها ولما رجعت فكرت انها ممكن تلعب عليا عشان تدخل حياتي من تاني…فكراني برياله ممكن اريل على واحده زيها….فا اتفقت مع هايدي..عشان ترجعلي… بس فالتوقيت ده كان ظهروا البنات في حياتنا…
طبعا عشان يوصلهم كل اخبارنا كان لازم يكون في حد بيساعدهم …ادددددددم.
ادم…تمام…وخرج جاب شاهي… اللي ميته في رعبها….ودموعها مبتوقفش.
ليل. بمساعدة الزباله التالته دي كانت كل اخبارنا بتوصلهم…وعلى الاساس ده…كانو بيخططو وينفذو…
طبعا تحبو تسمعو الكوارث اللي التلاته دول اشتركو فيها
الكل باصص في صمت وترقب لكل حاجه بتتقال
وليل بيلف حواليهم وهما واقفين جمب بعض التلاته برعب
ليل… بعلو صوته….اول تخطيييييط
كان…حاجه كده عدت الفُجر بمراحل….وكان تخطيط هايدي هانم المحترمه…
واللي اعرفه اني لما احط حد في دماغي ياهايدي… اضايقه.. ارخم عليه ابوظ حياته باي طريقه….
وابتسم…لكن اني من اول مره اخطط لقتله يبقى انا فااااااجر..والشيطان لازم يقف ويصقفلك
اول مقابله لهايدي بتمارا خبطتها بالعربيه ودتها المستشفى وطبعا هايدي شدت مع تمارا.
وبعدها كل واحد راح لحاله…تتفاجئ هايدي ان تمارا اشتغلت معانا فالشركه ومع جاسر بالاخص…
هايدي ولعت وحست ان تمارا حطت عليها تقوم هايدي تسكت طبعا لا متجيش..
تعملي ايه يا هايدي تعملي ايه يا هايدي بس اقتلها…
ونخبطها بعربيه ادام الشركه اول مره كان غصب عني المرادي بمزاجي.
وهووب واحنا واقفين ادام الشركه تيجي عربيه بعزم مافيها تحاول تخبط تمارا بس ربنا مكانش رايد يفرحك وللاسف
وقفت نور فاللحظه دي ودموعها نازله يعني هي اللي قتلت بابا….
قربت منها نور انتي كنتي السبب في ان بابا يموت وفضلت نور تصرخ وتضرب فيها ليه ليه تعملي كده حرام عليكي ضيعتيني وخدتي روحي مني انا كنت حاسه ان بابا مماتش قضاء وقدر
جري نوح على نور وهي منهاره شدها لحضنه.
وبعدها بعيد…
ليل وللاسف مات عم محمد …
الكل في صدمه تاااامه.
اعدها نوح…جمب البنات فضلت عشق حضناها….
هايدي كدب كدب… محصلش انا مموتش حد..
ليل…اددددم
ادم….تمام يا بوص..
خرج ادم جاب السواق اللي كان سايق العربيه ووشه كان مفيهوش مكان سليم…
ابوس ايدك يا ليل باشا انا مليش ذنب انا امي كانت بتموت ومحتاجه عمليه وهايدي هانم استغلت ده ودفعتلي 100 الف جنيه مقابل اني اخبط الانسه تمارا بعد ماورتني صورتها انا نفذت بس اللي حصل ان حد شد الانسه تمارا… وخبطت الراجل الكبير…
ليل… وهو مبتسم ايه سمعتي وياريتك اكتفيتي بده لا كنتي بتدبري انتي وهي ازاي تبوظولي شغلي عرفت ان بعلاقاتك الزباله يا ريما اتعرض عليا شغل من شركه محترمه واللي وصلني انك كنتي بتلعبي لعبه زباله ياريما عشان تدمريني وعايز اقولك اني كنت هوافق عادي الانسان ساعات بيتخدع بس عشق كان ليها رأي تاني واقنعتني اني ممضيش على الصفقه دي واخر حاجه عملتوها اللي حصل في نور ونوح
رفعت نور وشها من على عشق بصدمه..
ليل مكنتوش عارفين ازاي تدمرو سمعة عيلتي وتوقعو اسمي وطبعا كلكم عارفين اللي حصل
شاور على هايدي الزباله دي واخوها هما اللي خططو ونفذو.
ادددددم
ادم…تمااام
خرج ادم ودخل ومعاه سامر اخو هايدي ومفيهوش حته سليمه والبنت اللي عملت نفسها تعبانه مع نور في العربيه…ومجموعه كبيره من البودي جارد حاوطو الموجودييين كلهم.
نور بصدمه هي دي هي دي اللي كانت تعبانه
نوح…مسكها ومرضيش يخليها تتحرك اهدي
انهارت…نور في حضنه….
ليل… الصوره وضحت كده هايدي اتفقت مع سامر انه يعمل اللي عمله ده منها ياخد حقه من نور اللي علمت عليه ادام الجامعه وعلمت على وشه بالقلم ويوقع نور ونوح في بعض ومن ناحيه تانيه صور تنتشر في الجامعه وفيةالجرايد وعلى السوشيال ميديا وفي الشركه وطبعا يا استاذه هايدي كل ده باعتراف اخوكي يعني مش ظالمك في حاجه اهو
وبص لريما طبعا مقدرش اظلمك واقول ان الفكره دي كانت فكرتك يا ريما بس هي جاتلك علي طبق من ده دهب ما انتي من البدايه جايه تضربيني في شغلي عشان توقعيني لييييه بقى..
اقولك…عشان زمان لما اعترفتيلي انك مش بنت وحلفتي وقولتي ان ابن خالتي وغصب عني.من كتر ما كنت بحبك وافقت اساعدك لكن مش اسامحك انا قررت اتجوزك بس عشان متتفضحيش بس كنت هسيبك…ومع ذلك انتي طلعتي اوسخ بني ادمه في الدنيا وقبل فرحنا بيومين كنت نازله مع عشيقك من فندق يعني مكنش ابن خالتك لكن وقتها انا سبتك وانتي اتفضحتي وعيلتك ساعتها اتبرت منك طبعا ده مخلصكيش رجعتي عشان تنتقمي مني عشان تأذيني وتعاقبيني على غلطه انتي اللي غلطتيها مش انا
و مش بس كده انتي رجعتي من تاني كنتي فاكره يا ريما اني هوافق ارجعلك واتجوزك كنتي مستنياني اني اتجوزك عشان تقتليني.
ريما كل اللي بتقوله ده كدب.
ليل…. يمكن وطلع موبايله بس مش ده صوتك تقريبا ياريما…
وشغلها صوتها وهي بتتكلم مع شاهي…المكالمه اللي عشق خدتها..
شاهي….طيب انتي مقولتليش..انتي عايزه ايه من كل ده انتي بتحبي مستر ليل.
ريما…خليكي في حالك يا شاهي وكلي عيش.
شاهي…على فكره مش قصدي ده مجرد فضول…
ريما…مع اني مبحبش البني ادم الفضولي بس هقولك انا ناويه اتجوز ليل مش عشان بحبه عشان ادمره زي ما دمرني زمان عشان اقتله واورثه واحرق قلب عيلته كلهم وارميهم بره رميه الكلاب عشان هما السبب في انه يسبني خصوصا امه وادم ابن خالته اللي هخليه يحصله..
ليل.. يافُجرك ناويه تتجوزيني مقرره كمان عايزه تدمريني زي ما دمرتك قوليلي انا دمرتك ازاي سبتك عشان كنت بحبك بجد وخونتيني مرتين لا مليش حق كان المفروض اسامحك تالت مره ..
ريما…ليل ارجوك اسمعني..
ليل…بابتسامه للاسف فات وقت السمع ياريما انهرده وقت الحساب
ريما…بغضب بلاش يا ليل. تعمل كده انا مكنتش لوحدي…
ابتسم ليل عارف عارف يا ريما….
…عارفه عارف بأمارة ايه…. بامارة ما كلمتك وقولتلك اني هعدي عليكي وقولتيلي طيب مش انت قولتلي امبارح ان انت جامع عيلتك كلهم فالبيت.
وضحك…ليل بصوت عالي.
غبيه…انا مكلمتكيش امبارح اصلا انا بعتلك عالواتس وقبلها كنت معاكي في الموقع بتاع شغلك انا وعشق
…من كذا شهر لما ابتديت احس ان في لعبه بتحصل عليا وعلى عيلتنا وعلى شغلنا يمكن تفكيري يكون راح لحاجات كتير ابتديت اشك في ناس كتير بس مكنش عندي اي شك في اي حد من عيلتنا لان ده بالنسبالي كان صعب ومستحيل ابتديت امسك طرف طرف وكان بداية الطرف موت عم محمد.
لما راجعنا الكاميرات انا عرفت الكل اني موصلتش لاي حاجه عشان اللي عملها يديني الامان ويفكر اني خلاص مبدورش بس في يومها انا وصلت للكلب اللي ادامكم ده وشاور عالسواق.. وقالي عاللي حصل.
مرضتش اتكلم لحد ما اعرف ايه اخر هايدي ماهو بديهي يعني هايدي مش هتكون لوحدها لان معندهاش دافع حتى لو كان غيره لاني من البدايه عارف انها مبتحبش جاسر..يمكن مكنتش بقوله عشان ميزعلش لكن هو واقف ادامكم اهو ممكن تسألوه هو عارف اني عمري مارتحتلها
بس بعد ما عرفنا اللي حصل لعم محمد كان مين وراه جاسر دخل معايا في اللعبه عشان نوقع الزباله دي
وشويه شويه كنت بكتشف حد ولما اكتشفت ريما وعرفت لعبتها اللي كانت ورا الصفقه في الحقيقه الاول اتصدمت لاني عارف انها مش في مصر ومفيش مره شغلت نفسي عشان اعرف اخبارها هي بالنسبالي بقت اقل بكتير من اني اشغل دماغي بيها بس بعدها عرفت ان اللعبه بتزيد والكل بيتفق ازاي يدمرني انا وعيلتي
بس صدمة عمري لما عرفت ان حد من عيلتي كان محرك كل دول
في اللحظه دي وقف جاسر….وهو باصص لليل..
وكلهم بقو يبصو لبعض…حطو البنات ايدهم على قلبهم بيسألو نفسهم ياتري مين اللي كان معاهم…
ليل..عمييييييي منور الدنيا
سراج باشا كبيري وكبير عيلتي…ابويا التاني…
وقف سراج وكان تقريبا من اول ما ابتدى ليل وكشف الحقيقه كان مش على بعضه..ابتسم ابتسامه ارتباك وخوف
اما جاسر… وقف مش قادر ينطق..وعرف ان اللي كان خايف منه حصل وان ليل عرف ان سراج اللي ورا كل اللي بيحصل
ليل…. طول عمري بشوفك قدوه ليا من بعد ما ابويا مات عمري ما حسيت اني لوحدي كنت دايما واقف جمبي…وانا انا يا عمي…
عمري ما قصرت في معاملتي معاك.عمري ما حسستك ان نصيبي في المجموعه هو الاكبر عمري ما قولت ان ده مجهودي لما كنت بشتغل واجتهد وأكبر في المجموعه كنت بكبرها بأسم عيلة السيوفي مش بأسم ليل السيوفي بس..
كنت اكتر حد فيكم كلكم بيتعب عشان مشوفش حد فيكم تعبان كنت بأمن مستقبل كل فرد في عيلة السيوفي قبل ما أمن نفسي خليت اسم عيلة السيوفي يعلى اكتر ما كان عالي خليت اي حد فيكم يدب رجله في مكان الكل يقفله ويضربله تعظيم سلام والكل كان بيعمل لكل فرد في عيلة السيوفي مية حساب …بعد ده كله يوم ما اعرف ان في لعبه وسخه بتتلعب عليا وعلى عيلتي يطلع واحد من عيلتي اللي وراها مش بس كده ده كمان يطلع الحد ده انت ..انت ياعمي….
وقف…الجميع….واعد جاسر عالكرسي بحزن وكل اللي كان مخوفه ان ليل يشك فيه.
سراج….بارتباك وتوتر انت انت ايه اللي انت بتقوله ده…انت اتجننت.
ليل…يارتني اتجننت…يارتني ما عشت لليوم ده بس قوللي ده مش صوتك …
وفتح الريكورد…..
ريما…. يعني احنا كده هدفنا واحد…لازم ندمر ليل…
سراج….انتي هدفك الانتقام يا ريما… بس انا مش زيك…انا هدفي ان كل حاجه تبقى بتاعتي.
ريما…انت عايز تقنعني ان لما توافق على موت.ليل يبقى مش عشان تنتقم…
سراج…انا هدفي الاول هو الفلوس والمجموعه يمكن اكون مبحبش ليل ويمكن اكون موافق على موته بس ده لازم يحصل ليل بسببك اتغير واتحول الاول كان سايب كل حاجه في ايدي كنت انا المتحكم الاول والاخير في المجموعه كلها بعد اللي انتي عملتيه معاه ليل اتحول ورجع فاق بس لما فاق بقى شخص تاني خالص.
مسك المجموعه كلها ورمالي فرع صغير من فروعها وعشان بس يحسسني انه مظلمنيش سابهولي انا اللي اديره لوحدي…وخد معاه الشباب كلهم…
وفي خلال ال3 سنين من بعد ما سابك مش هكدب ليل لما اتحول متحولش لوحده ده حول المجموعه كلها بالكامل..وخلاها من اكبر شركات الحديد والصلب في الشرق الاوسط واسم السيوفي بقى مسمع في كل مكان..
وليل بقى هو اللي ظاهر في الصوره..وبقى هو كبير العيله مش انا وفي الاخر بقيت عالهامش ومليش لازمه بس لا والف لا كل ده هيبقى بتاعي انا وجاسر بس
ريما تمام يبقى انا مغلطتش لما قولت ان الحوار مش طمع بس انت شايل من زمان بقى
قفل ليل الريكورد….اظن كده كفايه سمعت المضمون كله..
سهام….بصدمه…انت ياسراج انت. طب هتصدقني لو قولتلك اني حتى وانا سامعه صوتك بكدب وداني.
بتكره ليل يا سراج لدرجة انك عايز تموت ابن اخوك اد كده الطمع عماك
سراج….ايوه انا انا اللي عملت كده….وكان عندي استعداد اعمل اكتر من كده عشان كل حاجه ترجعلي انا اللي كان من حقي ادير المجموعه بعد ما اخويا مات انا اللي المفروض كنت فضلت كبير العيله
ليل اتحكم في كل حاجه وانا اتركنت عالرف
ومش هسكت وادام اللعب بقى عالمكشوف يبقى لازم تعرف اني مش هسكت وهعمل اي حاجه عشان كل حاجه تبقى بتاعتي.
ليل ياخساره ياعمي الطمع عماك
جاسر..بصوت حزين ومهزوز ليل ليل انا انا مليش دعوه انا مش معاه ولا ليا علاقه باللي هو عمله والله العظيم انا مكنتش اعرف كل ده…انا كنت معاك من البدايه ياليل…انا كنت بكتشفهم معاك كنت بوقعهم معاك يا ليل انت عارف
انت عندي ايه انا وانت وادم ونوح كنا ديما مع بعض انتو بالنسبالي مكنتوش مجرد قرايب ولا اصحاب انتو اخواتي اخواتي ياليل بس انت بالذات ياليل عارف غلاوتك عندي..
عارف كل حاجه عني انا عرفت يا ليل…عرفت ان ابويا معاهم بس اول ما اعرفت سبت البيت وكنت ناوي اسيب البلد كلها مكنتش هقدر افضح ابويا ولا كنت هقدر اواجهك او اسيبك على عماك…فقررت اني اسيب كل حاجه وامشي لاني كنت واثق انك هتكتشف ده بنفسك مكنش عندي مشكله انك تعرف بس مش مني ولا كنت عايز اعد عشان مكنتش هقدر احط عيني في عينك..بس صدقني ياليل انا مش معاه انا عمري ما عرفت حاجه عن اللي بيخططله انا سمعتو بالصدفه وانا نازل رايح الشركه كانت امي بتتخانق معاه وبتهدده لو مشالكش من دماغه وبطل يتفق عليك مع ريما هتقولك.
ولما سمعته وواجهته مأنكرش شديت معاه وسبت الڤيلا ومرجعتهاش لحد الوقت بس مقدرتش اجي الشركه عشان كنت هتعرف من غير ما اقولك كنت هتحس اني فيا حاجه يا صاحبي.
صدقني ياليل ده اللي حصل اسأل امي يا ليل هتعرفك
وهتقولك اني مستحملتش اعرف ان اللي سمعته ده كان عليك..بس. انا يمكن اكون الوقت عرفت انت منعتني من السفر ليه…عشان فاكرني معاه صح..
البنات كلهم كانو واقفين مصدومين ومن الموقف دموعهم نازله خصوصا تمارا اللي شايفه حاله جاسر..وامه وسهام
ليل….ومين قالك اني اقدر اصدق حاجه عليك يا جاسر…
بس لا يا جاسر انا ممنعتكش من السفر عشان كده ولا حتى عشان شاكك فيك يا اخويا..انا استحاله اشك فيك ابدا…حتى لو شوفتك بعيني…انا منعتك عشان عارف انك عايز تمشي عشان فاكرني شاكك فيك وكان استحاله اخليك تسافر وتبعد وتشيل ذنب مش ذنبك ولا كنت قادر اتخيل اني ممكن اشوفك بعيد عننا
.انا عرفت انك عرفت وشديت معاه ومشيت وسبت الڤيلا بس مرضتش اعرفك اني عرفت او كنت عارف قبلك اصلا.
طنط مني بلغتني بكل حاجه وكانت عيزاني. الحقك..
بصلها…سراج…بغضب… انتي انتي تعملي كده..وخنقها بأيده…ياواطيه..عملتي كده ليه عملتي كده ليه
جرى عليه جاسر وليل…مسكه ليل بعنف من ايده يبعده…وشد جاسر امه في حضنه…
منى وهي بتاخد نفسها بصعوبه عشان احميهم منك عشان ابني كنت خايفه عليه من الصدمه….عشان ليل عشان العيله دي متستحقش منك كده عشان عمر ما حد فيهم قصر معاك كنت بحميهم منك بحمي عيلتك اللي هي عيلتي وعيلة ابني منك..ومن شيطانك اللي ركبك.. كنت ظاهر ملاك ومحدش عارف حاجه كنت بسكت وبعدي وبقول ده شيطان ومسيره يخرج من دماغه بس لما سمعتك بتتفق على قتل ليل مقدرتش اسكت اكتر من كده انت شيطان شيطان يا سراج..والعيله دي خساره فيك الطمع عماك وخلاك طايح فالكل كل همك الفلوس… قوللي ناقصك ايه عشان تفكر تورث ابن اخوك بالحيا.
سراج….بغضب…وبعلووووصوته…
ناقصني حاجات كتير اوي… مش بعد كل ده يجي ليل ويكوش على كل حاجه…
سهام….وليل قصر معاك في ايه يا سراج امته حسسك انك مش كبيرنا وكبير عيلتنا… انت المفروض اللي زيك كان يبقى مبسوط انت مكنش عندك ابن واحد انت كان عندك اربعه كلهم كانو بيعاملوك بحب ..حتى ادم. انت مش عمه بس كان بيحبك وبيحترمك وبيعاملك على انك كبيره مكنش في حد فينا وحش عشان ده يبقى ردك على حبنا واحترامنا ليك…فضحت نوح ابني اللي هو المفروض ابنك كسرته ودمرت حياته فتره كبيره وانت اعد بتتفرج فضحته وفضحت بنت الراجل اللي كان شايل الشركه على كتافه معاكم اللي كان بيحبكم من قلبه… طب قبل ما يموت لما وصاك على بنته محستش بالذنب…يعني اشتركت في موته… وكمان فضحت بنته وابن اخوك وخليت اسم عيلتنا على كل لسان محدش فيهم صعب عليك وهما حالتهم تصعب عالكافر ياشيخ..ومكفكش كل ده للاسف كنت عايز توجع قلبي على ابني يا سراج…
عايز توجع قلبي على ليل…
نسيت اخوك كان بيعامل جاسر ازاي…واضح انك حتى اخوك نسيته ونسيت الدم اللي بيربطكم وعشان ايه عشان شوية فلوس ومظاهر….ربنا يسامحك ياسراج ربنا يسامحك..
منى….انتي بتكلمي واحد للاسف معندوش قلب انا فضلت سنين معاه احاول اغير تفكيره احاول احنن قلبه لكن للاسف مكنش بيفكر غير في الفلوس… ولما تعبت كان سايبني ولا بيسأل عليا… كأن اللي تعبت دي كلبه مش مراته ده ماهنش عليه حتى يسافر معانا واتحجج بالشغل..كنت حاطه ايدي على قلبي يعمل حاجه في الفتره دي لاي حد فيهم…اللي زي ده خساره فيه الكلام…اللي زي ده الجحود ملا قلبه..وبقى شيطان. بس في صورة بني ادم.
سراج…خلاص كلكم بقيتو ملايكه وانا الشيطان اللي وسطكم….انا كنت بحافظ على حقك وحق ابنك..
منى…بصوت غاضب…يا اخي ملعون ابو الفلوس اللي تخلي الاهل ياكلو في بعض…
ملعون ابو الفلوس والمنصب اللي يخلي عم يفكر في قتل ابن اخوه…اللي تخليه يفضح ابن اخوه ويلبسه مصيبه…
تغور الفلوس اللي تلغي القلب وتحط مكانه حجر…
تغور الفلوس اللي تخلي البني ادم يتجرد من انسانيته..ويتحول شيطان…
جاسر…انا عمري ما هسامحك عاللي عملته ده…انت كسرتني كنت بفتخر بيك كنت قدوتي بس طلعت اهم حاجه عندك الفلوس حتى انا مفكرتش فيا…مشيت ورا الزباله دول لحد ما كنت هتدمرنا وتدمر عيلتنا كنت عايز تموت اخويا وصاحب عمري عشان الفلوس.
سراج…بحزن انا كنت عايز أمن مستقبلك كنت عايز اخليك انت الكبير من بعدي.. كنت عايز اسمك هو اللي يلمع مش اسمه هو…انا عملت كل ده عشانك انت يا ابني..
جاسر…بغضب…متقولش ابني دي… انا برئ منك ومن اللي عملته انت متعرفش تكون اب..انت مبتحبش حد انت مبتحبش غير نفسك وبس..عايز تأمن مستقبلي على حساب ليل…عايز تخلي اسمي يلمع وتمحي اسم ليل من على وش الدنيا انت فاكر لما تقولي كده هكون مبسوط وافرح بيك…انا كنت هسيب البلد كلها عشان بس ليل ميحسش اني معاك لكن لو كنت عارف انك كنت ناوي تقتله…مكنتش هفكر للحظه وقتها انك ابويا..انا ميشرفنيش ان اسمي يكون جمب اسمك…
انت لازم تدفع تمن كل ده…وانا بنفسي هبلغ عليك وهشهد ضدك…
سراج….بص لليل بغضب ارتحت الوقت ارتحت لما بوظت كل حاجه ارتحت لما خليت ابني يكرهني وانا بعمل كل ده عشانه….وطلع من جيبه مسدس…انا هقتلك.
صرخ الجميع…وطلع الجارد مسدساتهم في وش سراج…
ووقفو ادام بعض….ليل واقف مستسلم وباصص بحزن..حاسس انه بيحلم…
وقف جاسر ادام ليل…ووجهه كلامه لسراج…اضرب لو عاوز تضرب اضربني انا… عشان طول ما انا عايش استحاله اسيب حاجه تمس ليل…واضح انك نسيت اني أفديه بعمري…اضرب لو تقدر…انا ادامك اهو…
في اللحظه…دي مسك الجارد المسدس منه…..
بعدها بثواني…سمع الجميع صوت طلقته عملت صدي صوت في الڤيلا كلها…
بص الجميع على صوت الطلقه اللي طلعت…
اتفاجأو بريما… مصوبه مسدسها وبتضحك…بجنان…وغل…
ليل….بص بسرعه على مكان ماهي بتبص ..
شايف الكل واقف كويس..
لكن…في اقل من لحظه. كان الزهول…والصدمه احتلت ملامحه..
لما شاف عشق… حاطه ايدها الاتنين على بطنها. وملامح الصدمه من اختراق الطلقه جسمها على ظاهره بألم على وشها….
ليل…بصوت مصدوم وهامس….عشق.. ابتدت هدوم عشق…تغرق بالدم…
صرخ ليل. بأسمها….عششششششق..
بصو الجميع على عشق… اللي كانت خلاص بتقع…
لحقها ليل…بين ايديه بسرعه…
ليل… عشق عشق… قومي ياحبيبتي قومي ياعشق مش هتموتي مش هسيبك تروحي مني
تمارا… ياعشق عششششق قومي انتي مش هتسبيني صح…
زهره… بصريخ اطلبو دكتور بسرعههههههه..
نور… اعدت عالارض من غير ولا كلمه
ليل…. قوميييي ياعشق.
ريما… بضحك…. كان لازم اوجعك يا ليل كنت بفكر ازاي اموتك بس صراحه انا الوقت عرفت اني كنت غبيه لما كنت هموتك واريحك انت الوقت هتبقى عايش بس ميت يا ليل. عشان لا تبقى ليا ولا لغيري عشان انتقم منك يوم ما سبتني
وفضحتني..اديني خدت حقي وشيفاك ادامي بتموت بالحياه
وفضلت تضحك بهيستريا…
وبحركه… سريعه من ليل. طلع مسدسه وضرب ريما في قلبها… وقعت وفي لحظات كانت ميته…
قام ليل شال عشق… وجري بيها عالمستشفى..والكل وراه… والبودي جارد فضلو في الڤيلا متحفظين عليهم عشان محدش فيهم يهرب…
وصل ليل بأقصي سرعه… للمستشفى
ليل…دكتوووووور بسرعه ثواني واتجمع على صوته الدكاتره وطقم كبير من الممرضين خدوها منه…ودخلوا بيها بسرعه غرفة العمليات…. الجميع كان في حاله صدمه يوم حول حياة الجميع الى كابوس…
وقف ليل ورا باب غرفة العمليات بقلق وتوتر..
الكل رايح جاي القلق والتوتر مش سايب حد…
عدى الوقت عليهم كأنه سنين …
زهره ببكاء….اتأخرو اوي… مفيش حد خرج يطمنا..
ادم …..ان شاء الله خير..
تمارا…. انا خايفه على عشق اوي… عشق فيها حاجه..
عشق حست..باللحظة دي وعشق لايمكن احساسها يكدب..
ليل…بفزع….حست بأيه…
تمارا…وهي دموعها نازله كانت خايفه وقلقانه ومتوتره جدااااا…وقالت انها حاسه ان انهرده كأنه اخر يوم ليها في الدنيا..
جاسر….مفيش حاجه هتحصلها ان شاء الله هي اكيد كانت متوتره واحساسها ده نتيجة الضغط اللي كان حاصل …
ليل….مكنش لازم تحسي ياعشق المرادي…
نوح…اهدى ياليل الوقت حد يخرج يطمنا…
سهام…ادعولها يا ولاد….هي الوقت محتاجه اننا ندعيلها…
تمارا…. بأنهيار…يارب. نجيها يارب..يارب.انا مش حمل وجع…يارب انت عارف اني من غيرها اموت..
قرب منها جاسر…شدها لحضنه من غير كلام.وهي انهارت في حضنه…
واخيرا.. خرج الدكتور بعد ساعات في غرفة العمليات…..على وشه ملامح الحزن..
جري عليه الجميع….
ليل…عشق كويسه العمليه نجحت صح..
تمارا… عشق بخير يا دكتور صح…
الدكتور…..للاسف الرصاصه اللي خدتها كانت قريبه جدا من القلب. حاولنا كتير معاها بس للاسف القلب مش بيستجيب البقاء لله…
الجميع…..????????????????????????????????????????????
ليل…مسكه من هدومه بغضب انت بتقول ايه..انت مجنون صح… انت عارف انت بتقول ايه قلب ايه اللي وقف.. عشق لا يمكن تموت….روحها قصاد روح كل واحد شغال في المستشفى دي..
تمارا…عشق مماتتش انت بتكدب عشق لا يمكن تسيبني عشق مينفعش تسيبني
الدكتور….انا اسف…بس احنا حاولنا كتير
ليل…حدفه من ايده يبقى مشفتوش شغلكم كويس…عشق مماتتش دخل اوضة العمليات…واي حد من الدكاتره والممرضين كان بيمنعه كان بيحدفه بكل قوته عنه لحد ما وصل ادامها كانت نايمه عالسرير شبه الموتي…..وش شاحب وابيض شفايف زرقا..الدم باين في كل مكان كان المنظر بشع ومرعب… وكأنه حلم او كابوس..
ليل…. بصوت عاللي… اناقولتلك متسبينيش
ياعشششق… قولتيلي مش هسيبك ..قولتلك ان انتي قوتي عايزه تسبيني ليه يا عشق الوقت عايزه تخلفي الوعد اللي بينا ليه ياعشق… انا على جثتي اسيبك تموتيييييي انتي هتصحي الموت مش ليكي ياعشق… الموت مش ليكي
انتي دعيتي ربنا يشيل حبي من قلبك….انا موافق اصحي وفوقي وشيلي حبي من قلبك بس قلبك ميقفش يا عشق… وفضل ليل يدوس بعنف على مكان الجرح…
ليل…مش هسيبك تموتي ياعشق… مش هسيبك تحرميني منك بعد ما صدقت لقيتك مش هسيبك تستسلمي ابدا…
يلاااااا قوميييي فضل اكتر من عشر دقايق كاملين يضغط
على قلبها… بدون فايده…ولا استسلام من ليل..
ليل… سابها. وبصلها. ولاول مره. دموعه تخونه…
متسبينيش ياعشق ارجوكي..
متسبينيش. انا تعبت عشان الاقيكي…مينفعش يوم ما الاقيكي تروحي مني..
المرادي.ياعشق… انا هضيع.
ليل مسك ايدها. وقرب منها… ارجوكي متبقيش انتي سبب موتي بالحيا. ياعشق….انا جيت الدنيا دي عشان اقابلك ويكون قدرنا واحد
دخل نوح وادم وجاسر …حط جاسر ايده على كتفه. كفايه يا ليل… مفيش فايده حرام عليك سيبها
بصله ليل…بوجع ودموعه نازله علي خده….ولاول مره يشوفوه بالمنظر ده… ولما اسيبها ياجاسر..هعمل ايه من غيرها..طيب هي هتسيبني وترتاح لكن انا هفضل تعبان طول عمري….
ادم…..سيبها يا ليل…لو بتحبها خليها ترتاح..
ليل….راحتها كانت معايا يا ادم..
نوح….ادعيلها ياليل… ادعيلها… هي رايحه مكان احسن من اللي احنا فيه ده بكتير…
جاسر…قوم معانا ليل..
ليل….مش قادر اسيبها..
جاسر…مش هنسيبها يا ليل…
ادم…تعالى يانوح انت وجاسر نبلغهم وسيبوه معاها شويه..
ليل…مسك ايدها باسها…بوسه طويله ودموعه نازله…
هشوفك تاني ياعشق..لازم هشوفك تاني.
هتوحشيني لحد ما نتقابل تاني ياعشق…
هستناكي…وهفضل مستني اللحظه اللي اشوفك فيها تاني
وكأن عشق سامعه كل حرف لكن مش قادره تتكلم وكأنها بتغرق في بحر وبتتصارع مع الموج عشان تقدر تطلع وتاخد نفسها وترجع للحياه من تاني او حد مانع عنها الكلام ومقيد حركتها وكأن كل الحواس وقفت إلا السمع…دمعة فراق نزلت من عيونها…بوجع
مسح ليل الدمعه اللي نزلت منها…وبمجرد ما لمس وشها..كان جسمها ابتدا يتلج ودمها يتجمد????????????????
بحبك ياعشق ليل????????
فاللحظه دي بلغهم ادم بموت عشق????
صرخه. من تمارا وزهره.هزت اركان المستشفي كلها..
عشششششششششق…????????????????????
………………………
عشق…عشق…عشق…
يابنتي..يابنتي..
تنهيده من اعماق القلب وكأنها غريق تم انقاذه في اخر لحظه من طلوع الروح..
تمارا….انتي كويسه ياعشق..
زهره…عشق انتي تعبانه..فيكي حاجه..
عشق…تايهه ومش مستوعبه اي حاجه من اللي حصلت..
هو في ايه…
تمارا….مفيش بنكلمك مش بتردي قلقنا عليكي..
زهره انتي روحتي في النوم…مال وشك مخطوف كده ليه انتي كنتي بتحلمي ولا ايه…
عشق…احنا فين..
تمارا…زي ما احنا عالرصيف..
عشق..حست ان في شريط طويل واحداث كتير بتجري بسرعه ادام عنيها…وابتدت تفتكر..????????????????
……….
زهره.. ابتدت تعيط..
خدتها عشق في حضنها.. ممكن بلاش عياط..
زهره… انتي حاسه باللي المصيبه اللي احنا فيها انتي عارفه اننا هنبات في الشارع ..وياعالم هيحصلنا ايه
عشق.. ابتدت دموعها تنزل.. ان شاء الله ربنا مش هيخذلنا ربنا كريم اوي اكيد مش هيسبنا نتبهدل في الشارع كده..
تمارا… ابتدت هي كمان تعيط خدتهم عشق في حضنها ورفعت وشها للسما وهي بتعيط..يارب.. انت عالم بحالنا الوقت مر وبقينا بليل يارب انجدنا من الشارع وبهدلته يارب انت احن علينا من اي حد دلنا يارب واقف معانا احنا ملناش حد ولا لينا غيرك..ياكريم……
ابتدت عشق تفتكر شويه شويه…سندو البنات على كتفها وراحو فالنوم…
عشق…..مستحيل مستحيل ????????????????????????
زهره……في ايه يا عشق..مالك.ومال جسمك متلج كده ليه….افرحي يظهر ربنا قبل دعوتك..
بصتلها عشق وهي مش مستوعبه ولا قادره حتى تتكلم…
تمارا….في راجل طيب حابب يساعدنا…
عشق…بصدمه…راجل مين..
تمارا…ده راجل كبير شافنا نايمين جه صحانا…وسألنا نايمين كده ليه…بصراحه حكيتله حكايتنا قولت يمكن يكون عنده حل..ويقدر يساعدنا… وطلب مننا نروح معاه…هو بيقول انه عنده بنت في سننا ومراته متوفيه وكلم بنته ادامنا…ايه رأيك ياعشق بيتهبألي نوافق بدل بهدلتنا دي…عالاقل لحد بكره بس بدل ما نفضل في الشارع كده…
عشق…بزهول من اللي بتسمعه…
عشق…هو فين..
تمارا…اهو جاي اهو…
ايه ده صحيت… نشفتي دمنا فكرناكي تعبانه ولا اغم عليكي يابنتي..امسكي ده انا جبتلك عصير…
عشق..وكأن الحياه وقفت بيها اول ما شافت حاج محمد ادامها..عالم بيدور حواليها وهي واقفه عند بدايه النهايه????
عشق…شكرا????????????
حاج محمد…ايه يابنات.. قولتو ايه؟؟
تمارا..وزهره…بصو لعشق..
قاامت عشق وقفت… وبصت لحاج محمد…ومن غير تردد..
عشق….موافقين..
تمارا وزهره…بصو لبعض باستغراب… كانو متوقعيين رفضها.
حاج..محمد..طيب يلا بينا…هتنورو البيت يا بنات..
بصت. عشق…بغموض عالطريق….ومشيت. ورا حاج محمد وكأنها عارفه كل خطوه هتخطيها بعد كده..
تمارا….بصوت واطي…وافقتي بسرعه يعني من غير اعتراض…كنت واثقه انك هترفضي..
عشق….مكمله مشي..وعينها عالطريق بغموض…
مكنش ينفع ارفض….ده طريق مكتوب والمكتوب مينفعش نهرب منه في حاجات كتير اوي هتحصل لازم الحقها واوقفها..
تمارا باستغراب… تقصدي ايه انتي لسه نايمه ولا ايه.
عشق….ابتسمت. بغموض…وبصت لتمارا…
جربتي تسألي نفسك قبل كده الحياه اللي بتعيشيها دي حلم ولا واقع…
تمارا…ابتسمت باستغراب…كتير…
عشق….اهو انا سألت نفسي اسأله كتير اوي لكن عمري ما سألت نفسي السؤال ده….
زهره…انتي بتقولي ايه حصلك ايه لما نمتي..
عشق…..موت…و صحيت تاني…والوقت همشي نفس الطريق… يمكن اوصل لنقطه النهايه الموت????. ويمكن اكمل بعدها…
بس فالاول والاخر… ده طريق. ولازم امشيه????????????????????????
…………….
مابين. الموافقه والرفض.كلمه من حرفين. (( لا))
لكن احيانآ الفضول… بيدفعنا للموافقه. بس عشان نعرف النهايه…اللي هنعرف بعدها
هنكمل ????????ولا هنقف لحد كده????
الحياه رحله وحلم…طويل.اوي بنعيشه..
ولكن جربت تسأل نفسك في يوم…
ان الحياه اللي بنعيشها ممكن تكون حلم وهنصحي منه…
طب لو حياتنا حلم هنصحي منه امته؟؟؟
دنيا غريبه..لكن لازم نمشي طريقنا فيها????
يتبع في الجزء الثاني
مابين الحلم والحقيقة
لقراءة جميع فصول الرواية : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير
بجد نهاية غير متوقعة .كل دة كانت عشق بتحلم . لكن حقيقي جميلة جدا. احسنتي وسوف ننتظر الجزء الثاني.
ياريت لو ليها جزء ثاني تنزله على طول
روايه دار الايتام ياريت لو ليها جزء ثاني تنزله على طول
رواية دار الأيتام جميله جدا ونهايته غير متوقعه بجد تحفه ياريت تنزلي الجزء الثاني بسرعه
منتظرة الجزء الثاني .فأرجو منك عدم التأخير لاني مشتاقة لقراءته .لكي كل التوفيق والنجاح.
بجد انا اول مرة اقرأ روايه بالجمال ده وكمان نهايه غير متوقعه نهائي …….
انا لحد دلوقتي مش مستوعبه اللي حصل ومتلغبطه جدا بسبب النهايه دي … ممكن كلامي يكون مبالغ فيه بس احساسي صعب انه يتوصف دلوقتي خالص …… هو كده اصلا….
انا خلصت الروايه في 3 ايام بس مكنتش بنام اصلا من كتر فضولي علشان اعرف النهايه ومتوقعتش تكون كده ابدا …. بجد بتمني حياتي تكون عبارة عن حلم وميكونش حصل فيها كل اللي حصلي واقدر اغيره واخليه احسن ومقعش في الغلط اللي انا وقعت فيه ده من تاني …………
بجد انتي موهوبه اوووووي بتمني تكملي بسرعه واحلي حاجه فيكي ان البارت طويل اوووووي ومش بتتأخري علشان تنزلي الجزء اللي بعده ……..
انا متأكده ان محدش كان متوقع ان النهايه هتكون كده خالص ……..
بجد انت موهوبه اوووي ……..
#اتمنالك التوفيق