روايات

رواية قصة قلب جريح الفصل الثالث 3 بقلم منى عبدالغني

رواية قصة قلب جريح الفصل الثالث 3 بقلم منى عبدالغني

رواية قصة قلب جريح البارت الثالث

رواية قصة قلب جريح الجزء الثالث

رواية قصة قلب جريح الحلقة الثالثة

_سيف سيف افتح الباب يا سيف سيييف، نزل وسابني مش عارفه بجد هو بيعمل كدا ليه فيا دا مش عايزني اتعامل مع بشر دا حابسني عن كل الناس دا انا لما صدقت انوا هينزل وقولت ممكن اكلم حد يساعدني او حتى اروح اقول لأهلي بس شكلي عمري ما هلاقي حل للعذاب اللي انا فيه دا…
 دخلت اوضتي وفضلت اعيط لحد ما نمت بس نمت وانا مرتاحه نمت وانا حاسه بالأمان انوا مش في البيت انوا مش هيجي يلمسني وانا نايمه او يقرب مني اخيرا نمت وانا مش خايفه.
=تغريدتي انتي لسه نايمه
_صحيت على صوته جمبي قومت مفزوعه وخايفه..
=ايه يا تغريد مالك خوفتي كدا ليه؟!
_م.. مفيش، حاولت استرجع قوتي واشيل الخوف اللي فيا..قولي انت ليه تقفل عليا الباب وازاي تفضل حابسني كده انت بتعمل كدا ليه فيا؟!
=يا حبيبتي مش هتحتاجي حاجه من الباب يعني ما انا بجبلك كل حاجه انتي عايزاها وكده كده مفيش حد بيقابلك ولا انتي بتقابلي حد..
_ودا بسببك وهو مين اللي مانع عني النزول ومانع اني أزور اهلي ومفهمهم اني انا اللي مش عايزه حد يجيلي قولي مين اللي بيعمل كل دا..
=انا بعمل دا عشانك تغريد انتي حبيبتي وبتاعتي انا ومش هسمح ان حد ياخدك مني ابدا ولا ان حد حتى يبصلك حتى لو من أهلك..
_هو انت مجنون يا سيف انت بتعمل كدا ليه انا بكرهك والله بكرهك سيبني في حالي بقى وطلقني وخليني ارجع لأهلي.
=اهدي يا تغريد عشان اللي في بطنك وبعدين انا مش بطلق وكدا كدا هتحبيني مع الوقت لسه مفاتش غير شهر فا ادي نفسك فرصه انك تحبيني وانا متأكد انك هتحبيني..
_انت بجد مش طبيعي مستحيل تكون انسان بيفهم زينا بقولك بكرهك وعمري ما هحبك عايزني احبك وانت بتضربني كل يوم وبتعمل فيا كل حاجه بمزاجك انت مش راجل عشان احب….
=تغرييييييييييد
_اترعبت منه ومن مسكه ايده وزعيقه بس خلاص بقيت حفظاهم بس للأسف كل ما بيقلب بترعب ومش بعرف اتحكم في خوفي منه من جنانه بس انا بردوا بعصبه وبالذات بالكلمه دي وانا عارفه كويس انوا بيتعصب منها وكل لما كنت بقولها بيبقى بعدها تهزيق وضرب بس عادي انا اتعودت..
=هو انتي مش هتحترمي نفسك وانتي بتكلمني بتعجبك العلقه اللي بتاخديها كل يوم مني؟
_كنت خايفه وبعيط من غير صوت وهو لسه ماسك ايدي جامد ومقرب مني وعينه حمرا ، ممكن تسيب ايدي؟
=لو الكلمه دي اتقالت مره كمان يا تغريد والله والله ما هتلاقي حته سليمه في جسمك دا قومي اتنيلي حضري الاكل..
_حاضر.. قام وسابني وخرج وانا فضلت اعيط، يارب انا تعبت بقى يارب خدني وخد اللي في بطني دا انا مش قادره اشيل منه عيل او اني اشوف من وشه اي حاجه يارب ارحمني بقى وساعدني اخلص من اللي انا فيه دا..
عدي اربع شهور كمان وبقيت في الشهر السابع وطبعا مفيش حاجه اتغيرت الضرب والاهانه لسه زي ما هما بس الفرق اني تعبت ومبقتش اقدر اني حتى اتكلم زي الاول وازعق معاه خلاص مبقاش عندي قوه من الضرب ومن اللي في بطني وبقيت بسكت ساعات وبعمله اللي هو عايزه..
=تغريد حبيبتي يلا اصحى عشان تفطريني.
_طيب.
=طب اقولك حاجه حلوه؟
_ايه؟
=افكس الشغل وننزل النهارده نتفسح؟
_سبحان الله هتحن عليا وتنزلني اخيرا اشوف الشارع بعد خمس شهور حابسه!!
=انا مش حابسك انا بحافظ عليكي من الناس.
_ليه وهو انا طفله انت ليه محسسني انك بتعمل كل حاجه عشاني انا وان انا اللي يا عيني ظلماك..
=تمام مش عايزه يعني انا هقوم البس وانتي قومي حضريلي الفطار.
_…..
=اخلصي يلا مش انتي مش هتخرجي!
_انا مقولتش اني مش عايزه، كنت خلاص فعلا على أخرى انا بقالي خمس شهور حرفيا مش بشوف الشارع ومش عارفه هو بقى عامل ازاي دلوقتي فا كنت عايزه اخرج انا لما صدقت انوا قالي نخرج.
=خلاص يعني هتخرجي؟
_اه، شدني من ايدي وحضني.
=تمام تعالي نكمل نوم بقى وشويه نبقى نقوم نلبس وننزل.
_تمام ممكن تسيبني بقى؟؟
=…
_سيف لو سمحت ابعد عني انا مخنوقه ومش ناقصه..
=تغريد حبيبتي ممكن تسكتي شويه النهارده وتخلي اليوم حلو..
_حاولت اخرج من بين ايديه بس كان محاوطني جامد فا استسلمت ونمت.
بعد اربع ساعات
=يلا يا تغريدتي عشان نلبس.
_همممم
=يلا يا تغريد فوقي بقى ولا مش عايزانا ننزل خلاص ونكمل نوم؟
_لا لا اهو صحيت.
=ضحك، لازم اهددك يعني.
_دخلت خدت شاور وخرجت فضلت ادور على لبس اعرف البسه لان كل حاجه داقت عليا وانا مش بنزل خالص عشان اجيب لبس حتى فا لقيت فستان بس كان مجسم شويه بسبب الحمل لبست وكنت واقفه بسرح شعري…
=بتعملي ايه؟
_….
=هو انا مش بكلمك؟
_وهو انت شايفني بعمل ايه يعني بسرح شعري..
=وملبستيش ليه؟
_بصيت على نفسي ورديت بستغراب امال انا عامله ايه يعني ما اهو انا لابسه.
=وهو انتي بتسمي المحزق دا لبس؟
_واعمل ايه يعني يا سيف معنديش هدوم انت جايبني هنا بالهدوم دي اللي كنت بلبسها قبل الحمل وكمان مش بتسيبني اخرج او انزل من باب البيت عشان ابقى اشتري هدوم ودي الحاجه الوحيده اللي دخلت فيا ممكن تعدي اليوم بقى لو سمحت عشان انا مش مستحمله خناق..
=وهي دي غلتطي انا يا هانم مش بتقوليلي ليه انك مش عندك لبس وانا كنت هجبلك وهو انا كنت اعرف انتي عندك ايه ومش عندك ايه ومش هتنزلي باللي لابساه دا يا تغريد..
_اوووووف بقى انت مبترحمنيش ليه وهو انا كنت بعدي عتبه البيت عشان ابص على الدولاب اصلا واشوف ايه بيدخل فيا وايه لاء… اتنفست وحاولت اهدي نفسي عشان انا بجد محتاجه الخروجه دي..
عشان خاطري يا سيف عدي الموضوع النهارده ولو مش عاجبك نروح نشتري اي حاجه تانيه قبل ما نروح في اي حته والبسها بس انا بجد عايزه اخرج ومش عايزه اتخانق النهارده مش مستحمله ومش عندي طاقه والله..
=تمام يا تغريد خلصي بسرعه عشان نعدي على اي محل.
_حاضر، لبست بسرعه الطرحه وهو لبس ونزلنا.
=يلا انزلي
_حاضر
ممكن براحه، كان ماشي وماسك ايدي جامد ولا اكنه خايف اني اهرب منه وانا فعلا نفسي اهرب.
=خشي قيسي دا وانا واقف هنا.
_حاضر، لبست وطلعت
=تمام حلو يلا بينا
_تمام، خلصنا وروحنا مطعم كبير وحلو اوي وفضلنا ساكتين لحد ما جه الاكل وكلنا.
=تغريد.
_نعم.
=هو انتي مينفعش تحبيني؟
_…..، استغربت سؤاله بس مردتش
=مش بتردي ليه انا والله بحبك يا تغريد ونفسي انتي كمان تحبيني..
_واحبك ازاي وانت كل يوم بتضربني وبتهيني احبك ازاي بعد ما عملت فيا كده وخلتني احمل منك عشان اتجوزك بس احبك ازاي وانت طول الوقت بتيجي عليا وبتغصب عليا كل حاجه احبك ازاي وانت حابسني ومش مخليني اشوف بني آدم ازاي عايزني احبك وانت مبوظ حياتي كلها دا انا بقيت حاسه اني مش عايشه انا مبقاش ليا لازمه انت معيشني معاك كا جسد بس لكن مش عايزني اتكلم مش عايزني اعترض مش عايزني اعبر عن رأيي مش عايزني اتصرف بحريه وجاي دلوقتي تقولي حبيني!!؟….
=ياااه للدرجادي انا وحش اوي في نظرك للدرجادي انتي مش طيقاني؟
_دورت وشي ومردتش عليه.
=يلا عشان نروح يا تغريد.
_قام هو الأول ووقف برا المطعم وانا قومت وكنت لسه هخرج لقيت اللي بيوقفني…
^ايه دا تغريد؟
_فادي انت بتعمل ايه هنا!! ، كان جوايا مشاعر مختلطه كنت فرحانه وخايفه ومتوتره كنت فرحانه عشان شوفت حد اعرفه وكنت بتعامل معاه وكنت خايفه من سيف خايفه انوا يشوفني..
^كنت بتغدي مع خطيبتي.
_ايه دا انت خطبت الف مبرووك فرحتلك اوي والله.
^الله يبارك فيكي انتي شكلك اتجوزتي بردوا.
_ضحكت اه يا بني وبعدين الخلفه دي صعبه اوي.
^ربنا معاكي والله انتي في الشهر الكام دلوقتي؟
_السابع
^امم طب ايه مش ناويه ترجعي الجامعه ولا ايه
_مش عارفه بس معت….
ملحقتش اكمل كلامي وملحقتش اشوف حاجه انا فجأه لقيت حاجه بتجري زي الصاروخ ونازله ضرب في فادي
وطبعا الصاروخ دا كان سيف..
_سيف انت بتعمل ايه ابعد عنه يا سيف.
=انت واقف معاها ليه يا حيوان ها واقف مع مراتي بتعمل ايه؟؟
_سيف انا هفهمك سيبه بس عشان خاطري كفايه يا سيف..
=ابعدي بقى.
_كنت ماسكه ايده وبحاول أشده وابعده عن فادي وفجأه زقني جامد ووقعت، اااه اااه بطني بطني
=تغريد تغريد حبيبتي انتي كويسه يا تغريد انتي كويسه؟…
^تغريد انتي كويسه حصلك ايه؟
=وانت مالك انت خليك في حالك وملكش دعوه لمراتي يالا..
_اااه حرام عليك بقى كفايه انا مش مستحمله.
=حاضر خلاص انا اسف قومي معايا يلا قومي نروح.
_قومت معاه وانا بطني بتوجعني بس مكنتش اتخبط فيها جامد ودا لحسن حظه يعني لان كدا كدا انا عايزه اخلص من اللي في بطني دا بس مش هقدر اني اعمل حاجه بنفسي فا بدعي ربنا انوا يخلصني هو منه عشان انا مش عايزه عيال منه بس للاسف حظي كان وحش المره دي كمان…
=ادخلي انتي كويسه حصلك حاجه حصل حاجه لابننا؟
_انا كويسه مفيش حاجه.
=انا بجد اسف والله انا مش عارف انا عملت كدا ازاي تيجي نروح لدكتور؟
_كنت بصاله وانا مش فاهمه هو ماله بجد مهو دايما بيضربني وبيعمل فيا اوحش من كده وعمره ما اعتذر اشمعنا المره دي ولما كانت من غير قصده كمان بس اكيد بيعمل كده عشان ابنه زي ما هو مبقاش يضربني عشانه مش فاهمه ايه حبه لطفل جابه بطريقه حرام دا انا مش طايقه اشيله في بطني، مفيش حاجه يا سيف انا كويسه…
=تمام يلا هنروح دلوقتي وهتستريحي بس متفتكريش ان موضوع الواد دا هيعدي كدا.
_….. طبعا وهو ايه الجديد يعني…
_سيف ممكن توديني لأهلي
=ليه
_عشان نفسي اشوفهم نفسي اشوفهم يا سيف انا بقالي كتير اوي مشفتهمش ولا حتى كلمتهم
=تمام يا تغريد بس لو نطقتي بحاجه ف….
_والله ما هقول حاجه انا خلاص اتعودت على الاهانه والضرب ومش عايزه حد يساعدني انا عايزه بس اشوف اهلي
=طيب.
+افتحي الباب يا ام تغريد
:افتحه انت انا مش فاضيه
+ماشي ما انا اللي بقيت اعمل كل حاجه في البيت دا، تغريييد حبيبتي وحشتيني اوي.
_بابا انت وحشتني اوي بجد
:تغريد انتي جيتي يا بنتي
_ماما وحشتيني
+ايه يا تغريد اربع شهور منشوفكيش ليه يا بنتي؟
_اسفه والله يا بابا غصب عني.
:وهو ايه اللي غصب وهو سيف اللي كان حابسك عشان متجيش يعني إلا صحيح هو فين؟
_طالع يا ماما طالع
+ايه يا تغريد مكنتيش عايزه تشوفي ابوكي موحشتكيش ولا ايه!!
_كنت بعيط من فرحتي اني اخيرا شوفتهم، لا يا بابا والله مفيش حاجة من دي انتوا متعرفوش انتوا وحشتوني قد ايه والله كان غصب عني يا بابا سامحني.
=ازيك يا عمي ازيك يا طنط.
:ازيك يا سيف يا حبيبي
+الحمدلله يا بني انت اخبارك ايه
=بخير والله يا طنط ويا عمي
+مش بتجيب البت ليه يا سيف
_لقيته بصلي جامد وبرقلي وحسيت انوا شويه وهيضربني شكلوا افتكر اني قولت لبابا حاجه..
=هي قالتلك كدا يا عمي!!
+لا يا بني هي مقالتش كده انا اللي بقول اصل ايه اللي يخليها متجيش تزور أهلها من ساعت ما اتجوزت
_لقيتوا بيشد ايده على أيدي جامد، لا يا بابا دا انا كنت تعبانه اوي من الحمل وكنت نايمه اغلب الوقت فا عشان كدا مكنتش عايزه حد يجيلي.
+متأكده يعني
_اه يا بابا مفيش حاجه متقلقش عليا، لقيته بيبصلي جامد انا وسيف وحسيته مش مصدقني انا نفسي ياخد بالوا من اللي انا فيه نفسي يريحني من الشخص اللي انا عايشه معاه في بيته دا بس مش عايزه اشوف في عينه الحزن على بنته الوحيده دا غير اني مش هعرف اقول وخايفه من سيف..
+طب خلاص ادخلوا اقعدوا يلا.
=لا يا عمي نقعد ايه دا احنا كنا خارجين وقولنا نعدي عليكم ولازم نروح عشان الوقت اتأخر.
+وهو دا كلام يا سيف مينفعش انا بقالي كتير مشوفتش بنتي ولما صدقت انها جت وشوفتها وانت عايز تمشي بالسرعه دي.
=معلش يا عمي عشان هي من الصبح برا وممكن تتعب واوعدك اني هجبها تاني قريب وتقعد معاكم اليوم كله
+بس يعني…
_خلاص يا بابا هجيلك تاني متخافش وابقى سلملي على الواد أحمد لما يصحى.
+حاضر يا حبيبتي مع السلامه يا بنتي
_سلام يا حبيبي
:سلام يا تغريد يا حبيبتي
_سلام يا ماما هتوحشوني
+وانتي كمان يا بنتي، متأخرهاش علينا يا سيف
=حاضر يا عمي متقلقش، يلا يا تغريد
_حاضر سلام يا بابا سلام يا ماما، كنت ماشيه وانا هموت واعيط مش قادره ابعد عن اهلي تاني انا عارفه كويس انه مش هيجيبني ليهم قريب تاني انا بجد مش عايزه ارجع معاه بس مش قدامي اي حل دلوقتي..
=يلا ادخلي عشان نروح.
_دخلت العربيه من غير ما اتكلم ومقدرتش امسك نفسي اكتر من كدا وفضلت اعيط.
=في ايه يا تغريد بتعيطي ليه.
_….
=تغريد انا بكلمك بطلي عياط وبصيلي وقوليلي بتعيطي ليه في ايه.
_مفيش
=انتي تعبتي لما وقعتي او حصل حاجه فهميني طيب.
_مفيش يا سيف مفيش سيبني في حالي بقى ولو سمحت يلا نروح.
=….مش هتتكلمي معايا يعني
_……
=تمام يا تغريد
_وصلنا البيت ودخلت اوضتي وفضلت اعيط بصوت أعلى انا مش فاهمه بعيط ليه بس انا مدايقه مدايقه على نفسي وعلى كل حاجه بتحصلي ومبقتش مستحمله
=في ايه يا تغريد ما تقوليلي عماله تعيطي ليه.
_كنت مكمله عياط ومش برد عليه ومش قادره ارد.
=تغريييد انا بتكلم على فكره بطلي عياطك دا و فهميني في ايه انا مبحبش شغل العيال دا.
_في اني مبقتش مستحمله يا سيف مبقتش قادره خلاص زهقت من العيشه دي هي حتى مش عيشه انا مش حاسه اني عايشه انا معاك اكني مش معاك انا مليش لازمه ولا رأي ولا اي حاجه انا بجد زهقت انت ليه بتعمل كدا فيا سيف عشان خاطري لو بتحبني بجد طلقني عشان خاطري يا سيف ومش هقول لحد على حاجه وحتى ابنك مش هنزله وهسيبه ولما يتولد عايز تاخده انا موافقه بس عشان خاطري طلقني وسيبني اعيش حياتي بقى.
=هو انا مش قولت مش عايز اسمع سيره الطلاق دي تاني ابدا هو في ايه يا تغريد انتي ليه مش فهماني بقولك انا بحبك ومقدرش ابعد عنك ابدا ولا اقدر اشوفك مع غيري انتي ليا انا وبس يا تغريد ومش هقبل ابدا انك تبقى لغيري وانا مجبتش العيل دا عشان عايزه هو انا عايزك انتي عشان كده عملت كده ولو بعدتي عني فا هعوزوا في ايه بس انا مش هسيبلك الفرصه تبعدي عني وتسبيني يا تغريد.
_هو انت واخدني لعبه يا سيف انت شايف ان اللي بتعمله دا صح اصلا ولا حلال انت كل حاجه بتعملها بتاخد ذنبها يا سيف وانا عمري ما هحبك ولا هسامحك على اللي بتعمله فيا دا ولو سمحت اخرج وسيبني انام عشان مش هستحمل اكتر من كده النهارده.
=تمام يا تغريد انا هسيبك براحتك النهارده بس بكره لينا كلام تاني مع بعض.
_خرج وسابني وانا فضلت اعيط لحد ما نمت ومبقاش جديد عليا اني انام معيطه.
=تغريد يلا اصحى
_امم
=يلا قومي اعملي الفطار عشان هتأخر على الشغل..
_طيب
=صباح الخير
_مردتش عليه ودخلت الحمام غسلت وشي وخرجت اعمله الفطار  وشويه ولقيته جه حضني من ظهري.
=انتي لسه زعلانه مني؟
_ دورت وشي وبصتله، سيف هو انت فيك حاجه?!
=لا ليه بتقولي كدا؟
_اصل مستحيل تكون انسان طبيعي وانت كل شويه بتغير اسلوبك وكلامك كدا انت عندك انفصام يا سيف انت اكيد مريض.
=هو في ايه يا تغريد هو دا آخره اني بحاول ابقى كويس معاكي انتي ولا عاجبك كدا ولا عاجبك كدا انا بجد زهقت من القرف دا.
_انت مريض يا بني انت ازاي كدا بجد، مسكني من ايدي
= تغريد انا بتعامل معاكي حلو لغايه دلوقتي ومش عايز افتح موضوع الواد الزباله اللي وقفتي وكلمتيه امبارح فا متعصبنيش عليكي وتخليني اعمل تصرف مش هيعجبك
_سيب ايدي يا سيف لو سمحت، ساب ايدي وراح عند الباب…سيف مش هتفطر!!
=مش عايز حاجه منك
_نزل ورزع الباب وقفل عليا طبعا كالعاده ولا اكني كلبه في البيت وخايف تهرب..
_اووف هو كل دا مجاش ليه وقت رجوعه عدي عليه ساعتين وكل دا مجاش، كنت قاعده مش عارفه قلقانه ليه وليه اقلق عليه اصلا دا لو حصله حاجه انا اول واحده هتبقى مبسوطه بدا بس بردوا دي اول مره يتأخر عليا فيها بالطريقه دي…
_نمت على نفسي من التعب وصحيت على رزع الباب قومت مخضوضه وخايفه، مم.. مين؟
+افتحي يا تغريد دا انا واخوكي
_بابا انت جاي ليه في حاجه؟
+افتحي يا بنتي بس وانا هقولك
_حاض… بابا مش هعرف افتح
-ازاي يعني افتحي يا تغريد اخلصي في حاجه مهمه
_والله مش هعرف افتح مش معايا المفتاح الباب مقفول من برا
+مقفول من برا وهو سيف حابسك؟
_يا بابا افتحه بس وانا هفهمك
-ايوه يا بابا مش وقته دلوقتي نفتحه وبعدين نعرف بعدين ايه اللي حصل.
+ماشي
_بعد ربع ساعه كانوا كسروا الباب ودخلوا وشكلهم كان غريب النظره اللي في عينهم كانت بتدل ان في حاجه غلط، في ايه يا بابا انتوا باصينلي كده ليه؟
+هنتكلم في موضوع الباب بعدين المهم دلوقتي البسي بسرعه عشان سيف عمل حادثه بالعربيه.
_اييه سيف…….
يتبع…..
لقراءة الفصل التالي : اضغط هنا
لقراءة باقي حلقات الرواية اضغط على (رواية قصة قلب جريح)

اترك رد