Uncategorized
رواية أسيرة الشيطان الفصل السابع والثلاثون 37 والأخير بقلم دينا جمال
رواية أسيرة الشيطان الفصل السابع والثلاثون 37 بقلم دينا جمال
 |
| رواية أسيرة الشيطان الفصل السابع والثلاثون 37 بقلم دينا جمال |
رواية أسيرة الشيطان الفصل السابع والثلاثون 37 والأخير بقلم دينا جمال
بسعادة: بابا ما انتحرش ، بابا ما انتحرش
ذهب ناحية رؤي وحملها من خصرها وظل يدور بها وهو يصرخ بسعادة بابا ما انتحرش يا رؤي ما انتحرش
اما عن شاهندا فبعد خروجها من بيت صبري اسرعت تركب احدي سيارات الاجري لتذهب بها الي منزل فتحي
____________________________
في ساعة متأخرة من الليل وجد فتحي الباب يدق
سعدية: يا ستار يا رب مين الي هيجلنا السعادة دي
فتحي : هشوف اهه يا اما
فتح الباب لتتسع عينيه بدهشة : شاهندا
شاهندا مبتسمة: بحبك
في لحظة كانت في صدره يضمها بقوة
سعدية بغضب : اتحشم يا ولدي
فتحي : يلا نكتب الكتاب دلوقتي
شاهندا: ما ينفعش لسه فاضل اسبوعين علي العدة ما تخلص
فتحي : ربنا يصبرني علي الأسبوعين
سعدية : تعالي يا بتي ارتاحي
شاهندا بسعادة: هنام في حضنك
سعدية بحنان :ايوة طبعا
__________________________
في مساء اليوم التالي ثلاث حوريات يزينهن فساتينهن البيضاء ويتوجهن طرحهن البيضاء وفي المقابل يقف ثلاث فرسان ببدلهم السوداء
التي تعطي لكل منهم جاذبية خاصة
اخذ كل منهم يد عروسه وذهب الي كوشته
جاسر مبتسما: مبروووك يا رؤتي
رؤي بخجل : الله يبارك فيك
علي مبتسما: مبروك يا ايمي
ايمان بخجل : شكرا
ياسر غامزا : يا مسهل والفرح دا يخلص
نرمين بخجل : انت قليل الادب علي فكرة
دخل مختار سريعا الي الحفل متجها ناحية جاسر
جاسر: خير يا مختار
مختار مبتسما: لقينا القلب
جاسر بغيظ: وما تلقهوش غير يوم فرحي
مختار: في أسرع وقت لازم يبقي مكانه
جاسر بصوت عالي: كرسي في الكلوب يا جماعة
اخذ جاسر رؤي وذهب إلى المستشفى
رؤي بخوف؛ جاسر انا خايفة أوي
جاسر: خايفة من ايه يا عبيطة كلها ساعة زمن وهتخرجي وهتبقي زي الفل
رؤي: لو مت ما تنسانيش
جاسر: بطلي هبل لو موتي هروح اموت عاصم وتهاني
رؤي ضاحكة: صحيح شوفت عاصم الندل
جاسر ضاحكا: ما صدق البت فاقت وكتب الكتاب وطار علي الشقة ابن المحظوظة ، ااه بقر عليه والله
مختار: دكتور الفرد جاهز للعملية
جاسر: ماشي
رؤي بخوف: ممكن تدخل معايا
جاسر: مين قالك أن انا هسيبك اصلا ، انتي ما تعرفيش مش أنا ناوي ابقي دكتور التخدير النهاردة نهييهييهيي( ضحكة شريرة )
رؤي مبتسمة: بعشقك
جاسر بخبث: بعشق أمك
في داخل غرفة العمليات
رؤي: جاسر لو عاكست الممرضات لما انام هعضك
جاسر ضاحكا: انتي في ايه ولا في ايه
رؤي بنعاس : جاسر
جاسر: أيوة
رؤي: عايزة سحلب
جاسر ضاحكا: نامي يا رؤي
رؤي بنعاس : جاسر
جاسر: نعم
رؤي: عايزة ورق عنب وبط محمر وحمام محشي ومكرونة بشاميل
جاسر ضاحكا: تحبي حاجة تانية مع الاوردر
رؤي: ايوة بيبسي دايت عشان ما اتخنتش
ظلت تهلوس الي أن نامت بفعل المخدر
وقام ذلك الطبيب بإجراء العملية
بعد مرور ثلاث سنوات
انجبت شاهندا وفتحي رؤية وهدي ، وانجبت نرمين جاسر ورؤي ومع ذلك لم تفرق بينهم وبين سما الصغيرة فكانت لسما مكانة خاصة في قلبها، وانجب عاصم حسين وأخبر تهاني بما فعله والدها مع أسرة جاسر بينما اعتذر اسماعيل واعتذر لجاسر عما حدث قديما وسامحه بواسطه من رؤي وتولي عاصم مع جاسر إدارة شركة جاسر الخاصة ، بينما انجب جاسر رعد وجوري تؤام
كان جالسا علي الفراش عندما شعر بألم قوي في يديه فوجد الصغيرين كل واحد منهما يمسك احد يديه ويعضها
جاسر صارخا: يا رؤي تعالي خدي ولادك نزلين عض فيا
دخلت رؤي وهي تقطم جزرة في يدها : بيسننوا يا دكتور
جاسر: انا كان مالي ومال الجواز ما كنت عايش شيطان بمزاجي آه يا اني يا إما
رؤي بدلال : بتقول حاجة يا جوجو
جاسر بخبث: بعشق امك
جلست رؤي علي قدميه ولفت ذراعيها حول عنقه بدلال: من قلبك
جاسر: قلبي ملك ايديكي وروحي تحت امرك وعقلي بيفكر بس فيكي ، ابقي ايه
رؤي بحنان: تبقي وقعت في حبي يا جاسوره
جاسر ضاحكا: ووقع الشيطان في أسر حب اسيرته
وانتهت الحكاية بأن سقط الشيطان في أسر اسيرته
إلى اللقاء في الجزء الثاني من الرواية
لقراءة باقي فصول الرواية : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير