رواية ورطة مع زوجي الفصل الرابع عشر 14 بقلم أسماء الكاشف

رزع الباب بقوه ارعبتني  وشوفت عينيه بتطلع شرار وعروق رقبته واضحه بلعت ريقي بتوتر

* فى ايه حد يفتح الباب كده على واحده مريضة

 قولتها بقوة مصطنعة وأنا من جوايا هموت من الرعب ومنظره المخيف شككني انه عرف ابتسم ليه باصطناع وقرب مني بلؤم

– حاسة بأيه يا حبيبتى قالها وبيضغط على أسنانه

* احسن بتمثيل التعب

– حمد الله على سلامتك يا مسك ال

سكت وكمل

– يا حبيبتى

ابتسمت بتوتر وسمعت الباب خبط دخل الدكتور بس بمنظر افزعني وصدمني كان وشه متخرشم ومتبهدل خالص كأن انضرب ساعتها من غير تفكير بصيت على محمد بدهشه ولكن هو واقف بكل برود وبيكلم الدكتور وبيكتب توصياته ليه

* احم هو مال شكلك كده يا دكتور اسفه لو باتدخل فى حاجه ماتخصنيش بس وشك متبهدل خالص

قولتها بفضول رهيب وخوف من الحقيقة

= اتخبط فى الباب بعد العملية

 قالها بإرتباك واضح.

– مش تخلى بالك يادوك بردو ينفع كده وشك مافيهوش حته سليمة

قالها بلؤوم ونظرات تحذير للدكتور إلى ارتبك وهز رأسه

  = المره الجاية حمد الله على سلامة المدام عن اذنكم وخرج بسرعة

– اذنك معاك يا اخويه قالها بقرف وغيظ

* مالك بتعامله وحش كده

-واد ثقيل كده ما بقبلوش قالها بغيظ وجلس بجواري يتأملني وحاساه متغير كل شويه  يجيله تليفون يرد عليه ويرجع يقعد جنبي

بقلم أسماء الكاشف

*انت هتعمل ايه

قولتها برعب وانا شيفاه بيقرب مني وحطيت ايدي على صد*ري بخوف رفع حاجبه

– هشيلك علشان نروح يا حب

قالها بلا مبالاه ومن غير رأيى شالني بين ايديه

*نزلني أنا أنا همشى لوحدي  قولتها بإرتباك وتوتر من قربه المهلك ليه

ما تكلمش ومشى بيه وحسيت براحه ولفيت ايدي حول رقبته وفضلت أتأمل ملامحه وعينيه الزرقه دى إلى بحبها اصل أنا بحب العيون الملونة وكانت أغلب فشل خطوباتي ورفضى للعرسان انى عايزه واحد بعيون جميلة وشكل وسيم وكل ده اتحقق فى محمد بس للأسف الوحيد إلى حبيته وأتعلقت بيه قلبه مش ليه اتجوزني علشان ورثه غمضت عينى عند النقطة دى وغرست وشى فى صدره أكثر وهو ماشى بكل هدوء ومش حاسه بالمشاعر الكبيرة إلى اتملكته من قربي وابتسامته الخفيفة إلى اختفت بسرعة قبل ما اشوفها

 *شكلي وقعت قولتها بهمس لنفسي وانا مكلبشة فيه

ركبنا العربية ورجعنا الفيلة اول ماوصلنا فتح الباب إلى ناحيتي وشالني ثاني وانا ابتسمت بهدوء فتحت الدادة الباب ليظهر كل أفراد اسرته وعلى وششهم الفرحة برجوعي للحظة حسيت انهم عيلتي الحقيقية وانى ظلمتهم بس كشرت وشى لما افتكرت  كل حاجه

^ حمد الله على سلامتك يا بنتى قالها جدو حسن بقلق واضح فى عيونه

* بخير يا جدو متقلقش

ماعرفش ليه حبيت اطمنه حسيته قريب منى قرب منى وباس رأسى تحت صدمتي وكل ده محمد لسه شايلني

^ يارب دايما تكوني بخير يا قلبى يله اطلعي ارتاحي ومتقلقيش يا بنتي أنا طردت كل الخدامين ومن هنا ورايح أنا إلى هشرف على الاكل إلى هتاكليه وهعرف مين إلى حاول يأذى حفيدتي وهدمره

قالها بعينين كلها شرار وقوه عكس حنيته عليه بس أنا سكت علشان ماغلطش بالكلام

محمد اتحرك بيه وقالهم

– هطلعها ترتاح شوية عن أذنكم

دخلنا الاوضه وزقلني على السرير بعصبية

* اه ضهرى يابني ادم انت ايه الهمجية دى قولتها بعصبية

ولقيته جاي ناحيتي

* انت بتعمل ايه لاء قولتها برعب وشكله مت*وحش خوفني وابتسامته الخبيثة وقعت قلبي

يتبع…..