رواية شيزوفرنيا الفصل الثاني عشر 12 بقلم الشيماء عبيد

يونس بصوت عالي:غرام أستني

غرام برفعة حاجب:نعم 

يونس:مشيتي ليه؟!

غرام بضيق:الوقت مكنش مناسب أني أكلمك تقريبا ولا أيه 

يونس بتنهيدة:غرام أنتي عارفه أني بحب هدي 

غرام:أنا معاتبتكش ولا قولتلك أنك غلطان 

يونس:ليه حاسك متضايقة 

غرام:ومين قالك أني متضايقة منك مش يمكن من نفسي 

يونس:ليه ياغرام 

غرام بهدوء وهي بتفتح باب عربيتها:يمكن توقعت زيادة عن اللزوم 

يونس:مين خلاكي تتوقعي زيادة عن اللزوم ياغرام

 

غرام بنرفزة ودموع:قلبي ياأخي قلبي اللي مش فاهم أنك بتحب واحدة تانية ولا فاهم أنه قابلك في وقت غلط ولا عارف هو متعلق بيك ليه انا مش عارفه ألوم مين حقيقي لما جيت قولتلي أبعدي لما كنت ساعات بتتكلم عنها لما كنت بتحاول تحطلها أعذار لما سابتك كل ده كان بيكسر قلبي وأنت حتي مرعتش شعوري مفكرتش في يوم أني ممكن أكون حبيتك فعلا روحلها يايونس روحلها عشان انتوا بتحبوا بعض انا مليش مكان مابينكم انا حطيت نفسي في مكان غلط 

*وركبت عربيتها ومشيت وشغلت الكاسيت جت أغنية (مقدرش أقول)بينما يونس فضل بيبص لاثارها بصدمة من كلامها معقول حبته بالسرعة دي زعل من نفسه أنه جراحها ولكنه قرر التوجه لعمله*

__________

*في شركة منير الصفتي تحديدا مكتبه دلف يونس  ووقف أمامه*

يونس بعملية لمنير:حضرتك طلبتني؟!

منير:أقعد يايونس…وأضاف بحزن مش كنت عاوز تعرف عن أمك

——-فلاش باك من22سنة—–

دخل منير فيلته بعد يوم عمل شاق ليجد البيت يعم بالهدوء فالجميع نائم الخدم حتي حراس الفيلا في غفوة تجاهل أن يوقظ أي أحد منهم بل ذهب مسرعا لغرفته فهو بحاجة للراحة ليجد ما لا يتمناه أي رجل بالعالم زوجته مع رجل أخر في غرفة نومه كانت صدمته أقوي رد ليذهب سريعا إلي دولابه ويأخد منه مسدسه المدسوس بين طيات ملابسه ويصوبه علي زوجته وعلي ذلك اللعين بجوارها وهم في سبات عميق ولم يعطي نفسه فرصة الوقوف لحظة أمام ذلك المشهد بل خرج من الغرفة وخرج من الفيلا بأكملها….