رواية عشقته عناداً الفصل الأول 1 بقلم حبيبة محمد

انتي بتلبسي لبس اختي وبتمسحيلنا الڤيلا وبتروقيها خدامه يعني 

ضربته بالقلم وقالتله: انا متأكده انك عمرك ما هتحس يعني اي تجرح كرامه حد لانك مبتحسش اصلا؛  استحملت منك كتير اوي انت  وصحابك بس لحد هنا واستوب تغور الفلوس من وشك 

قبل ما تمشي شدها من ايدها ووقف قدامها وهو بيقول: انتي ناسيه العقد؟ 

مينفعش تمشي غير بعد سنه! 

زقته بعصبيه وهي بتقول: لو كنت اعرف انك معندكش دم ومعندكش رحمه كدا لكنت غورت الشغل من وشك 

قالها بسخريه:  دا علي اساس يعني ان البت الشغل بيتقطع عليها 

بصتله بقرف ودخلت المطبخ تعمل اكل وفضلت تبرطم بعصبيه:  انسان متخلف عقليا 

مريض نفسي؛  الفلوس كلت دماغه؛  يارب خلصني منه 

***

كان قاعد علي الكرسي في الجنينه وحاطت رجل علي رجل 

حبيبته و صاحبه دخلوا من باب الڤيلا وهما بيضحكو: اي دا؟ عمر؟

مضايق ليه كدا؟

قعدوا جمبه وقالوا: متكونش البت دي المضايقاك 

عمر بغضب مكتوم: دي بت ملهاش لازمه هفكر فيها ليه 

لين بغيظ: اكيد ضايقتك يا عمر

عمر بعصبيه: قولتلك لأ 

تامر حاول يهدي الوضع قال لعمر: خلاص اهدوا

لين الشر بيطق من عينها فا حاولت تغيظ جميله 

ندهت عليه بسخريه وهي بتقولها: هاتيلنا ٢ قهوه ساده وهاتي ل عمر بيبسي عشان بيحبها 

جميله خدت الاوامر وراحت عملن وهي بتقول: مش هخلص منه و من صحابه المقرفين..

نزلت اخت عمر وهي بتقول: صباح الخير

عمر قالها ببرود: صباح النور 

تامر التفت وبص ل قمر وهو بيحاول ميخليش نظراته تفضحه 

لين حطت رجل علي رجل بتفاخر وهي بتقول: امم نايمه لغايه دلوقتي ليه بقا؟ 

قمر قعدت بكسوف وهي بتقول: مفيش كنت مرهقه شويه 

جميله جابت طلباتهم ووطت عشان تحط الصنيه علي الترابيزه 

قامت لين زقت الصينيه برجلها في وش جميله 

وقالت بخبث: اووه سوري بجد

جميله دخلت تجري علي الحمام وهي بتغسل وشها وبتعيط 

**

عمر بدأ الوضع يضايقه وحس ان لين عملت كدا بقصدها 

قمر بعصبيه: حرام عليكي يا لين البنت وشها اتبهدل قهوه وخصوصا ان القهوه سخنه زمان وشها باظ دلوقتي 

تامر ببرود: حد يقوم يشوفها طيب

عمر قام من عل الكرسي وراحلها

لين بذهول: هو بجد رايحلها؟ 

قمر بتغيظ لين وبتقولها: امم 

***

عمر خبط علي الباب وهو بيقولها: ينفع تخرجي 

مسحت دموعها عشان ميعرفش انها بتعيط وخرجت وهي بتقوله: اتفضل؟ 

عمر بغضب من لين: وشك ملتهب!

جميله كانت مجبره تكلمه بهدوء قالتله: اكيد ملتهب عشان الاستاذه زقت عليا القهوه 

لين كانت جايه وسمعت كلام جمبله عنها

لين زقت جميله في كتفها وهي بتقول: انتي عبيطه يا بت؟ 

جميله غمضت عينها بعصبيه وبعد كدا قالت: متزوقيش 

لين زقتها تاني قاصده تعصبها: ولو مبطلتش ازقك هتعملي اي

جميله بصت ل عمر مستنياه علي اقل يداف عنها 

عمر مهتمش ومدهاش اي رد فعل

لين بسخريه: راحه فين يا جميييله؟ هتروحي علي البدروم الانتي عايشه فيه يا تري؟

جميله قلعت المريله ورمتها بعصبيه وخرجت برا الڤيلا 

وسط كلام  لين البصوت العالي: اوعي الفران تاكلك بليل

عمر بص ل لين بقرف وطلع يجري ورا جميله 

كانت بتعيط وعماله تجري وهي منهاره عياط ووشها ملتهب 

عمر وقفها وقالها: جريتي ليه

جميله زقته بعصبيه وصوتها علي عليه وخرجت كل الجواها وهي بتقول: انتوا اذيتوني اوي 

مع كل كلمه كانت بتدمع عليها كان عمر قلبه بيلين من نحيتها 

قالتله بدموع وقهره: اذيتوني نفسيا انا مبقتش قادره استحمل كميه الاهانات دي منكم 

البدروم الانا عايشه فيه دا مكنتش عايشه فيه بمزاجي انا بس مليش حد ومكنش في قدامي غير اني اعيش في بدروم 

مكنش معايا فلوس حياتي اتبهدلت؛ محدش اختار حياته 

انا راضيه عن كل حاجه وبحمد ربنا بس انتوا لأ 

انتوا مرضي نفسيين وبتحاولوا توجعوا قلب كل الحواليكوا 

انا قرفت من اني اجي كل يوم ابصلك او ابص لصحابك من العملتوا فيا 

حتي لما جيت هنا مكنش بإرادتي كان بالعافيه من مرات عمي عشان تشغلني وتاخد فلوس شغلي 

انتوا اذيتوني اذي عمرك في يوم ما هتتخيله 

عمر رفع ايده بعصبيه من افعاله

جميله فكراه هيضربها بالقلم ف حطت ايدها علي وشها عشان تتفادي ضربته 

بس هو اصلا مكنش هيضربها هو شدها في حضنه 

جميله عيطت كتير اوي وهي في حضنه وعمر فضل يطبطب علي شعرها 

لين خرجت ولقت عمر حاضن جميله