Uncategorized

رواية زواج بالإكراه الفصل الحادي عشر 11 بقلم نسرين احمد

  رواية زواج بالإكراه الفصل الحادي عشر 11 بقلم نسرين احمد

 رواية زواج بالإكراه الفصل الحادي عشر 11 بقلم نسرين احمد

 رواية زواج بالإكراه الفصل الحادي عشر 11 بقلم نسرين احمد

ذهبت حياه لبيت محمد أخوها تترجاه انه يخليها ترجع تعيش في القاهره تاني ولكنه رفض رفض تام ورجعت بائسه من جديد موبايلها رن
حياه ردت وهي منزعجه : ألو 
ندي : حياه ازيك انا ندي وحشتيني أوي نفسي نرجع نشوف بعض تاني .
حياه بكت : ندي انا مخنوقه ومش عارفه أعمل أيه محمد مش راضي يخليني أرجع القاهره تاني وانا اتخنقت من قاعده البيت قوليلي أعمل ايه 
ندي : عايزه أقولك أن مراد سأل عليكي و عايز يجيلك البيت وكان عايز عنوانك بس انا مدتلهوش العنوان .
حياه : يانهاااري دا عايز أيه دا كمان انا مبقتش فاهمه حاجه هلاقيها من أيه ولا من أيه .
ندي : هو شكله بيحبك ياحياه كل حاجه بيعملها عشان بتأكد كلامي .
حياه : بس أنا مش حاسه بناحيته باأي حاجه ياندي وكل حاجه بيعملها بتتقلب ضدي . 
ندي : مش عارفه انا قولت أعرفك 
حياه : شكرا ياندي بجد أنك في حياتي مكنتش هلااقي حد يقف جمبي غيرك
ندي : انتي عبيطه يابت متقوليش كدا أحنا أخوات عمتا خلي بالك من نفسك وابقي طمنيني عليكي لو حصل جديد مع السلامه .
حياه : حاضر مع السلامه .
****
*********
ذهبت حياه البيت واتصلت بمراد وعندما شاهد اسمها فرح فرحا شديدا : حياه انتي عامله ايه يارب تكوني بخير .
حياه وكلها غضب : مراد أنا بسببك رجعت البلد وبسببك بردو محمد فقد الثقه فيا ومش عارفه أرجع تاني انا تعبت بجد … مراد انا مبحبكش ولا بفكر فيك اصلا ممكن تبعد عني إذا سمحت 
( مراد في و هلا من رد فعل حياه ليه وفي حاله صمت وزعل ) وقفلت حياه .
فذهب مراد ل ليان أخته وقالها لازم تسافر لحياه وتقنع محمد أنه يرجعها الشغل بأي طريقه وممكن تاخدي طارق معاكي عشان يقنع أخوها برجوع حياه ؛ ( بس المرادي مراد هيبعد عن حياه بس هيفضل عينه عليها من بعيد ) 
استووووب نسيت أقولكو أنه أخد العنوان من ندي بعد معاناه هههههه
وذهبت ليان وطارق لبيت حياه وحياه قاعده بشعرها وحاطه توكه بشعرها علي جمب ولابسه فستان قصير اسود 
حياه اتفجأت علي الباب ب ليان : ليان .. أهلا وسهلا أتفضلي .
وبصت لاقت طارق معاها أعجب بيها كله هيحبها ولا ايه ؟ فدخلت تلبس لبس محتشم شويه وخرجت متوتره : أنا أسفه بس كنت بغير تشربو أيه ؟ 
طارق : ولا حاجه أحنا جايين لمحمد نتكلم معاه وهنمشي ع طول 
حياه : بس محمد مش هنا انت و عايزينه في ايه ؟
طارق : متقلقيش انا عايزه في موضوع مهم وكله خير ان شاء الله .
حياه : حياه ثواني هكلمه ؛ وكلمته حياه وجه محمد 
اهلا وسهلا مين حضراتكو 
طارق : انا طارق ابن عم مراد ودي ليان أخته 
محمد واقف : أيوا يعني عايزين ايه ان كنتو جايين عشان حياه ترجع شغلها فهي مش هترجع وهتطلع من بيتها علي بيت عريسها علي طول ودا اللي عندي .
طارق أستغل الفرصه وطلب أيد حياه من محمد وكانت صدمه للجميع ؛ خاصه ليان اللي كانت عايزه حيله لمراد وحياه اللي مجاش علي بالها لحظه يحصل الموقف دا .
( استووووووب طارق حب يعند مع مراد لأنه مبيحبوش لأنه عارف انه بيحبها فقال يسبق ه هههههه ) 
وسافرو القاهره تاني وليان مش عارفه تقول ايه لمراد اللي روحه في حياه 
ليان اتعصبت علي طارق : أنت ازاي تطلب أيد حياه وانت متعرفهاش وبعدين أحنا رايحين نصلح موقف حصل بالغلط ونرجع مش تطلب أيدها .
طارق : البنت الصراحه عجبتنيعجبني أدبها وأسلوبها وبعدين دا بدل ما تباركيلي هو أنا مش زي مراد ولا ايه ؟؟ 
ليان :طبعا بس .. خلاص يا طارق أتفضل روحنا البيت بسرعه .
مراد مستنيها في البيت متشوق يعرف اللي حصل ؛ 
طارق وصل ليان البيت .وفتحلها الباب بنفسه .
مراد : ها عملتي ايه ؟ 
ليان مش عارفه تقوله أزاي : أستني أخاد نفسي المشوار بعيد أوي .
مراد : أخلصي ياليان عملتو أيه وفين طارق ! 
ليان خايفه من رد فعله خاصه أنه بيتعصب بسرعه : طارق راح المعرض عنده شغل ؛ ولسه ليان بتلتفت عشان تقعد .
مراد : أخلصي ياليان متعصبنيش أكيد أخوها موافقش صح ؛ هروح أنا وتتكلم معاه .
ليان : بصراحه طارق طلب أيدها من أخوها .
مراد اتفجأ : نعم ! أنتي بتقولي أيه انا غلطان أني بعتكو كان لازم يروح بنفسي أصلح الموقف اللي حطتها فيه ؛ هي أكيد مش هتوافق صح ؟ انا خارج 
*****************
جت سوزان وعرفت اللي حصل وظهر علي وجهها الفرحه والسعاده ان حياه اتقدملها واحد زي طارق فيه كل المواصفات اللي بتكلم بيها أي بنت .
سوزان : مقولتليش أيه رأيك ياعروسه 
حياه زغرت بيعنها ليها : بس انا معرفوش أنا اول مره أشوفه .
محمد : بس هو شكله محترم وابن ناس .
ومرت الأيام واتصل محمد علي طارق وقاله أحنا موافقين وتشرفنا في أي وقت أنت والاهل حتي نحدد ميعاد الخطوبه ؛ ثم ذهب طارق وولدته لبيت محمد لطلب أيدها ؛ وخرجت حياه وهي متوتره وفي ايدها صنيه وعليها العصير وقدمتها لولدته ثم طارق وهو ينظر لها باأعجاب شديد ثم تكلم .
طارق : أنا يشرفني أطلب أيد الانسه حياه من حضرتك .
محمد : دا شرف لينا طبعا .
سوزان : ممكن تعرفنا علي نفسك أكتر لو مش هيضايقك طبعا .
طارق حط كوبايه العصير علي الطربيزه ليبدأ كلامه : انا عندي فيلا في القاهره وكنت مسافر الامارات بشتغل هناك ولسه نازل القاهره قولت استقر هنا ؛ وكنت بدور علي عروسه لحد ما شوفت الأنسه حياه وأعجبت بيها وتأكد أني هسعدها وهجبلها كل اللي نفسها فيه الفرش والشبكه هتكون هديه مني ليها بس هي توافق وبصلها وابتسم .
حياه اتكسفت 
محمد : وليك أخوات ولا أنت وحيد 
والدت طارق ردت : ايوا ليه أخ متجوز بس طارق هيعيش معايا في الفيلا .
طارق : الحقيقه أنا ماليش أمي وهي وعايشه لوحدها لان والدي توفي وانا صغير بس متقلقوش الفيلا كبيره وهتكون براحتها خالص .
سوزان : ااااه لا مفيش مشاكل هي ست الوالده ربنا يبارك في عمرها محترمه وشكلها طيبه .
والده طارق : ربنا يخليكي دا من ذوقك .
محمد : علي خيره الله أحنا نعمل الخطوبه أخر الأسبوع أيه رايكو .
طارق : حلو أووي .
سوزان من شده سعادتها قامت زغرطت جابت أخر الشارع .
وهم الفرح والسعاده علي بيت حياه .
$$$$$$$$$$$$$
اتصل طارق يعزم مراد وليان علي خطوبته من حياه وأكد أنه ضروري لازم يحضر الخطوبه عند فيه أنه أخد حاجه من مراد ومش أي حاجه دا حته من قلبه . 
ذهبت حياه وطارق لوحدهم القاهره ينقو الشبكه والفستان وكل احتياجتها وفي أخر اليوم .
حياه : طارق أنا كنت عايزه اروح عند صحابي أعزمهم علي خطوبتي .
طارق : بس ياحياه الوقت اتأخر ولازم تروحي لمحمد يقلق عليكي ولا حاجه .
حياه : عشان خاطري ياطارق مش هنتأخر .
طارق : حاضر ياستي قوليلي العنوان 
حياه دقت جرس الباب وطارق معاها وفتحتلها ندي الباب 
ندي اتفجأت بحياه والبهجه والسرور علي وجهها : حياااااااه وحشتيني ؛ واخدو بعض بالأحضان ومينا خرجت من أوضتها 
ميرنا مندهشه و عايزه تعرف مين اللي معاها : حياه أزيك وحشتينا غيابك طال علينا .. مين دا .
حياه : دا طارق خطوبتنا الجمعه الجايه لازم تيجو انا جيت اعزمكو .
ندي : أكيد هنيجي طبعا وهكون معاكي اليوم كله كمان معنديش أغلي منك .
حياه : ربنا يخليكي ليا أنا همشي بقي علشان لازم ارجع البلد .
ندي : ماشي مع السلامه 
ميرنا : حياه دي بتقع وقعات زي الفل مش زينا خايبين . 
ندي : خمست في وشها الله أكبر أنتي مفيش فايده فيكي أبدا ؛ يلا أدخلي .
يتبع….
لقراءة الفصل الثاني عشر : اضغط هنا
لقراءة باقي الفصول : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير

اترك رد