رواية ما بين الحلم والحقيقة (دار الأيتام 2) الفصل الخامس 5 بقلم أميرة أسامة

في صباح يوم جديد علي أبطالنا

كان مازال. الحزن مسيطر علي ابطالنا كلهم إلا عشق اللي كانت مرتاحه إلي حد كبير  عشان جزء مهم في حلمها متحققش وهو موت عم محمد..بس اللي كانت شايله همه هي اعدتها مع ليل مكانتش عارفه تبدأ منين حاولت ترتب كلامها بس مكانتش عارفه فقررت انها تسيب كل حاجه لوقتها….

صحيو البنات من النوم وكل واحد كان بيعمل حاجه قبل ما يروحو المستشفي…كانوا منتظرين الشباب يعدو عليهم عشان يروحوا سوا بما انهم اجازه انهرده كمان.

تمارا…صبضاح الخير يا عشق

عشق…صباح النور يا حبيبتي امال فين زهره ونور

تمارا…نور لسه اعده عالسرير وزهره بترتب الاوضه…

عشق…طيب كويس

تمارا…بتعملي ايه

عشق…مفيش قومت احضر الفطار وقولت اعمل الغدا بالمره عشان لما نرجع يبقي في اكل فالبيت

تمارا…طيب مصحتنيش اساعدك ليه

عشق…يعني انا بعمل ايه بس يا تمارا اديني بتسلي وبعدين شكلك كنتي مرهقه جدا فاسبتك تنامي

تمارا…ربنا يخليكي ليا

عشق…ويخليكي ليا انتي ونور وزهره

تمارا…طب ايه مش ناويه تقوليلي مالك وايه اللي مشقلب حالك كده وايه الحجات الغريبه اللي بتحصل دي.ومتقوليش مفيش حاجه عشان انا من يوم ما بابا شافنا فالشارع وانتي بتقولي حجات غريبه وكل ما اسالك تقولي مفيش

عشق… تمارا صدقيني انا مش قادره اتكلم في اي حاجه ومتقلقيش انا تمام كل الحكايه حلم حلمته زي احلام كتير حلمتها واتحقق..

تمارا….ايوه بس انتي قولتي ان انا المقصوده بالحادثه كنتي تقصدي ايه وبعدين مين ده اللي يقصدني انا معرفش حد وبعدين حتي لو اعرف هيعمل كده ليه.

عشق…صدقيني معرفش انا حلمت ان حد عايز يخبطك بس العربيه خبطت بابا مين وليه معرفش انا كل همي بس ان امنع الحادثه.

تمارا…ماشي ياعشق هحاول اصدقك مع ان اول مره احس انك بتكدبي…

سكتت عشق وكملت تحضير الاكل حاولت تتجاهل تمارا لانها مكانتش عايزه تتكلم وتخوفهم.

خلصت عشق تحضير الاكل  وخلصت الفطار كان البنات ظبطو نفسهم وجهزوا عشان يفطروا وينزلوا

عشق….نور..مالك ساكته ليه

نور..ابدا يا عشق مفيش

عشق..مفيش ايه انتي اعده باصه في طبقك وسرحانه ومكلتيش اي حاجه

نور…مش قادره اكل يا عشق حاسه ان دماغي واقفه خايفه علي بابا اوي يجراله حاجه

عشق…متقوليش كده بعد الشر عليه ان شاء الله هيبقي كويس

نور…قوليلي يا عشق عشان خاطري عرفتي ازاي ليه مش عايزه تريحيني

عشق…صدقيني يا نور لو بأيدي اريحك اكيد مش هتأخر بس والله العظيم اللي قولته هو اللي حصل مجرد حلم وعشان كده جريت عليهم

نور…بس انتي قولتي حجات كتير يا عشق مش الحادثه وبس يعني في حاجه تانيه انتي عرفاها ومش عايزه تقولي

عشق….صدقيني يا نور ده كان حلم طويل ومفتكرتش منه غير اللي حصل واللي انا قولته

نور….يعني مش خبيه اي حاجه هتحصل لبابا

عشق..بابتسامه بزمتك في حد فينا يقدر يعرف الغيب اللي حصل واللي شوفته قولت عليه يلا بقي كلي عشان نروح لبابا

نور…صحيح نوح هيعدي علينا يودينا

زهره….هو مش عنده شغل

تمارا…شغل ايه يا مسطوله احنا اجازه جمعه وسبت

زهره…اه صح نسيت

عشق…انا كمان نسيت والله

تمارا…طيب يلا افطروا عشان لما يجي ننزل علي طول واه صحيح انا بعد ما نطمن علي بابا هروح مع مستر جاسر عندي ميتنج

زهره…ميتنج ايه مش بتقولي ان الشركه اجازه

تمارا…ايوه اجازه بس الميتنج ملهوش دعوه

بصتلها عشق بزهول وسكتت لان نفس اليوم ده بيتكرر من تاني وبردو تمارا وجاسر كان عندهم اجتماع مع هادي حاولت عشق تبان طبيعيه وكملت فطار في هدوء….

بعد فتره بسيطه اتصل نوح علي نور بلغها انه تحت ونزلوا البنات مع بعض..سلموا علي نوح وراحوا علي المستشفي.

مكنش لسه حد من الشباب وصل

نور كانت واقفه ادام الازاز باصه علي عم محمد بحزن

نور…هو هيفضل نايم كده مش هيفوق خالص

نوح….لا هيفوق طبعا ان شاء الله بس الدكتور بيقول انهم بيدوله منوم قوي عشان يفضل نايم ده احسن ليه

نور…ازاي احسن ان الواحد يفضل نايم كده.

نوح….يانور حاج محمد في كسور كتير في جسمه ودي المها صعب اوي وكمان الدكتور قال انه عنده ارتجاج بسيط فالمخ والحركه غلط عليه الكلام غلط عليه لازم يفضل فتره كده عشان حالته تستقر

زهره….ايوه يانور صح كده اريحله فعلا

تمارا…وبعدين انتي عارفه ان بابا مش بيحب الاعده لو صحي وشاف نفسه كده نفسيته هتتعب اكتر وممكن ده ميساعدش انه يقوم ويشد حيله

نوح…ده مش ممكن ده اكيد لو شاف نفسه بالمنظر ده هيحزن اكتر وهيحزن لو شافك كده يانور انتي عارفه هو بيحبك اد

نور…انا كمان بحبه اوي هو كل حياتي

نوح…طيب يبقي تدعيله كتير يانور..وحاولي تهدي شويه ممكن

نور…حاضر

صباح الخير لف الجميع علي الصوت الرجولي المميز عند عشق بالاخص

نوح…صباح النور

ادم….صباح الخير ياجماعه

البنات….صباح النور

ليل…ايه الاخبار في جديد

نوح..احنا لسه جايين مفيش ربع ساعه و مشوفتش الدكتور

ليل…خليك انا هروح اشوف واطمن منه

نور…مستر ليل ممكن اجي مع حضرتك

ليل…بابتسامه هاديه خليكي يا نور انا هطمن واجي اطمنك

نور ..ايوه بس

ليل….بس ايه متخافيش مش هكدب عليكي هاجي علي طول بعد اذنكم.. نوح استني ياليل انا جاي معاك

مشي ليل ونوح للدكتور وفضل معاهم ادم

خبط ليل علي مكتب الدكتور

الدكتور…ادخل

ليل….صباح الخير يا دكتور

دكتور…اهلا ليل باشا اتفضلوا

ليل….شكرا…كنت عايز اطمن علي حاج محمد ايه اخباره يعني فات اكتر من 24ساعه المفروض كده مرحله الخطر عدت صح

الدكتور….هو احنا نقدر نقول حاليا ان حالته مستقره بس مش معناها انه عدي مرحلت الخطر طبعا حضرتك عارف ان الحادثه كانت جامده وطبعا واحد بصحته وبسنه ده كويس جدا انه لسه عايش الخبطه اللي اتخبطها كسرت اجزاء في جسمه زي الحوض رجله ايده  وخبطه جامده في دماغه عملتله ارتجاج وطبعا هو عدي اكتر من 24ساعه ونقدر نطمن لاكن هو بردو لسه ما فاقش منعرفش ممكن الحادثه تكون أثرت عليه ازاي

ليل…تقصد ايه يا دكتور هو ممكن يحصله ايه

الدكتور…بص انا مش هقدر اخبي عليك عشان تكون عارف اللي ممكن يحصل طبعا خبطه زي اللي اتخبطها في دماغه وأثرت عالمخ ممكن تسبب عمي ممكن تسبب فقدان ذاكره كسر الحوض ممكن يسبب شلل احنا مش عايزين نسبق الاحداث

نوح ..ايوه يادكتور بس حضرتك قولت ان العمليه نجحت

الدكتور…ده حقيقي بس احنا مهنتنا دي علمتنا نتوقع الاسوء مش معني ان العمليات نجحت يبقي هو ميحصلوش مضاعفات فنت قع الاسوء عشان اهل المريض ميتصدموش لو حصل العكس طبعا ده اللي بنتمناه عشان كده قولتلكم منسبقش الاحداث يمكن ربنا يخلف كل توقعاتنا…بس في حاجه عايز ابلغكم بيها

ليل..خير يادكتور

الدكتور…انهرده الصبح الممرضه بلغتني انه فاق طبعا روحت بسرعه وفحصته هو كويس بس راح في غيبوبه طبعا محدش يقدر يحدد معاد انه يفوق منها

ليل…طيب ودي ليها اي تأثير عليه

الدكتور…لا خالص ويمكن دي في صالحه هو عشان الكسور اللي في جسمه والاهم عشان الارتجاج اللي عنده ده محتاج راحه تامه

ليل…ربنا يستر

الدكتور…متقلقش ان شاء الله خير انا عدت عليا حالات يمكن تكون اصعب من كده كمان والحمد لله بقوا زي الفل.

ليل…يارب هنستأذن احنا

الدكتور…اتفضل وانا شويه وهاجي ابص عليه

نوح…تمام بعد اذنك

الدكتور…اتفضلوا

جاسر….ايه الاخبار

نوح…انت جيت امته

جاسر لسه مفيش عشر دقايق المهم طمني

ليل….مفيش طمنا عليه وقال ان مرحله الخطر عدت بس هيفضلوا شغاللين معاه بالمنوم عشان ميتألمش

جاسر…طيب الحمد لله

نور….يعني بجد هيبقي كويس

ليل…هيبقي كويس يا نور اطمني

نور…يارب

جاسر…مالك عامل كده ليه

ليل..مفيش بس منمتش حاسس اني فاصل

جاسر….طيب انا شايف اننا الوقت اعدتنا دي مش هتعمل حاجه وملهاش لازمه روحوا ارتاحوا اصلا كلكم باين عليكم التعب وقله النوم وانا وتمارا هنروح عالميتنج

ليل…انا مش هينفع انا محتاج عشق معايا عايز اتكلم معاها شويه..

عشق….وانا جاهزه

نور…معلش سيبوني انا هنا انا ملحقتش اعد معاه وبعدين انا مش ورايا اي حاجه خلوني معاه

زهره…وانا كمان هأعد مع نور مش هسيبها

ليل….طيب زي ما تحبوا نوح انت وادم وراكو اي حاجه

نوح…لا انا هفضل مع نور وزهره

ليل…وانت يا ادم

ادم….عادي انا كمان مش ورايا اي حاجه هفضل مع نوح والبنات

ليل..تمام هنمشي احنا بقي

جاسر…استني خدنا معاك عشان نلحق الميتنج

ليل…يلا نوح ادم لو في حاجه بلغوني

ادم…تمام

عشق….باي يانور خلي بالك من نفسك ومن زهره

نور…حاضر باي..

نزل ليل وجاسر وعشق وتمارا ادام العربيات

ليل….خلص الميتنج مع هادي وطمني عملت ايه

جاسر…حاضر اطمن

ليل…يلا سلام

جاسر…سلام

تمارا…سلام يا عشق

عشق…خلي بالك من نفسك

ركب جاسر وتمارا ومشيوا وركبت عشق مع ليل وهي حاسه بالاحراج رغم انها طايره من الفرحه انها راكبه معاه

ليل…كان فاصل خالص وباين عليه الارهاق وشكله عايز ينام فضل ساكت طول الطريق بيشرب في سجاير وبس

فضلت عشق باصه عالطريق وسرحانه فاقت علي صوته

ليل….انتي نمتي

عشق….هااا لا

ليل…بكلمك ومش بتردي

عشق…اسفه بس سرحت فالطريق

ليل…طب ايه احنا وصلنا يلا

عشق…حاضر

ليل…استني

عشق….نعم

ليل…اظبطي طرحتك

بصت عشق بتلقائيه عالمرايه لقت شعرها نازل شويه من تحت الطرحه حست انها هتموت من الاحراج وبسرعه دخلت شعرها وظبطت طرحتها وبصتله وهي بتحاول تداري احراجها منه تمام انزل

ليل…تمام يلا

نزلت هي وهو دخلوا في كافيه طلبلها عصير وطلب لنفسه قهوه وولع سيجاره وبصلها هااااا سامعك..

عشق…فالوقت ده ارتباكها بقي اضعاف….فضلت تدعك ايدها في بعض مرعوبه ميصدقهاش لما يعرف ان اللي قالته ده مجرد حلم

ليل…ايه هتفضلي سرحانه ومرتبكه كده

عشق…انا مش مرتبكه

ليل…بسخريه امممم واضح طيب تحبي اسأل انا وانتي تجاوبي

عشق….خدت نفس طويل وهزت راسها ببطئ

ليل… عرفتي ازاي ان في عربيه هتخبط حاج محمد او تمارا

عشق….لا ده سؤال بدري اوي الاجابه عليه

ليل…بس احنا اعدين الوقت مخصوص عشان تجاوبي عليه

عشق…ما انا هجاوب عليه بس قبل ما اجاوب  انت نسيت تقريبا تسألني عن حجات كتير قبله.

ليل…زي ايه…

عشق…يعني زي المكالمه اللي جاتلك فالمستشفي بتعرفك حقيقه تمارا.او حقيقتنا معاها

ليل…صحيح دي كمان عرفتيها ازاي

عشق…هجاوبك علي كل ده بس الاول اهم سؤال اني اعرفك علي نفسي

ليل….وانا سامعك

عشق…..انا اسمي عشق احمد الوكيل تمارا وزهره واخدين نفس اسمي الثلاثي احنا ادام الناس وفكل الاوراق اخوات بس الحقيقه اننا مش اخوات.

ليل…مش فاهم

عشق….احنا طول عمرنا اللي فات كنا متربيين في دار ايتام محدش فينا عارف اهله تقدر تقول اننا اترمينا فالشارع من اول يوم جينا فيه الدنيا..لحد بالظبط من شهرين ونص بس خرجنا من الدار…طبعا احنا مكناش حابين نخرج لاننا باختصار منعرفش هنروح فين ولا مين احنا منعرفش غير بعض بس للاسف مديره الدار كانت مبتحبناش فقررت انها تمشينا مع ان ده مش قانوني المفروض ان احنا اللي نقرر اذا كنا بعد ما تمينا السن القانوني حابين نخرج ولا لا في كتير من العاملين فالدار كانو متربين فالاساس فيه وقرروا انهم يشتغلوا فيه وده اللي احنا كنا ناوييين نعمله بس هي كان ليها رأي تاني وبعد ما بلغتنا ادتنا مهله ساعتين نلم فيهم حاجتنا ونخرج

ليل…ساعتين؟؟

عشق….اه والله العظيم ساعتين احنا عقلنا وقف مفيش مكان مفيس اهل مفيش معارف مفيش فلوس مفيش حجات كتير اوي بس عشان مظلمهاش هي ادت لكل واحد فينا الفين جنيه لان اغلب التبرعات كانت بتيجي علي حسنا احنا ودي كانت مصاريف لجامعتنا وطبعا احنا خرجنا كنا في اجازه نص السنه ويمكن دي افضل حاجه عملتها عشان نلحق نشوف مكان قبل الدراسه..خرجنا من الدار مش عارفين نروح فين وفجأه قررت اوقف تاكسي واروح الحسين..ليه متسألش بس كنت حلمت ان زورته انا وتماره وزهره ويمكن ده اول مكان جه في بالي وقتها لاني شوفته مره وحبيت المكان واتمنيت نروحه سوا فا حبيت احقق الحلم. دورنا كتير علي شقق حوالين المكان للاسف كله كان غالي جدااا  واحنا كل اللي كان معانا 6الاف جنيه وايجار الشهر في اقل شقه 3الاف او 3ونص يعني نص اللي معانا من غير اكل ومواصلات عشان ندور علي شغل..تعبنا من اللف اعدنا عالرصيف ماسكين بعض وبنعيط وكل واحده فينا بتدعي ربنا انه يعدي الوقت بسرعه عشان النهار يطلع..وفضلنا عالوضع ده ونمنا واحنا ساندين علي كتف بعض…لحد ما جه بابا او حاج محمد لقانا بنعيط فحاول يساعدنا وطلب مننا اننا نروح معاه وكلم نور ادامنا عشان نصدقه….وبما اننا معندناش بديل من نومه الشارع فا وافقنا ومن هنا بدأت الحكايه

ليل…حكايه ايه

عشق خدت نفس طوييييل وبعدت وشها عنه سرحت الحكايه ان كل اللي حصل كان مجرد حلم وابتدت تحكي كل حرف حصل….في الحلم

عدي وقت طويل وهي بتحكي وليل مركز معاها شويه يسمع عادي وشويه ريأكشانات وشه تتغير مع معلومه عشق تقولها…الصدمه كانت مسيطره عليه تماما

خلصت عشق كلام وبصتله.

ليل…ابتسم واترسمت ضحكه علي وشه وهو باصصلها

عشق ..تقريبا شقه الزمالك ده لو في شقه فالحقيقه فعلا فالاكيد اني معرفش عنها اي حاجه بس انا اقدر اوصفهالك

تقريبا حبيبتك انا معرفش عنها اي حاجه مهره مكنتش اعرف عنها اي حاجه مامت جاسر مامتك عمك تفاصيل كتير حتي الميتنج اللي تمارا ومستر جاسر فيه انا معرفش عنه اي تفاصيل بس قولتلك اللي هيحصل فيه قولتلك عالسفر اللي هيسافروه وزي ما قولتلك ان موت بابا لحد الوقت الحاجه اللي محصلتش..

ليل…حط ايده علي راسه وهو ماسك السيجاره وفضل باصص عالترابيزه من غير ولا كلمه

عشق….هو انت مصدقني ولا لا

ليل….رفع راسه وبصلها مش مهم اصدقك ولا لا الوقت الاهم ان اللي بتقوليه ده لو بجد تبقي كارثه انا مش عارف اذا كنت مصدقك ولا لا لو علي ليل بتاع زمان كان ممكن اصدقك بسهوله لاكن لو علي ليل اللي اعد ادامك الوقت فا صعب بس المشكله اني مش عارف اكدبك في تفاصيل قولتيها كتير يمكن يكون محدش يعرف عنها حاجه زي علاقتي بريما قولتي حجات محدش يعرفها غيري انا وهي بس ممكن ارجع واكدبك واقول انك تعرفيها وهي اللي بعتاكي عشان اصدقك وترجعلي…وارجع افتكر لما قولتي عن شقه جاسر ودي تقريبا محدش يعرف مكانها غيري انا ونوح وادم قولتي علي حجات بتحصل الوقت فالميتنج ودي هعرفها من جاسر لما يخلص وهشوف اتفقوا علي ايه..بس ممكن اقول انك تبع هادي…مثلا مش قادر اصدق وجوايا حاجه مش مكدباكي.

والوقت بتقولي ان اللي عملت كده هايدي خطيبه جاسر بتنتقم من تمارا وبتديني رقم العربيه اللي عملت الحادثه بتقولي ان شيري سكرتيرتي هتتفق مع هايدي وريما و سامر هيفضحوا نور ونوح عمي هيتفق معاهم عليا والمفروض ان انتوا هيدخل عليكم شباب البيت وهيتهجموا عليكم 

انتي فاهمه انتي قولتي ايه

عشق…اتجمعت الدموع في عينها فاهمه والله العظيم فاهمه ويمكن اكون نفسي اللي بقوله ده يطلع غلط اكتر منك ارتحت لما بابا عاش وعدي النقطه اللي مات فيها فالحلم…بس خايفه باقي الحجات بتتحقق بالحرف.

ليل…طيب انتي بتقولي انك اشتغلتي عند دكتور ولما جيتي الشركه قولتي انك بتدوري علي شغل مع دكتور

عشق…انا يمكن امون روحت شوفت العياده تاني يوم روحنا فيه مع بابا وعرفت اروحها ولقيتها والدكتور كان طالب حد يشتغل معاه فعلا بس مقدرتش قررت اني افضل اراقبكم واراقب كل حد فيكم عشان امنع عنه كارثه قبل ما تحصل…خوفت انزل اشتغل بس مقدرتش امنع حادثه تمارا لان لو مكانتش حصلت مكنتش هعرف اوصلك ولا انبهك

ليل….هو انا ممكن أسالك

عشق…اتفضل

ليل…انتي حكتيلي حجات كتير اوي قولتيلي ان جاسر وتمارا هيرتبطوا نور ونوح وزهره وادم حكيتي علي كل حد في حياتي وحياتك قولتيلي كل واحد هيعمل ايه ويشتغل ايه بس مقولتليش انتي كنتي بتعملي ايه كنتي ايه في حياتي او حياتهم

انتي مين

عشق…ولا حاجه بعد اللي حصل واتنقلنا شقه الزمالك انت قررت ان كلنا نشتغل معاك فالشركه عشان نكون تحت عينك وتبقي مطمن علينا وبتنفذ وصيه بابا.

ليل….بس

عشق….سرحت عشق ثواني وكأنها عمر وكدبت عشق علي ليل ومقدرتش تقوله انها كانت بتحبه وان هو حبها مقدرتش تقوله ان اليوم اللي قرر يلبسها فيه دبلته اتقتلت خبت حجات كتير وقررت انها متقولش اهم حاجه وهي انهم حبوا بعض وسابت كل حاجه تمشي واحده واحده

ليل. سرحتي في ايه..

عشق..ولا حاجه صدقني مفيش غير اللي قوتهولك ويمكن الوقت اللي شاغل بالي هو اني مرعوبه من فكره ان حد يدخل علينا من الشباب ويتهجموا علينا اللي حصل ده كان بعد سفر تمارا مع مستر جاسر وده قرب اوي فاانا مش هستني الحلم يتحقق وهطلب منك انك تقنع نور وتاخدنا من الوقت علي شقه الزمالك لحد ما بابا يفوق..

سكت ليل…ثواني وهو باصصلها  وكأنها ساعات علي عشق

وفجأه

ليل….بس انا معنديش يا عشق شقه فالزمالك ولا حتي عندي بيت في اي مكان غير الڤيلا اللي احنا عايشين فيها..????????????

عشق….بتقول ايه????????

ليل..السمعتيه حلمك مش كله بيتحقق يا عشق ده لو حلم فعلا وانتي صادقه…هقولهالك تاني

انا معنديش يا عشق شقه فالزمالك ولا حتي عندي بيت في اي مكان غير الڤيلا اللي احنا عايشين فيها..????????????….

يتبع…..