رواية ما بين الحلم والحقيقة (دار الأيتام 2) الفصل الثامن 8 بقلم أميرة أسامة

عشق..خير حضرتك طلبتني ليه

ليل…انا موافق يا عشق انك تشتغلي معايا انتي والبنات

بصتله عشق بأستغراب وردت عليه بكل ثقه موافق؟؟؟بس انا مطلبتش اصلا اني اشتغل مع حضرتك ولا عايزه

ليل..????نعمم

عشق..بأبتسامه برود قاتله زي ما حضرتك سمعت انا مطلبتش اني أشتغل اصلا.. ولا حتي طلبت بأسم البنات انهم محتاجين شغل

زهره بتشتغل نور بتدرس وبابا مكنش حابب انها تشتغل الوقت تمارا الوحيده اللي بتشتغل فالشركه وانا زي ما قولت لحضرتك انا لقيت شغل والاهم اني مش عايزه اشتغل فالشركه معاك

ليل…بغضب!!! معايا ليه ان شاء الله الهانم ليها شروط معينه؟؟

عشق…بهدوء اولا انا مسمحش لاي حد يتكلم معايا بالطريقه دي ثانيا انا مليش شروط لاني مطلبتش شغل من الاساس ثالثا وده الاهم انا أسمي عشق????

ليل…???????? ماشي يا عشق…بس انتي عايزه تقنعيني لما حكيتي كل ده مكنش هدفك انك تشتغلي من الاول انتي والبنات فالشركه

عشق….قصفت جبهته بطريقه مهذبه

اولا بابا هو اللي جاب لتمارا الشغل والبوم اللي هي عملت فيه الحادثه كانت بتدور علي شغل وده كان يوميا بس بابا اللي فاجئها وهي وافقت….اما زهره فا هي بردو شغاله في مكان مرتحاله ثالثا بقي وده الاهم يا مستر ليل لا حضرتك ولا شركتك هدف بالنسبالي بالعكس الشغل معاك او في شركتك زيه زي اي شغل هروحله هيبقي مصدر رزقي اللي هرضي بيه مهما كان يمكن تشوفني غريبه بس اسفه جدا اللي زي حضرتك بيشوف الناس من فوق مش هيقدر يفرق بين الناس وبعضها اللي زيي يا ليل باشا عندها أستعداد تشتغل اي حاجه فالدنيا بس تكون حلال  لا يهمني منصب ولا بوزيشن ولا حتي يهمني ان اشتغل بشهادتي

انا هدفي اني اشتغل شغل ميغضبش ربنا وفنفس الوقت فلوسه تكون اد تعبي لا طالبه ازيد ولا اقل.. هو ده طموحي ياليل باشا وانا طموحي اكبر بكتير من تخيلك واكبر بكتير اوي من منصبك وشغلك اللي حضرتك فاكر اني طمعانه فيهم..

ليل…كان باصصلها بزهول???? وحس انه لاول مره ميعرفش يرد لاكن فاق  علي كلمتها

عشق… بعد اذنك ولسه عشق هتفتح العربيه وتنزل مسكها ليل من ايدها

ليل..استني هنا

عشق…????????????????

ليل..راحه فين انا مخلصتش كلامي

سحبت عشق ايدها بغضب بس انا خلصت ومش حابه اتكلم تاني في اي حاجه.وحابه بس اقولك كلمه انا قررت من اخر مره كنت معاك فيها اني احاول انسي الحلم ده احاول انسي تكرار الاحداث واحاول ابعد نفسي عن اي ضغط وقدرت وابتديت انزل ادور علي شغل بجد…ونصيحه عشان تريح نفسك اعمل زيي او اقولك اعتبرني مجنونه وبخرف ومتسمعش ولا كلمه من اللي انا قولتها وانساني خالص كأني مظهرتش في حياتك وعايز تاخد احتياطاتك من اللي قولته خد مش عايز انت حر…انا مش ندمانه اني قولتلك عالاقل ريحت ضميري بس خلاص انا هفوق لنفسي وبس وانت كمان اعمل زيي وارجع لدنيتك وكأني مظهرتش ولا قولتلك اي كلمه

ليل…بضعف بان علي صوته..مش قادر يا عشق اعمل كده مش قادر ابطل تفكير انتي رمتيني في نار وجايه الوقت تقول اعتبرني مجنونه او مظهرتش طب ازاي

عشق…بحزن علي حاله ليل انا اسفه بجد عمري ما قصدت اني أذيك او ارميك فالنار زي ما بتقول  بس والله ياليل انا خوفت عليك عشان كده قولتلك

ليل….خوفتي عليا؟????

عشق….بارتباك ????اقصد يعني حبيت انبهك ومش بقولك انسي أو ان الموضوع عادي بس يمكن اللي قولته ميتحققش

ليل….ويمكن يتحقق

عشق….ويمكن اكون كدابه زي ما انت شايفني؟؟

ليل…انا مقولتش انك كدابه

عشق…عارفه بس في اوقات بنقول فيها كلام نقصده وفالاخر بيدينا نفس المعني..

ليل….طيب ممكن طلب

عشق..اتفضل

ليل…صدقيني يمكن تكون  موافقتي عالشغل كانت مش ظريفه بس والله غصب عني حطي نفسك مكاني

عشق ..انا مش زعلانه وده يمكن لاني حطيت نفسي مكانك اما بالنسبه للشغل فانا اسفه حقيقي مش هينفع

ليل…طيب ممكن تفكري

عشق…صدقني مش هينفع

ليل…طيب ولو قولتلك اني صدقتك

عشق….يبقي بتكدب علي نفسك وجيت للشخص الغلط

ليل…تمام يا عشق بس بردو مش هعتبر ده رد اخير علي طلبي وهسيبك كام يوم تفكري

عشق….بيتهيألي ردي مش هيتغير

ليل…سيبي كل حاجه لوقتها

عشق…بابتسامه هاديه تمام هستأذن انا بقي

ليل…استني هنا انا هوصلك

عشق…لا معلش مش هينفع

ليل…انا قولت هوصلك علي فكره وياريت بلاش اعتراض

عشق…بسسس

وقبل ما تنطق كان ليل دور العربيه ومدلهاش اي فرصه تعترض.

………….

اما في المستشفي

نوح…ممكن تبطلي عياط شويه

زهره…من ساعت ما جينا وهي كده مبتبطلش عياط ابدا

نوح..نور احنا اتفقنا انك تدعيله احسن من العياط ده كله هو مش محتاج اي حاجه غير ان تدعي وبس لو يقدر يتكلم كان قالك كفايه عياط

نور….انا كل ما اجي واشوفه نايم بالمنظر ده قلبي يوجعني عليه اوي وبفضل أئنب في نفسي ازاي انا واقفه شيفاه كده وبالمنظر ده ومش قادره اعمله اي حاجه

أدم….متقوليش كده يا نور حرام وبعدين انتي في ايدك ايه تعمليه ومعملتهوش

نور…بدموع ياريت كان في ايدي حاجه اقدر اساعده بيها والله مكنتش اتأخرت عنه

نوح…لا يانور في انك تدعيله دي اكتر حاجه تقدري تساعديه بيها

زهره…صح يا نور انتي تقدري تساعديه وصدقيني ربنا عمره ما بيخذل اي حد يلجأله ولا عمره خذل أي حد دعاله بألحاح..

ادم..ابتسم لزهره.براڤو يا زهره عندك حق

ابتسمتله نور بأحراج

ادم…وبعدين يا نور طول ما انتي بتعيطي وحالتك عامله كده حتي دراستك مش هتقدري تركزي فيها

نوح…بضحك عشان يحاول يغير الجو شويه لا وكله إلا دراستك الراجل ده لو فاق ولقاكي مهمله في دراستك لا هيقتلك لا يقتل نفسه..ده موراهوش حاجه غير المحاميه راحت المحاميه جت

ابتسمت نور وسط دموعها

نوح…وبعدين بصراحه بيني وبينك يعني حوار انك هتبقي محاميه ده مش داخل عليا

نور…ليه بقي

نوح…بزمتك في محاميه بالطول ده????

نور…نعممم????انت بتتريق علي طولي

نوح…انا والله ما حصل طولك ايه اللي اتريق عليه انا بتريق علي قصرك

نور…انا قصيره????

زهره…صراحه اه ????????

ادم…ااااه كده هما قرروا يتسلوا عليكي

نور….علي فكره بقي عاجبني طولي

نوح…وهو مبتسم ومركز في عينها وانا كمان علي فكره عاجبني طولك????

نور…حست بالتوتر والاحراج من كلامه ونظراته وبصت بسرعه علي الساعه.. يا خبر الساعه 8ونص يلا عشان منتأخرش

زهره…ايوه يلا

ادم….متقلقوش هنوصلكم علي طول..

نزلوا مع بعض خرجوا من المستشفي

ادم…انسه زهره اتفضلي معايا لو معندكيش مانع

بصت زهره لنور…وبصتله لا عادي تمام

نور…لزهره ايه ده فين الورق

زهره…ورق ايه

نور…الملازم اللي جبتها

زهره.. انتي بتسأليني انا هو انا كنت معاكي فالجامعه

نور…سرحت

نوح…طيب يمكن سبتيها فوق فالمستشفي هطلع اشوفها بسرعه

نور…بخيبه امل…لا لا استني يا نوح???????? انا شكلي نسيتها فالمكتبه اللي عند الجامعه دفعت فلوسها وسبتها ومشيت عشان كنت عايزه متأخرش علي بابا

نوح….طيب خلاص حصل خير نروح نجيبهم

نور..لا لا نجيب ايه خلاص مش مهم انا بكره اروح تاني اشتري ميتهيأليش اصلا هنلاقيهم ولا ممكن اصلا اكون خدتهم ونسيتهم فالمواصلات

ادم…طيب عادي مش هنخسر حاجه نروح نسأل عليهم لقيناهم اوك ملاقيناهمش نجيب غيرهم

نور…ايوه بس عشان يعني منعطلكمش

نوح…بلاش عبط يلا بينا

نور…حاضر

ركبت نور مع نوح وزهره مع ادم ومشيوا ورا بعض…..علي مكتبه الجامعه….

……………

اما عند جاسر وتمارا….

جاسر…شبعتي

تمارا…اه جدااا والله كنت جعانه اوي

جاسر…بسخريه???????? بس صحيح كان في واحده بتقول مش هتنزل ولا هتاكل وعملت فيها سبع رجاله وقلبت قطه شوفتيها

تمارا…بضحك اااه واعده ادامك واسمها تمارا كمان????????????????????

جاسر…بضحك اعترفتي من قبل حتي اول قلم

تمارا…لا قلم ايه وضرب ايه مش ناقصه فرهده وبعدين بصراحه انا كنت هموت من الجوع

جاسر…باصصلها بحب ومعجب بطريقتها التلقائيه…ااه يعني بعتي القضيه عشان طفسه

تمارا…انا طفسه ???? انت باصصلي فالاكل????

جاسر….بضحك الله يخربيت عقلك.

تمارا…صحيح هو احنا هنبتدي الشغل بكره علي 7الصبح بردو 

جاسر…ليه حضرتك وراكي مواعيد وانا مش واخد بالي

تمارا…بتتريق صح????

جاسر…????????ااه

تمارا…ماشي هعديهالك عموما لا بس عشان اظبط المنبه اصلي بصراحه مقتوله من النوم انهرده كان في شغل كتير اوي وطول اليوم واقفه علي رجلي

جاسر…ده علي اساس انا واقف علي ايدي????

تمارا…????????????

طب خلاص متبصليش كده يخربيت اللي يزعلك هننزل علي 8

تمارا…ماشي

رن موبايل جاسر. الوووو

هايدي…ايوه يا بيبي عامل ايه

جاسر…بخير يا هايدي

هايدي..انت فالفندناق ولا لسه فالشغل

جاسر…لا والله لسه فاكره عموما انا فالفندق وباكل كمان

هايدي…حقك عليا بس كنت نايمه ومرهقه جدا لسه صاحيه حالا قولت اطمن عليك

جاسر..انا بخير الحمد لله

هايدي…وحشتني اوي

بصوجاسر لتمارا بطرف عينه لتمارا ومش عارف يرد علي هايدي.

هايدي….الووو جاسر

جاسر…ايوه معاكي يا هايدي بس الشبكه بتقطع تقريبا

هايدي….بقولك وحشتني اوي

جاسر….احمم وانتي كمان

هايدي…انا كمان ايه

جاسر….الووو الووو هايدي هكلمك تاني الشبكه وحشه جدا سلام…..

هايدي….الشبكه برده يا جاسر???????????? وحياتي امي ما هسيبك ولا انت ولا الزباله اللي معاك ولو اتأكدت من احساسي وطلع فيه حاجه بينك وبين البت دي وديني لا هقتلها والمرادي هيبقي عليا وعلي اعدائي وهعملها بنفسي مره خابت وجت في الراجل اللي شغال معاك بس التانيه هتصيب علي ايدي وهفرملك السنيوره اتأكد بس ياجاسر????????

…………………..

نور…..ايوه هي المكتبه دي

نوح.طيب استني رايحه فين انا جاي معاكي ركن نوح ونزل هو ونور ونزل وراهم ادم وزهره

نوح….مساء الخير يا كابتن

صاحب المكتبه…مساء النور

نوح…الانسه خدت منك ورق انهرده من مام ساعه كده مسابتهمش هنا

صاحب المكتبه…ابتسم…لا سالتهم بس بعد ما سابت الفلوس

نور…يعني لاقتهم

صاحب المكتبه…هما اصلا كانوا زي ما سبتيهم طلعتي فلوسك حاسبتيني ومسكتي موبايلك وسرحتي ومشيتي

اتفضلي هو ده صح

نور…..ايوه هو شكرا اوي

نوح..طيب راجعيه عشان لو في حاجه ناقصه تجيبيها بالمره

نور….لا مظبوط

نوح…شكرا يا كابتن

صاحب المكتبه علي ايه بس تحت امركم

زهره…مسطوله

نور…الحمد لله اني لاقتهم

زهره…طيب يلا بقي احسن عشق زمانها هتفجرنا

نور ..ادام مكلمتناش يبقي مشغوله

نوح…يلا اركبوا

ركبوا العربيات واتحركوا عالبيت

…………

وصل ليل ادام بيت حاج محمد حمد الله عالسلامه

عشق…شكرا تعبت نفسك مكنش ليه لزوم

ليل…مفيش تعب ولا حاجه متقوليش كده

عشق…بعد اذنك

ليل…عشق

بصتله عشق من غير كلام

ليل…زي ما قولتلك هعتبر ردك لسه محصلش

ابتسمت عشق أن شاء الله بعد اذنك

ليل…هز راسه اتفضلي.

……………

تمارا…ملامحها اتغيرت من غير ما تحس بعد مكالمه هايدي لجاسر وفجأه بقت سرحانه وفي دنيا تانيه وبعد ما كانت بتضحك وتهزر سكتت خالص.

جاسر. كان حاسس بيها وحاسس انها اتغيرت بعد مكالمه هايدي بس حب ما يبينلهاش انه حاسس بيها

جاسر…تشربي نسكافيه.

تمارا……….فضلت سرحانه ومش معاه

جاسر…تمارا.  تمارا.  تمارا

تمارا…هااا ايوه

جاسر…في ايه سرحانه كده ليه

تمارا…لا ابدا معاك

جاسر….تمارا انتي كويسه

تمارا…اه الحمد لله بخير بس مرهقه شويه

جاسر…ايوه بس انتي كنتي مرهقه بردو من شويه بس كنتي بتهزري وتضحكي ليه سكتي مره واحده كده

تمارا…لا ابدا صدقني مفيش بس ممكن نطلع بقي محتاجه ارتاح

جاسر…طيب تمام زي ما تحبي

قام معاها جاسر وطلعوا مع بعض وصلوا ادام اوضه تمارا

تمارا…تصبح علي خير وميرسي عالعشا

جاسر…ابتسملها انا اللي ميرسي علي احلي بنوته تواضعت واتعشت معايا

ابتسمت تمارا غصب عنها اي خدمه????

مسك جاسر كف ايدها من غير اي مقدمات وقربه من شفايفه وسط صدمه وزهول تمارا وضرابت قلبها السريعه بصلها جاسر تصبحي علي خير وساب ايدها ومشي علي اوضته من غير ولا كلمه زياده

وصل ادام الباب بص عليها لقاها لسه واقفه وبصاله في صدمه

جاسر…..????????????ادخلي ولا ارجعلك

هزت تمارا راسها بسرعه وفتحت اوضتها ودخلت وقفلت علي طول

ضحك جاسر عليها ودخل الاوضه.

اعد جاسر علي سريره وسرح وكلم نفسه..

جاسر..عارف انك حبتيني يا تمارا زي ما حبيتك بس لازم امثل علي هايدي ولازم محسسكيش بحبي ليكي يمكن مهانش عليا قلبه وشك بعد مكالمتها فا حبيت اعتذرلك بطريقتي من غير ما اتكلم…يمكن كمان لاني مصدق عشق مش بس عشان اللي قالته..لا ده عشان انا اتأكدت بنفسي من حاجه مهمه…. ولازم انت كمان ياليل تصدق عشق..

جاسر…يارب استرها من اي حاجه جايه????????????????

…………

بعد ما عشق أستأذنت منه وسلمت عليه

نزلت ودخلت مدخل البيت ادامه  لاكن لفت نظر ليل ان الجارد بتوعه مش اعدين عالقهوه ولما بص عالبلكونه بتاعت الشقه اللي مأجرنها لقاها مقفوله هي والشباك

ليل…بغضب…????????????دي اخرت اللي يعتمد علي شويه عيال زيكم وديني لاربيكم

ركن ليل العربيه في مكان فاضي ونزل براحه عشان عشق متشفهوش وطلع بسرعه مدخل العماره اللي ادامهم طلع ليل اول دور وخبط.

رامز…قوم افتح يا عماد

عماد…مش قادر يتحرك طول اليوم واقف انا مصدقت ارتاح شويه

شريف…متبصوليش والله ما هقوم

رامز….اوعي كده انت وهو????

راح يفتح الباب….ليل باشا????

ليل….دخل ليل بغضب انتوا اعدين هنا انتوا التلاته وياريت الوقت متأخر شويه لا ده ليه بدري وحضراتكم مفيش واحد فيكم تحت ولا حتي واحد باصص من شباك ولا بلكونه

رامز…والله العظيم يا باشا انا بعد مكالمه حضرتك اول ما جيت مشيت زي ما أمرت وجيت اعدت معاهم عالقهوه احنا تقريبا طالعين من ربع ساعه

ليا…لا ربع ولا نص انا قولت متطلعوش غير لما البنات كلهم يكونوا فالشقه ولسه اصلا مش كلهم جم ده حتي الشباك انتو قافلينه

عماد…ما عشان حضرتك تصدق اننا والله لسه طالعين من شويه

ليل…افتحوا الشباك ده وافتحوا البلكونه واحد يأعد هنا يراقب الشارع من فوق ومدخل العماره

وانتوا الاتنين تنزلوا علي تحت زي ما قولت

رامز…ماشي يا باشا

راح.عماد فتح البلكونه والشباك

ليل…بغضب اللي حصل ده ميتكررش انا مخليكم هنا عشان تحموهم وفنفس الوقت اعرف كل كبيره وصغيره

رامز تمام ياباشا

ليل…يلا اتنين فيكم يجوا ورايا ينزلوا علي تحت متطلعوش غير لما البنات كلهم يكونوا فوق

شريف…حاضر ياباشا..

مشي ليل باتجاه الباب لكن فجأه لفت نظره حاجه صاعقته????

يتبع…..