رواية ما بين الحلم والحقيقة (دار الأيتام 2) الفصل الحادي عشر 11 بقلم أميرة أسامة

جاسر…تمارا اهدي بقي شويه

تمارا…اهدي ايه انت مصدق اللي هو بيقوله صدقه انتو قرايب ومهما حصل مش هيهمكم غير نفسكم وسمعتكم وبس هتدوسوا علينا وتفعصونا باوسخ جزمه عندكم عارف ليه عشان احنا ملناش حد يا جاسر باشا ليل باشا بيحاول يقنعني ان مش هو اللي عامل كده وفاكر اني هصدقه انا هقتلك بايدي لو عشق حصلها حاجه انت فاهمممممممم

وفاللحظه دي قلم نزل علي وش تمارا عمل صدي صوت فالاوضه

زهره نور…تمارااااا????

جري الشباب علي ليل بسرعه

ومسك جاسر ايده بعنف لييييل انت اتجننت

ليل بغضب وهو باصص لتمارا انا عمري في حياتي مكنت ولا هكون وسخ مش انا اللي اعمل كده في واحده بالغصب…القلم ده عشان بس تعرفي ده كويس بس اقولك علي حاجه انا الوقت بس مش مضايق اني مصدقتش عشق عارفه ليه لان اللي حصل ده كله انتي شوفتيني وسخ وحقك تصدقي انتي او زهره او نور لانكم متعرفونيش كويس بس غيركم يعرفني وعارف اني معملش كده استحاله زي جاسر ونوح وادم

لاكن انا مصدقتش عشق واي حد في مكاني مش هيصدقها حتي انتو يمكن تكونو بتثقو فيها وعارفين انها احلامها بتتحقق زي ما قولتو واكدتو ده بس ممكن متصدقوش بالشكل اللي هي قالته انا عمري ما شوفت عشق قبل كده كل معرفتي بيها ايام تتعد لما تجيلي وتقولي كل الحجات دي وبالتفاصيل دي يبقي لازم مصدقش واي حد عاقل ميصدقش وبما انك شوفتيني وسخ وممكن اتهجم علي عشق يبقي طبيعي ان انا كنت صح لما مصدقتهاش….

وعموما عشق ادامكم اهي ان شاء الله هتبقي كويسه وتقوم وتعرفوا منها اللي حصل ونعرف كلنا الناس دي دخلوا ازاي عندها البيت لان ده الجزء الانا معرفهوش…اه صحيح عايز بس اقولكم علي حاجه الوسخ اللي انتي شيفاه ده ياتمارا واللي مش بعيد تكون زهره ونور كمان شايفينه كان بيحاول علي اد ما يقدر يحميكم رغم اني مكنتش قادر استوعب اللي بيحصل بس كنت قلقان عليكم عشان كده خليت الجارد وراكم خطوه بخطوه بس اللي مكنتش عامل حسابه ان ده يحصل لعشق لوحدها. عارفه ليه لان عشق قالتلي ان في حلمها المفروض نور وزهره كانو معاها

ادم…طيب ممكن تأعدو بقي وتهدو شويه صلو عالنبي كده عشان كل اللي بيحصل الوقت ده غلط ومش في مصلحه عشق يارتني ماعرفتك يا جاسر لما كلمتني ممنش زمانكم هنا وانت ياليل انت سمعت كلام الدكتور

تمارا….????????????لا استني بس هو جاسر كان يعرف

جاسر بصوت واطي..الله يخربيتك يا ادم..

نوح…يا جماعه كفايه كلام بقي ادم عنده حق من فضلكم كفايه بقي لحد كده اعد ياجاسر اعدي تمارا ومتقلقيش هتبقي كويسه والله

اعد كل واحد فيهم بعيد عن التاني فضلت تمارا جمب عشق ماسكه ايدها ودموعها مش بتقف وباصه لجاسر بغضيب عشان كدب عليها

عدت كذا ساعه وهما علي نفس الوضع الصبح ابتدا يطلع والكل ساكت زهره ونور نايمين علي كتف بعض

ليل….ادم…معلش جهز نفسك واطلع انت عالشركه.

ادم…تمام ماشي.

ليل…وانت يا نوح انت وجاسر وصلوا البنات شقتهم ياخدو كل حاجه تخصهم من البيت وبعد كده اطلعو بيهم علي شقت الزمالك وكلموني لما تخلصوا

فضل جاسر ساكت مش عايز يرد علي ليل مضايق منه عشان مد ايده علي تمارا.

نور….انا مش هسيب البيت مش هينفع

تمارا وهي مش باصه لاي حد غير عشق

وانا مش مش هروح الشقه دي عشق طلبتها وانت قولت مفيش شقه وسبت ده يحصلها وبعدين انا مش هسيبها

ليل…وهو بياخد نفس طويل

تمارا من فضلك بلاش مناهده كتير انا علي اخري بجد من فضلك اسمعي الكلام

تمارا…وانا قولت لا واكيد مش هعمل حاجه غصب عني

نوح…تمارا اكيد محدش فينا هيخلكم تعملو اي حاجه غصب عنكم بس انتو كده مش في امان لاكن لو رحتو هتبقو تحت عيننا و محدش هيقربلكم

تمارا…بصت لليل. اظن بردو علي كلام مستر ليل ه. كان فاصل بينه وبين عشق كام متر ومقردش يحميها

ليل.. حاول يكتم غضبه تمارا بلاش طريقتك دي من فضلك بلاش تخرجيني عن شعوري

تمارا.. ايه هتمد ايدك عليا تاني

جاسر….بص لليل وكأنه بيعاتبه بنظرات عينه لا يا تمارا دي غلطه ومش هتتكرر تاني ولا انا هسمح بيها بس ليل اظن يعني انه لو كان مش موجود اصلا مكنش ده بس اللي حصل في عشق انتي اكيد فهماني صح.

نزلت دموع تمارا غصب عنها لفت وشها بصت لعشق

ليل…تمارا انا مأثرتش صدقيني وبمجرد ما شوفتها بتجري كنت جريت عليها اه مقدرتش امنع كل الكدمات والكسر اللي في ايدها ولا قدرت امنع خوفها ورعبها في اللحظه دي. بس قدرت احميها بان مفيش حاجه تحصل اكتر من كده قدرت اخليها لما تصحي وتفوق تبقي مطمنه ان اللي حصلها مكنش غير شويه كدمات لاكن مش هتصحي مكسوره يا تمارا

اللي حصلها ده كله يمكن متعداش الدقيقه بس ده لانهم كانو تلاته عليها لوحدها فاللانتي شيفاه ده طبيعي جدا..والاهم هتصحي وهي عارفه اني خدتلها حقها من الكلاب اللي عملو فيها كده ولسه هاخدلها حقها….وانا اسف يا تمارا اني مديت ايدي عليكي انا عمري ما عملتها في حياتي بس انتي اللي خرجتيني عن شعوري واتهمتيني بطبع لا يمكن يكون موجود عند ليل السيوفي ياريت تقبلي اعتذاري.

تمارا…صدقني انا كمان غصب عني

ليل.. عارف ومش زعلان منك يمكن كان الغضب عاميني من كلامك بس عارف انك خايفه عليها. انتي ظلمتيني وظلمتي زهره كمان علي فكره.

بصت تمارا لزهره بحزن

زهره…بابتسامه هاديه..عادي متعوده علي لسانها اللي زي المدب.

ابتسمت تمارا وسط دموعها متزعليش مني حقك عليا بس انتي عارفه ان ده كان هيبقي رد فعلي بردو لو انتي مكان عشق وعشق مكانك

زهره…عارفه وصدقيني ياتمارا مش زعلانه منك حضنتها زهره اوي..

نوح…ايوه كده فكوا شويه بقي والنبي كفايه اليوم اللي عدي ده

تمارا…بس بردو انا مش هقدر اروح الشقه

نور…ولا انا مش هقدر

ليل…تمارا نور انا مش باخد رأيكم كلكم هتروحوا حتي لو غصب عنكم انا معنديش استعداد ان اي حد فيكم يحصلوا حاجه وكمان في حاجه مهمه بعد ما عشق تفوق وترجع كويسه من تاني لازم كلنا نأعد مع بعض في حجات كتير لازم تتقال ادام الكل

تمارا….مستر ليل ممكن سؤال

ليل…اكيد بس بلاش مستر دي الكلام ليكم كلكم انا ليل وبس احنا مش فالشغل. أسألي يلا

تمارا…تمام….هو انت صدقت عشق؟؟؟

ليل….سكت ثواني دقيقه اتنين وسرح ورجع بصلها من تاني

جزء كبير اوي جوايا مصدقها

زهره…طيب ليه الجزء الصغير مش راضي يصدقها

ليل…مش حكايه مش راضي بس انا بني ادم طبيعي جدا وده شئ طبيعي بس حتي الجزء الصغير ده مبقاش مكدبها اد ما هو مش قادر يستوعب بس…

تمارا…ابتسمت بهدوء وسكتت

ليل…يلا بقي قوموا ومتنسوش تجيبو حاجه عشق كلها..

تمارا..طيب انا موافقه بس معلش خليني معاها ارجوك انا مش هقدر اسيبها

زهره…ولا انا خلينا معاها عشان لو فاقت تطمن اننا جمبها

ليل….الساعه الوقت 6الصبح  وده وقت كويس عشان الدنيا تكون لسه هاديه عندكم فالمكان وعلي بال ما ترحوا تلمو حاجتكم وتروحوا عالشقه ترتاحو هيكون لسه في وقت هبعتلكم السواق يجيبكم لحد هنا والدمتور اصلا قال مديها منوم ومهدأ يعني مش هتصحي الوقت خالص وكمان لازم تجيبولها لبس كويس وبعدين انا هفضل هنا معاها متقلقوش

جاسر…يلا تمارا انتي والبنات كده احسن وبعدين انتي كده فاضلك ساعه وتبقي صاحيه بقالك 24 ساعه احنا منمناش من امبارح ومن الساعه 7الصبح واحنا فالشغل

ليل….انت كمان يا جاسر بعد ما توصلهم روح ارتاح ونام متروحش عالشركه

جاسر…ان شاء الله

نوح…يلا يابنات

قاموا البنات باسو عشق من راسها وخرجوا ورا بعض من الاوضه.

ليل..ادم لو في اي حاجه فالشركه ابقي بلغني

ادم…تمام وانت لو احتجت اي حاجه كلمني…يلا سلام

ليل…سلام….لحظه ياجاسر خرجو كلهم ووقف جاسر

جاسر…ايوه ياليل

ليل…متزعلش مني

جاسر…عينه رايحه جايه من غير ما يبصله وانت زعلتني

ليل….اوعي تكون فاكرني مش حاسس بيك

بصله جاسر في عينه من غير ما يتكلم

ليل….ايه يا صحبي مستغرب ليه ما انت عارف ان طول عمري بشوف اللي في عينك من غير ما تبذل مجهود وتقولهولي

جاسر…بارتباك علي فكره اناا انا مش فاهمم تقصد ايه

ليل…بابتسامه اهو الارتباك ده لوحده كفيل ياكدلي الانا بقوله????

جاسر…علي فكره انا مفيش حاجه بيني وبين تمارا انا بس يعني اضايقت عشان انت مديت ايدك عليها وده مش طبعك…

ليل…????????ايوه بس انا مقولتش ان في حاجه بينك وبين تمارا إلا لو انت اللي بتقول كده ????????????

جاسر…بصله بغضب ولعن نفسه علي غبائه ضربه في صدره انت عيل رخم

ليل…بضحك بس حافظك يا صاحبي المهم

جاسر…نعم

ليل…خلي بالك من تمارا????

جاسر…صدقني هتغابي عليك???? قولتلك انت فاهم غلط

ليل…خساره بس صراحه زعلت البت جامده????????????

مسكه جاسر من قميصه بقولك ايه اتلم وخلي ليلتك تعدي وملكش دعوه بيها

ليل..ماكان من الاول ????????????

جاسر…انا همشي قبل ما اضربك ياليل

ليل..سلام ابقي كلمني لما تخلص.

مشيوا كلهم وفضل هو مع عشق

راح ليل شد كرسي وقربه منها واعد جمبها فضل باصصلها كتير

ليل…انتي طلعتيلي منين بس ياعشق من يوم ما شوفتك متلغبطه ومتوتره وانتي لغبطيني معاكي الايام اللي فاتت كنت شاكك فيكي جدا حتي لما قولتلك اني وافقت انك تشتغلي انتي والبنات كنت عايز احطكم تحت عيني اكتر..بس كل حاجه جوايا من ناحيتك اتحولت لما شوفتك من الشباك… يمكن لو وصفتلك احساسي وقتها تقولي ببالغ ويمكن كمان متصدقنيش زي مانا مكنتش مصدقك بس والله يا عشق وقتها انا حسيت ان روحي سبقتني عالباب عندك واستنتي لحد ما اجي اكسره والحقك منظرك في عيني وانتي بتجري في كل مكان زي المجنونه قتلني مش قادر انساه الخوف والرعب اللي شوفتهم في عينك كانو كفايه اوي اني مرحمهمش من ايدي اللي حصل ده كله كان في ثواني بس فالثواني دي حسيت بخوفك سمعت ضربات قلبك من بعيد نظره عينك اول ما لمحتيني دخلت الشقه واحساس الامان اللي شوفته في ملامحك مش قادر انساهم..انا مش عارف انا حصلي ايه ولا عارف ايه اللي بقوله ده بس اوعدك يا عشق اني مش هسيب اي حاجه تحصلك ولا هسيب حاجه من حلمك تتحقق

ونظره الامان اللي شوفتها في عينك هخليكي ديما حاسه بيها ⁶

مسك ليل ايدها بهدوء وبدون اي مقدمات قرب منها وطبع عليهم بوسه حس ليل باللي عمله????رجع لورا بسرعه ايه اللي انا بعمله ده

استغرب ليل من نفسه لاكن فضل ماسك ايد عشق حس بتعب سند راسه لورا بهدوء وراح في ثباااااات عميق

…………

طول الطريق جاسر كان ساكت وتمارا كمان مكانش في بينهم اي كلام لان زهره كانت راكبه معاهم ولان تمارا كانت مضايقه منه عشان خبي عليها

وصلو تحت البيت

جاسر…ادامكم بالظبط ربع ساعه تجيبوا فيها كل حاجه تخصكم وتنزلوا علي طول

تمارا…ربع ساعه ابه مش هنلحق طبعا كفايه حاجه المذاكره بتاعتنا

جاسر..خلاص نص ساعه مش اكتر عابزين نخلص وهي الدنيا هاديه كده

نوح…نور. لو حاج محمد ليه هنا اي ورق او اي حاجه مهمه ليه خدويها معاكي

نور…حاضر

جاسر.. يلا بسرعه عشان الوقت

زهره…لا لحظه هو انتوا مش جايين معانا انا خايفه اطلع

تمارا…خايفه من ايه يابت ماتنشفي كده شويه انا معاكي????

جاسر…بسخريه عشلن يخليها ترضي عنه ????????تخافي من ايه اهي قالتلك شبح الحته انا معاكي.

تمارا….????????????انت بتتريق

جاسر.. مقدرش يا شبح????

كتمت تمارا ضحكتها…ماشي يلا يابنات

زهره…ربنا يستر اطلعي انتي الاول

تمارا ..جبانه????

طلعوا مع بعض

نوح ..ايه يا شبح حكايتك????

جاسر…بأبتسامه نعم يا خفيف حكايه ايه خير.

نوح…شايفك كده يعني بتهزر وبتضحك وماشاء الله بقيت تستغني عن النوم اللي كان استحاله تسيب لحظه فاضيه وماتنمش فيها وبقيت تقف وتستني مع انك ديما خناقك معايا عشان كنت بوقفكحجات كتير كده يعني غريبه.

جاسر…وحيات امك انت ياض بتغني عليا ولا ايه متنساش بردو ان انا بابا وانا اللي معلمك اصولها من الاول فا متجيب تلعب عليا

نوح..بضحك تصدق انا غلطان اني بطمن علي احوالك.

جاسر…ابقي بص يا اخويا في مرايه وشوف ملامحك وانت هتعرف مين فينا اللي احواله متغيره..

نوح…تقصد ايه????

جاسر….????????اقصد وفجأه سمعوا صوت صرخه من البنات????????

جاسر…تمارا

نوح…نور

وجريوا باقصي سرعه علي فوق

لقوهم واقفين فالصاله الباب مفتوح وكل واحده فيهم علي كرسي..

جاسر….في ايه مالكم

نوح ..في حد هنا

نور….اه في

جاسر..في ايه فين ده

تمارا….مستخبي تحت المكتبه

جاسر…طلع جاسر المسدس من جيبه نهار ابوه اسو???????????? هو مين اللي تحت المكتبه

تمارا….فار فار يا جاااسر????????

جاسر…بص لنوح اللي كاتم ضحكته وعض شفايفه بغيظ وبصلهم.

جاسر….فار بجد

تمارا…اه

جاسر…يعني الصويت اللي سمعناه ومنظركم اللي فوق الكراسي ده وعياطك يا شبح الحته ???? عشان فاار

تمارا….امال انت عابزني اعمل كده عشان ابه

جاسر…لنوح…لا سؤال في محله صح هتعمل كده عشان ايه اصل العفريت والحراميه والبلطجيه دي حجات توتو شبح الحته ميخافش منها انما فار

تمارا…والنبي يا جاسر بلاش تريقه عشان انا قلبي هيقف انا عايزه اخرج من هنا مش مهم اخد حاجتي

جاسر ..انزلي بلاش عبط متخافيش انزلوا يا بنات بدل ما انتو متشعلقين كده

زهره…انا خايفه

جاسر…ده انتو تخوفوا بلد ده الفار الغلبان هو اللي زمانه ميت من الرعب يلا اخلصوااا احنا واقفين اهو ادخلو الاوضه واقفلو علي نفسكم واحنا هنستناكم هنا..

نزلت زهره براحه مشيت عالاوضه بهدوء ووراها نور

تمارا…بصوت واطي زهره زهره بقولك ايه حطيلي حاجتي انا وعشق فالشنط انا مش هقدر انزل

نوح…بنفس صوتها الواطي وانتي بتتكلمي بصوت واطي ليييه

جاسر…ودي عاي ه كلام يا غبي اكيد عشان الفار ميسمعش.????????????????????????

نوح ..تصدق ????????????????

تمارا….علي فكره اللي بتعملوه ده عيب ???????????? انا بجد خايفه

جاسر….بحب طب خلاص حقك علينا انزلي متخافيش

تمارا….لا مش هنزل لو نزلت هيمسكني

جاسر…يا بنتي عيب عليكي ده انتي فردتي صدرك تحت وقولت وحش طالع مع البنات

تمارا…انا بخاف من الفيران اوي ياجاسر

جاسر…انتي بتخافي من الفيران ولا الطيارات ولا ايه بالظبط

تمارا.. انا عندي فوبيا من الاماكن العاليه ومن الفيران

نوح…وده لوحدك كده

تمارا…اكيد لا بعدين اقولكم بس والنبي طلعوني من هنا

ضحك نوح عليها

جاسر…وهو كاتم ضحكه ولا اتلم بقي متضحكش عليها

تمارا…ياسلام يا اخويا علي اساس انت مبتضحكش

نوح…الحق بتقولك يا اخويا????????

جاسر….بتقولي للمدير بتاعك يا اخويا????

تمارا….لا انا اقصد نوح????

جاسر…ايوه كده راح جاسر وقف جمبها وتقريبا كان نفس طولها وهي واقفه عالكنبه مدلها أيده تعالي انزلي

تمارا…انزل ايه ????لا هيجري ورايا وربنا

جاسر….الله يخربيت عقلك ????يا بنتي انا واقف مع بنت اختي انزلي

تمارا…ايه ده انت ليك اخوات بنات????

نوح…ياعم دي عيانه في مخها بقولك ايه هي مش كانت مش راضيه تروح شقه الزمالك بينا يلا نمشي ونسبهم

جاسر…تصدق انت عندك حق يلا بينا

تمارا…مسكته من كتفه بايدها الاتين ووقف ادامه من غير اي مسافه …استني هنا عنده‍ حق ايه مين دي اللي قالت مش راحه شقه الزمالك انت متعرفش مش انا زملكاويه

جاسر…بصلها بحب ايه ده انتي زملكاويه

تمارا…اه

جاسر…خساره بس انا أهلاوي  يلا يانوووح

نوح.واقف جمب الباب فطسان من الضحك ومن جواه اتاكد من احساسه بأن جاسر حبها ومبسوط اكتر انه هيبعد عن هايدي..

فا حب ما يقطعش عليهم اللحظه دي

نوح…بقول ايه هنزل بسرعه اشوف العربيات احنا سايبنهم مفتوحين.وغمز لنوح????

ابتسم جاسر وفهم نوح ومن جواه فرح انه نزل

بصلها جاسر….يلا بقي اشوفك علي خير يا زملكاويه

تمارا…علي فكره انا اهلاويه وربنا بس قولت يمكن تكون زملكاوي ولا حاجه

جاسر..طب اسمعي لو قولتيلي علي اسم واحد بس من اللعيبه الاهلاويه مش هسيبك عشان اضمن بس انك اهلاويه

تمارا….مسكت في هدومه اكتر بقولك ايه والله ما هسيبك وهتخرجني من هنا.

ضحك جاسر غصب عنه…علي فكره انا بهزر ومش هسيبك متخافيش يلا انزلي ياخوافه

تمارا فضلت ماسكه فيه وفضلت تنط من كرسي لكرسي لحد ما قربت من ناحيه الباب مكنش في كرسي وقفت تبص براحه من بعيد تحت المكتبه عشان تنط و تجري بسرعه وتأمن نفسها لاكن أتفاجئت باللي مسكها من وسطها شالها زي الاطفال خرجها بره

تمارا…..????????????

جاسر…هتفضلي متنحه كده كتير ماحنا مش هنفضل اليوم كله خايفين من حتت فار

حست تمارا بألاحراج بعدت عينها عنه بسرعه وهي مبتسمه…

عدي الوقت بسرعه..

زهره من جوه..تمارا. احنا خلصنا

جاسر….طيب استني يا زهره لحظه

اتصل بنوح…

نوح…ايه

جاسر…اطلع البنات خلصت تعالي خد معايا الشنط

نوح…تمام

طلع نوح بسرعه فتحت  زهره الباب وابتدت تديهم هي ونور الشنط خرجو الشنط عند الباب

نوح…يلا يانور انا واقف اهو متخافيش مشيت براحه لحد ما قربت من الباب

نوح…حاسبي يانوررر

نور…عاااااااا????????????

نوح….خوافه

جاسر.. ياعم اتلم عالصبح صوتهم هيلم علينا الناس

نوح…طيب خلاص????????

جاسر…يلا يازهره خرجت زهره بهدوء مع جاسر لحد بره

جاسر….اتاكدتو انكم منسيتوش حاجه

زهره…ايوه متقلقش

نوح…مش ناسيين اي حاجه

زهره…لا كله تمام متقلقش

نور…بس انا مشوفتش الورق عند بابا

نوح….طب تعالي شوفي بسرعه

نور…لا مش داخله تاني

نوح…تعالي انا معاكي انجزي يلا

دخلت نور بسرعه معاه وفتحت الدولاب وابتدت تلم في شنطه صغيره كل الورق اللي تلاقيه ولقت فلوس فالدولاب خدتها هي كمان..

نور…انا خلصت

نوح….طيب يلا هاتي ايدك

مسكت نور ايده ومشيت وراه خرجوا نزلوا تحت نزلوا نوح وجاسر الشنط

وحط جاسر بخبث الشنط في الكنبه اللي ورا عشان زهره متركبش????

ركبت زهره مع نور ونوح

نوح…بصوت واطي بس فكره صايعه حوار الشنط ده

جاسر ..عمل نفسه مش فاهم اه صريتهم كويس

نوح…اه كويس اوي يا اخويا اتقل عليا يا جاسر.

جاسر…بضحك تعيش وتاخد غيرها????????????

ركبوا ومشيوا ورا بعض…

جاسر…عامله ايه يا خوافه

تمارا…رجعت لوضعها انا مبتكلمش معاك????

جاسر…نعممم بعد ما انقذتك من الفار يابتاعت مصلحتك

تمارا…خبيت عليا ليه يا جاسر

جاسر…والله العظيم مكنتش عارف التفاصيل دي كلها بس مرضتش اقلقك كنتي هتفضلي طول الطريق مرعوبه وخايفه مرضتش اقلقك خوفت عليكي خلاص بقي حقك عليا

تمارا…بابتسامه ماشي هسامحك بس عشان انقذتني من الفار..

جاسر…ده علي كده انا لازم ارجع اشكره

تمارا…لا خلاص قلبك ابيض????

جاسر….ماشي يا شبح الحته????

تمارا…????????????

جاسر…????????????

………………..

انتي مين؟؟

مش عرفاني

لا مش عرفاكي

انا امك

انا معرفكيش انا مليش ام

متخافيش مني انا هساعدك تخرجني من هنا

مش عايزه منك اي مساعده احتاجتك كتير اوي طول حياتي وعمري مالقيتك

مش يمكن غصب عني

مفيش اي حد بيتغصب علي حاجه تخص ولاده

بس انتي معشايش نفس حياتي عشان تحكمي عليا بس انا بحبك انتي بنتي

عشق…استحاله يكون ليا في قلبك اي حب انتي اللي زيك ما يعرفش يحب

وانا بحبك انتي حته مني بكره لما تبقي ام تعرفي يعني ايه حب بجد

انا استحاله اكون زيك لما ابقي ام

انا مش بكرهك بس مستحيل احبك.

انا عذراكي ومش هضغط عليكي بس بردو مش هقدر اسيبك فالضلمه دي لوحدك في مكان هناك اهو شيفاه في نور بسيط امشي ورا النور ده هتوصلي وهتلاقي هناك واحد هيساعدك  ومش هيسيبك

يلا بسرعه المكان اهو الحقيه بسرعه قبل ما يقفل الباب بتاعه.

يلا انتي ساكته ليه اخرجي بسرعه ردي عليا يا عشق يا عشق ياعشق…

صرخت عشق بكل صوتها وفاقت وهي بتبص عالمكان  فاقت علي صوت ليل

عشق عشق ردي عليا عشق فوقي انا ليل عشق انا معاكي متخافيش مش هسيبك انتي في امان.

عشق….فضلت تاخد نفسها بسرعه وهي اعده وبدون مقدمات حضنت ليل بكل قوتها

عشق….ليل متنسبنيش????

ليل…????

يتبع…..