رواية ما بين الحلم والحقيقة (دار الأيتام 2) الفصل الثاني عشر 12 بقلم أميرة أسامة

يلا بسرعه المكان اهو الحقيه بسرعه قبل ما يقفل الباب بتاعه.

يلا انتي ساكته ليه اخرجي بسرعه ردي عليا يا عشق يا عشق ياعشق…

صرخت عشق بكل صوتها وفاقت وهي بتبص عالمكان  فاقت علي صوت ليل

عشق عشق ردي عليا عشق فوقي انا ليل عشق انا معاكي متخافيش مش هسيبك انتي في امان.

عشق….فضلت تاخد نفسها بسرعه وهي اعده وبدون مقدمات حضنت ليل بكل قوتها

عشق….ليل متنسبنيش????

ليل…اتصدم عشق من رد فعلها لاكن حس بخوفها وبسرعه حط ايد علي ضهرها وايده التانيه علي راسها وضمها ليه اوي..

فضلت عشق تعيط

ليل….متخافيش ياعشق مش هسيبك والله ما هسيبك..اسف ياعشق اسف اني مصدقتكيش سامحيني انا السبب فاللي حصلك

عشق…حصلي ايه

ليل…ولا حاجه انتي كويسه شويه كدمات وبس وانا مكنتش هسيب حاجه تحصلك

عشق…خليك معايا يا ليل انا خايفه

ليل…متخافيش طول ما انا جمبك واهدي خالص

فضلت عشق في حضنه زي ماهي وثواني وسكتت خالص

ليل…عشق ..عشق

حس ليل ان نفسها منتظم وكأنها صحيت عشان تطمن علي نفسها ونامت تاني وارتاحت…رجعها ليل براحه عالسرير واعد جمبها تاني عالكرسي فضل باصصلها وبيحاول يهدي ضربات قلبه العنيفه من حضنها اللي مكنش عامل حساب ليه…

…….

وصلو البنات مع جاسر ونوح عند البيت…نزلوا الشنط ونادوا علي واحد من الامن يساعدهم و يطلع معاهم..وصلو عند الشقه…فتح جاسر الباب ودخل ودخلوا وراه البنات واول ما شافو الشقه انبهرو من جمالها ومساحتها

نوح…دخلهم هنا يا سامح.

سامح…اي خدمه تاني يا نوح باشا

نوح…لا شكرا ياسامح انزل انت

سامح… بعد اذنكم

نوح…اتفضل.

قفل نوح الباب ووقف هو وجاسر جمب بعض مبتسمين و باصين عالبنات وهما بيبصوا علي منظر الشقه بأنبهار..

جاسر….عجبتكم الشقه.

تمارا…بس متقولش شقه حرام عليك????

ضحك جاسر عليها ايه عجبتك

تمارا…طبعا دي تحفه

زهره….جميله اوي ماشاء الله????

نور…فعلا تجنن وذوقها حلو اوي.

نوح…من انهرده اعتبروها شقتكم

تمارا ..بقول ايه من اولها كده بلاش قله ادب انا اللي هختار اوضه الاول

نور…ياسلام واشمعني انتي انا اللي هختار????

جاسر..قرب من تمارا براحه في ودنها حست تمارا ان جسمها كله انهار من قرب انفاسه.غمضت عينها

جاسر…بقولك ايه اخر الممر اللي هناك ده عالشمال هتلاقي الاوض اختاري بسرعه تاني واحده عاليمين دي اوضتي لما كنت ببات مع ليل كنت بنام فيها..

تمارا…????حلوه

جاسر…تجنن????

تمارا…????

جاسر…انتي لسه هتبرقي اجري بسرعه.

تمارا….معانا يارب ????????????????

ضحك عليها جاسر…مجنونه????

فالوقت نفسه قرب نوح بقولك ايه الاوضه اللي كنت بنام فيها ديما اخر الممر ده الاولي..

نور…حلوه.

نور…بقولك انا اللي مختارها اجري بسرعه

نور…جريت نور بسرعه ووقفت زهره تضحك عليهم العيال دي اتجننو شكلهم هيضربو بعض????????

جاسر.. انتي واقفه بتعملي ايه مش وقت عقل خالص روحي خديلك اوضه

زهره…ماشي

راحت وراهم زهره وصلت لاوضه ليل حاولت تفتحها متفتحتش كانت مقفوله.

نوح…دي اوضه ليل هو قافلها عشان كنا بنستخدم حاجته????????????بقولك ايه روحي اوضه ادم انتي عاقله زيه واكيد هتعجبك

زهره…طيب هو مش هيضايق

جاسر…ياستي لا خالص اصلا الشقه هنا احنا بقالنا فتره كبيره مدخلنهاش كنا بنيجي فيها وقت اجازه وقت حابين نأعد مع بعض من غير حد من اهلنا يعني ترويق دماغ مش اكتر وكل واحد فينا كان مختار اوضه ليه وملناش هنا حاجه اصلا ومن انهرده دي بقت شقتكم يعني مفيش حد فينا ليه اوضه هنا دي بقت بتاعتكم يلا بقي هجبلك شنطتك ودخليها احسن المتوحشين دول تعجبهم اوضتك وياخدوها.

زهره…لا ياخدو ايه علي جثتي????

نوح…ايوه كده البلد دي مش عايزه الطيب????????

خرجت تمارا تجيب شنطتها.

جاسر…راحه فين يا وحش الحته????

تمارا…اجيب شنطتي عشان احطها فالاوضه واثبت حاله????

جاسر…وكيل نيابه تثبتي حاله ايه بس تعالي يامصيبه فين شنطتك

تمارا…تعالي ورايا..

جاسر..مسكها من ايدها وهو رافع حواجبه ???????? لا بقولك ايه اتعدلي لا اسحب منك الاوضه

تمارا…براحه بس ياعم انا بهزر

جاسر…عم????

تمارا…بأبتسامه جميله خلاص ياجاسر حلو

جاسر..حلو اوي

تمارا…دي شنطتي

مسكها جاسر وراح بيها عالاوضه وهي وراه..

نوح…كمان خد شنطت نور ودخلهالها الاوضه.

نوح…عجبتك الاوضه

نور…جميله اوي يانوح

نور…طيب الحمد لله انها عجبتك بقولك ايه تعالي اما اوريكي حاجه

راح عالدولاب فتحه كان جواه خزنه صغيره فتحها واول ما نور شافت اللي جواها برقت????

نوح…ابتسم..فاكره اللعبه دي

نور…طبعا ده انا كنت بستناك تيجي زمان عشان تجيبها معاك

نوح…نهار اسود كنتي بتستنيني بس عشان اللعبه ايه المصلحه دي

ضحكت نور بصوت عالي???????????? مقصدش والله بس كنت بحبها

ضحك نوح علي ضحكتها ????خلاص بقي اللي في قلبك طلع????

نور…والله ابدا كنت طفله بقي وكده بس صحيح انت لسه محتفظ بيها

نوح…اكيد دي الحاجه الوحيده اللي باقيه من طفولتي كل حاجه اتكسرت

نور…واشمعني دي اللي حافظت عليها

نوح…عشان انتي كنتي بتحبيها

نور…نعم????

نوح…أرتبك نوح يعني اقصد كانت لعبتي المفضله وكنت يعني بحبها اوي

حست نور بالاحراج وحست ان هو ارتبك فا حبت تغير الكلام.

نور…عموما انسي بقي خلاص دي بقت بتاعتي

نوح…ياستي اللعبه وصاحب اللعبه وبعدين انتي خدتي اوضتي مش هتاخدي اللعبه????

ضحكت نور..علب فكره انت اللي قولتلي خدي الاوضه

نوح…بابتسامه ماشي حلال عليكي ياستي

……..

اما عند تمارا..

جاسر…عجبتك الاوضه

تمارا..اوي بجد جميله

جاسر…زي صاحبتها

تمارا…تقصد صاحبها يعني????

جاسر…لا مبقاش ليها صاحب بقت بتاعتك خلاص

تمارا…أقولك علي حاجه

جاسر…طبعا

تمارا…يمكن مش وقته بس انا حاسه اني بحلم

جاسر…اشمعني

تمارا…يعني علي اد الوحش اللي بيحصل في حياتنا الايام دي بس في حجات حلوه اوي ومواقف بسيطه بتعدي مش ببقي عيزاها تمشي

جاسر…زي ايه الحلو بلاش الوحش

تمارا…لو عالوحش يا جاسر فا ده في منه كتير ومش حابه افتكره بحاول انساه لاكن لو عالحلو يمكن تقول عليا عبيطه

جاسر…لا عادي من غير ما اقول دي حاجه انا واثق منها????

ابتسمت تمارا…يعني زي مثلا الوقت انا ونور واحنا بنجري عشان ناخد الاوضه زي موقف الفار

جاسر…هو ده اخرك في الحجات الحلوه????

تمارا…مش قولتلك هتقول عليا عبيطه…صدقني ياجاسر انا لسه لحد الوقت معادش عليا موقف يخليني طايره من الفرحه كل اللي عدي عليا هزار مع اخواتي ضحك علي نكته علي موقف بس ويمكن عشان كده بخاف الحجات البسيطه دي تروح حتي لما جينا هنا الوقت فرحت مش عارفه ليه بس بحس ان ديما حياتنا انا واخواتي محطات بنقف علي كل محطه شويه وانهرده كانت بدايه محطه جديده معرفش أذا كانت هتنتهي ونرجع تاني لشقه بابا ولا هتفضل مكمله شويه لان الاكيد مش هتفضل مكمله.

جاسر…علي اد يا تمارا ما تباني مجنونه ومهيبره وعندك ربع بس اللي سليم????

تمارا…????????????انا

جاسر.. ايوه متستغربيش????..بس علي اد ده كله بحس ان عندك جزء فيه عقل وجزء في وجع

تمارا…ابتسمت بوجع…عادي بقي الايام هي اللي بتجزئنا زي ماهي عايزه ياجاسر..

جاسر…صح عندك حق

تمارا…حاولت تغير الموضوع بقولك ايه انا الوقت مبسوطه بلاش تنكد عليا.

جاسر…انا????

تمارا…????????ايوه تعالي نشوفهم بيعملوا ايه

جاسر..يلا يا مجنونه

تمارا…بتعملي ايه يازهره

زهره…ابدا ببص من الشباك تعالي شوفي المنظر

تمارا..لا شكرا ????

زهره…اسفه نسيت انك خوافه????????

جاسر …دي عندها فوبيا من كل حاجه

تمارا…بتقول فيها????????

نوح ..بتعملوا ايه

جاسر… ولا حاجه ايه مش يلا احنا بقي عشان نسيبهم يرتاحو شويه وانا اروح انام حبه لاني مش قادر

نوح…طيب تمام يلا

نور…نوح احنا لازم نروح لعشق وبابا

نوح…ارتاحو شويه واخر النهار هعدي عليكم ونروح سوا

جاسر…وانا ان شاء الله مش هطول انام بس حتي ساعتين وهجيلكم او اروح عالمستشفي واقابلكم هناك

نوح ..عموما هبقي معاكم علي اتصال انا هخلص شغل علي خمسه كده الساعه الوقت 10ونص نامو شويه والي يصحي يعرفني

نور…تمام

تمارا…هو بس ممكن طلب رخم

جاسر…اطلبي يارخمه

تمارا..???? يعني لو تعرفنا هنا مكان اي حاجه ممكن نحتاج نروحها سوبر ماركت صيدليه يعني الحجات دي

جاسر…لا يا قمر انتو مش هتنزلوا اصلا من هنا غير واحنا معاكم???? واي حاجه هتحتاجوها احنا هنجيبها

تمارا..لا يا جاسر معلش مش هينفع ولو أمكن يعني حتي جبلنا اي رقم ليهم

جاسر…ان شاء الله المهم خلينا فالوقت تمام

تمارا…اوك

جاسر…يلا امسكي المفتاح ده واول ما ننزل تقفلوا علي نفسكم مفيش اي حد هيطلعلكم. هنا انتوا في امان وطبعا تليفوناتنا معاكم اي وقت تحتاجو اي حاجه تكلمونا اوك.

تمارا.. اوك

نوح…يلا خلو بالكم من نفسكم سلام

نور…سلام

زهره…سلام.

جاسر…تمارا متنسوش تجيبو غيار لعشق صحيح

تمارا…تمام متقلقش

جاسر…يلا باي

تمارا…باي????

قفلو البنات علي نفسهم وبصوا لبعض وكل واحده فيهم جواها كلام كتير والابتسامه مش مفارقه وشهم لاكن اكتفوا بالصمت وكل واحده فيهم راحت علي اوضتها اترمت عالسرير وراحو في دنيا تانيه من كتر التعب.

…………….

عدي الوقت علي كل واحد فيهم أدم مسحول فالشغل وراح نوح ليه عشان يساعده وينجز معاه

جاسر روح الڤيلا بتاعته نام

البنات نايمين

اما عند ليل رجع نام تاني وهو ماسك ايد عشق لاكن صحي علي خبط الباب..قام وقف بسرعه ظبط الطرحه لعشق اللي كانت في دنيا تانيه.

ليل…ادخل.

دخل الدكتور..صباح الخير

ليل…صباح النور اتفضل يا دكتور

الدكتور…ايه اخبارها

ليل…زي ما هي فاقت من ساعتين تلاته تقريبا ورجعت نامت تاني

الدكتور…طيب كانت صاحيه كويسه

ليل…لا مش اوي فاقت صرخت وفضلت تعيط شويه ورجعت نامت

الدكتور ..غريبه انها فاقت دي واخده منوم قوي بس كويس انا كنت قلقان تدخل في انهيار عصبي

ليل…يعني هتبقي كويسه

الدكتور…إلي حد كبير ان شاء الله انا بس عايز اقيس الضغط واطمن عليها

ليل…وقف بعيد عن السرير أتفضل

قاس الدكتور ضغطها وبص علي الجروح.

الدكتور…الحمد لله هي افضل كتير الضغط واطي بس مش اوي.

ليل…يعني طيب تقدر تروح امته

الدكتور…والله هي تشخيص الحاله لحد الوقت مش فيه اي حاجه تقلق هي كويسه يعني تقدر تروح بس انا أفضل انها تفوق واشوفها واطمن عليها وبعد كده تقدر تاخدها وزي ما قولتلك حالتها النفسيه اهم كتير من الجروح والكدمات .

ليل…ان شاء الله يادكتور

الدكتور…وقت ما تفوق بلغ الممرضه تبلغني وانا هاجي اشوفها ولو تمام هكتبلك بس الروشته بتاعت العلاج وهكتبلها علي خروج.

ليل…تمام شكرا اوي يا دكتور

الدكتور…العفو بعد أذنك.

خرج الدكتور.ورجع ليل اعد جمبها عالكرسي وسند راسه من تاني ونام كان حاسس بأرهاق فظيع ومش لاحق ينام… عدي حوالي نص ساعه

ابتدت عشق تتحرك في سريرها بألم مش مش حاسه بأي حاجه ولا فاكره اي حاجه مش مركزه خالص مستغربه الاوضه اللي هي فيها مش عارفه تفتح عينها من شدت الصداع والنور العالي حطت ايد علي عينها وبأيدها اللي فيها شرخ..سندت عالسرير عشان تعدل نفسها شويه لاكن اول ما داست عليها.أتألمت بصوت مسموع

عشق….اااااه

فتح ليل عينه بسرعه…عشق انتي كويسه

بصاله عشق بصدمه….ليل انت بتعمل ايه هنا وابتدت تتلفت بسرعه حواليها انا فين.حبت تسند تاني وتقوم لاكن صرخت من ايدها مسكها ليل بسرعه يساعده‍ا براحه ياعشق انتي ايدك مكسوره

عشق…فين اخواتي وابتدت تفتكر شويه بشويه..انا ابه اللي جابني هنا انت دخلت عليا الشقه انت انقذتني صح…انا مش فاكره اي حاجه غير ان شوفتك وبعد كده مش فاكره حاجه خالص

ليل..ممكن تهدي شويه انتي كويسه جدا جدا جدا ومفيش اي حاجه فيكي غير شويه كدمات وجروح بسيطه والشرخ اللي في ايدك ده.

عشق…طيب فين زهره ونور.

ليل…كلهم مشيوا انا قولتلهم يروحوا شويه يرتاحو وعلي فكره تمارا جت هي وجاسر من السفر قلقت لما فضلت تكلمك مردتيش انتي وزهره ونور وصممت تيجي

والدكتور قال انك واخده منوم قوي ومش هتصحي الوقت خالص عشان كده قولتلهم يروحوا ويرجعولك تاني.

عشق..طيب هو انت لسه جاي

ليل…بأستغراب عشق هو انتي صحيتي من شويه صح

عشق…انا لا

أتأكد ليل ان لما صحيت مكانتش حاسه وانها كانت لسه تحت تأثير الصدمه.

ليل…تمام..عموما انا معاكي من امبارح ممشيتش

عشق…من امبارح

ليل…ايوه ولو أعدتي اكتر من كده كمان هفضل معاكي

عشق…بصتله وسكتت لاكن بتسأله بعينها عن السبب

ليل…وده عشان احاول أكفر عن ذنبي ليكي

عشق…ذنب ؟؟ذنب ايه؟؟

ليل…ذنب اني مصدقتكيش ياعشق

أبتسمت عشق بهدوء…وانا مش زعلانه يا ليل يمكن كان عندي امل انك تصدقني عشان تقدر تمنع اي حاجه معايا ومبقاش لوحدي لاكن كش معني انك مصدقتنيش اني ازعل او اشيلك ذنبي يمكن اي حد في مكانك ده يبقي نفس تصرفه

ليل…بس انتي قولتيلي يا عشق ان زهره ونور كانو معاكي

عشق…وانا اكتشفت علي اد الحلم ما بيتحقق لاكن بيتغير علي اخر لحظه ديما….حادثه تمارا في اخر لحظه سبتها تحصل

حادثه بابا قولتلكك اللي هيحصل وبرده الحادثه حصلت

بابا مماتش لاكن دخل في غيبوبه طويله محدش عارف امته هيخرج منها…

وانا اللي حصل فيا ده كان المفروض ان زهره ونور معايا لاكن كنت لوحدي تمارا فضلت مسافره معرفتش غير لما جت لاكن هي عرفت ورجعت…

وفي نفس اليوم الحادثه روحنا شقه الزمالك لاكن الوقت مفيش شقه فالزمالك..

عشق…كل حاجه بتحصل مع تغيير بسيط

ليل….فضل باصصلها شويه

ليل…لا يا عشق بس في حجات مش بتتغير…زي ولادت مهره وزي وزي شقه الزمالك

بصتله عشق بصدمه وفضلت ساكته????????????

ليل…ايوه ياعشق كدبت عليكي شقه الزمالك موجوده بس غصب عني اي حد مكاني كان لازم يشك وانا كان لازم انكر ان عندي شقه عشان اشوف رد فعلك.

عشق…ليل ارجوك خد كل احتياطاتك مني مش هزعل راقبني 24ساعه بطرق غير مباشره مش هزعل متصدقنيش بردو مش هزعل لاكن خليك معايا ارجوك خلينا نقدر نوقف اي حاجه وحشه انا مش طالبه منك اي حاجه انا طالبه منك توقف معايا كارثه ممكن تحصل لاي حد قريب مننا.

ليل….هفضل معاكي ياعشق وهنوقف كل حاجه مع بعض ومش عشان اساعدك وبس أبتسم ليل ده عشان جوايا حاجه حابه انها تصدقك.

أبتسمت عشق وعيونها بتلمع بالدموع..

عشق…ممكن طلب

ليل…طبعا

عشق…انا عايزه اروح اخواتي وحشوني اوي وكمان انا مش عايزه افضل هنا مش بحب اعد فالمستشفي عشق وبعدين طول مانا لوحدي كده هبقي خايفه.

ليل…اولا ياستي انتي كمان وحشتي اخواتك وهيتجننو عليكي ثانيا انتي مش لوحدك انا معاكي وقولتلك هفضل معاكي لحد ما تخرجي ثالثا وده الاهم اكيد مفيش حد بيحب ياعد فالمستشفيات وانا معاكي اعدتها تخنق بس كمان لازم الدكتور يشوفك وهو اللي يقرر اذا كنتي ينفع تخرجي ولا لا

عشق…ليل انت عندك شغلك وانا مش عايزه اعطلك كفايه اعدتك من امبارح جمبي.

ليل…ياستي انا مش مضايق وحابب اعمل اي حاجه اعتذرلك بيها

عشق…انت مش مضطر تعتزر يا ليل انت صح وعندك حق في كل حاجه وانا يوم ما حكيتلك قولتلك اني فضلت ئأجل المقابله دي كتير عشان عارفه انك مش بتثق في اي حد بسهوله وكنت عارفه انك مش هتصدق.

ليل…واديني صدقت يا ستي..

أبتسمت عشق بفرحه وسكتت وفضلت بصاله وفضل ليل باصصلها ومره واحده في نفس واحد سألو بعض نفس السؤال ممكن بقي أسألك السؤال اللي هيجنني من ساعت اللي حصل امبارح..

عشق..????

ليل…????

ضحك ليل .أسألي

عشق..أسال انت الاول

ليل…ماشي..مع أني خلاص واثق ان سؤالك هيبقي نفس سؤالي…بصي انا وصلتك امبارح وبعدها بعشر دقايق حصل اللي حصل بس ازاي انا معرفش

عشق..ابتسمت..علي فكره انا كنت هسألك عرفت ازاي هجاوبك وانت قولي .

ليل…حاضر ياستي

عشق…بعد ما طلعت الشقه كلها كانت ضلمه اوي فتحت النور واعدت شويه علي كرسي قلعت الكوتشي ودخلت عشان أغير هدومي بعد ما دخلت سمعت صوت بسيط بره فكرت نور وزهره رجعوا ناديت عليهم محدش رد…خرجت براحه بصيت فالصاله لقيت كل حاجه زي ماهي.وسمعت حاجه بتتكسر وقتها بس افتكرت الحلم بس محطتش اوي في بالي لان الحلم كان في نور وزهره..روحت عادي عالمطبخ لقيت فالطرقه اللي بين الحمام والمطبخ كوبايه واقعه مكسوره خوفت بس كملت ودخلت المطبخ  وفجأه لقيت التلاته دول جوه المطبخ نزلت دموع عشق بغزاره  وقتها مش قادره اوصف الاحساس الانا حسيته خوف رعب لحظه موت مكنش في حاجه وقتها في بالي غير مشهد الحلم وميت سؤال بسأله اهمهم هيحصل فيا ايه؟!???? جريت عالباب واحد فيهم سبقني ووقف عالباب جيت اجري عالاوضه عشان ادخل واقفل علي نفسي التاني وقف لقيت نفسي بجري عالصالون عشان استنجد باي حد من الشباك واحد فيهم مسكني من شعري جامد والتاني قفل الشباك وقتها مسكوني التلاته وواحد فيهم كتم نفسي عشان مصرخش…وللاسف حسيت اني لنهار وبستسلم خلاص مفيش اي حاجه ممكن تلحقني حتي المقاومه معاهم مكنتش ادها..الدنيا اسودت في وشي دعيت ربنا دعوتين من جوايا…قولتله يارب لو كاتبلي اني اكمل حافظ عليا واحميني منهم انا بين ايديك الوقت ومفيش غيرك عارف اللي بيحصلي…ولو هيحصل حاجه فيا يبقي اموت بعدها علب طول لاني مش هبقي حمل اني اتفضح ولا انا حمل عذاب جهنم لو انتحرت….وفجأه لقيتك ادامي ????????بس

ليل…مسح دموعها…وقت ماجريتي عالشباك كنت فالشقه اللي ادامك علي طول وشوفتك وانتي بتجري والاتنين دول وراكي..الشقه دي كنت مأجرها للجارد بتوعي عشان تفضلوا تحت عينهم منها يحميكي انتي والبنات لو كنتي صادقه ويراقبوكم لو كنتي مش صادقه…والحمد لله اني عملت كده…ونزلت بسرعه انا وهما وجتلك..وربنا قبل دعوتك الاولي ياعشق أنك تكملي…بس انتي هتكملي وانا معاكي

اتنفست عشق براحه محستهاش من فتره طويله.

بعد وقت بسيط دخل الدكتور يطمن عليها..وبعد ما اطمن علي عشق كتبلها علي خروج.

خرج الدكتور وسابهم

عشق…يلا بقي نمشي

ليل…طب نستني ياعشق حتي البنات يجيبولك غيار

عشق…مش لازم انا لابسه إسدال مش مهم المهم اني امشي

ليل…طيب ياستي يلا بس أستني لفي الطرحه دي عدل شعرك باين

حاولت عشق ترفع الطرحه معرفتش تظبطها قرب منها ليل براحه ممكن أساعدك.

سكتت عشق شويه وهزتله راسها بأحراج

قرب ليل اكتر حاول يظبطلها الطرحه علي اد ما قدر ولأطراف صوابعه بهدوء دخل الشعر اللي طالع منها بين خدها والطرحه

حست عشق انها بتنهار ضربات قلبها زادت ووشها احمر جدا ..حس ليل بسخونه بشرتها علي ايده أبتسم

ليل…يلا بينا

عشق…يلا

ليل…هتقدري تنزلي ولا

عشق..ولا ايه????

ليل…????يعني اجيبلك كرسي او حاجه تساعدك لحد تحت

عشق ..لا لا انا كويسه يلا بينا

ليل…يلا????

عشق..????

يتبع…..