Uncategorized
رواية بحر الزين الفصل الثالث والعشرون 23 بقلم أمنية الجزار
رواية بحر الزين الفصل الثالث والعشرون 23 بقلم أمنية الجزار
 |
| رواية بحر الزين الفصل الثالث والعشرون 23 بقلم أمنية الجزار |
رواية بحر الزين الفصل الثالث والعشرون 23 بقلم أمنية الجزار
زين جري علي الدكتور طمني بابا عامل ايه
الدكتور بهدوء
الحمد لله عدي مرحله الخطر وهيتنقل اوضه عاديه
والده زين
ينفع اشوفه
الدكتور
اول ما يتنقل تقدروا
زين
طب هيخرج امتي
الدكتور
يومين كده عن اذنكوا
جاسر
الحمد لله أن عمي بقي كويس
بعد شويه كان والد زين اتنقل اوضه عاديه الكل دخله
زين
حمد الله على سلامتك ي بابا
والده
الله يسلمك ي حبيبي
والده زين بتعيط
الاب
بتعيطي ليه بس انا الحمد لله كويس
جاسر بمرح
دي بتعيط من امبارح ي حج مش عارف جايبه دموع منين
والده زين
كده ي جاسر ماشي بس اعمل ايه كنت خايفه عليه
جاسر راح حضنها
مش قصدي ي ست الكل بس خلاص فاق الحمد لله يبقي
بلاش دموع بقي
والده جاسر
حمدالله على سلامتك ي حج
رد بارهاق
الله يسلمك معلش تعبناكوا
جاسر
متقولش كده ي عمي
قعدوا شويه وخرجوا علشان يرتاح
جاسر
زين سرحان في ايه
زين بحزن
هيكون في ايه ي جاسر
جاسر
في بحر مش كده
زين هز رأسه وسكت
جاسر
طب مش انت هتيجي معانا اخر الاسبوع علشان وليد
هيتقدم لسمر ابقي شوفها واتكلم معاها
زين
مش هاجي مقدرش اسيب والدي تعبان واجي واهو افضل هنا اريح اعصابي شويه وعلشان مفضلش
اضغط عليها وهي مش عايزاني خلاص هسيبها براحتها
جاسر
تمم معاك حق مينفعش تسيب عمي وهو تعبان
وكمل باستغراب وبعدين ايه هتسيبها ده مش قلت هتفضل وراها لحد ما توافق
زين بقله حيله
اعمل ايه ي جاسر كل ما اكلمها ترفض حتي لما بعتلها
الورد عمر قال فيه أمل وبعدها رحت اكلمها تاني سكتت
وبعدها انا جيت علي هنا
جاسر حط أيده علي كتف زين
ربنا يريح قلبك ي صاحبي
عند بحر
خلاص بيخلصوا الإجراءات علشان والدها يخرج من
المستشفى
وليد
عمر انا كده اطمنت علي عمي وعليك انا هخلع
بقي واه انا بقول بلاش شغل انهارده ونبدأ من بكره لأن مافيش غيري انا وانت علي ما جاسر وزين يجوا
عمر
تسلم ي عمر علي وقفتك معانا والشغل فعلا انا مش قادر انهارده ف تمم نخليها بكره
وبمناسبة زين انا كلمته امبارح وطمني
وليد
انا كلمت جاسر من شويه وقال إنه عدي مرحله الخطر وانتقل اوضه عاديه وهيخرج كمان يومين
عمر
الحمد لله ربنا يشفيه
وليد
بس انا قلقان علي زين
عمر بقلق
ليه ماله
وليد بتنهيده
بحر ي عمر زين حزين اوي لأنها رفضته والي محيرني
اني شايفها حزينه من ساعه ماعرفت أنه مشي والي أكد اكتر انهيارها في المكتب كمل بحيره
طب ليه رفضته
عمر
كله هيتحل ي وليد متقلقش بس زين يرجع بس
بحر والبنات قدام الاوضه منتظرين والدها علي ما يخرج
بحر ملامحها حزينه دموعها نازله سرحانه
البنات بصلها بحزن وشفقه
ريم
بحر بتعيطي ليه بس
سمر
حبيبتي عمي بقي كويس
رحمه
بحر فوقي سرحانه في ايه
سمر
في زين مش كده
بحر عيطت اكتر سمر حضنتها
اهدي هيرجع تاني وابقي كلميه
ريم
اه اول ما يرجع كلميه
بحر بضعف
ولو رفض يسمعني
رحمه بمرح علشان تخفف عنها
ي اختي نخلي عمر يحبسه في المكتب واتكلمي معاه
ريم
اه عمر وجاسر يحبسوه
سمر
ووليد والله اخليه يجبهولك مخصوص
بحر مسحت دموعها وابتسمت
ريم بخبث
الاه ي سمر وليد شكلنا كده هنفرح قريب
رحمه
اه يلا يبقي كلنا مرتبطين
سمر كانت بصه لوليد وسكته
خرج والد بحر من المستشفى وريحين البيت
بحر
يلا ي رحمه سلام ي جماعه
الاب
ليه ي بنتي مش قولتي هتيجي معانا وكمل بحزن
انتي لسه زعلانه مني
بحر بسرعه
ابدا والله ما زعلانه بس هروح اجيب حاجتي
من عند رحمه واجي
عمر
خلاص انا هبقي اجي اخدك
بحر
تمم يلا سلام
بحر ورحمه مشيوا ووليد كمان
وعمر اخد عيلته وروحوا
عند رحمه وبحر
رحمه
بحر انتي سمحتي باباكي ومامتك بجد
بحر قعدت علي السرير واتنهدت
اه سمحتهم تعرفي عمري مكرهتهم
سمحتهم بس منستش الي عملوه فيا بس
هتناسي لأنهم اهلي
رحمه بتردد
طب هتعملي ايه مع زين
بحر غمضت عيونها بحزن
مقدميش غير اني استناه يجي واقوله اني
بحبه
وهو اكيد هيجي مع وليد اخر الاسبوع هو وجاسر
لان مالهومش الا بعض
رحمه
أن شاء الله ي حبيبتي
بحر لمت حاجاتها وخرجت تسلم علي والده رحمه وتستني
عمر
عمر وصل عيلته البيت وطلع مع عمه ونزل
جده
رايح تجيب بحر
عمر
اه ي جدي
سابه وخرج وراح علي بحر
بحر ورحمه ووالدتها في الصالون بيتكلموا
الباب خبط رحمه راحت تفتح
لقته عمر
اتفضل ي عمر
عمر بهيام
عيوني ي قمر
رحمه بكسوف وحده
متتلم يلا فيه ايه
عمر بصدمه
نهار اسود انتي مين فين رحمه الرقيقه
رحمه
مش موجوده ي عسل فيه حاجه
عمر وهو داخل
احم ولا حاجه ي شبح
دخل سلم علي والده رحمه
اذيك ي ست الكل
والده رحمه بحب
الله يسلمك ي حبيبي
عمر
يلا ي بحر
بحر قامت
اه يلا انا جاهزه اصلا
والده رحمه بحزن
هتسيبينا ي بحر
بحر حضنتها
نبقي اجيلك علي طول والله
سلمت علي رحمه وهما خارجين عمر وقفها
استني وبص لرحمه
انهارده طبعاً مافيش شغل بس بكره فيه هننزل عادي
تمم وسبق بحر
كان بيتكلم بجدين هي مش متعوده عليها
بحر
ماله ده
رحمه
شكله زعل مني
بحر
عملتي ايه
رحمه احم اصل
بحر قاطعتها طلعتي جعفر الي جواكي
رحمه هزت راسها اه
بحر
ربنا يستر والواد ميطفش
رحمه بفزع
ايه لا
عمر ظهر من وري الباب
متقلقيش ي قلبي مش هسيبك ونزل هو وبحر
بعد وقت وصلوا البيت
الجد
بحري اخيرا جيتي
بحر حضنت جدها
وحشني ي حبيبي
امها جت من وراها بحر
بحر لفت لقتها مامتها ابتسمت ورحتلها نعم ي ماما
فتحت ايديها وحشتيني ي بحر
بحر حضنتها انتي اكتر
طلعت شقتهم سلمت علي باباها ونامت
عند زين
زين
جاسر لازم تمشي بقي علشان المطعم ووليد لوحده
جاسر
زينو مش هسيبك الا ما عمي يخرج ابقي امشي
ولو علي الشغل وليد مش هيغلب وكمل بمرح اهو
يساعدنا شويه امال شعاكر بس يروح يشتغل جرسون علشان خاطر حبيبه القلب
زين ضحك
لو سمعك هيزعلك وبعدين انت تحس ان اخوات عمر
سحرولنا كل واحد حبة واحده حتي وليد البنت الي كان بيحكي عنها طلعت أخته
جاسر. ضحك
والله عندك حق بس اهو نبقي احنا اخوات متجوزين اخوات
تاني يوم
عمر ووليد والبنات في الشغل
عمر لوليد
انت الي هتابع الشغل
وليد اه علي ما جاسر يجي
عمر طب وشغلك انت يبني
وليد
متقلقش انا مظبط نفسي بخلص الي اقدر عليه علي اللاب توب او بالفون
عمر تمم انا ماشي لو احتجتني قول
وليد وقفه
عمر انت الي تشوف طلبات الشباب تمم
عمر ضحك
متقلقش ي بني اصلا فيه شابين جم وهيبدؤا من انهارده
وليد
تمم كده
عمر مشي شاف رحمه
رحمتي ي رحمتي
رحمه بتخفي ابتسامتها
ي عمر لو سمحت ايه رحمتي دي
عمر بهيام
الاه مانتي رحمتي
رحمه سبته ومشيت وهي مكسوفه
عدي يومين
والد زين خرج من المستشفى
بحر علاقتها بأهلها اتحسنت كتير
وليد هو الي متابع الشغل علي ما جاسر وزين ييجوا
جاسر بيجهز هدومه علشان هيمشي
زين
خلاص ماشي
جاسر
اه خلاص عمي خرج خلاص وكمان علشان بكره
وليد هيتقدم لسمر وعلشان كمان اتابع انا المطعم علي ماتيجي
زين تمم بارك لوليد بالنيابه عني علي ما ابقي انزل
جاسر بتساؤل
وانت هتنزل امتي كده
زين
هاجي قبل كتب الكتاب بتاع عمر وبتاعك بيوم
جاسر
تمم ي زين انت حر
زين
كده احسن ي جاسر خليني بعيد شويه
جاسر خلص وخد والدته وسافروا
بليل
جاسر كان وصل بيته عرف وليد ونام من تعب الطريق
عند بحر
قاعده علي السطح بتبص علي الخاتم الي زين جابهولها
وسرحانه
هتفضلي كده كتير
بصت لقته عمر ومعاه ريم وسمر
بحر
كده ازاي مانا كويسه اهو
سمر
لا مش كويسه ي بحر متكدبيش علينا
ريم
وحشك صح
بحر عيطت اكنها معيطتش من زمان
ريم وسمر حضنوها
اهدي متعمليش كده
عمر قعد قدامها
بحر بصيلي
بحر بصتله
عمر
اسمعي هو بيحبك وهيرجع مسيره هيرجع
انتي ناسيه أن شغله هنا
بحر بدموع
بس وحشني ي عمر
عمر
والله هيرجع ي حبيبتي بطلي عياط بقي
سمر بمرح
بت انتي تبطلي عياط احنا ورانا ماسكات وحاجات
تتعمل علشان الي جاي بكره ده
بحر ابتسمت
عمر بمرح
والله لو عملتوا ايه هي نفس الخلقه الي تسد النفس
ريم
طب اتلم بدل ما نقول لرحمه تلمك
عمر بتراجع
لا دانتوا قمرات من غير حاجة اصلا
بحر ضحكت
لا شكل رحمه مسيطره من دلوقتي
ضحكوا وقعدوا شويه يفرفشوا بحر وبعدين نزلوا
تاني يوم
البنات راحوا الشغل
جاسرشفهم راحلهم
جاسر باستغراب انتوا بتعملوا ايه هنا
بحر
جايين الشغل ي جاسر
جاسر
مش المفروض تبقوا في البيت بتجهزوا وكده
ريم
وليد لسه هيجي علي 8 بليل وحنا هنمشي علي الضهر كده
جاسر
تمم عمر فين
انا اهو حمد الله على سلامتك
جاسر لفله اهلا والله وحشني
عمر زين عامل ايه مجاش معاك
بحر ركزت في الكلام
جاسر بحزن
زين كويس بس مجاش هو هيجي بس مش دلوقتي
بحر مشيت بسرعه والبنات وراها
عمر
يعني مش هيجي معاكوا انهارده
جاسر بنفي لأ مش هيجي للاسف
كل واحد راح علي شغله ووليد مرحش المطعم راح
الشركه يخلص شغل علي ماييجي يروح عند ريم
بحر بتشتغل وهي سرحانه
رحمه
بحر ركزي فيه ايه
بحر
مش هيجي ي رحمه انتي سمعتي جاسر قال ايه
رحمه
ايوه سمعت وبردوا أنه قال هيجي بس مش دلوقتي
بحر
يرب ي جي بقي
رحمه راحت تكمل شغل وبحر كمان
بعد شويه عمر نده علي رحمه
نعم ي عمر
عمر
اتفضلي
رحمه بفرحه
الله ده حلوه اوي
عمر بفرحه لفرحتها
يعني الخاتم عجبك
رحمه
اوي اوي شكرا ي عمر
عمر
العفو ي قلب عمر
رحمه
اظبط يلا مالك
عمر
ي ختاااااي انتي بتتحولي امتي
رحمه ضحكت وسبته ومشيت
البنات فعلا علي بعد الضهر روحوا علشان يجهزوا
وكعاده البيوت المصريه لازم التنضيف
بحر لأمها
انا عايز اعرف انتوا قلبين البيت ليه هما هيقعدوا في.
الصالون بس
امها
بس ي بت النضافه حلوه
ابو بحر بضحك
سيبك منهم ي بحر وروحي ساعدي اختك يلا
بحر
حاضر ي بابا
اليوم عده بسرعه
رحمه جتلهم
وليد وجاسر وولدته في الصالون مع أهل عمر ووالد بحر وجدهم
وليد
جدي انا يشرفني اطلب ايد الانسه سمر
الجد بهدوء
وانا موافق بس نشوف رأي العروسه الاول قوم ي عمر هات اختك
عمر وهو خارج
هو انا تخصص مجايب عرايس مره ريم ومره سمر
عمر راح جابها وسابوهم لوحدهم
سمر بتفرك في أيدها من التوتر
وليد
ايدك شويه وتجيب دم ارحميها
سمر سابت أيدها
وليد
كده افضل حبه تعرفي ايه عني
سمر بصتله
ليه انا مع أن اول مره شوفتك يعني
وليد حط أيده علي خده
اه عارف كانت عامله ازاي
سمر ابتسمت وهو اتكلم
انتي سألتي اشمعني انتي هقولك
من فتره حوالي سنه واو اكتر شويه كنت شفت بنت صدفه بس جميله اوي خطفتني من اول ما شفتها
بقيت اروح نفس المكان الي شفتها فيه وتقريبا كده كانت خارجه من درس المهم بقيت اروح نفس المكان في نفس المعاد لحد ما عرفت انها ثانويه عامه وبعد النتيجه معنتش بشوفها استنيت علي ما الدراسه بدأت علشان الجامعه وكده وبقيت اروح نفس المكان بردوا يمكن تعدي صدفه وعدت وشفتها مره في مره قلت لازم اكلمها تعرف اني علي الكوكب معاها رحت وبصراحه أيدها سلمت علي وشي مرتين وانا دلوقتي قاعد قدامها اهو نفسي تقبل بيا
سمر قاعده مصدومه فرحانه مشاعر متلغبطه
خرجت من سرحانها علي صوته
ها عرفتي ليه انتي
سمر استجمعت نفسها احم طب انت بتصلي حافظ القرآن
وليد
الحمد لله بصلي وحافظ القرأن
سمر كلمني عن نفسك
طب انا ي ستي خريج هندسه وعندي شركه وارثها من والدي الله يرحمه ماليش حد غير خالتي وجاسر ابنها وزين بس
سمر
تمم تحب تسأل عن حاجه
وليد
كلميني عن نفسك
سمر
تمم اسمي سمر أحمد كليه اداب قسم لغه عربيه
ماليش غير اخواتي عمر وريم وبحر ورحمه بعتبرها
اختي بردوا
بصلي الحمد لله
وليد
تمم بصي انا هقولك حاجه
سمر
قول
وليد
لو وافقتي وهتوافقي أن شاء الله هنكتب الكتاب مع عمر
وجاسر يعني اخر الشهر وسابها وخرج
الجد
ها ي وليد
وليد بابتسامه
كل خير ي جدي بس لو سمحت لو حصل نصيب انا عايز اكتب الكتاب مع جاسر وعمر
الجد
وانا موافق ي بني
وليد اخد جاسر ووالدته ومشي وصلهم وراح بيته
رحمه عمر راح وصلها ورجع كانت البنات عندهم في الشقه
عمر
متجمعين كده ليه استر يا رب
ريم
ليه ي عمور داحنا غلابه
عمر
امال مانا عارف وبص لسمر
ها ي حبيبتي قررتي ايه
سمر
عمر ده لسه ماشي انا لسه هصلي استخاره الاول
بحر
ي بنتي هو قصده في العموم مرتاحه
عمر
بالظبط انا قصدي كده
سمر
اه مرتاحه بس بردوا هصلي
عمر
ده الله يكون في عونه والله انا لو منه بعد القلمين
الي اخدتهم معبركيش تاني
سمر بغيظ
غور ي عمر من وشي
عمر
يبت احترميني انا الكبير
بحر
كبير ايه ي عم روح العب اجري
عمر
قد ايه انتوا عايزين الضرب
ريم
والله اقوم عليك رحمه
عمر
قد ايه انتوا قمرات
كلهم ضحكوا عليه وبحر نزلت شقتهم
يتبع…
لقراءة الفصل الرابع والعشرون : اضغط هنا
لقراءة جميع فصول الرواية : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير