اسكريبت أحببت زوج أختي 2 الفصل الثاني 2 بقلم أمنية أيمن

اياد: هو اي دا ال زعلانة عليه 

ريماس وحور متوترين 

ريماس بتوتر: دا دا ااه دى السشوار بتاع حور باظ وهى قاهرة نفسها عليه

اياد انفجر من الضحك

اياد بضحك: بخربيتك يا حور كل دا على السشوار يا ستى متزعليش اجبلك مية واحد مش واحد بس دا انا عنيا لحور هو عندى اغلى منها 

ريماس: سيدى يا سيدى انا كنت بقا هبدا اغير منك يا ست حور 

اياد حط ايدة على كتفها: دا انتى الحتة الجوانية يا بت وغمزلها 

ريماس بكسوف: بطل بقا عمايلك دى 

اياد: يلا عشان نفطر 

حور: ماليش نفس 

اياد: يلا يا بت احسن اضربك 

حور نزلت مجبرة 

…………………….

فى المستشفى عند زين 

دخل زين بكل قوة وثابت لانه هو مدير المستشفى وكل البنات هتموت عليه بس هو اختار جويرية حب عمره 

زين دخل مكتبه لاقه صديق عمره وشريكه فى المستشفى شهاب

شهاب بضحك: اي يا دكترة فينك اتاخرت اوى 

زين بثبات: انا اتاخر براحتى

شهاب: طبعا يا معلم بس قولى مالك 

زين: كنت متخانق مع جويرية 

شهاب: ليه اي ال حصل 

زين مش عارف يقوله اي موضوع مدايقه بس مينفعش يطلع اسرار بيته برة ونظرا ان الموضوع حساس ومش متحمل دخول اي حد فى الموضوع 

زين: كبر يا ابنى خلينا فى الشغل

شهاب: لا انا عاوز اطمن عليك 

زين: شهاب خلصنا 

شهاب اتنهد: طيب بس لو حبيت تتكلم اعرف ان جنبك 

زين: واثق يا شهاب المهم خلينا فى الشغل 

…………….

فى فيلة اسر وجوليا 

جوليا بدلع: يا اسر بطل شقاوة مش هتكبر بقا 

اسر: اكبر اي وانا معايا الجمال دا 

جوليا نامت على صدره: يانى منك من كلامك ال بيدوبنى دا ويخلينى طايرة كده ومش حاسة بالدنيا 

اسر: بحبك يا جوجو بحبك اوى 

جوليا: وانا كمان بموت فيك 

اسر: بعدك عنى كان دمار حقيقى انا اسف 

جوليا: حبيبى متتاسفش ال فات مات مش هنفصل نفكر فيه وبعدين انا سامحتك ونسيت وانت يا حبيبى معيشنى فى سعادة

اسر: كنتى غبى لما اسيب الجمال دا كله واخونه وابعد عنه 

جوليا: ال حصل حصل مش هتفضل نفكر فيه 

اسر: يالا عشان نفطر واصحى ريماس والواد معاذ يفطروا معانا 

جوليا بتوتر: ما هو اصل 

اسر: فى اي 

جوليا بخوف: ريماس راحت عند قاسم عشان تفطر معاهم 

اسر بغصب: اي هو مش انا قولت ميت مرة بنتك تبطل مرواح على بطال مفيش فايدة كلمتى مبتتسمعش ليه هاااا 

جوليا: طب اهدى يا حبيبى هى بس راحت تطمن على حور لانها كانت بتعيط 

اسر: المفروض اصدق صح يعنى مرحتش عشان تشوف اياد

جوليا: حبيبى وفيها اي مش جوزها 

اسر: ااه جوزها بس انا مضمنش يعمل فيها حاجة كده ولا كده 

جوليا: اسر يا حبيبى اياد احنا ال مربينه ومستحيل يعمل كده 

اسر: برده معتدتش تروح هناك تانى عمال على بطال انا ليا كلام تانى معاها لما ترجع 

جوليا: عشان خاطرى انا براحة عليها 

اسر: حاضر قومى صحى معاذ عشان نفطر على ما الست هانم تيجى

زق الغطا وقام وهو متعصب 

على السفرة قاعدين بياكلوه ومعاذ نازل بيصفر 

معاذ: صباح الاناناس على اجمل ناس 

جوليا بضحك: صباح الفل يا قلب ماما 

معاذ: صباح الود واللوز يا لوزة انتى يا مفيش فى طعمتك وبعتلها بوسة على الهوا 

اسر: اتلم يا حيوان انت انا قاعد 

معاذ: عاملت اي يا حج بس 

اسر: الواد دا ناوى يجبلى الضغط والسكر 

معاذ: احمد ربنا انها تيجى على قد كده يارب ما نخس فى جلطة ولا شلل

جوليا ضحكت بعلو صوتها 

اسر: عجبتك اوى يا ختى وانت يا بن الكلب عاوز تجلطنى ماشى يا معاذ ابقى ورينى بقا مين هيجيلك العربية 

معاذ قام يجرى على اسر وقعد يبوس فيه

معاذ: اسف بهزر لا الا كده اتكلمى يا حج 

جوليا: خلاص بقا يا اسر 

اسر: انهد قعد خلاص 

معاذ عمال يبوس فى وشه ويقول: يا احلى اب فى الدنيا كلها 

اسر: بس بقا جتك القرف 

معاذ: معرفش بيعاملنى كده حاسس انه جايبنى من معبد اليهودى 

اسر: لا متحسش اتاكد 

وهما بيتكلموا دخلت ريماس 

ريماس بابتسامه: صباح الخير عليكوا وراحت باست جوليا من وشها وراحت تبوس اسر بس حست ان فيه حاجة مزعلاه 

ريماس: مالك يا بابى 

اسر بحدة: انا قولت كام مرة متفضليش تروحى عند اياد كتير بس انتى بتعملى ال فى دماغك وراحت خبط على الطربيزة واتكلم بعصبية..انتى بتحبى تنفيذى ال فى دماغك من هنا ورايح مفيش مرواح هناك ال باذنى وعالى صوته..مفهوم 

ريماس بدموع وصوت خافت: مفهوم وطلعت تجرى على اوضتها 

جوليا: مكنش له لازمة ال حصل دا كنت فهمها غلطها براحة انا هطلع اراضيها 

ومعاذ خد بعضه وراح الكلية 

(معاذ اسر معاذ شاب وسيم بعيون بنى وشهر اسود وجسم لا هو رياضى ولا رفيع جسمه حلو رغم انه مبيحبش يلعب رياضة بس جسمه مظبوط واي بنت تشوفه تتهبل عليه عامل فيها دنجوان الجامعه وبنات الجامعه كلهم بيحبوه) 

……………………………..

شهاب وهو ماشى بالعربية حب انه يقعد على البحر شوية يريح اعصابه بالنسبه دا اكتر حاجة بتريحه انه يقعد قصاد البحر كده فى جو هادى ولوحده وهو ماشى على الرملة شاف بنت جميلة اوى بفستان ابيض وطرحة فيروزى قاعدة بتعيط بس مشفش ملامحها لانها مخبية وشها بايديها وبتعيط ودموعها نازلة من بين ايديها شهاب حس بحاجة بتشده ناحيتها يعرف مالها وليه بتعيط راح عندها وقعد جنبها 

شهاب وهو باصص للبحر: مفيش حاجة تستاهل دموعك 

البت اتخضت ورفعت وشها شهاب اول ما شافها اتصدم من مالها بنت جميلة بعيون عسلى فاتح ورموش تقيلة ومناخيرها حمرة من العياط وعيونها كذلك وشفايفها لونهم احمر زى الفراولة شهاب اتصدم من جمالها وفضل باصصلها 

البت: ا انت عاوز اي 

شهاب فاق من سرحانه وحس انها خايفة منه 

شهاب: اهدى انا مش هعملك حاجة 

البنت بخوف وعياط: الكل بيقول كده وبيعمل بجد ليه الكل بيجرح فى الواحد كده الانسان مننا طاقة وانا تعبت اوى وقعدت تعيط كتير 

شهاب صعبت عليه: ممكن تهدى ومتعيطيش مفيش حاجة تستاهل دموعك 

البنت: بتهيالك 

شهاب رجع بص للبحر: لا مش بيتهيالى الواحد لو فضل ياخد كل حاجة على اعصابه كده هيتعب ومحدش هيبقا جنبه وهو بس ال هيتعب وينهار 

البنت بنظرة كلها طفولة: كلامك حلو اوى 

شهاب بصلها وشاف نظرتها حس ان قلبه بيدق 

شهاب بتوهان: انتى جميلة اوى 

البنت بكسوف: شكرا 

شهاب: انتى اسمك اي 

البنت برقة: شغف اسمى شغف 

شهاب بيردد الاسم براحة: ش غ ف احم وأنا شهاب

شغف: اسمك حلو 

شهاب: مش احلى من اسمك يا شغف 

شغف: اسمى حلو 

شهاب: الاسم وصاحبة الاسم حلوين 

شغف اتكسفت معرفتش ترد 

شغف: ممكن اطلب طلب 

شهاب: اتفضلى 

شغف: ممكن تتجوزينى 

شهاب بصدمه: اي 

يتبع…..