رواية هل قدري الفصل الثامن 8 بقلم سلمى عاطف

رنيم: الصحافه كلها بتتكلم عن تصرفك البطولي واشارت بإشمئزاز علي اوركيد وقالت: دي

سيف: واي ال عرف الصحافه

رنيم:انت ناسي انت مين يااستاذ ولا قعدتك مع الشرشوحه دي نستك انت تبقي مين

سيف بحده: رنيم مفيش داعي للكلام ده

رنيم : امال عايزني اتكلم ازاي اما واحد مشهور زيك يعرض نفسه للشائعات بسبب واحده يعرفها من كام يوم بس لا وبتشتغل عنده انت عارف الصحافه بتقول اي عليكم طلعوا عليك انك ارتبط بالهانم ولو مطلعتش نفيت كل ده هيطلعوا كل يوم كلام عليكم وشوف بقه شهرتك

سيف بغضب:رنيم مفيش داعي لكل ده انا هتصرف ملكيش الحق تتحكمي بشغلي انا هتصرف

رنيم: كمان بتزعقلي عشان خاطر البغله دي 

سيف بغضب:رنييييم 

احست رنيم انها ستفقد سيف فقالت ببكاء مصطنع : انا اسفه ياحبيبي بش خايفه عليك من عصبيتي قولت كده ووجهت حديثها ل اوركيد وقالت بأسف متصنع:انا اسفه بس انتي عارفه ان انا وسيف بنحب بعض والناس كلها عارفه وقربب هنتخطب ف انتي طلعتي فجأه ف ده عصبني

اوركيد وهي تحبس دموعها : مفيش حاجه حصل خير لو حد سألني من الصحافه هنفي الموضوع

سيف : متتكلميش خالص ايااوركيد عشان متبقيش  مصدر دايما لاسئلتهم البايخه انا ال هتصرف لو سمحتي يااوركيد متقوليش اي حاجه

اوركيد بتعب: حاضر انا عايزه اروح

سيف: حاضر هروح اخلص اجراءات الخروج واجيلك عشان اروحك

اوركيد :لا مف…

سيف  مقاطعا: مش عايز اعذار يلا يارنيم هتيجي معايا

رنيم:اي معلش ياحبيبي جالي شغل مستعجل ولازم  امشي هبقي اكلمك بعدين سلام 

نظر لها سيف وهي ترحل بخيبه امل ولكن افاق على صوت اوركيد وهي تقول : اكيد شغل مهم متزعلش

سيف بلا مبالاه: عادي متعود يلا عشان اروحك

اوركيد : متزعلش هي بتحبك

سيف : هه قصدك بتحب شغلي اظاهر ان ماما ورهف كانو عندهم حق

اوركيد : عشان بتحبها لازم  تديلها اعذار

سيف بحزن: مش على حساب روحي

احست اوركيد انه حزين جدا ف احبت تغير الجو وقالت بمرح: خلاص بقه يانكدووو قوم يلا والله ياجدع مانا مروحه الا لما اوديك مكاني المفضل قوم يلا

سيف: انتي تعبانه مينفعش

اوركيد :وهو ال يشوفك يتعب

سيف : بتقولي اي

اوركيد :اااقصد  يعني انا كويسه وحابه اتمشي قوم يلا وبصراحه غديني بقه عشان جعانه ولا انت بخيل

سيف بضحك :يابت ده انتي لسه واخده علقه 

اوركيد:اجوع يعني ده انت غريب ياجدع قوم يلا 

سيف: عايزه تروحي فين 

اوركيد :هوديك مطعم علي مزاجي عشان محدش يضايقك فيه 

سيف:اشطا جدا يلا 

خرجوا من المشفي وذهبوا الي مطعم علي البحر 

اوركيد : هاا اي رايك 

سيف: جميل اووي وحابب الهدوء ده 

اوركيد :الحمد الله انه عجبك 

سيف: طب عايزه تاكلي اي 

اوركيد :اممم مش عارفه شوف انت هاكل ال تختاره 

سيف: ماشي ونادي علي النادل 

النادل: اتفضلوا تتطلبوا اي ونظر ل اوركيد وقال بإبتسامه الله اوركيد فينك محدش عاد بيشوفك ليكي وحشه 

اوركيد: وانتو اكتر جيت اهو يلا بقه متكسفنيش قدام ضيوفي 

النادل: ده انتي تؤمري واحنا عندنا كام اوركيد 

اوركيد : تسلم يامحمد

سيف :طب يامحمد كفايه جو تعارف وهاتلنا دول 

محمد:اسف يافندم بس اوركيد زبونتنازمن زمان ف فرحت لما شوفتها ومختش بالي 

سيف : ابقي خود بالك 

محمد:اسف عن اذنكم 

اوركيد : في اي ياسيف حد يكلم حد كده 

سيف بجده :انتي جايبه معاكي سوسن عشان تقعدي تفتكروا ذكرياتكم وسايبني هنا  ولا كاني موجود وقاعدين تتضحكوا مع بعض 

اوركيد استغربت من ردة فعله لكن معلقتش 

اوركيد : طب بلاش نكد يلا الاكل وصل 

سيف بتكشيره: كلي 

اوركيد بضحك: طب اضحك انت عامل زي امشير كده ليه 

سيف: كلي عشان مقومش اوريكي امشير هيعمل اي 

اوركيد فضلت تضحك عليه وهو يبصلها بعصبيه 

اوركيد :خلاص سكت ثم انفجرت في الضحك ثانية   فابتسم عليها 

اوركيد : ايوه كده خلي الشمس تشرق  المنظر عندك جامد 

سيف بضحك : طب كلي 

بعد قليل انتهوا من طعامهم وخرجوا من المطعم 

اوركيد :تعالي بقه نتمشي علي البحر شويه مكاني المفضل دائما 

سيف: يلا 

كان يمشون يتكلمون ويضحكون وهناك كاميرات تصورهم دون ان ينتبهون 

كانت اوركيد تمشي فلم تأخذ حذرها وكانت ستقع فأمسكها سيف ووقعت بحضنه والتقطت الكاميرات هذه اللقطه

ابتعدت عنه سريعا وقالت: اا سفه مخدتش بالي 

سيف: مفيش حاجه تعالي نقعد هناك 

اوركيد :طيب 

ظلو جالسين يتاملون البحر وكل منهم يفكر في شيئ  

الي ان قطع شرود اوركيد زوجين  يجلسون بجوارهم وسمعت الزوجه وهي تقول : مكنتش اتوقع بعد كل ال مرينا بيه نبقي لبعض  

سمعت الزوج وهو يرد عليها بحب : ربنا كبير ياحبيبتي مفيش حاجه بعيده عنه 

ردت عليه الزوجه : ربنا يخليك ليا انت طلعتلي منين

رد عليه وقال:انتي كنزي قبل مااكون أمانك انتي البسمه علي وشي وسعادتي  واكمل بمرح بس اي احلوينا فوق حلاوتنا 

ضحكت علي مغازلة زوجها وحضنها بحب 

ابتسمت عليهم وتمنت لهم السعاده وتنهدت بحزن ونظرت للبحر مره اخري

سيف :مالك سرحانه في اي 

اوركيد: مفيش مبحبش اتكلم لما اجي هنا 

سيف: اممم ونطر مره ثانيه للبحر 

اوركيد بتوتر: سيف 

نظر لها وقال :نعم 

اوركيد : الكلام ال قولته لما خطفتني 

سيف :ماله 

اوركيد بتوتر : يعني احنا دلوقتي رجعنا عادي صح 

سيف: اه انا اسف بجد كل الكلام ال قولته انسيه كل ده بسبب غضبي انا اسف 

اوركيد: كل واحد فينا غلط المهم نعرف غلطنا 

سيف: انتي جميله اوي 

اوركيد بخجل: شكرا مش بحب المجامله 

سيف: دي مش مجامله بجد انتي جميله مش بس في الشكل ده كمان قلبك ده جميل اووي انه يسامحني بعد كل ال قولته وعملته فيكي 

اوركيد :كلنا بنغلط مفيش حد معصوم من الغلط اهم حاجه نعرف غلطنا قبل فوات الاوان 

سيف: شكرا يااوركيد تعرفي ان اسمك ده جميل اوي 

اوركيد :لا كده هتغر 

سيف بغمزه: طب ما تتغري من حق الجميل يدلع 

اوركيد بخجل وتوتر: طب طب يلا نروح انا تعبت 

سيف بضحك :يلا 

بعد قليل وصل لمنزلها 

سيف: من بكره هنبدا شغل يااوركيد وممكن تتاخري شويه عشان ف اليومين ال فاتو سبنا حاجات كتير 

اوركيد:حاضر ان شاء الله نخلص كل حاجه سلام 

سيف : سلام  متتأخريش بكره 

اوركيد بإبتسامه: حاضر ان شاء الله 

لوح له بيديه بإبتسامه وثم ذهب 

صعدت اوركيد الي شقتها بسعادهز

اوركيد : ياااقووم انا جيت 

الام: اهلا اهلا  اتأخرتي ليه 

اوركيد بكذب: مفيش الشغل كان كتير النهارده 

الام :طب خشي ارتاحي عما احضرلك الغدا زمانك جعانه 

اوركيد : لا ياحبيبتي كلت في الشعل تسلم ايدك امال فين سهي ونور مش سامعه صوت يعني 

الام : خرجت تجيب شوية حاجات لنور قعدت تزن عشان لعبه شافتها ومسكتتش الا لما خرجت معاها عشان تجبها 

اوركيد بضحك : تربيتي البت دي خلاص هروح اخد شور وارتاح عما هي تيجي مقعدتش معاها من يوم ماجات لينا وهي هتمشي بكره ف هعوض بقه الايام دي

الام: ماشي ياحبيبتي 

انهت اوركيد ماتفعله وجلست تفكر في احداث اليوم وتبتسم ولكن حينما تذكرت رنيم تلاشت ابتسامتها وعاد الحزن يخيم عليها 

اوركيد لنفسها : فوقي ده مش ليكي لازم تشيلي حلهرمن قلبك عشان متتعبيش يارب ريحني ووجهني للصح يارب  

في فيلا اصلان 

سيف: مساء الخير ياجماعه 

الام:مساء الخير ياحبيبي اتاخرت ليه النهارده

سيف بتوتر : شغل كتير ياماما هي رهف فين

الام:فوق 

سيف : طيب هطلع اشوفها 

الام: ماشي ياحبيبي 

صعد سيف لاخته 

سيف:رهف ماما عرفت اي حاجه عن الاخبار ال نزلت 

رهف:لا الحمد الله لحقت كل حاجه وروحت الجريده خليتهم يمسحوا الخبر قبل مايتنشر اكتر وحذرتهم من اي بلبله  ذنب اوركيد  اي يعني لما يطلع عليها الاشاعات دي 

سيف: خير ماعملتي يلا ياحبيبتي تصحبي علي خيو عايزه حاجه 

رهف:سلامتك 

ذهب سيف الي غرفته وجلس قليلا يفكر وبعدها صدح هاتفه برقم صديقه المقرب

الياس:نجمنا ال مكسر الدنيا 

سيف: انت فين ياحيوان كل دي غيبه ومفيش اتصال حتي 

الياس:براحه عليا يازعيم اخر مهمه كانت كبيره ااوي ومحتاجه تركيز وانت عارف 

سيف:ربنا معاَ ياحبيبي 

الياس بحزن :مش ناوي ترجع ياسيف انت مكنش ليك ذنب في ال حصل 

سيف بعصبيه: الياس قفل علي الموضوع 

الياس:خلاص انا نازل بكره اجازه وهجيلك اقرفك بقه 

سيف بفرحه :اخيرا تنور ياحبيبي تيحي بالسلامه 

الياس:سلام 

ذهب سيف للنوم ومن بعدها سمع صدقات على الباب 

سيف: ادخل 

الام: اسفه ياحبيبي قلقتك 

سيف: لا ياحبيبتي مكنتش نمت لسه اؤمري 

الام:منت عايزه اكلمك ف الكلام ال قولته من يومين وافهم 

سيف: اسف ياماما قلقتك علي الفاضي كل ده كلام قولته وقت غضبي 

الام براحه :الحمد الله كنت خايفه من عصبيتك وتروح تعمل اي حاجه تندم عليها بعدين 

سيف:مقدرش ياست الكل ارتاحي كل حاجه هتحصل هتبقي بعلمك 

الام: ربنا يهديك ياحبيبي ويفرح قلبك 

سيف: ويخليكي ليه يارب 

الام  بحنان: سيف ياحبيبي انا عارفه انك كبرت وعارف الصح والغلط ومليش دعوه بحياتك الشخصيه بس انت متأكده انك بتحب رنيم 

سيف بعد تفكير:طبعا ياماما امال اعلنت ان احنا مرتطين ليه وقريب نتخطب 

الام: اتمني متندمش بعدين 

سيف:ليه كلكم مش متقبلين رنيم وبتكرهوها 

الام: كفايه انت بتحبها يلا ارتاح انت تصبح علي خير 

سيف: وانتي من اهله 

ظل يفكر طوال الليل ويراجع حساباته حتي تعب من التفكير ونام 

في مكان آخر 

لينا :ها جبت الصور 

الشخص: اه جبتها وظبطها زي  ماانتي عايزه 

لينا بشر:برافو عليك وادي حلاوتك 

الشخص: اي خدمه 

لينا :بكره الصور دي تكون ماليه الجرايد 

الشخص:غالي والطلب رخيص 

لينا بشر: اما وريتك مبقاش انا لينا هخلي الي مايشتري يتفرج ويانا ياانتي 

جاء معتز عليها وقال بشر: ياعيني كانت طيبه 

ضحكوا عليها ومنتظرين غدا بفازغ الصبر حتي ينتقمون منها 

يتبع…..

لقراءة الفصل التاسع : اضغط هنا

لقراءة باقي الفصول : اضغط هنا