رواية زواج بالإكراه الفصل الثالث عشر 13 بقلم نسرين احمد

ذهبو البنات ليستعدو لتجهيز شنط السفر وحياه بتطبق ملابسها وقاعده علي السرير : أنا خايفه أوي ياندي لمحمد يعرف أني سافرت من وراه .

ندي : بطلي كأبه وافرحي بقي مين هيعرفه يعني .

حياه أنتي شايفه كدا .

ندي : ايوا طبعا .. ناوليني البلوزه اللي جمبك دي ؛ ميرناااا انجزي عايزه أخاد شاور قبل ما أنزل .

ميرنا : الحمام كان فاضي عندك اصبري بقي

ندي : ااوف البت دي قرفاني علي طول كدا .

وضحكت حياه : بس أنا ملاحظه حاجه غريبه يانودي .

ندي : خير حاجه ايه ؟

حياه وهي مبتسمه : أن محمود منزلش عينه من عليكي طول ما أحنا قاعدين .

ندي اتكسفت : لا أكيد مش اللي في دماغك يعني هيبصلي أنا علي أيه وبعدين قومي يلا طلعي الشنط برا ؛ واتصلي علي حبيب القلب شو في فين .

حياه : اممم اتهربي اتهربي .. عمتا حاضر ياستي هكلمه ؛ ولا بتكلمه رن جرس الباب

وفتحت حياه الباب اتفجأت بمراد : مرااد

مراد : ميرنا جاهزه . ( خرجت ميرنا من الحمام بالبونص )

ميرنا : مرااااد أنت جيت أمتي اتفضل أدخل استناني دقيقه أغير ملابسي .

مراد ف حان أنه واقف مع حياه لوحدهم : لسه واصل .. خدي راحتك

حياه ومراد قاعدين مع بعض في الريسبشن وعينه منها وحياه محرجه

حياه : تحب تشرب عصير في عصير أورنج هقوم أجبلك ؛ ولسه بتقوم مراد شدها ليه

مراد بعصبيه : اتخطبتي لطارق ليه .

حياه اتوترت وخايفه وبترد : النصيب ؛ وبتحاول تبعد عنه لولا خروج ندي من الغرفه كان فضل جمبها . طارق وصل عندهم .

طارق : ايه دا أنت هنا من أمتي ؟

مراد : مستني ميرنا ؛ ميرنا هستناكي تحت وسابهم ونزل .

طارق : يلا ياحبيبتي

حياه عيناها علي مراد ومستغربه من اللي بيعمله : يلا وسافرو .

وصلو الفندق في شرم الشيخ ومراد كان حاجز قبلها سويت للشباب وسويت للبنات ؛ البنات اتبهرو بجمال الفندق والسويت أول مره ينزلو شرم بقي ؛ طلعو غير و ملابسهم وريحو ساعتين ونزلو البحر .

طارق : تيجي ننزل البحر ياحياه الميه جميله .

حياه : بس مبعرفش أعوم أنا أخري عند البنات الصغيره دي وبتضحك .

طارق : متخفيش أنتي معاكي سباح عالمي تعالي تعالي وشدها ؛ ومراد قاعد عينه منزلتش من عليهم هيطق منهم .

حياه : ندي تعالي انزلي معايا وبتزغرلها بعيناها عشان تنزل .

محمود : انا كمان نازل ها مين نازل هتنزلي ياأنسه ندي .

ندي : أيوا نازله هحط كريم للشمس واحصلك .

ميرنا : لاقت الكل نازل قالت تستغل مراد : أيه رأيك نتمشي شويه .

مراد مش مركز معانا أصلا : لا انا قاعد أتمشي أنتيوميرنر لاحظت أن مراد واخداها عند في حياه .

وكلهم في البحر مبسوطين وطارق بدأ يقرب من حياه ف لاحظت وبدأت تبعدت عند ندي ومحمود ؛ تليفون طارق رن ما يقرب من خمس مرات مراد استغل الفرصة ونادي علي طارق وخرج من البحر .

مراد : شوف موبايلك يا عم رن كتير .

طارق : خد الفوطه ينشف جسمه من الميت ؛ اه دا المعرض بيتصلو .

مراد استغل فرصه خروجه من البحر ونزل هو البحر لحياه ؛ وحياه مديه ضهرها ليه مراد نازل وكله انفعال وجاي عليها لسه بتلف لااقته قصادها .

حياه : مراد خضتني .

مراد : يارب تكوني مبسوطه مع طارق.

حياه مستغربه : طارق شخص لطيف ومهذب وبيحبني

مراد : مهذب اااه .. أمال كان مقرب ليكي ليه هاا أنتي متعرفهوش أنا أعرفه كويس أوي.

حياه : مراد أنا ملاحظه أنك مبتحبش طارق وكل تصرفاتك معاه بحرص .

مراد انفعل عليها وقرب عليها : قسما بالله ياحياه لو شوفته مقرب منك تاني لأكون متصل علي محمد أخوكي وأعرفه كل حاجه .

حياه : علي فكره بقي أنت مالكش دعوه بياا وهو مقربليش هو أه قرب بس أنا بعد ؛ وبعدين مالك أصلا بيا انت مديري أه في الشغل بس هنا أحنا أصحاب وبس .

مراد : انا قوله اللي عندي والخطوبه مش هتكمل لاني بحبك ياغبيه وأنتي مبتفهميش .

حياه : مراد انا دلوقتي مخطوبه وبحب خطيبي وياريت تشيل الأفكار دي من دماغك ممكن ؛ وجت عشان تخرج من البحر مش عارفه الميه بتسحبها لجوه …. مراد مش عارفه اطلع .

مراد فرحان فيها : لا خلي طارق يجي يخرجك بقي .

حياه : متهزرش يامراد بجد مش عارفه اطلع ومسكت أيده وهو التفت ليها ولف أيده علي وسطها متخفيش هخرجك بس توعديني أنك تحاولي تفكري اللي قولتلك عليه .

حياه نظرت في عيون مراد لأول مره وبدأت تشعر بمشاعر ناحيته ومراد مغرم بيها وفجأه طارق شافهم وندي كمان .

ندي لمحت طارق بيبص عليهم حبت تنبه حياه اللي انسجمت مره واحده معاه حيااااه يلا بينا ؛ وحياه أخدت بالها وبعدت عنه وهي محرجه بس مراد مسابش أيدها وخرجو ؛ وطارق خاف أن حياه تميل لطارق .

وحين جاء الليل ذهبت حياه وندي يتمشو لوحدهم واثناء ذهابهم التقو بمحمود ومراد ؛ محمود خطفت قلبه ندي واتبسط بلاقها ومراد طبعا في قمه سعادته انه التقي بيها خاصه أنه كان بيفكر فيها .

محمود : أيه اللي نزلكو متأخر كدا لوحدكو .

ندي : أبدا مجلناش نوم قولنا ننزل نتمشي شويه انا وحياه .

مراد : أحسن حاجه عملتوها 

قعدو في جنينه مفهاش حد غيرهم ندي قامت تخطف ورده عجبتها ومحمود قام وراها وسابو حياه ومراد لوحدهم .

مراد : متزعليش مني ع اللي عملته النهارده ف البحر .

حياه وشها قلب كسوف : مش زعلانه .

مراد : بس دا بردو ميمنعش أني كلامي هو اللي هيمشي .

حياه بلطافه : مراد هو أنت ميعديش يوم نشوف بعض فيه إلا ونتخانق .

مراد : وأنتي مش قادره تعرفي أنا بحبك قد ايه . 

حياه : بس انا دلوقتي مخطوبه ومينفعش الكلام دا .

مراد : متعصبنيش ياحياه أنتي متعرفيش طارق أكتر مني هو بيعمل كدا عشان يعاندني بيكي هو مبيحبكيش .. هو عايز ياخد أي حاجه مني وخلاص طول عمره مبيحبش الخير ليا مامته الله يسامحها كانت بتكره أمي جدااا بسبب ان بابا مكنش مخلينا محتاجين حاجه وان عمي كان شغال عندنا ولما ابو يا وعمي أتوفو طالبو بميراثهم في الشركه اللي هما أصلا مالهومش فيها أي حاجه وانا الوريث الوحيد ليها أنا وأختي ف طارق حب ينتقم وخسرني ٢ مليون جنيه اول تلات شهور من عمله ولما رفض وجوده في العمل حب يسافر يعمل قرشين وبردو مش سايبني في حالي .

(حياه ملامح وشها اتغير وبدأت تفكر في كلامه بس مش مفيش أي دليل علي كلامه )

حياه : بس أنا مشوفتش منه أي حاجه وحشه بصراحه بالعكس بشوف حبه ليا من أفعاله حتي لو كلامك عكس دا . 

مراد : علي فكره بقي اللي أنتي شايفاه دا أنسان تاني خالص وبتاع بنات وسهر وقرف وبيحاول يمثل عليكي حبه ليكي وانا مش هسمحله انه يأذيكي أو يلعب بمشاعرك ؛ ومسك أيدها وحياه قلبها بدأ يدق  وندي ومحمود راجعين عليهم قامت حياه سحبت يدها منه .

ندي أخذت بالها هي ومحمود : حياه يلا نرجع الفندوق .

محمود : استنو هنيجي معاكو أحنا كمان .

( ساره في الوقت دا قامت من النوم ملقتش حياه ع السرير شكت لتكون مع مراد ف اتصلت علي مراد وموبايه ناسيه ع الكمودينو جمب السرير صحي طارق من كتر اتصالها ليه ورد عليها ) 

ساره : ألو مراد مبتردش ليه 

طارق : انا طارق مراد برا شكله نسي موبايله . 

ساره : اااه وحياه كمان مش موجوده تقريبا خرجو مع بعض عمتا هكلمه بعدين سلام .

( طارق قام من علي سريره وهو متعصب وخرج يشوفها راحت فين في الوقت دا . 

ياتري هيكون رد فعله أيه لما يشوفهم راجعين مع بعض ؟؟؟