رواية نور حياتي الفصل السادس 6 بقلم بسمة شعبان

جاسر بغضب : اياكي بس تفكرى انك تمدى ايدك على مراتى

نور بصدمه وتاليا كذلك : ايييه

جاسر وهو يقف جنب نور وامسك يداها : ايوة نور مراتى وانتى خلاص ورقة طلاقك هتوصلك فى اقرب وقت

تاليا بسخريه : انت بتهزر صح ، ايه اللى بتقوله دا بس ياجسورة واقتربت منه ووجهت يداها على وجه ولكن امسكها وابعدها عنه

جاسر بجديه : انا مش بهزر ، نور حقيقي مراتي وانتى خلاص بقيتى طالقتى

تاليا بغضب : ايه ، ازاى طب وآدم ابننا ياجاسر

جاسر بسخريه : ابننا ، وانتى تعرفى ايه عن ابننا ، مش ابنك دا اللى قولتلي هاتله مربيه ، اصلا ابنك دا تعرفى عنه اى حاجه

تاليا بغضب : دا مش مبرر انك تطلقنى ياجاسر ولا الهانم ضحكت عليك ،ماهى تربيه شوارع

كانت نور تبكي من هذا الكلام الموجه لها

جاسر بغضب : تاليااااا أحترمي نفسك والا وربنا هوريكي الوش التانى وانتى لسه مشوفتهوش

تاليا بغضب : ماشي ياجاسر ، بس انت اللى اختارت ومتزعلش بقى يا ابن عمى

خرجت تاليا من الغرفة وأغلقت الباب بغضب خلفها

جاسر وهو ينظر إلى نور بغضب : ممكن أعرف انتى بتعيطى ليه ، ليه دايما مش بتردى على اهانتك ،ليه بتسكتى

كان رد نور صفعه قوية على وجه جاسر

+

فى الاسفل

ريم بتوتر : يا ربي راحت فين بس ، اما اروح اسأل نور وجاءت حتى تصعد ولكن صدمت فى تاليا

تاليا بإستحقار : لا بجد برافو عليكوا

ريم بإستغراب : نعم ، برافو عليا عشان خبط فيكى ،بس انا لوحدى مين تانى خبط فيكى

تاليا بإستحقار وغضب : لا برافو عليكوا عشان قدرتوا تلعبوا مش على اي حد دا جاسر السويسي نفسه

ريم : انا مش فاهمه حاجه

تاليا بإستحقار : اختك هتفهمك دا لو مكنتوش متفقين مع بعض

ريم بنفاذ صبر : ماتحترمى نفسك بقى ، انا ساكته من بدرى وربنا كلمه كمان وهجيب اللى فى رجلى وعلى دماغك ، وهمسك شعرك اللى انتى فرحانه به دا

_ مشاء الله ، ف ايه يا بنتي انتى شغاله فى صفحه الحوادث

كان هذا مازن الذى جاء من خلفهما

ريم بزهق : اووف ، هو يوم مش فايت النهاردة ، خير جاى ورايا لحد هنا

تاليا : جاى وراكى ايه ، اتكلمى عدل معاه ، دا اخويا

ريم : أخوكى ، فعلا كان لازم أعرف

ثم أكملت بصوت منخفض : ماانتو نفس البرود والرخامه مشاءالله مش عارفه ازاى محدش بالى ، داهيه تاخدكوا

تاليا بعصبيه : بتقولى حاجه

ريم : ها لا ابدا ، عن اذنكوا

مازن : انسه ريم ممكن اتكلم معاكى شويه

ريم بإستغراب : انا ، خير

مازن : سبينا ياتاليا لوحدنا شويه

تاليا بعصبيه : انت بتقول ايه يامازن اسيبك مع دى بتاع ايه

ريم بنفاذ صبر : بصى انا معاكى ان لازم تبقى موجودة عشان كلام وفى مكان لوحدنا مينفعش انما ايه دى ياختى ، انا ساكته بقالى كتير ودا اخر تحذير ليكى ومتلوميش إلا نفسك بقى

مازن : خلاص ياتاليا سبينا 5 دقايق بس

تاليا بعصبيه : لا و5 دقايق ليه انا ماشيه اصلا ، سلام

قالت جملتها وذهبت إلى الخارج وهى فى قمه غضبها وتوعد للبنتين

مازن : ممكن بقى نتكلم مع بعض شويه

ريم بزهق : خير اتفضل ارغي

مازن بضحك : ارغي ماشي ياستى ، ع العموم فى حاجه مهمه انتى وقعتيها ولازم ادهالك

ريم بإستغراب : انا … مش فاكرة انى وقعت حاجه ودلفت حتى تذهب

مازن : طب بصى كدا

ريم بزهق : ماقولنا م……، ايه دا جبت الورقه دى منين ؟

مازن : ما انا عمال اقول ايه من ساعه ، انتى وقعتيها وانتى ماشيه

ريم : ماشي شكرا ممكن الورقه بقى

مازن : بالسرعه دى لا طبعا ، هدهالك بس عندى شرط او ممكن تقولى عليه طلب

ريم بزهق : خير ، انجز

مازن : لازم تساعدينى

ريم : فى ايه لامؤاخذة ، انا هساعد الباشا فى ايه بقى ،دا انت تساعد بلد ياعم دا ان…

مازن بضحك : بس بقى ، انا عاوزك تساعدينى فى الدراسه بجد يعنى تبقى صحبتى وغمزلها

ولم ترد عليه سوى انها كادت ان تصفعه ولكن امسك يداها ووضعها خلف ظهرها وقربها منه : مش هأخد قلمين من نفس البنت فى يوم واحد

ريم بعصبيه : سيب ايدى وابعد يامتخلف انت

مازن وهو ينظر فى عيونها : ممكن تسمعينى للاخر

ريم بتوتر من اقترابه لها : ط..طب ممكن تبعد

ابتعد مازن عنها ، اسمعينى بقى انا عاوز اتفوق زيك كدا مشاءالله يعنى جبتى امتياز السنه اللى فاتت وانا المفروض ابقى دلوقتى فى رابعه بس طبعا بمزاجى مش بذاكر

ريم بصدمه : يخربيتك المفروض فى رابعه ، منك لله ياصايع انت ، طب واهلك ، اه صحيح نسيت انك اخت تاليا هانم ،داهيه تاخدك وتاخدها

مازن بغرور : احم عالفكرة دى اختى ها ف احترمى نفسك ياانسه ، انا لحد دلوقتي بتكلم معاكى عدل

ريم : ياما ياما ياما ، خاف ياعيد ، المفروض انى اعيط دلوقتى و….

دلف آدم إلى الفيلا جرى

آدم بفرحه : خاله … تعالى نخرج زى ما وعدنى

مازن : اهلا بالباشا الصغير ، لا مش النهاردة اطلع يلا سلم على بابا وبعد كدا غير هدومك يلا عشان نلعب بلاستيشن مع بعض

آدم بفرحة : حاضر ، هييه هييه

ذهب آدم إلى غرفة والده

مازن : كدا انا قولت اللى عندى ، هتساعدينى هديكى الورقه وكمان هحللك مشكلة الجامعه ، ها قولتى ايه

ريم بتفكير : دا انت بجح ياجدع وربنا ، بس ماشي هتتهبب امتى

مازن بأبتسامه : الوقت اللى عاوزاه

ريم بتحذير : بس خلى بالك سهوكه مش عاوزة ولازم يبقى فيه حدود بينا وفى الجامعه مفيش كلام صحاب وبتاع وهنذاكر هنا غير كدا انت فى حالك وانا فى حالى تمام

مازن بخبث : تمام

ريم بإستحقار : وسع كدا بقى ، رابعه يامفترى منك لله والله

قالت جملتها وذهبت إلى غرفتها تفكر هل هذا صح أم خطأ

مازن بخبث : كدا انا هكسب التحدى وبسهوله كمان

(ياواطي يا… حرام الشتيمه اليومين دول نكمل احسن ????????)

فى غرفة جاسر

نور بغضب : اتكلم بأنهى حق ، انى واحدة طلعت مش كويسه عشان الباشا قرر يقول اى حاجه ، وادافع عن نفسي ليه اصلا وانا طلعت واحدة زبالة فعلا ، لحد هنا وكفايه انا ماشيه واللى عاوز تعمله اعمله وجاءت حتى تذهب ولكن اوقفها كلامه : حتى لو قولتلك ان خالتك وجوزها هما كمان موافقين وخدوا مهرك يا…ياعروسة

نور بصدمه وزعيق : خالتى ، حتى لو خالتى انا مش قاصر عشان حد يحددلى انا عاوزة ايه ، وانا مش موافقه ومحدش قالك تديهم زفت مهر ، انا ماشيه ياجاسر باش…

دلف آدم سريعا

آدم بفرحة : بابي .. بابي ممكن أخرج انا ونور وريم النهاردة

جاسر بإبتسامه رغم غضبه : اكيد وانا كمان هخرج معاكوا ، يلا روح غير هدومك عشان هنتغدى برا

آدم بفرحه : هيه هيه ، حاضر ، ثم امسك يد نور ،ممكن يانور تيجى تساعدنى عشان عاوز اديكى حاجه

نور بإبتسامه : طبعا ياروحى تعالى يلا ، ثم نظرت لجاسر بإستحقار : انا اصلا كنت ماشيه

ذهب آدم ونور معه إلى غرفته حتى يبدل ملابسه

جاسر بعدما ذهبوا : هتوافقى يانور حتى ولو غصب عنك قال جملته واتجه إلى غرفة ملابسه حتى يستعد للذهاب معهم

فى غرفه آدم

نور بإبتسامه ها ياعم آدم جبتلى ايه

أخرج آدم من حقيبته شكولاته كبيرة الحجم : دى ليكى يانور

نور بسعادة : ياروحى وانا النهاردة هعملك كاب كيك واحلى من اللى فاتت كمان ، يلا كمل انت عقبال ما احضر نفسي انا وريم ماشي

آدم بإيماء : حاضر

نزلت نور إلى الاسفل حتى تخبر ريم بأن تستعد

وبالفعل استعد كل منهما وذهبوا معا إلى المطعم

آدم : ايه دا يابابي احنا مش هنروح الملاهى

جاسر : هنروح بس بعد ما نتغدا

رن هاتف جاسر : الو ..خير

مازن بخبث : ايه ياجوز اختى ، انا كنت قايل لآدم اننا هنخرج وروحت اجيب حاجه وجيت ملقتش حد انتوا فين

جاسر بزهق : فى مطعم …. هنتغدا ممكن تيجى تتغدا معنا

مازن بخبث : أكيد جاى دا انا حتى جعان

يلا ياآدمانزل انت وريم عشان عاوز نور تختار معايا هدية ليك وهركن العربيه وهنيجى وكمان خاله مازن جى فى الطريق عشان هيتغدا معانا

نظرت ريم إلى نور فى مرايا السيارة ونور نظرت لها ايضا بمعنى اطمأنى ولا تخافى

آدم بإيماء : حاضر

وبالفعل نزل كل من آدم وريم ينتظرون فى المطعم وكان قمة فى الروعه وهذا جعل ريم تنظر له بإنبهار

وجلسوا وظلت تمزح مع آدم الذى احبها بشدة كما احب نور وتعلق بها

فى سيارة جاسر

نور بزهق : خير هدية ايه اللى عاوز تختار رايى فيها ما انت ممكن تختارها لوحدك

اوقف جاسر العربيه بغضب شديد : اسمعى بقى اوعى تكونى مفكرة انك تمدى ايدك عليا انا هعديلك دا بالساهل كدا ، بس مش وقته

نور بزعيق : انا مش فاهمه انت عاوز منى اي…

توقفت نور عن الكلام عندما رأت تاليا فى السيارة المجاورة وهى تحضتن واحد

نور بشهقه : يلا ..يلا ياجاسر باشا عشان منتأخرش على آدم وريم

جاسر بإستغراب : فى ايه يا نور

نور بتوتر ف هى تعلم انه تعبان : م…مفيش حاجه ،يلا عشان نمشي

ولكن نظر جاسر إلى ما تنظر له وانصدم لم يكن يعلم انها بهذه الوقاحه

فى مطعم …

تاليا : بقولك هيطلقنى يايوسف ، عارف يعنى ايه هيطلقنى ، يعنى كل اللى عملته على الفاضى

يوسف بخبث : ممكن تهدى كدا وتفهمينى حصل ايه

تاليا : هقولك …. قصت عليه كل ماحدث

يوسف بخبث : بس كدا ، هو دا اللى مضايقك

تاليا بعصبيه : انت اهبل يايوسف ، بقولك اتجوزها وهيطلقنى

يوسف بخبث : اسمعى بس ، احنا ممكن نستغل البنت دى ونلبسها كل حاجه

تاليا : ازاى ؟

يوسف : هقولك……

ها فهمتى حاجه

تاليا بإعجاب : دا انت دماغك سم ياچو

انا لازم امشي دلوقتى وهتصل بيك عشان تقولى هنبدأ الخطة دى امتى

يوسف : ماشي ياقمر يلا عشان اوصلك

ركب كل من تاليا ويوسف السيارة

تاليا : انت متأكد ان الخطه دى هتنجح يايوسف

يوسف بخبث : عيب عليكى دا انا چو

تاليا بدلع : ياروحى وقامت بإحتضانه

وهنا رأتها نور ثم جاسر

فى سيارة جاسر

جاسر وهو ينظر إلى تاليا : يابنت ال…. انا هوريكى

وجاء ان ينزل وظهر عليه التعب

امسكت نور يده : بلاش ياجاسر ارجوك سيبها دلوقتى

نظر جاسر إلى يداها التى تمسك بها يده ولاحظت هذا نور قالت بتوتر : اسفه ، ممكن نمشي بقى عشان آدم وريم

كل هذا وكان تاليا ويوسف كما هما ويتحدثون

جاسر : بس لازم اعمل حاجه الاول

وخرج جاسر من السيارة وذهب إليهم وبالطبع نور خلفه حتى لا يقتل تاليا ورأته تاليا

تاليا بصدمه : جاسر

سحبها جاسر من العربيه وأخرجها منها

جاسر بعصبيه : انتى طالق مش عاوز اشوف خلقتك تانى عشان لو شوفتك تانى انا مش مسؤول عن اللى هعمله يا..يامحترمه

تاليا بعصبيه : كل دا عشان دى

جاسر بإستفزاز : ايوة عشان دى ، ودى اسمها اسم نور هانم

ثم امسك يد نور ودلف حتى يذهب ولكن اوقفه صوت تاليا …

فى المطعم

ريم بمرح : طب اقولك واحدة تانيه مرة واحد بتاع كفته دخل فرح نقط طحينه هقهقهق

آدم بضحك : مش فاهم بس هضحك

_ وبتضحك عليها ليه وانت مش فاهمها

ريم بزهق : انت ، المفروض متفاجأش بعد كدا

مازن : اقولك انا نكتة احلى ياآدم

آدم بمرح : قول ياخاله بس متبقاش وحشه زى بتاعت ريم

مازن بإبتسامه : انا معاك بصراحه دا انا سمعت واحدة وكنت عاوز اضربها ، امال انت بقى تعمل ايه ، كان الله ف العون والله ياخويا

آدم بضحك : هو فين بابا اتأخر كدا ليه

مازن : سيبه ياعم إن شاء الله ميجيش ، اصل بصراحه ابوك دا عامل زى روك المصارع دا عارفه او جون سينا كدا بيفطر بقرة كامله

ظلوا هكذا يمزحون وريم لا تنظر له ولا تتحدث ، حتى جاء ظابط شرطه : حضرتك انسه ريم

ريم بخضه : ايوة انا فى ايه

الظابط : في بلاغ ضدك وقضيه سرقة من المدعو مازن العيوطى….

فى الجراچ

تاليا بغضب : وانا مش هخليها تاخدك منى ياجاسر

وقامت بمسك مسدسها وصوبت المسدس تجاه نور واطلقت

جاسر بخوف : نوووووور

يتبع….

لقراءة الفصل السابع : اضغط هنا

لقراءة باقي الفصول : اضغط هنا