روايات
رواية محبوبتي طفلة الفصل الثاني والعشرون 22 بقلم رحمة سامي
رواية محبوبتي طفلة الفصل الثاني والعشرون 22 بقلم رحمة سامي
رواية محبوبتي طفلة البارت الثاني والعشرون
رواية محبوبتي طفلة الجزء الثاني والعشرون
 |
رواية محبوبتي طفلة الحلقة الثانية والعشرون
حمزة: في اي يا منه متتكلمي بقي قلقتينا
منه: حمزة انا اسفه سامحني بس انا مبقاش اختك انا ابقي بنت جوز مامتك ولما امي اتوفيت بابا اتجوزها وهي اللي ربتني
حمزة: لا مستحيل اي اللي بتقوليه دا يا منه
منه: انا اسفه يا حمزة والله مكنتش عايزة اكدب عليك سامحني انا والله اعتبرتك اخويا الكبير وحبيتك اوي وربنا يعلم
حمزة: منه متهزاريش اي اللي بتقوليه دا انتي بتتكلمي بجد
نادية: ايوة يا حمزة دي الحقيقه سامحني يا ابني انا كدبت عليك عشان خوفت تعاملها وحش ومتتقبلهش هي ملهش ذنب
حمزة: انتي ليه كدا عايزة توصلي لي اي انتي رغم كل اللي حصل انا سامحتك واتقبلتك من تاني ليه غاوية تطلعيني مغفل عملتلك اي عشان تعملي فيا كدا
ناديه ببكاء: انا عارفه اني غلط حقك عليا وانا خلاص العمر مبقاش فاضل فيه حاجه وهسيبكم وامشي بس سامح اختك يا حمزة هي ملهش ذنب وملهاش غيرك بعدي
روح: اهدي يا طنط بالله عليكي
منه وهي بتحاول تقوم: حمزة انا اسفه انا اعتبرتك اخويا الكبير ومصدقت لاقيت سند وضهر ليا سامحني انا بحبك
جري حمزة عليها ورجعها مكانها: بت انتي اي مسمعتيش الدكتور وهو بيقول بلاش حركة كتير انتي ضعيفة ولسه في اول ايامك ولا مستغنيه عن ابنك متسمعي الكلام بقي وبلاش تتعبيني معاكي
منه ببكاء: حمزة يعني انت سامحتني
حمزة: بطلي هبل انتي اختي الصغيرة ومقدرش ازعل منك وهتفضلي مهما كبرتي اختي الصغيرة اللي مطلعه عيني
نادية ببكاء: ربنا يخليكوا لبعض يا ولاد وبتمني تسامحني يا حمزة عن اذنكم
حمزة: استني راحه فين اي عايزة تسبيني تاني مكفكيش العمر دا كله ولا اي
نادية ببكاء: انا اسفه يا حبيبي مستحيل اقدر اسيبك تاني حقك عليا يا نور عيني
حمزة: مسامحك يا امي دا انتي في الاول والاخر امي ازاي ازعل منك بس انا مليش غيرك دا انا مصدقت رجعتيلي مستحيل اسيبك تروحي مني تاني انا تعبت اوي من غيرك وخلاص مبقتش قادر استحمل بعدك لحظه تاني ربنا يخليكي ليا يا ست الكل ولا يحرمني منك ابدا
نادية: ويخليك ليا يا حبيبي ويباركلي فيك وفي حياتك ويطول في عمري لحد ما اشوف عيالك
روح: هانت اهي يا طنط ويجي حمزة الصغير ويغلبك بقي
نادية: ربنا يقومك بالسلامه ان شاء الله يا حبيبتي
حمزة: يلا يا زياد روح جيب لبس ليك انت ومنه لان محدش فيكم هيمشي من هنا غير لما منه تقوم بالسلام
زياد: ملهوش لازمه يا حمزة مش عايزين نتقال عليكم
حمزة: بطل هيل يا عم انت واهو بالمره منه تلاقي حد يخلي باله منها وانت في الشغل يلا روح ومتتاخرش بقي
*خرج زياد يجيب كل اللي محتاجينه ورجع علي طول وكل واحد راح اوضته عشان ينام ودخل زياد خد حمام ولبس وكان لسه هينام…
منه: زياد انا
زياد: منه انا تعبان ومحتاج انام بعد اذنك
منه: انا مكنش قصدي اخبي عليك والله انا بحبك يا زياد بس كنت خايف اخسرك انت وحمزة لو عرفتوا انا اسفه
زياد: بجد والله ومفكرتيش انك ممكن تخسرينا او تخسريني انا لما اعرف بعدين المفروض ان حياتنا مبنيه علي الصراحه والثقه يا منه
منه: والله يا زياد ما كان قصدي انا اسفه سامحني اوعدك دي اخر مره ومش هكررها تاني ابدا
زياد: منه انا عايز انام بعد اذنك
منه ببكاء: يا زياد بالله عليك انا مش هاين عليا زعلك انا اسفه والله اوعدك مش هخبي عليك حاجه تاني مهما حصل انا اسفه والله سامحني واديني فرصة
زياد وهو مش هاين عليه دموع حبيبته: طب خلاص يا منه اهدي عشان خاطري انا خلاص مش زعلان بس انتي اهدي يا حبيبتي حقك عليا
منه: يعني بجد مش زعلان مني انا اسفه والله
زياد: خلاص يا حبيبتي والله مش زعلان اهدي بقي بس اوعديني انك مش هتخبي حاجه تاني
منه: حاضر والله اوعدك مهما حصل مش هخبي حاجه تاني
زياد: ماشي يا قلبي وانا خلاص مش زعلان يلا تعالي في حضني عشان ننام بقي يا ام تقوي
منه: تصبح علي خير يا نور عيني
*ونام زياد ومنه وهما مبسوطين اوي ( حابه اقولكم حاجه يا جماعة مهما حصل بلاش تخبوا علي بعض حاجه بلاش تهزوا الثقة اللي بينكم عشان اي سبب الثقة دي اساس اي علاقة ياريت تحافظوا عليها وبالذات في الحب اوعوا تخبوا علي شريك حياتكم حاجه بس اهم حاجه تختاروا شريك حياتكم الصح عشان متندموش بعدين لان ساعات صرحتكم مع الشريك الغلط بتوصلكم لطريق مسدود كله اهانه وذل ومعايرة لكن الشريك الصح هيحترمكم مهما كان ماضيكم عامل ازاي وهيحترم صراحتكم وهتفضل الثقة اساس علاقتكم…)…. عدي يومين من غير احداث جديده علي ابطالنا وجه يوم مقابلة محمد لابو عليا وراح هو وامه وكان متوتر جدا بس حاول ميبينش دا ويكون واثق في نفسه وميضيعش حبيبته من ايده….
محمد: عمي انا جاي اطلب ايد بنتك علي سنه الله ورسوله
ابو عليا: وانت شغال اي يا استاذ محمد
محمد: انا خريج ادارة اعمال وشغال في شركة صغيرة مؤقتا
ابو عليا: وعلي كدا مرتبك قد اي
محمد بتوتر: انا قبضي بيتراوح ما بين تلاته او اربع الف
ابو عليا بتريقه: دي بنتي بتصرفهم في خروجه واحده واكيد انت عارف دا كويس
ام محمد: محمد ناوي ان شاء الله يفتح لنفسه شركة صغيرة وباذن الله مش هيحرم بنتك من حاجه يا ابو عليا
ابو عليا: والله دا ميطمنش لان الشركة هتكون لسه في اولها ومكسبها مش هيكون مضمونه وانا عايز اكون مطمن علي بنتي
ام محمد: وهي الفلوس اللي هطمنك علي بنتك يا ابو عليا الفلوس عمرها ما بتشتري السعاده
ابو عليا: بس الفلوس هتضمن لبنتي حياة كويسه ومستوي كويس جدا
محمد: وانا ان شاء الله مش هخلي بنتك محتاجه حاجه خاالص يا عمي
ابو عليا: وانا اسف معنديش بنات للجواز
خرجت عليا: بس انا مش هاخد غير محمد يا بابا
ابو عليا: ادخلي انتي جوه دلوقتي الواحد بيدور علي اللي يعليه مش يواطيه
عليا: وانا عايزة محمد حته لو هنعيش في عشه انت ملكش دعوة
محمد: عيب يا عليا متكلميش ابوكي كدا
ابو عليا: قولتلك ادخلي جوه وانت اتفضل من غير مطرود معنديش بنات لاجواز
عليا: بقي كدا ماشي وجريت جابت السكينه وقطعت شرايين ايديها ووقعت علي الارض
محمد: ليه يا عليا كدا حرام عليكي هعيش اظتي من غيرك
ابو عليا: انتي اتجننتي ليه عملتي كدا انا اسف يا بنتي
عليا: انا اسفه سامحوني…. بابا الفلوس مش كل حاجه اهم حاجه السعادة والراحه وانا كنت هلاقي دا مع محمد…. وانت يا محمد سامحني كان نفسي نحقق احلامنا سوي بس مش بي ايدي سامحني يا حبيبي…
*اغمي عليها وفضل محمد يصرخ وامه طلبت الاسعاف واتنقلت علي المستشفي بسرعه ودخلت العمليات فوراً وكان ابوها وقاف علي الباب وبيعيط وجه محمد وقف جانبه وحط ايده علي كتفه…
محمد: متقلقش يا عمي ان شاء الله هتبقي كويسه
ابو عليا: خايف عليها اوي يا محمد انا مليش غيرها انا حرمت نفسي من كل حاجه عشانها هي وبس ولا رضيت اتجوز ولا اعمل اي حاجه في حياتي اشتغلت ليل نهار عشان خاطرها وعشان محرمهش من حاجه ولو كنت بقسي عليها فداه عشان مصلحتها والله العظيم
محمد: انا عارف كل دا يا عمي بس صدقني انا مكنتش هحرمها من حاجه انا بحبها بجد والله
ابو عليا: توعدني يا محمد تحافظ عليها وتسعدها ومتخلهش محتاجه حاجه ولا تزعلها في يوم
محمد: اوعدك يا عمي بس هي تقوملنا بالسلامه
ام محمد: متقلقش يا ابني ان شاء الله هتبقي كويسه تعالوا بس ارتاحوا شوية وقفتكم دي مش هتعمل حاجه
محمد: تعال يا عمي ارتاح شوية
ام محمد: محمد انا هروح اطمن علي اختك واجيبها واجي مش هتاخر
محمد: ماشي يا امي او في اي حاجه كلميني علي طول ولو حصل جديد هبلغك..
*في اوضة منه وزياد…
منه: خلاص يا زياد والله مش قادرة كفايه شبعت
زياد: يا منه انتي مكلتيش حاجه حرام عليكي بقي متنسيش ان في روح جواكي
منه: ايوة انت عايزني اتخن وابقي وحشه عشان تتجوز عليا
زياد: يا صبر ايوب يا بنتي حرام عليكي والله انتي كفايه عليا متتعبنيش بقي
منه ببكاء: وكمان بتزعقلي ومش مستحملي كلمة يا ماما طلقني يا زياد
زياد: يوووووه انا زهقت بجد حرام عليكي
منه ببكاء وصريخ: بقولك طلقني طلقني يا ماما
نادية: في اي يا ولاد صوتكم عالي كدا ليه
زياد: الحقيني والنبي يا حماتي انا تعبت من هرومانات بنتك دي
منه ببكاء: مبقاش يحبني يا ماما وعايز يتجوظ عليا
نادية بضحك: يا ربي عليكي يا منه يلا يا ابني روح شغلك وانا هتصرف معاها
زياد: ماشي يا حماتي يا عسل سلام يا منتي
منه: اهو سايبني ورايح للهانم التانية خد يا زياد هنا طلقني الاول
زياد بضحك: لما اجي حاضر يا حبيبتي سلام بقي
*في اوضة روح وحمزة…
روح: شوفت يا حبيبي اني عاقلة ازاي
حمزة بضحك: طبعا انا حبيبتي ست العاقلين وعشان كدا عايز اقولك خبر حلو
روح باستغراب: خبر اي قولي بسرعه
حمزة: خلاص يا حبيبتي نجحتي وجبتي تقدير كويس جدا وهتحققي حلمك رغم اني مستغرب ليه مختاره كلية خدمه اجتماعية وانتي مجموعك يجيب طب
روح بفرحه: الله اخيراً بقي وكمان يا حمزة الكلية دي حلوة وحلمي عشان اساعد المعاقين واطفال التخاطب
حمزة: حاضر يا حبيبتي ان شاء الله احققلك كل احلامك
روح: حمزة انا بجد بحبك اوي ربنا يخليك ليا يا حبيبي انا انا انا
حمزة: مالك يا روح في اي انتي كويسه
روح بصريخ: ااااااه الحقني يا حمزة بولد مش قادرة ااااه هموت الحقني
حمزة بتوتر: ينهاري بتولدي طب اهدي انا هتصرف اهدي انتي بس
روح: ااااااه مش قادرة يا حمزة الحقني بسرعه
حمزة: حاضر حاضر يا ماما تعالي بسرعه
نادية: في اي يا حمزة روح مالها اي اللي حصل
حمزة: بتولد يا امي ومش عارف اعمل اي
نادية: جهز العربيه بسرعه عقبال ما البسها شكلها هتولد قبل معادها
*نزل حمزة بسرعه وجهز العربية وبسرعه وصل بروح المستشفي ودخلت العمليات فوراً….. في بيت خالة روح…
نغم: اي يا ماما كل دا قلقتيني عليكوا امال محمد فين
ام محمد: يا بنتي اهدي اخد نفسي اخوكي في المستشفي
نغم: مستشفي ليه اي اللي حصل هو كويس
ام محمد: ايوة بس العروسة ابوها رفض وهي انتحرت
نغم: ليه كل دا هو الحب يعمل كدا يا امي
ام محمد: ويعمل اكتر من كدا لما يوصل للجنون لكن الحب الصح هو اللي بتفوض فيه امرك لربنا ولو خير اكيد هيكون نصيبك ومش عليك غير ان تلح بالدعاء وكل حاجه هتبقي كويسه لكن انك تشرك بالله وتنتحر ومترضاش بنصيبك دا غلط كبير يا حبيبتي
نغم: ربنا يهدي يا امي طب انا هلبس عشان نروحلهم
ترن ترن ترن
نغم: الوووو…. اي…. بجد…. طب فين…. احنا جايين علي طول
ام محمد: خير يا بنتي في اي
نغم: روح بتولد يا ماما يلا بسرعه عشان نروحلها
ام محمد: طب البسي بسرعه عقبال ما اكلم ابوها
*وفعلا لبسوا وراحوا والمستشفي وكانت عليا خرجت وبقيت كويسه وابوها حدد معاد الخطوبة وروح ولدت وجابت سليم واتنقل الحضانه عشان مولود بدري وهي اتنقلت اوضة عادية وبعد مت فاقت دخل الكل يطمن عليها…
حمزة: حمدالله علي سلمتك يا حبيبتي طمنيني عليكي انتي كويسه
روح بتعب: الحمدالله يا حبيبي طمني جبت اي
نادية: جبتي سليم صغير زي العسل شبهك يا بنتي
روح: الحمدالله بس هو فين
ام محمد: في الحضانه يا حبيبتي عشان مولود بدري اطمني هو كويس
روح: طب الحمدالله
محمد: يلا بقي قومي يا ست روح امال مين هيختارلي بدلة خطوبتي
روح: الف مبروك يا ابن خالتي وعقبالك يا نغم
نغم: ان شاء الله حمدالله علي سلمتك يا حبيبتي
*وبعد اسبوع خرجت روح من المستشفي هي وسليم ورجعت الفيلا وحمزة شايلها علي كفوف الراحه…. في بيت خالة روح…
نغم: محمد كنت عايزاك في موضوع
محمد: خير يا حبيبتي عايزة فلوس
نغم: لا يا حبيبي بس بصراحه في عريس متقدملي وعايز معاد منك
محمد: ومين دا يا نغم وتعرفيه منين
نغم بتوتر: كان زميلي في الدروس يا محمد
محمد: تمام يا حبيبتي خليهم يجوا بكره
نغم بفرحه: شكرا يا محمد هبلغهم علي طول
*وجه تاني يوم وجه سعيد واهله واتفقوا ان الخطوبة هتبقي مع محمد والفرح هيكون بعد ما تتخرج من الكلية ومحمد اجل فرحه عقبال ما عليا هي كمان تخلص… وبعد اربع سنين اتخرجت نغم وروح وكانت منه ولدت وجابت تقوي وبقي عندها هي وسليم 4 سنين وجه يوم فرح نغم وسعيد ومحمد وعليا…
روح: مالك يا خالتي بتعيطي ليه
ام محمد: مش مصدقه ان عيالي كبروا وخلاص بيتجوزوا وهيسبوني لوحدي
روح: عادي يا قمر هنجوزك انتي كمان
ام محمد: بت اتلمي احسن مش هيهمني الفرح وهتلاقي الشبشب بيزغرط عليكي
روح بضحك: شبشب في الفرح دا كلام
ام محمد: تحبي تشوفي يا حبيبتي
روح: وعلي اي انا هقوم اشوف سليم
سليم: مش قولتلك يا تقوي تلبسي كويس عجبك الناس اللي بتبص عليكي دي
تقوي: مش ليك دعوة بيا يا سليم والله هقول لمامي
سليم: انا بحاول احافظ علي مراتي انا حر
روح: مراتك مين يا واد اتجوزت من ورايا
سليم: ايوة يا ماما انا هتجوز تقوي
تقوي: وانا مش هتجوزك انت رخم
سليم: انا رخم طب تعالي بقي
*وفضلوا يجروا وراء بعض ويضحكوا..
حمزة: وحشتيني يا روحي
روح: يا حمزة اتلم بقي الناس حوالينا
حمزة: وفيها اي يعني
روح: مفهش يا حبيبي فيها اني بحبك بس
حمزة: وانا احب اعترف قدام الكل ان محبوبتي طفلة…❤
تمت….
لقراءة باقي حلقات الرواية اضغط على : (رواية محبوبتي طفلة)
ايه الا خبطه دي فين السر الاهتقوله منه وبعدين مش جوز روح اسمه حمزه
حمزه وزياد مين فهد ويوسف وبعدين فيه اخر الفصل الماضي سر كانت رح تحكيه منه شو هالفصل هاد
الفصل الأخير مامفهوم