روايات

رواية نوارة الزين الفصل الاول 1 بقلم بسمة اشرف

  رواية نوارة الزين الفصل الاول 1 بقلم بسمة اشرف
 رواية نوارة الزين الفصل الاول 1 بقلم بسمة اشرف

 رواية نوارة الزين الفصل الاول 1 بقلم بسمة اشرف

قنا -2019م
(بيت كبير عائله ال قناوي)
يلا ياحج هنتأخر.
جاي يا صابر …..اه روح انت يا علي المصنع وسالم يروح المزرعة …..يلا انا ماشي.
ابوي….مصطفى استنى …..كِده تمشي من غير ما تشوفني .
اه وانا اجول ايه ناجصني ….صباح الخير يانوارتي .
صباح النور يا جلب نواره
شايف البت عاد اهي دي اللى حاسس ان ابوك كتابلها كل حاجة ….قالها سالم بخبث ليثير غضب صابر .
يلا يابوي عاد هنتأخر على اشغالنا ولسه هنروح معاد بليل.
مش هتفطر يابوي؟؟
لا يابتي ورايا شغل كتير هفطر في المكتب .
خلاص يابت ….قالها صابر بغضب شديد .
صابر……
خلاص يابوي انا فعلا زادها.
____________________________
(بيت كبير عائله العلاميه)
زين …..يازين
في ايه ياحازم ياولدي ؟
من الصبح وانا برن على زين مبيردش وبنده عليه بردو مبيردش ورانا شغل كتير ياخاله…وفي موضوع مهم عايز اجوله لزين ….
ياسيدة اطلع خبطي على زين.
انا هنا ياحجة …قالها زين وهو قادم من الباب .
كنت فين ياولدي؟
روحت المخزن كنت واجف مع العمال وهما بينزلوا الطلبيه الجديده وجيت في اي؟
برن عليك يازين من بدري …
نسيته …بس ليه كل دا دا انا لو مرتك مش هتعمل كل دا عشان توصلي …..؟
كان في كذا حاجه عايزك تمضي عليها …
وبس كل القلبان دا عشان امضى …
لا زين في حاجة لازم تعرفها ……
لو تبطل لت وعجن  وتجول علطول …
النهارده في معاد بين عيلة حسان والجبالي بسبب الارض ايها.
ها …..ايه يعني مش فاهم .
كل العيل رايحه الحج عامر لف على العيل كلها و…..و.
وايه ….وبعدين من ميتا عامر حج ….قالها زين بسخريه لان عامر مشهور بالفتنه بين الناس ف هو من الغجر ،اتى والده هاربا ليحتمي بين الاهالي في قنا ومعروف ايضا بحبه للمال ……….في ايه يا حازم متعصبنيش عاد ؟؟
يوسف ولد الحج فاضل جالي انو لما سأل عامر جانه ولا لأ جاله دي عيله مبجاش ليها كبير قالها حازم بتردد وخوف .
نظر زين الى حازم بغضب نظرة لو رأها الأسد لفر هاربا….
ماشي ياحازم المعاد امتى…؟؟
بعد صلاة العشا ف بيت الحج كامل …
ايه يا حجة مش هنفطر
ياولدي….
قاطعها زين قائلا :
جهزي الفطار ياحجة عايزه ابن اخوكي يجول علينا بخله ….ثم قبل يدها.
هتعمل ايه يازين ؟؟
مش هعمل حاجة قالها بإبتسامه خفيفة .
_________________________________
انتي يا بلوتي .
نعم يامرات ابوي .
جومي يابت ساعدي صباح في شغل كتير .
لا……
ايه سمعيني بتجولي ايه ؟؟
لا …..انا مش خدامه انا برتب اوضتي واساعدهم لما اعوز دا .
بترفعي صوتك عليا ….ماشي يابت الإسكندرية.
ليه كده يا نواره ؟!
تعبت ياليلى ….هيا الصبح وصابر بليل غير كلام مرات صابر وسالم اللى يسم البدن قالتها نواره وعيناها مليئه بالدموع.
خلاص عاد هتخليني ابكي حتى انا ….
ليلى انا مليش غير ابوي وعلي وانتي …..انتوا اللى بتهونوا عليا اللى انا فيه ….
 بس يانواره هى كده هتجول لصابر وهيضربك …
وايه الجديد يا ليلى مانا كل يوم بضرب مش هتفرج كفايه اني بعد سبع سنين دراسه وتعب اجعد في البيت حتى مش راضيين اعالج الناس اللى حواليه .
بكرا يجيلك ابن الحلال ….وتغوري من البومه دي قالتها ليلى بصوت منخفض مع ابتسامه جعلت نواره تبتسم .
___________________________________
زين مش هيعديها يا حازم .
وهعمل ايه يا خاله كنت لازم اجوله .
ربنا يستر …..
زين …..صباح الخير .
صباح الخير ايه ….احنا بعد الضهر …مروحتش الشغل ليه .
طب رد الصباح .
صباح النور يا عمرو حلو كده ولا تحب اجوم احضرلك الفطار .
لا كده تمام والاجابه على السؤال الاول النهارده الشغل خفيف يعني نص ساعة ويخلص اروح مشوار ساعة عشان نص ساعه.
ولو ثانيه الشغل شغل قالها زين بغضب شديد .
خلاص يازين هلبس واروح …..بس متزعلش …
استنى ياعمرو اجهزلك حاجة تاكلها …
لا ياحجة هياكل في المكتب ….سلام ياعمرو
ليه كده ياولدي اخوك صغير حن عليه مش كده …
وانا كان مين حن عليا ….ابوي مات بعد نوارة متولدت واخي الكبير طيب جدي كان بيعملني اوحش من كده وانا عايزه يطلع راجل مش كل حاجة معلش و…….
زين ….
نواره تعالى من الصبح مش شايفك كنتي فين ؟؟
هبه طول الليل جعده معيا خلت راسي اكبر من راس عمي غريب ……بجولك ايه ياخوي متتجوازها وتريحني ….اه انا مردهاش لعدوي بس دي هتبجى خدمه انسانيه ….
طب بزمتك مش كفايه علينا مرات اخوكي يبجى هيا واختها حرام كتير يبت ابوي كتير ….
عندك حج ههههههه
يتبع….
لقراءة باقي فصول الرواية اضغط على (رواية نوارة الزين)

اترك رد