رواية لعنة جمالك الفصل الثاني 2 بقلم منة هشام

وصلت إلي الشركة وصعدت حيث الطابق الذي يوجد به مكتب المدير 

وصل آصف وهو يغلي من الغضب وصعد إلي مكتبة 

آصف للسكرتيرة : إبعتيلي جاسم بسرعة 

السكرتيرة برعب من هيئته : حاضر ي فندم 

دخل آصف المكتب وبعده بقليل دخل جاسم 

جاسم : خير ي عم في إي 

آصف بغضب : بص انا علي آخري ..إعمل الإنترفيو مع المتقدمين وبعدين إبعتلي الأكفأ فيهم 

جاسر : تمام ..بس مالك 

آصف : إنجز وبعدين هبقي اقولك اللي حصل 

جاسر : تمام 

في مكتب جاسم أخذ يقوم بعمل الإنترفيو مع المتقدمين حتي وصل إلي أماندا 

جاسم وهو ينظر إلي ال CV: إتفضلي أماندا 

أماندا : شكراً

جاسم وهو يرفع رأسه عن الورق : قو…

لم يستطع أن يكمل كلامة من منظرها 

أماندا : هتفضل متنح كدا كتير ي كابتن 

جاسم : ها ..لأ أبدأ 

أعاد نظرة إلي الأوراق مرة أخري

جاسم : هايل جداً مؤهلاتك تجنن 

أماندا : شكراً

جاسم : هو مش إسمك غريب شوية وخصوصاً ع شكلك

أماندا : ما غريب الا الشطان ي هندزة…أوعي يغرك المظهر عشان خداع

جاسم وهو ينهض  : طب تعالي معايا للمدير وربنا يستر بقا 

أماندا : في ديلك 

جاسم : نعم 

أماندا : جايه وراك أهو 

في مكتب آصف

جاسم : جبتلك اللي إتقبلت في الوظيفة 

آصف : هو مش في باب بيتخبط عليه قبل ما ندخل 

جاسم : أنا عمري خبطت قبل ما أدخل 

آصف : لأ 

جاسم : يبقي زعلان لي 

آصف : مفيش فايدة ..دخلها 

جاسم : إدخلي ي أماندا 

آصف وهو يرفع عينه من علي الأوراق : هو أنتِ 

أماندا : إنتَ تاني …هو يوم باين من أولة 

آصف : إنتِ خلاص إتعينتي ..ومش كدا وبس وهتبقي السكرتيرة بتاعتي كمان 

أماندا : وماله ي أخويا ميضرش 

جاسم : إنتَ سامع بتقول اي ي آصف 

آصف : إي المشكلة 

جاسم : دا أنا فيا إنوثة عنها 

أماندا : والله ي كابتن عيب ع شنبك ..ودي مشكلتك مش مشكلتي ..كويس إنك معترف إني أرجل منك 

آصف : بس إنتَ وهي ..أنا خلاص أخدت القرار 

جاسم وهو يخرج : إنتَ حُر 

آصف : خلي رشا تدخلي وخد الباب في إيدك 

بعد مرور عدة دقائق تدخل رشا إلي المكتب وهي تمشي بدلال وهي فتاة ذات قوام ممشوق وتضع مستحضرات التجميل بكثرة 

رشا بدلع : طلبتني ي فندم 

أماندا : طلبك عزرائيل ي بعيدة 

رشا : نعم.. بتقولي حاجة  

أماندا : لا ي حبيبتي .. كملي وصله الدلع بتاعتك 

آصف : كنتِ طالبة نقل ل فرع إسكندرية .. الطلب اتوافق عليه بس قبل ما هتمشي هتدربي الآنسه علي الشغل 

رشا بإستحقار : بقا دي اللي هتبقي سكرتيرة 

أماندا : مالي ي عنيا 

رشا : معندكيش مرايات في بيتك ولا إيه 

أماندا : مفيش اكتر منها في بتنا ي عنيا 

رشا : ابقي بصي علي نفسك في المراية 

أماندا : إبقي بصي انتِ الاول 

آصف بزعيق : بس إنتِ وهي … رشا عايزك تعلميها كُل حاجة 

رشا : حاضر ي فندم 

آصف : وإنتِ ي بتاعة اهتمي بمظهرك شوية .. إنتِ هتكوني واجه الشركة 

أماندا : والله دا اللي عندي 

آصف : شايفة رشا عايزك تعملي زيها 

أماندا : تسمع عن مثل بيقول إمسح مكياج صحبتك يطلعلك سيد ابن عمتك 

آصف : لا 

أماندا : خليها تمسح المكياج وتيجي تكلمني راجل ل راجل كدا 

آصف : علي الأقل مهتميه بمظهرها 

أماندا : طب تسمع عن مثل بيقول علبه المكياج النضيفة تعمل من الخدامة مضيفة 

آصف بستغراب : لا 

أماندا : يبقي سمعك تقيل ي باشا 

رشا : طب ما تجيبي علبة المكياج دي يختي يمكن تحلوي 

أماندا : ما أنا مش خدامة ي روحي عشان اجيبها  .. مش مهم المظهر أهم حاجة الجوهر 

رشا : مفيش حد بياخد بالجوهر 

أماندا : بكرة الأيام تثبت ان المظاهر خداعة 

آصف : خديها ي رشا فهميها الشغل وطبيعة الشغل معايا   

رشا : حاضر ي فندم 

خرجت رشا وأماندا 

رشا : بصي آصف بيه طبعة صعب وطلباتة كتير وملتزم بالمواعيد يعني لو إتأخرتي قولي علي نفسك ي رحمان ي رحيم 

أماندا : متقلقيش أنا بلتزم بمواعيدي وبالنسبة لطباعة فأنا شوفت أسوأ منه كتير 

رشا : طب تعالي أعلمك الشغل بقا 

أماندا : لا أنا مش محتاجة حد يعلمني 

رشا : إزاي بقا 

أماندا : اشتغلت في شركات كتير قبل كدا 

رشا : تمام براحتك 

في مكتب جاسم 

جاسم وهو يكلم نفسه : هو اتهبل ولا إيه .. هو مش شايف شكلها عامل ازاي .. بس الشهادة لله البت ال cv  بتاعها عظمة 

جاسم اتجنن خلاص وماشي يكلم نفسه ????????

يا ترا ايه اللي هيحصل لما تشتغل القبيحة مع البارد ؟!… هل هتعدي الموضوع دا كدا ولا هتجننة .. دا اللي هنعرفة في الفصول الجاية ان شاء الله..

يتبع..