رواية ملكي أنا (رهف 3) الفصل الثاني 2 بقلم الكاتبة ندى رأفت

جت البنت جنبه بسرعه.. وحطت إيدها على كتفه وقالت وهي في عنيها الدموع من الخوف:  انت كويس ….بصلها إياد بصدمه وقال بينه وبين نفسه : عنيها ….نفس العين …وكان هيرفع إيده يمسح دموعها لكن مقدرش وفقد وعيه …..

سيف راح له بسرعه ومسكه وقال : فوق يا إياد …

البنت بخوف : انا ..دكتوره ..وهساعده ..معايا الاسعافات الاوليه في شنطتي ..

سيف : طب انا هاخد إياد للعربيه وهحطه على الكنبه الي ورا وانتي اتصرفي …

البنت بخوف وتوتر : ماشي ..

رفع سيف إيد إياد وحطه على كتفه ومسكها..

سيف : معلش يا إياد قاوم معايا شويه …وابتدى يمشي سيف بأياد ..بس إياد مقدرش وكان هيقع فجت البنت بسرعه الناحيه التانيه ..ومسكت إيد إياد ..وحطتها على كتفها .. وقالت لصاحبتها تاخد شنطتها..وفضلت تمشي ..وصاحبتها ماشيه وراهها في هدوء ..وبعد ما وصلو العربيه …سيف كان بيحاول يفتح باب العربيه …بس كان خايف إياد يقع فلاحظت البنت الموضوع فقالت : ساره افتحي باب العربيه …

ساره بخوف : حاا..ضر …

فتحت ساره الباب ..حطت سيف إياد على كنبه العربيه … وسابو الباب مفتوح 

البنت : ساره هاتي الشنطه ..

ساره بتوتر : خدي ..

وبعدها خدت البنت الشنطه  ..ابتدت تعالج إياد ..

ساره بره متوتره …وقاعده تبص يمين وشمال من الخوف ..

سيف : اهدي .. 

ساره بتوتر : ما أنا هاديه اهو لو سمحت متكلمنيش ..مبكلمش ولاد ..

سيف ضحك ضحكه خفيفه وقال : ماشي ..

وبعد فتره خلصت البنت معالجه إياد ..وقفلت شنطتها وكانت هتخرج ..راح مسك إياد إيدها ..وقال في مرحله لا وعي : متسبنيش ..

البنت اتخضت ..وحولت تشيل إيدها ..بس مش عارفه … 

البنت بخوف : سيب إيدي لو سمحت ..

وحاولت تاني …بس مفيش فايده ..

إياد : متمشيش ..

البنت بتوتر : يا استاذ ..

سيف : خير في إيه ..

البنت بتوتر وخجل  : مش راضي ..يسب إيدي ..عايزه اخرج ..

سيف : اه ..وبعدها قال: إياد سيب إيد البنت ..

يا إياد … وبعدها ساب إياد إيدها بالعافيه ..راحت شدتها البنت وخرجت 

سيف بكسفه : معلش يا انسه …تلاقيه افتكرك ..والدته اصل إياد بيحب والدته جدا …ههه 

البنت بخجل: مح..صلش ..حاجه …

عن إذنك …

سيف : لا مينفعش لازم نوصلكم ..

البنت بخضه : لا لا توصلونا إيه …انا هتصل ببابا بعتلي عربيه ..في المكان الي انا فيه ..شكرا ..

سيف طب انا هقف هنا لغايه ما عربيه والدك تيجي ..

البنت : ملوش لزوم ..

سيف: لا ازاي مينفعش …انا هستنى 

البنت بخوف  : ماشي .. وبعدت هي وصحابتها ساره عن العربيه بتاعه إياد ووقفوا بعيد …

واتصلت بوالدها …..

البنت : الو يا بابا ..معلش ينفع تبعتلي عربيه على العنوان ..دا ..

والدها : انتي اتأخرتي كدا ليه ..مش قولتي هتخرجي مع صحابتك ساعتين وراجعه  ..

البنت : معلش يا بابا هحكيلك بعدين ..ينفع تبعتلي عربيه …

والدها : ماشي ..سلام قفلت البنت وبعد فتره ..

جت العربيه …

وركبتها هي وساره ..من غير ما يبصوا لسيف حتى ..ومشيوا …

سيف عدل إياد وقعده على الكنبه ..وقفل الباب وركب وابتدى يمشي بالعربيه …

سيف: مش هنعرف نرجع البيت إجباري يا عم ..إياد امك لو شافتك كدا ..هيمطر علينا بحر أسأله ملوش اخر ..يلا على الشاليه يا عم ….

في عربيه البنت ….

البنت كانت قاعده وبصه للشباك .. 

ساره : مالك يا بنتي  قاعده بصه للشباك كدا ..ليه ..

البنت : لا ..مفيش ..حاجه ..

ساره بخبث : بجد ..

البنت : قولتك ..مفيش ..

ساره : لا ..وتقولهم..دكتوره ..هو احنا لسه خلصنا ..جامعه ..

البنت : مكنش ينفع اسيبوا كدا …

ساره : ماشي ..يا ستي .. 

البنت : اسكتي بقا ياريتني ما كنت سمعت كلامك وخرجت …انا كنت مش مطمنه اصلا…وقلقانه ..

ساره : خلاص ..لما نيجي نخرج المره الجايه ..نبقى نخرج بعربيتك ..اوك ..

البنت بصتلها وضحكت وقالت: اوك يا ستي ..

الكاتبه:Miyano shiho (ندى رأفت ) 

وبعد يومين ….

الصبح..على الساعه ٩ 

في الفلا ..

ياسين قاعد على السفره هو ورهف ..

ورحمه في المدرسه..

ياسين بشك : إياد هيرجع من الشغل إنهارده صح …

رهف بتوتر : اه ..

وفجأه خبط الباب..وفتحت الخدامه ..ودخل إياد وقال : صباح الخير يا ماما ..صباح الخير يا بابا..

رهف بفرحه : صباح الخير يا ابني ..

ياسين : صباح الخير تعالى اقعد افطر …

إياد : لا مش قادر يا بابا تعبان وعايز ارتاح ..ومشي وكان هيطلع اوضته ..

راح قال ياسين : يعني مش هتيجي معانا النهارده …

إياد : اجي فين ..

ياسين : إيه انت مش عارف ..دي حفله ..معموله للرجال الأعمال الكبار ..انت متعرفش ولا إيه مش المفروض انك كنت في الشغل ..يعني خدت كارت دعوه ..صح ..

إياد بتوتر : اه اه ..بس انا أديته ..لسهيله ..(سكرتيره الشركه ) .. انا هاجي الحفله ان شاء الله ..

ياسين : هو إيه دا الي انت اديته .. لسهيله..

إياد : كرت الدعوه …

ياسين بشك  : ماشي ..يا حبيبي روح ارتاح ..

مشي إياد ..

بليل…..

في الحفله ..

دخل إياد وياسين..فجذبوا أنظار الجميع بسبب وسامتهم واناقتهم ..وبعدها دخلت رهف هي ورحمه ..الي بردوا جذبوا أنظار الجميع..

قعد ياسين هو والعيله على طربيزه مخصصه ليهم …

ياسين : انا مش عارف رامي ويوسف فين قالو ليا على وصول …من وانا نازل من الفلا 

رهف : متقلقش اكيد جايين..

إياد : ماما انا هقوم..اطلع برا شويه ..لما الحفله تبتدي ناديني …

ياسين : ليه رايح فين ..

إياد:  طالع برا  بس شويه .. انت عارف يا بابا الدوشه بتخنقني ..

قام إياد وقال : عن إذنك ..وخرج ..واول ما خرج من القاعه ..خبط في بنت ..

إياد : انا اسف ..

البنت : لا عادي …مفيش حاجه ..

بصلها إياد ….وافتكر انها نفس البنت الي انقذها من الشباب..من يومين ..

إياد : فكراني ..

البنت بصتله وقالت : …اه ..شكرا لحضرتك ..

إياد : على إيه ..

البنت : على انقاذك ليا من الشباب انا وصحبتي ..

إياد : ..انا الي المفروض اشكرك ..لأنك اسعفتيني يا دكتوره…

البنت : لا عادي ..انا كنت المفروض اعمل كدا …

إياد : انا إياد …

البنت ابتسمت وبصتله وقالت : وانا ملك ..اتشرفت بيك ..يا استاذ إياد …

انصدم إياد وحس بشعور غريب ..

ملك : عن إذنك انا لازم ..ادخل ..وكانت هتمشي راح مسك إياد إيدها……….وجابها تاني قدامه بسرعه..راح ………