رواية اللطيم الفصل السابع 7 بقلم هنا سلامة

ليل التفت لصوتها، دمها نازله على الفستان الأبيض إلى كانت لبساه، الدنيا بتلف بيه حرفياً !

جري عليها و اخدها في حضنه و هو بيقول بصوت عالي : دكتور حد يطلب دكتور هتموت مني

سيلين بتعب : ليل .. ليل تماسك .. حاول.. حاول تف.. تفكر .. اطلب الإسعاف .. تماسك عشان تنقذني يا حبيبي

مكنش عارف يفكر و هي بين ايده بتنزف و هو عاجز مخه اتشل !

مسك فونه و ايده غرقانه دم و قال بعصبيه : عاوز عربية إسعاف في ////// بسرعه انا ليل اللطيم بسرعه مراتي هتموت

رمى الموبايل و هو بيضمها و بيملس على شعرها و هي بتقول بابتسامه : تفتكر.. ه..هلحق ابقى مراتك ؟

دموعه نزلت من السؤال غصب عنه و قال بحب : متخفيش هتعيشي يا سيلين، سيلين محبتش غيرك يا روحي، عاوزك تعيشي و نخلف و اجيب عيال كتير منك، اوعي تروحي لعامر و تسيبي ليل، اوعي و النبي اوعي، سيلين فوقي يا سيلين بحبك يا سيلين سيلين فوقي سيلين !!!

فقدت الوعي تماماً و هي في حضنه و هو بيعيط بقهره، جري بيها و دمها على الأرض و بياخد أنفاسه بصوت عالي و بصعوبة، لحد ما قابل عربيه الإسعاف و هو بيجري بيها، حطاها في عربيه الإسعاف

الدكتور : أن شاء الله هنلحقها يا ليل بيه أن شاء الله

ليل بعياط : انا عاوزها، اعمل اي حاجه يا دكتور و النبي انا عاوزها

مسك ايديها و فضل يعيط و جبينه على جبينها، لحد ما وصلوا المستشفى

في المستشفى

دخلوها للعمليات على طول و هو قاعد على الأرض هيتجنن، اخد موبايله و كلم حد و قال بعصبيه : لو انت الي ورا إلى حصل مش هرحمك و اول ما تفوق مراتي مش هيبقى ليها علاقة بيك و لا بأمك بنت ال *****

عاصم بعصبيه : انت بتقول ايه ! سيلين دي بنت خالتي و امي مهما كانت طمعانه في حق سيلين في البيت أو أنها كانت عاوزه تجوزها واحد كبير في السن عشان الفلوس متوصلش للقتل يا ليل

ليل بعصبيه : امال امك كانت بتكلم مين قبل ما ننزل يالا ؟؟

عاصم بسخرية : دي كانت بتكلم نعمت بتاعت الجمعية يا أخي يا أخي بطل سوء ظن يا اخي

ليل بعصبيه : و ايه الدليل يا روح امك ؟؟ اقفل يا برص اللواء على الويت اقفل

قفل عاصم و فتح ليل على اللواء و قال بعصبيه : الو

اللواء بجديه : هتتعصب عليا انا كمان يا ليل ؟ مقدر أن حبيبتك بين الحياء و الموت بس الحمد لله بيت عاصم قدام البنك و البنك ليه كاميرات مراقبة في المداخل و المخارج جابوا رقم العربية و طبعا صاحب العربية هو ابن سالم بتاع قضية المخدرات إلى انت خلصتها و حالياً مسكنا ابنه و الي ضرب نار على سيلين

ليا بعصبيه : حرم ليل اللطيم ايه سيلين دي ؟؟

اللواء بعصبيه : ليل مقدر حبك ليها بس فوق انت بتكلم اللواء انت مش عيل مراهق عشان متعرفش تفرق بيني و بين اي حد تاني

ليل بهدوء : انا اسف يا فندم بس حقيقي انا تعبان و قلقان عليها

اللواء : عارف يا ابني فاروق ابوك الله يرحمه وصاني عليك، أن شاء الله تبقى كويسه و ليك شهرين اجازه يا ليل يا ابني عشان تشبع من حبيبتك

ليل بقلق : اطمن عليها بس يا فندم و انا هعلم ابن سالم الكلب ده الأدب

اللواء : لا يا ليل انت لازم تبعد شويه عن الشغل انت العيون عليك كترت و كل ما تزيد مكانتك كل ما هتزيد أعدائك يا ابني، خليك بعيد و احنا هناخد كل اللازم مع ابنه سليمان ده

ليل بقلق : طيب يا فندم شكراً على الاجازه، بعد اذنك يا فندم، سلام، سلام…

قفل مع اللواء و بعدها بربع ساعة خرج الدكتور 

 جرى ليل علية و قال بقلق : هي كويسه يا دكتور صح ؟

ابوس ايدك رد عليا ابوس ايدك

الدكتور بابتسامه على حبه ليها : ايوه يا ليل بيه كويسه الحمد لله، بليل أن شاء الله هتفوق 

ليل بفرحه : ربنا يخليك يا دكتور ربنا يخليك يا رب

دخل ليل على حبيبته كانت لسه تحت تأثير البنج و بتهلوث و بتقول بتعب : ليل .. بحبك يا ليل .. 

قرب ليل و قبلها قُبلة رقيقه على احد وجنتيها و قال : و ليل بيعشقك يا روح ليل 

سيلين بتعب : عاصم سيب اللعبه بتاعتي .. انت.. انت رخم كده ليه.. 

ليل بضحك : هو رخم من هو صغير ؟؟ 

سيلين بتعب : اممم .. ليل.. خليك جمبي 

ليل بابتسامه : هجيب المأذون و اجي يا قلب ليل 

بليل 

المأذون : يا ابني انت داخل المستشفى في الوقت ده ازاي ؟ بتشتغل ايه انت ؟ 

ليل بعصبيه : هتفرق ؟ انا ظابط يا شيخنا 

المأذون بلع ريقه و قال : هو انت ليل الداخلية ؟ 

ليل : اه يا حج و اقعد ساكت بقى 

المأذون : يا ابني الساعه ١٢ بليل و البنت نايمه تعبانه هتتجوزها ازاي ؟ و بعدين ورايا أفراح الصبح و غير كده البنت شكلها لسه تحت تأثير البنج يعني ممكن تكون عاوز تتجوزها غصب 

ليل بخبث : اممم .. غصب ؟؟ 

المأذون بثقة : ايوه طبعا انت مش شايف انها تحت تا… عااااا

ليل حط المسدس على رقبته و قال بعصبيه : هششش مراتي نايمه تعبانه يا حج، ها ايه رايك كده ؟ لسه الجواز غصب من وجهه نظرك و لا لا ؟ 

المأذون بتوتر : لا طبعا ده انت تجيب منها سلمى و كامل و انا قاعد و مش هتكلم يا بيه و الله، خلاص و الله خلاص 

ليل حط المسدس في جيبه و عدل ياقه القميص : ايوه كده، يلا يا سُنسُن اصحي 

سيلين بتعب : اممم .. 

ليل : لا مش وقت أمممم انا عاوز اخدك في حضني و انا مرتاح 

سيلين فتح عينها و قالت بتعب : انت كويس ؟ 

ليل بحب : زي الفل يا روحي طول ما انت كويسه 

سيلين بتعب : مين ده ؟؟ 

ليل : ده المأذون عشان اتجوزك 

سيلين بفرحه : قول و الله ؟؟ 

ليل بحب : و الله 

سيلين : يلا يا حج انا زوجته نفسي البكر الرشيد 

المأذون : هي بتقول ايه ؟؟ 

ليل بضحك : آثار الصدمه يلا يا حج بسرعه بقى 

المأذون : و الشهود ؟؟ 

دخل حسام و سامح و قالوا في نفس النفس : حاضرين سيادتك 

المأذون : بارك الله لكم و جمع بينكم في خير ♡

تاني يوم الصبح 

صحت سيلين و كان نايم ليل على الأرض 

سيلين بحب : يا روحي نايم على الأرض، ليلي

فاق ليل و قال بخضه : ايه ! تعبانه ! 

سيلين بضحك : مالك يا ليل، انا زي الفل اهو انا عاوزه نروح بقى 

ليل بفرحه و غمزة : حتت مفاجأه يا قلب ليل، مش هتصدقي 

سيلين بفرحه : ياااه انا من زمان محدش عملي مفاجأه 

ليل بحب : دي غير اي مفاجأه، تيته جت و انت نايمه و جابتلك لبس خروج 

سيلين : طيب انا هلبس و نروح على تيته بقى 

ليل : تؤ تؤ على شقتك يا روحي 

سيلين بفرحه : احنا مش هنقعد مع جدتك ؟؟ 

ليل : لا يا حبيبي انت لازم يكون ليكي مملكة خاصة كده و انت الملكة بتاعتها 

سيلين بفرحه : ربنا يخليك ليا يا حبيب سيلين 

ليل بحب : و يخليكي ليا يا قلب ليل، يلا بطلي لكاعه قومي 

قامت سيلين و لبست و راحوا على آخر دور في عمارة اللطيم ????

دخلت سيلين و قالت بصدمه : مش معقول ! ليل ايه ده !!!