Uncategorized

رواية أنتي نوري الفصل التاسع 9 بقلم سارة أبوسليم

  رواية أنتي نوري الفصل التاسع 9 بقلم سارة أبوسليم

 رواية أنتي نوري الفصل التاسع 9 بقلم سارة أبوسليم

 رواية أنتي نوري الفصل التاسع 9 بقلم سارة أبوسليم

 وصل محمد فاطمه للبيت واستاذن من والدها يجييو الدهب وحددو المعاد يوم الجمعه وروح سليم ونورا البيت 
نورا ع سريرها  : قد اي انا مش طايقك يعني انت طلعت بتاع بنات كلامك وهزارك معايا عشان انت متعود ع كده انا بكره الشاب اللي بيكون مصاحب بنات كتير ده وبيهزر مع كله انا بكرررهك 
والدت نورا : اسم لله عليكي يا قلب امك انتي اتجننتي ولا اي بكلمي نفسك 
نورا : لا يا ماما ده انا كنت فكر في حاجه عايزه اعملها 
والدت نورا : طيب يا حبيبتي يلا نامي عشان تلحقي تروحي الكلية 
نورا : حاضر 
خرجت والدت نورا نورا حاولت تنام فصلت تتقلب يمين وشمال وبعدها جابت المخده وحطتها فوق وسهل وهي بتقول انا مالي اصلا ما يكلم ويولع انا مالي لو هو عايز يكلمني زي كل البنات انا بقي مش هكلمه عشان انا مش بحب اكون كده بكره كده مش هتضايق خالص يلا أصبح ع خير 
سليم : مساء الخير يا عموره 
عامر والد سليم : مساء النور يا حبيبي 
عمر : مسا مسا يا ابن عمممممي 
سليم : اي ده انت هنا 
عمر : ايوه جيت تقعد معاك بس انت كنت بره 
سليم : كنت في عيد ميلاد عزه بعدين روحت مع محمد مشوار 
عمر : مشوار اي 
سليم : خطيبته يا سيدي طلع بيت صحبتها 
قاطعه عمر : صحبتها الوتكايه ولا وتكايه تانيه 
سليم : اتفوو وتكايه اتهد بقي 
عمر : حاضر كمل 
سليم : خطيبته طلع بيت صحبتها قدام الكافي اللي في عيد ميلاد عزة وطبعا عزه كانت بترحب بي 
عمر مسك خده : اه انت هتقولي بس محمد اللي غلطان بردو يا ابو سليم ازاي يبوس مرات صحبه 
سليم : بس يلاه مرات مين
عمر : انت تطول يا معقد دي ملبن
عامر والد سليم : بدام ملبن بقي يبقي لزم تفكر 
فوفا : تحب احطك اي في الشاي يا حج  سكر ولا نعناع 
عامر : نعناع يا حبيبتي نعناع يطري ع القلب عامر بهمس قصدها سم يا اولادي 
فوفا : الشاي يا حج 
عامر : تسلمي يا فواكه 
عمر : اي ياسطا ده 
سليم : لا دي مجرد تثبيت للحماية من الجرائم 
عمر : امممم قولتلي 
سليم : تعالي نطلع الاوضه عايزك 
عمر : يلا يا سل 
سليم : سل في عينك  خلاص مش عايزك 
عمر : قولي بس قولي 
سليم : طيب قدامي 
عمر : باي فوفا باي يا عموري 
عمر وسليم في الاوضه 
عمر : في اي ياسطا 
سليم : هو لو بنت انت شوفتها مرتين وانا بتبقي مبسوط لما تشوفها بس انت مش بتحبها 
عمر قطعو مبسوط لما تشوفها ومش بتحبها 
سليم بتوتر : اه بظبط فهي شافت صحبتك وهي بتسلم عليك واضايقت هي كده ليه اضايقت 
عمر : ممكن بتحبك 
سليم : هي شافتني مرتين ومعملتش حاجه يعني حلوه معاها لدرجة تحبني 
عمر : مش شرط الحب من نظرة بس قولي مين دي 
سليم : لا مش انا ده صحبي كان محتار. انت عارف انا مليش في الكلام ده فمش عارف 
عمر : اممم قولتلي 
سليم : بس اكيد مش حب ممكن غيرة بنات بس 
عمر : ممكن 
سليم : بس هي احلي منها بكتير 
عمر : اممم ما انا عارف 
سليم : عارف اي 
عمر : اصل صاحبك قالك انها احلي منها اه 
سليم : اه يابني انا شوفتها 
عمر بخبث : امممم ماشي 
بس خلي بالك في بنات بتتقفل من ولد كانت بتحترمه لما تلاقي بيهزر مع بنات كتير 
سليم : قعد يفكر في الموضوع ممكن فعلا يكون عندك حق 
عمر : طول عمري عندي حق همشي بقي عشان نلحق نصحي بكره 
سليم : ما تنام هنا 
عمر : مكنتش تحلف يلا تصبح ع خير يا سل 
سليم : طيب قوم غير هتنام بهدومك الجزمه الجزمه  يا رخم 
عمر : نام ياسطا هنتاخر وادي الجزمه 
سليم : تصبح على خير ياسطا 
عمر : وانت من اهله ياسطا 
نجري بقي بالاحداث عشان الناس زعلانه مني
محمد : الو يا سليم هتيجي معايا انهارده صح 
سليم : اكيد ده انا اخو العريس 
محمد : ربنا ما يحرمني منك 
سليم : ولا منك يا حبيبي انت وفاطمه تمام 
محمد : اه تمام الحمدلله 
سليم : ماشي يا حبيبي امته أن شاءالله
محمد : علي بعد المغرب بأمر الله ونروح نقعد في كافي شويه 
سليم : ع خير مين جاي مع فاطمه 
محمد : ممكن والدتها 
سليم : والدتها اممم 
محمد : يلا حبيبي سليم 
سليم : سلام ❤️ 
سليم : صباح الخير يا فوفا 
فوفا : صباح الخير يا حبيبي اي رايح انهارده مع محمد 
سليم : ايوه يا ماما امال هسيبه 
فوفا : الموضوع بقي ع هواك بقي ???? 
سليم : ايوه ابن خالتي بقي 
فوفا : ربنا ما يحرمكم من بعض 
سليم : يارب يا فوفا 
فوفا : مش ناوي تريح قلبي بقي وتفرحني شوفت أجواء الخطوبه حلوه ازاي 
سليم : محمد مش ظابط يا امي يكفي اللي انا يشوفه مش هجوز واحده اعذبها 
فوفا : يابني ما انا كنت مرات ظابط يابني وليه مصمم تعيش الدور ده 
سليم خلاص يا امي هقوم اللبس واروح لمحمد
عند نورا 
فاطمه : اي يا بنتي فينك 
نورا : موجوده اهو 
فاطمه : طيب يلا اللبسي 
نورا : معلش يا فاطمه مش هعرف انهارده روحي انتي وخطيبك 
فاطمه : ازاي يعني مش هتيجي تختاري معايا حاجتي 
نورا : معلش مش هعرف خالص انهارده 
فاطمه : ليه يا نورا ازاي يعني 
نورا : مش لزم اكون معاكي في كل تفصيله كده عشان محدش يتخنق مني ودي حاجه بينك وبين خطيبك 
فاطمه : ماشي يا نورا 
نورا : متزعليش 
فاطمه : ماشي خلاص باي 
بعد ما فاطمه قفلت في سرها  معلش يا فاطمه متزعليش عشان خاطري انا حاسه اني مقفوله ومخنوقه ومش عايزه اشوفه 
عند سليم 
سليم : اي الشياكه دي يا عريس 
محمد : مفيش احلي منك 
عمر : انا حبيبت
سليم : اهلا اهلا 
سليم : بس اللبس الشميز البيبي بلو احلي 
محمد : اشطا 
بعد دقائق 
سليم : ايوه كده يلا 
محمد : يلا 
عمر : مش مصدق خلاص امك بقيت عريش وحضنها بعض ومشيو 
وصلو عند فاطمه 
محمد وسليم نزله من العربيه وفتح محمد الباب لفاطمه ووالدتها 
سليم حزن من جواه وحس اليوم اتقفل أكان حاسس أنه هيشوف نورا اكيد مش هتسيب صحبتها فضل مخه يجيب ويودي طيب هي ليه مجتش تعبانه ولا مكسوفه تيجي طيب هو الموقف ضايقها لدرجة أنها متجيش معقول مش طائفه تشوفني طيب يا تري هي اي حب ولا غيره ولا فعلا قليت من نظرها وشافتني بتاع بنات لما عزة حضنتني ازاي يا نورا متجيش بس ازاي 
محمد : يابني هفضل انادي عليك ساعه 
سليم ماسك باب العربيه وسرحان : طيب انا ليه مضايق اني مش شوفتها ليه اليوم اتقفل وفرحتي ضاعت 
محمد : سليم 
سليم : يعني فرحتي اني هشوفها كانت أكبر فرحتي بمحمد اكيد انا فرحان لأنه كويس وغلبان اوي بس انا كنت عايز اشوفها ليه يا سليم بتفرح لما تشوفها 
محمد : يا سليم 
سليم : نعم يا محمد خلاص اركب 
محمد : ايوه يابني مستني اي 
سليم : حاضر حاضر 
محمد : مالك يا سليم 
عمر : شكله مشغول في موضوع صحبه 
سليم : احم مفيش سرحت في الشغل 
محمد : افصل بقي يا اخي واتبسط 
سليم : حاضر 
ندي والدت فاطمه طلعت وشها من الشباك وشاورت لحد واقف في بلكونه السور بتاعها حديد ومليان زرع  سليم بص لاقي نورا في البلكونه لابسه بيجامه بيضه البنطلون عليه دباديب وتيشيرت ابي عليه دبدوب و عامله شعرها كحكه لفوق وشعرها حرير واسود بيلمع والقصه طويله ونزله ع عينها 
عمر : اووو 
سليم بقي بيغلي مش عارف يجيبها من شعرها يقولها ادخلي ولا يحدف عمر بره العربية 
وفاطمه قاعده مش سلمت عليها عشان زعلانه 
ونورا حست بكده وكانت مضايقه 
يتبع…
لقراءة الفصل العاشر : اضغط هنا
لقراءة جميع فصول الرواية : اضغط هنا

اترك رد