Uncategorized
رواية أحببتك رغم انتقامك الفصل الثامن عشر 18 بقلم منه محمد
رواية أحببتك رغم انتقامك الفصل الثامن عشر 18 بقلم منه محمد
 |
| رواية أحببتك رغم انتقامك الفصل الثامن عشر 18 بقلم منه محمد |
رواية أحببتك رغم انتقامك الفصل الثامن عشر 18 بقلم منه محمد
فتح الباب عاليا ندهت عليه وقف لانه قلب رق لندائها المتوسل الراجي نزلت دموعه وجمد قلبه وخرج وهي دخلت في صدمة اليمه بين القسوة والجفا وعالم الرفض والالم
نزل ركب دراجاته وعيونه علي الشباك نفسه يروحلها عشان يمتص حزنها وقهرها؟؟ لالالازم تدوق من نفس النار الي امها دوقتها لـ امه سنين خليها تروح تحكي لـ ابوها خاليه يدوق ويشرب من نفس الكاس الي دوقه لـ امه من سنين …..في نفس اللحظه عاصم قاعد في مكتبه ماسك صوره نبيله بيكلمها ويطمنها: نبيله خلاص مش عايزك تقلقي بخصوص عاليا دلوقت بقت مع شخص بتحبه وبيحبها وهيساعدني انه يهتم بيها لكن قطعه تأملها صوت تدوير موتسكل قام مفزوع بص من الشباك لقاه كريم داس واتحرك بكل سرعته استغرب تصرفه الغير منطقي
#فلاش
نهله لسه بتلف وتدخل البيت لقت كريم قاعد منتظرها
نهله بصدمه: كريم!!!!!
كريم قرب: محتاج اطمن عليكي ومحتاج اتكلم معاكي ضروري
نهله بزعيق: شكرا لهتمامك بيا ولو عندك توبيخ تاني ناوي تسمعهولي اتفضل امشي
كريم بنرفزه: اسمعيني الاول وقدري كلامي
نهله: بخصوص عروستك
كريم: ايوه بخصوصها ندخل ونتكلم وهفهمك يله
نهله بحده: اتفضل اتكلم واختصر
كريم مسك ايده واخدها تقعد جنبه: ممكن تهدي وتفهميني انا طالب مساعدتك
نهله مسحت دمعة فرت من عينيها : اي مساعده تانيه عايزها مني طلبت مني ابعد عن حياتك وانا بعدت مش ده طلبك
كريم: نهله لو قولتلك كنت لازم اكون وقح معاكي عشان خطتي تنجح
نهله: واسأتك ليا ده كان جزء من خطتك
كريم طقطق صوابعه: ايوه جزء حتي جوازي من عاليا مجرد فَيك
نهله: اشرحلي يله حابه اسمعك
كريم نبره كلها ملغمه مرار: ابويا ساب امي ليله فرحها وراح لـ ام عاليا امي وقتها حست بالأساءه لانه هجرها وطبعا اتعرضت لمضايقاتك وطرح اسأله مخجله من العايله لكن اتماسكت وكملت لحد ما خلفتني لو ابويا معرفش الست دي لو حب امي نفس ما حبها مكنتش انا خسرتها ولا هي خسرت حياتها عشان كدا الكل لازم يدفع التمن
نهله بشك: طيب ليه اتجوزتها كنت ممكن تنتقم بطريقه تانيه؟!
كريم نبره ناشفه: مفيش انتقام ابشع من تكرار التاريخ ايوه اتجوزتها بس سبتها في ليله دخلتها نفس ما عمل ابويا في امي ومهما أذيت ابويا يتحمل هو نتيجه غلطته ولو أأذيت بنت حبيبته وقتها بس مش هيقدر يتحمل الالم
نهله بشك: انت متأكد انك اتجوزتها لغرض الانتقام ولا لغرض الحب
كريم: انتي شايفه ايه
نهله: الي انا شيفاه انك واقع في غرامها
كريم مسح جبينه بتوتر: انا مبحبهاش كل ده مجرد تمثيل (وقرب منها)واحده بس الي بحبها انتي الي لما بحس اني مش تمام القيكي انتي الي واقفه جنبي نهله انا بثق فيكي اكتر من اي شخص تاني والاهم من ده كله انك بتحبيني بجد وعارف ده من وقت طويل انا مش اعمي انا بس مرضتش اصرحلك ان مشاعرنا متبادله واستنيت لحد ما يجي اليوم المناسب واعترفلك فيه بحبي
نهله بفرحه: بجد ياكريم بجد بتحبني وانت بتقول الحقيقه صح
كريم هز دماغه: خلاص مش زعلانه من الي عملته
نهله: لا هفضل جنبك واشجعلك ولا عمري هضايقك بأسئلتي الا لو كانت مهمه
كريم: افهم من كدا انك موافقه
نهله بتشفي: طبعا وحعمل كل الي انت عايزه قولي اعمل ايه وانا جاهزه!
كريم: اسمعي يوم الفرح اقنعي الكل انك نستيني وانا بعد ما اطلع مع عاليا اوضتنا ربنا يقدرني اكسرها واغير هدوم التمثيل واشيل قناع الحب واجيلك ع طول
#باك
بعد ما ساب عاليا بتتقطع اشلاء وراح ينفذ خطته
نهله: طيب خاليني اسألك اخر سؤال بتحبها ولا بتتظاهر
كريم: ليه بتسألي نفس السؤال
نهله: بسبب النظره الي بتبصلها بيها النظره الي عمري ما شوفتك بتبصها لغيرها ولا حتي انا
كريم سكت وبص للفراغ ليه مش عارف او مش حابب السؤال ولا هو مش عايز يجاوب!
نهله: كريم لسه مستنيه اجابتك علي سؤالي
كريم غير الاجابه :بزمتك مش مثلث بشكل واقعي
نهله :انت واثق
كريم :اكيد واثق انا مش حاسس بأي حاجه ناحيتها غير الكرهه وبس!!!
قطع كلامهم رنه موبيله
نهله: يظهر ابوك بيدور عليك
كريم رمي الموبيل بستهتار: انسي امره
نهله رفعت ايدها ملست علي خده: هتعمل ايه بعد كدا
كريم مسك ايدها: هنتكلم عننا ،،الاول مصدقاني
نهله بدلع: عشان اثبتلك هخليها اول ليله في حبنها قامت وبدئت بالخطوة الجريئة وفضلت تبوسه من رقبته ووشه وشفايفه هي برغبه وهو كأن لمستها سهام بتحرقه وحسسه بذنب كبير بيقتل كل خليه في جسمه ازاي يقتل قلبه الي حب عاليا وبجنون!!!!!
…………..منه محمد………..
قاعده تبكي بصمت لانه رماها بدون رحمه كأنها ورقه باليه…سمعت صوت خطوات وسط افكارها خلاها تلتفت ..شافت عاصم مقرب عليها مسحت دموعها بسرعه…وابتسمت له بتحاول تتماسك!
عاصم واضح عليه الأنفعال: كريم رايح فين يا عاليا
عاليا: ابدا بيقول فيه امر مهم
عاصم: ايوه ايه الامر الي ممكن يكون اهم منك انتي عروسته
عاليا: متقلقش يابابا زمانه راجع وانا حتي اهو مستنياه
عاصم: المفروض العريس يبقي مع عروسته يوم دخلتهم مش يخرج كدا
(هنا عاصم افتكر لما ساب اشجان) اوكريم
عاليا بعدم فهم: او كريم ايه؟؟!!
عاصم: لا ولا حاجه المهم لما يرجع خاليه يوم مهم ليكي ولكريم
عاليا بحزن: كل الايام مهمه يا بابا برغم ان كريم مش معايا بس هنكون مع بعض دايما
عاصم: عاليا انتي كويسه
عاليا: كويسه جدا هو بس عشان اليوم كان طويل فتلاقيني مرهقه ولازم ارتاح مش اكتر ليله سعيده يا بابا
عاصم رد عليها ومشي لانه واضح انه شوي وينفجر من تصرفات ابنه الي بقت لاتطاق!
…………منه محمد……….
في الكافيه
دخلت هي وهو ايدهم شابكه في ايدين بعض!
حسن بدهشه واستغراب: كريم مع نهله ازاي؟
خالد لف وبصلهم وشرار خارج من عيونه
حسن: كريم ليه انت هنا مش لازم تكون مع عروستك ليه جيت مع نهله
كريم بستفزاز: حاسس بملل عاوز ارقص واعزف
حسن كشر: ملل انت لسه متجوز يا دوب من ساعتين لحقت تحس بملل طيب مراتك مش حتقول حاجه علي انك سبتها في يوم زي ده
نهله قربت من ظهر كريم وحطت كوعها علي كتفه لما حسن بصلها
حسن راح وشدها: تعالي انتي معايا
نهله بغضب: ايه بتشدني كدا ليه
حسن مش مستوعب: فهميني ايه الي بيحصل ده؟
نهله رفعت كتافها و الفرحه واضحه على ملامحها: معرفش هو جالي فجأه وطلب مني نخرج شوف اظاهر انه اتخانق مع العروسه
حسن: وليه انتي سعيده كدا لانهم اتخانقوا انتي بقي فرحانه عشان كدا
نهله: لا انا فرحانه عشان كلنا هنا
حسن: لا فيه شئ غريب خليني اسألك بصراحه فيه حاجه مخبينها عليا
نهله بملل: مفيش حاجه ولو عايز تعرف عندك كريم اسأله بنفسك
حسن: اه اكيد هسأله ايوه لازم اسأله
……….منه محمد………
كريم بستفزاز: اشرب يا خالد شاركني يا صاحبي فرحتي ده وسكي مستورد بدل الي معاك واهو تهنيني
خالد بكل عصبيته وغضبه ضرب لكمه طلع فيها كل طاقه متكومه جواه وصرخ فيه بجنون: انت بتعمل ليه كدا فهمني ليه بتتصرف كدا قولي
كريم وقف ومسك فكه: عملت ايه انا؟؟!!
خالد: كريم متخلنيش اقولك انك منحط وزباله
كريم مسك فيه: انت متدخلش في حياتي سااامع وضربه بالقلم بكل شراسه
خالد هجم يضربه
حسن دخل ما بينهم وبصراخ جهوري: كفايه انتم الاتنين ايه بتتخانقوا زي كلاب الشوارع
خالد صرخ في وشه بعصبيه: شوفه هو شوفه بيعمل ايه
حسن: خالد انت سكران ياخالد كفايه
كريم : اضربه فوقه
حسن: اخرس ياكريم اخرس انت كمان شايفه مش في واعيه (وصرخ) انا عاوز افهم ايه النتيجه من الخناق يله امشوا كلكم ولما ترجعوا لعقلكم نبقي نتكلم
نهله راحت تشده: يله كريم يله نمشي وخرج معاها مستحلف
حسن قرب من خالد: خالد فاهم وحاسس بالمك ان كريم مع نهله بس فوق وارجع لعقلك الاول وقتها يمكن تفهم ولا كدا كل شئ حيدمر وصدقتنا هتنتهي
……….منه محمد……..
كانت لكمه قوية حس فيها انه دايخ رماه نفسه علي الكنبه بكل عصبيه
نهله راحت جابت مكعبات مثلجه: كريم هنا بيوجعك
كريم زق ايدها
نهله: طيب خليني احطلك تلج علي الكدمه
كريم: مش محتاج
نهله: بس انا قلقانه عليك
كريم بنبرة متتحملش النقاش: سبيني لو سمحتي
نهله بلعت ريقها بتوتر وكملت: طيب ده مسكن لو وجعك خده
كريم حط ايده علي عنيه ومثل انه نام ونهله قامت من جنبه لما حس انها قامت فتح عيونه وراح قعد علارض جنب التراث بص للسما وافتكرها رغم انه نفسه ينساها ينساه عاليا حبيبته المجنونه الي علمته يتتخانق معاها بنفس جنونها وتسحبه في طفولتها المشاكسه بكل حركتها هي اجمل بنت شافتها عيونه برائتها جمالها نعومتها تميزها ليه عمل كدا فيها ليه حطم كل حاجه بينها وبينه ليه ببساطه موتها بقسوه في ليله فرحتها!!!! فجأه وقف وقرر يروح يكمل انتقامه هيخليهم يدوقوا من نفس النار الي امه دقتها ويمكن يخليهم يبكوا بدل الدموع دم !
……..منه محمد…………
في الكافيه
حسن:تعال لما اعالج وامحي اثار عربجيتك الي مرسومه علي وشك
خالد زقه بعتراض
حسن بأصرار: يله عشان تبقي كويس
خالد قام يمشي
حسن: خالد انت رايح فين خليني ع الاقل اوصلك
خالد: مفيش داعي
حسن: طيب انت ليه زعلان مني وزقتني انت ليه مفكرني كيس ملاكمه انا انسان وربنا
خالد بصله واكتفا بالسكوت
حسن: ازاي وصلنا لكدا مش قادرين نبص في وش بعض
خالد: السؤال ده اسأله لكريم ونهله
حسن: هسالهم طبعا بس انت اهدا ارجوك
خالد: بس انا هقولك عشان تكون في الصوره انا روحت لبيت نهله قبل ما تيجي هنا والبيه راحلها وقضتي ليلته مع نهله مش مع مراته
حسن بعدم تصديق: لالا مستحيل طيب كنت ادخل و اسألها حذرها اسمع منها وتفهم ليه كريم اتحول كدا فجأه
خالد: انا تعبان وكل الي بيعمله كريم او نهله يخصهم براحتهم وكله هيتردلهم وخلاص انا من اللحظه لا كريم ولا نهله يهموني ومهما عملوا ولا ههتم ولف يمشي
حسن راح وراه: استني يا خالد اقف كلمني انت رايح فين؟
خالد بصلها اتخطاها وكمل طريق خروجه
ندي وقفت قدامه: انا وانت لازم نتكلم وحالا سمعت بوداني ان كريم راح لنهله
حسن: واحد راح يطمن علي صديقته فين المشكله
ندي: انت هتستعبط كريم راح يطمن علي صاحبته ليله فرحه ويسيب صاحبتي بحسرتها لا يادلوع الست نهله قررت تسرق جوز صاحبتي
حسن: لا متقوليش كدا نهله نسيت امر كريم يمكن راحلها عشان يطيب خاطرها من كلام عاليا ليها هي زعلتها وهو راح يرضيها
ندي بعصبيه: لا مش كدا قولي حالا ايه الي بتخططوله عشان تنفذوه انطق
حسن بضيق: معرفش حتي لو حموت معرفش
ندي زعقت: روح اعرف بالنيابه عني والا هروح وقتها اتعامل معاهم بنفسي اظن قولتلك قبل كدا لو كريم خلاه عاليا حزينه انا وانت هنبقي اعداء ومن دلوقت متتكلمش معايا تاني سامع
حسن: ندي استني
ندي سابته ومشت ودموعها سبقاها
حسن شد شعره بعنف كانه بيفرغ فيه عصبيته : هو فيه ايه كل الي رايح والي جاي يشوط في حسن
………..منه محمد………
رجع البيت
عاصم طلع في وشه: كنت فين ليله امبارح؟!
كريم: انت صحيت بدري ولا منمتش من اصله
عاصم: انا بسألك كنت فين
كريم حك شعره بتفكير:كنت سهران بعزف مع صحابي
عاصم بغضب: انت بتهزر صح
عاليا الي طلعت علي الصوت
كريم عدل الاسكارب علي دماغه : ده شكل واحد بيهزر وبعدين كان عندي شغل
عاصم: اي شغل
كريم بتثاوب: اروح اخد شور الاول ونتكلم بعدين
عاصم: كررريم
كريم طنشه ومكمل طريقه
عاصم: كررريم
عاليا بكل هدوء: سيبه يمشي يابابا شكله مالوش مزاج يتكلم دلوقت وحضرتك مش هتقدر تجبره يعمل حاجه هو مش عايزها
كريم بصلها ولف بصله ورسم ابتسامه ليها الف معني علي شفايفه
…………منه محمد………………..
دخل دخلت وراه راح اخد دش وطلع للافف فوطه علي وسطه شعره الاشقر الي واخده وراثه عن امه بينقط ميه.عاليا بصتله وبصت للكدمه الي علي وشه رغم انها مشلفاطه لكن مازال وسيم
عاليا ماسكه مكعبات تلج : خلينا نطهر الجرح الاول
وقربت منه ومسكت ايده هو اتحرك معاها ونفذ كلامها بستسلام كأن فيها مغناطيس بيجذبه ويشده ليها! قرب عليها واتأمل جمالها الي يخطف العقل
كريم بصوت حنون: مش هتسأليني زي ابويا كنت فين؟؟!!
عاليا:لا لان معنديش الجرأه علي السؤال
كريم بتعجب: ليه
عاليا: خايفه تتعصب تاني لو سألتك
كريم بعد ايدها بلطف: كفايه هنام
عاليا: كريم ممكن من فضلك تقولي ايه الذنب الي ارتكبته عشان تتصرف معايا وكأنك مش بتحبني
كريم: انتي بتفكري كتير قولتلك كنت مخنوق طلعت اعزف واغير جو مع صحابي ولو مش بحبك زي ما بتقولي ليه اتجوزتك
عاليا: طيب فيه شئ مضايقك قولي يمكن اقدر اساعدك انا دلوقت مراتك مفيش بينا اسرار كريم رجاء متخبيش عليا من فضلك
كريم: عاليا انا عايز انام الاول ونتكلم بعدين
جات تمسكه ايده بعد وراح اتحرك اتجاه السرير وحدف نفسه وغمض عيونه ومثل انه راح في النوم خايف مرعوب يضعف قدامها
عاليا: هنتكلم حاضر لما تكون انت جاهز نام دلوقت ياكريم
وراحت رقدت جنبه وحضنته من وسطه وبدئت تكلمه: لو مكناش مع بعض ليله دخلتنا بس ع الاقل بنام دلوقت في نفس السرير وكفايه بقيت مراتك بالشرع مراتك الي وعدت انك هتحبها وتراعيها وانا حكون جنبك سواء حزين سعيد لاني بحبك
ونزلت دموعها ولفت الناحيه التانيه تبكي بحرقه علي مخدتها لان ده يظهر طبعة ويستحيل يتغير
اما هو كان نفسه يرجع يخطفها جوه ضلوعه وينزل فيها حب لكن انتقامه مغمي عيونه حاطط ضباب مش شايف غيره اما هي لما متحركش قامت طلعت للجنينه و فضلت تعيط طول الليل هو مش عاوزها هو مش بيحبها
……………منه محمد……………
تاني يوم الصبح جهزت الفطار
سعاد: عاليا صباح الخير يا احلى عروسه في الدنيا..
عاليا: صباح النور
سعاد: ماشاء الله كويس انك صحيتي لوحدك..لا وصاحيه بنشاط لا وشكلك رايقه
عاليا ما ردتش
سعاد: فهمت صاحيه بدري عشان تحضري الفطار لكريم بس انا لو مكانك كنت اضايقت وخنقته
عاليا بحزن: ليه اضايق اكيد كان وراه شغل
كريم دخل من غير اي كلام
سعاد :ايه طيب مفيش صباحو حتي
كريم: صباح الخير والسعاده ياحلوه ها مبسوطه
سعاد: جدا تعالي بقي يا عريس قرب و شوف عروستك حضرتلك الفطار بنفسها
كريم بنبره بارده : مش جعان ومش هاكل وبصلها بأمر) وانتي يله شهلي خليكي توصلي في الوقت المناسب مش جمعيه استهلاكيه هي
سعاد: طيب الاول دوق الاكل
كريم بصلها بعدم اكترث وما ردش عليها وطلع بسرعه
عاليا: خاليه يمشي شكله عنده شغل
سعاد بتعجب:شغل يوم الصباحية
عاليا: اكيد شغل مستعجل سبيه علي راحته
……………منه محمد…………..
قاعدين بيفطروا
نهله: طمني الامور كانت عامله ازاي لما رجعت البيت حصلت مشكله مع مراتك
كريم: لا
نهله شهقت: مش معقول بس وشك بيقول العكس
كريم: ده وش واحد منمش كويس
نهله: عاوزه اصدقك، اصل انا لو مكان الست دي مستحيل كنت اسيبك من غير عقاب
كريم: دي انتي لكن الست دي معندهاش الجرئه لانها خايفه ازعل وبتصدق كل الي بقوله ده غير انها مستسلمه ليا كمان
نهله: شكلها بتحبك اوي لان الي مش بيحبوا مستحيل يستجيبوا زي ما انا بحبك
عشان كدا انا علي اتم استعداد اساعدك في انتقامك حتي لو اضطريت اتخانق مع خالد او حتي حسن
كريم: تمام طالما هتساعديني ولو مش خايفه انك تدخلي معاهم في مشاكل اصل انا مش مهتم مهما عملوا يزعلوا يتحرقوا
نهله: لو انت مش مهتم انا كمان مش مهتمه
كريم بخنقه: ممكن لما نكون مع بعض متتكلميش علي ناس تانيه وانا قاعد معاكي
نهله بجرئه:ايه وحشتك
كريم اكتفا بهز دماغه
نهله: طيب الخطوه التانيه ايه هي
كريم: مفاجأه
نهله بحماس: بحب المفاجأت قول وانا كلي اذان صاغيه
………….منه محمد…………
واقفه قدام باب الشركه بتتكلم في التلفون مع صديقتها
ندي: البيه كان مع نهله في شقتها وبعدها اخدها وراح كافيه حسن واتخانق مع خالد بسبب الزفته نهله مكنتش عايزه اقولك خفت ازعلك بس محبتش اخبي عليك قلت لازم تعرفي
عاليا :شكرا يا ندي عشان مبقاش غبيه واقلق عليه زي المجنونه وهو سعيد مع واحده تانيه
ندي :خالد بيحب نهله ومحروم منها والمره دي هتنتهي صداقتهم
خلصت المكالمه ولسه بتفتح اوكره الباب لقيت ايد بتمنعها بصتله اوي وهو كمان بادلها بنفس النظره لكن رجع نزل عيون بسرعه ليه حس انه مش عايز يركز جواهم
عاليا :اهلا بس معرفش انك هتيجي مع جوزي بس ممكن افهم ياكريم ليله امبارح كنتم مع بعض ايه لسه مشتاقين لدرجه انك تجبها كمان هنا
نهله بدلع وعيونها بتشع نظرات كلها حقد : ايوه مشتاقين لان انا وهو فيه كلام ما بينا لسه مخلصش نعمل ايه ما باليد حيله اصل الكلام بين العشاق مش بيخلص وده ميحسهوش غير الي مجربه مظبوط كلامي ياكيمو
كريم ابتسم باستهتار: مظبوط هي الي جايه متأخر فيه امور لازم تفهميها لوحدك
عاليا : تمام فهمت بس كمان بفهم ان فيه امور ميصحش تدخلي فيها لانها من واجبي انا كزوجه
كريم بتحدي: انا الي اقرر اي امر هنا ويبقي واجب مين
عاليا: اوك بس من اللحظه خالي بينا مسافه طويله
كريم : موافق ها داخله معانا ولا واقفه
عاليا مردتش عليه صحيح هو شخص قاسي ومفيش وجهه مقارنه بين نار قربه ونار بعده الاتنين سواء!
كريم لما مردتش عليه اتغاظ ومسك ايد نهله ودخل هو وساب عاليا اللي كانت واقفه عند الباب الي بالتالي دخلت بدون اي كلمه
……………..منه محمد……..
في المكتب دخل احمد بعد ما دق الباب
احمد: عاصم بيه كريم بيه جه جوه مكتبه
عاصم: المفروض اكون سعيد لسه متجوز امبارح وبدال ماييروح شهر عسل راجع الشغل انا مش فاهم قبل الجواز كريم كان بيظهر حبه الكبير لعاليا لكن بعده
خرج يسهر مع صاحبه وساب عروسته لوحدها ده غير بيتصرف معاها في منتهي البرود
احمد:المشكله دي شبه
عاصم قطعه بقتضاب:ايوه مظبوط شبه الي عملته زمان في اشجان
احمد بضيق: حتي جه ومعاه نهله
عاصم: كمان انا عمري ماكنت بسأل لما نهله بتكون موجوده معاه قبل ما يتجوز لكن دلوقت هبدء اسأل ليه جه ومعاه نهله وده له علاقه بموقف امبارح احمد روح حالا اندهولي حالا
احمد بطاعه: امرك يا فندم وخرج
……منه محمد…….
فضل مراقباها لحد ما دخلت مكتبها بكل انكسار وحزن فضل يلف بالكرسي ليه لما قالتله نحط مسافات القرار انغرس في اعماق اعماق قلبه ,,قلبه الي انتفض بين ضلوعه صعب يشوف حبيته بـ تتألم بسببه غمض عيونه وافتكر انتقامه وبس!!!
نهله: مالك ياكريم
كريم: ها لا ولا حاجه بفكر في الشغل
نهله : طيب تحب اعملك قهوه ولا اجبلك وجبه خفيفه انزل اشترهالك بنفسي
كريم عيونه مركزه علي عاليا: لا مش عايز بس لو انتي عايزه اي حاجه ابعتي الساعي يجبها
نهله لما شافت نظراته عليها قامت قربت اكتر ولفت بيه الكرسي ومالت عليه واتكلمت بين شفايفه: ممكن حبيبي يهتم بيا شويه
كريم: بس انا بشتغل
نهله: كريم
الباب خبط ودخل احمد الي شاف المنظر وبرق
كريم: خير يا احمد
احمد: السيد عاصم عاوزك وحالا
كريم استأذن من نهله وقام راح مع احمد
………………..منه محمد…………
عاصم بحده: تقدر تقولي روحت فين ليله امبارح
كريم: قولتلك كنت سهران مع صحابي
عاصم: كريم اي ان كان الي هتعمله فكر قبله كويس اوي
كريم: ده كل الي عاوز تقوله
عاصم: من هنا ورايح انت ممنوع تنام برا البيت انت اتجوزت ارجع نام في سريرك جنب مراتك لاني مش عايز عاليا تضايق ومش عايز اشوفها بتعيط البنت عيونها مغمضتش ليله امبارح لانها فضلت مستنياك
كريم رفع انفه لفوق وعوج شفايفه : خلاص فهمت ولا انت شايفني غبي
عاصم خد نفس بصوت عالي وحاول يتحكم بأعصابه : ممكن اطلب منك ده يابني
كريم: ايوه طبعا حاضر امرك هرجع البيت ممكن امشي
عاصم: ليه جبت نهله هنا؟
كريم بص للسكرتير :اممم الاخبار بتوصلك بسرعه بس هريحك انا ونهله عندنا شغل وبعدين احنا اصدقاء ايه ممنوع نتكلم
عاصم: كدا اتفضل امشي اظاهر بفرط دماغي في التفكير كتير
كريم بص للسكرتير بغيظ بعدين طلع ورزع الباب وراه بكل غضب
احمد: عاصم بيه تصرفات نهله مع كريم بيه غريبه غير تصرفات اتنين اصدقاء
عاصم قعد ومسك دماغه بقهر ازاي قابل يكلمه كدا كان نفسه يسحبه وينزل فيه ضرب بس خايف يخسره
…………منه محمد…………….
قاعده مموته نفسها عياط لدرجه مش قادره تاخد النفس مصدومه من وقاحتهم وهو عادي بيخونها قدامها كدا عيني عينك كأنه ناوي يموتها اخدت موبيلها ومسحت دموعها وحاولت تعدل صوتها وردت: خالد
خالد ابتسم: ايه متصله عايزه تاكلي
عاليا: لا انا عرفت كل حاجه حصلت ما بينكم امبارح انت وكريم ونهله حتي عرفت بخصوص الامر المتعلق بيك انت ونهله ندي حكتلي كل حاجه طمني انت عامل ايه؟؟!!
خالد اتنهد: انا الي المفروض اسألك السؤال ده انتي الي عامله ايه؟؟
عاليا: مش فاهمه كريم بيتصرف كدا ليه بجد مش فهماه ليه بيعمل كدا وليه راح يقابل نهله
خالد: عاليا محتاج اشوفك انتي فين وهاجي اخدك
عاليا: انا في المكتب من الافضل اجي انا اشوفك
خالد: قلقانه اقابل كريم وتحصل بينا خناقه جديده
عاليا: عشان ده الاسلم انكم متتقبلوش
خالد: ولا مهتم لو عايزين نتقابل هنتقابل
عاليا بتوتر: بس انت مش هتشوف كريم لوحده هنا ومعاه نهله
خالد اصر اكتر وبعناد: جايلك بعد ربع ساعه (قطع الخط بجنون)
عاليا: خالد خالد استني
والله انا قولتله برضو استني هو حر بقي