Uncategorized

رواية تبنيتها ولكن احببتها الفصل الثالث عشر 13 بقلم منة الله وائل

 رواية تبنيتها ولكن احببتها الفصل الثالث عشر 13 بقلم منة الله وائل
رواية تبنيتها ولكن احببتها الفصل الثالث عشر 13 بقلم منة الله وائل

رواية تبنيتها ولكن احببتها الفصل الثالث عشر 13 بقلم منة الله وائل

السيده ماري :
مسيو كامل فريده ملهاش اهل، فريده احنا لقيناها قدام المدرسه وهي صغيره والمسؤله عنها موزموزيل ميرت حاليا ودا اللي كنت حاب
اوضحه لحضرتك لما سألت على أهلها
كامل بدهشه :
ايييي ملهاش اهل
دب دب…… 
السيده ماري وهي تسمح للطارق بالدخول قائله :
ادخل
فريده وهي تبتسم وكانت ترتدي فستان من اللون الأزرق من الدانتيل وكان شعرها ينسدل الي ظهرها بتسريحه تبدو في غاية الجمال، كانت مثل اميرات ديزني
نظر لها كامل وظل يتأملها عدة ثوانٍ
الا ان جذب انتباهه حديث فريده قائله بمرح :
انا جاهزه يا ميس ماري
نظر كامل للسيده ماري وعلى وجهه علامات البرود قائلا :
ميس ماري هما هيقعدوا معايا يومين الاجازه وماتقلقيش عليهم الحد الصبح هيكونوا عند حضرتك
نظرت ماري الي الفتيات والتي كان على وجههم علامات الاستغراب لما تفوه به كامل
ثم قالت لهم :
اي رايكم يا بنات؟
نظرت فريده الي فيفيان ثم قالت :
ماشي مفيش مشكله
هب كامل واقفا ثم قال وهو يذهب إلى الباب :
انا هستناكم في العربيه برا لحد اما تجهزوا الشنطه
كانت فريده تشعر بشئ ما غريب، لماذا يبدو على وجهه الانزعاج هكذا؟
السيده ماري وهي تنادي على فريده والتي سرحت :
فريده، بنت فريده انتي ردي عليا
فريده بانتباه قائله :
ها، ايوا ميس ماري
السيده ماري باستغراب :
مالك فريده فيكي حاجه؟ تعبانه؟
فريده بنفي :
لا انا كويسه مفيش حاجه، انا هطلع اجيب شنطتي انا وفيفيان، يلا يا فيفيان
فيفيان :
ماشي
………………………            
كان يجلس في السياره وعينيه تدورفي كل مكان حوله وكأنه يشغل باله بشئ كي لا يفكر فيما كان يفكر به
كامل بنفاذ صبر :
يوووو بقا ماخلاص اي يعني ملهاش اهل وانت مالك
بس هي كدبت وانا مش بحب الكدب، اي يخليها تكدب في حاجه زي دي انا مش فاهم، يعني هتستفاد اي هي
وأثناء ما كان يتحدث لنفسه وجداهم اتيون له
فريده وهي تفتح الباب الخلفي بمرح قائله :
سرحان في أي يا عقل الدجاجه ههههههه
نظر لها كامل ثم قال بحده لم تعتاد عليها منه :
تعالي اركبي قدام
نظرت له فريده باستغراب قائله:
ليه منا قاعده ورا اهو
كامل بغضب وصوت عالي نسبيا :
قولت تعالي قدام يا فريده
انتفضت فريده بخوف من صوره العالي ثم فتحت الباب وذهبت بجانبه وهي تنظر له باستغراب
وسط نظرات فيفيان المندهشه
كامل وهو يشغل محرك السياره قائلا :
احنا هنروح على البيت عندي ماما مستنياكم
ثم انطلق دون أن يسمع رأيهم
              بقلمي منه وائل
*************************
              في منزل كامل
كان البيت في حاله من التوتر والعائجه، وكان ملئ بالخدم كلٍ منهم مشغول بشئ يفعله كانت امرته به السيده ميرفت
ميرفت بغضب وهي تتحدث مع الخادمه قائله :
انا مش قولت الحاجات تجهز من امبارح هو مفيش حد بيسمع الكلام لي انا مش فاهمه
الخادمه برعب :
والله يا هانم حجزتهم من امبارح وهو قالي هيبعتهم على هنا الصبح، معرفش هو مجاش ليه
ميرفت بغضب اكثر  قائله:
عشان انتي غبيه كان المفروض تجيبهم انتي
تن تن
الخادمه وهي تهرول الي الباب قائله سريعا :
اهو جه يا هانم اهو
بسمه باستغراب وتساؤل قائله :
اي دا في أي علي الصبح يا ميمي، احنا عندنا فرح والا اي؟
ميرفت وهي ذاهبه لها قائله :
صباح الخير يا حبيبتي، لا مش فرح ولا حاجه بس في ضيوف جايين مع كامل وهيقعدوا معانا يومين ولازم يعني البيت يكون جاهز ونضيف
بسمه بتساؤل :
ضيوف!، ضيوف مين دول؟
ميرفت بتوضيح :
فريده وصاحبتها، البنوته اللي كامل كان بيحكي عنها امبارح دي
بسمه بتهكم :
وهو اي حد يجي يعني يا ميمي ويقعد كمان يومين، هو يعرفها من زمان؟
ميمي بلوم:
لي بس يا بسمه هو احنا اتعودنا نقول لضيوفنا كدا، وبعدين اه ياستي  كامل يعرفها وبعدين يعني دول بنات مش هنخاف منهم يعني
عاصم وهو يتكئ على عكازه :
صباح الخير يا ميمي، صباح الخير يا بسمه
بسمه بتوتر:
صباح النور… 
ميرفت بمرح :
صباح الفل يا عريس، اي نموسيتك كحلي والا اي؟ ههههههههههه
ضحك عاصم على حديثها قائلا :
هههههههههه، لا ياستي مش كحلي ولا حاجه بس يعني اخدت الدوا فنيمني كتير وكدا، اومال فين كامل؟ واي البيت ماله كدا زي مايكون فيه فرح
بسمه سريعا قائله:
اهو شوفتي مش انا لوحدي اللي بقول، مش فرح يا عاصم ولا حاجه دا ميمي بتجهز البيت عشان في ضيوف جايين مع كامل
عاصم وهو يعقد حاجبيه باستغراب قائلا :
ضيوف مين دول؟
بسمه :
فريده وصاحبتها، معرفش زي مايكون نعرفهم بقالنا سنين
ابتسم عاصم ثم قال :
ياستي هي هتاخد من المكان حته يعني دي كلها ١٥٥ سم حاجه كده شبه علبة العصير، وصاحبتها برضو نفس الشئ وبعدين شكلهم طيب يعني
ميرفت بضحك قائله :
هههههههههههه جاتك اي يا عاصم ضحكتني يلا بقا روحوا خدوا شاور كدا والبسوا مينفعش البنات يجوا ويشوفوا منظرنا كدا يلا
ثم تركتهم ورحلت
اقترب منها عاصم ثم قال بغزل :
احم، يعني لو عليا انا محتاج شاور اه لكن انتي تاخدي شاور لي، دا انتي شكلك زي القمر
نظرت له بسمه بصدمه وتوتر وقد اتسعت عينيها ثم نظرت الي الجهه الأخرى
فكتم عاصم ضحكته واكمل حديثه قائلا :
اه والله زي مابقولك كدا، دا حتى كفايا عيونك اللي بتخلي الواحد يدوب فيهم كدا
احمرت وجنتيها من الخجل الشديد ثم هبت وقف ورحلت.
ضحك عاصم بشده على فعلتها ثم قال بحب :
وراكي وراكي لحد ماتسلميلي قلبك يا بسمتي
              بقلمي منه وائل
*************************
    في سيارة الحاج فتحي الكبير
كان يجلس في السياره وينظر الي ابنته التي كانت تجلس في الخلف وتبكي بشده
فتحي بصوت عالي وغضب :
انطجي يا بت خبيتي بتك فين؟
كريمه ببكاء هستيري :
احب على يدك يا بوي بلاش هملها لحالها
أوقف السياره وخبط منها،ثم قام بفتح الباب الخلفي وقام بصفعها تاي وجهها عدة صفعات الي ان شهرت بالتعب الشديد
فتحي وهو يركلها بقدمه قائلا :
والله العظيم تلاته ان مانطجتي لكون دفنك حيه انتي والحيوان اللي بتجولي عليه چوزك ديه، وبرضو هوصلها وهخليها تحصلكم انطجي يا بنت الرفضي
نظرت له كريمه بضعف وحزن ثم قالت باستسلام :
سبتها في مدرسه بنات داخليه اسمها
امسكها من شعرها قائلا :
انطجي اسمها اي؟
كريمه بألم وصراخ :
عاااااااااااااا معرفاش يابوي والله معرفاش بس هجولك على مكانها احب على يدك يابوي بكفياك
تركها ثم أغلق الباب وصعد الي السياره مره اخرى ثم نظر لها وقال :
عارفه لو كدبتي عليا وجولتي على مكان غير المجصود وعليا الطلاج بالتلاته هدفنك حيه سامعه
ثم شغل المحرك وانطلق الي المكان المقصود
             بقلمي منه وائل
*************************
              في سيارة كامل
ظل صامتا طوال الطريق ولا يتفوه بكلمه واحده، وكان يختلس النظر لها من الوقت الي الاخر، ال ام نفذ صبرها فقالت :
انا عايزه افهم انا عملت اي عشان كل دا ها نفسي اعرف، يعني اول ماجيت لاقيتك في مكتب ميس ماري قاعد ومكشر وفجاءه وبدون مقدمات لاقيتك بتقول اننا هنقعد معاك يومين من غير متى ماتقولي، ودلوقتي قاعد ساكت وماقولتش ولا كلمه، في أي بظبط
نظر لها كامل ثم قال ببرود عكس ما بداخله :
انتي قولتي لأهلك على اليومين اللي هتقضيهم معايا انتي وفيفيان
نظرت له فريده بتوتر، ثم نظرت الي فيفيان التي كانت تحثها على قول الحقيقه ولكن نظرت له فريده وقالت بكذب والتوتر يبدو على وجهها :
ها…. اه قولتلهم ووافقوا
ضغط كامل بيده على محرك القياده ثم ضغط على الفرامل بغضب وشده حتى اصدر إطار السياره صوت صفير
انتفضت فريده من مكانها وكانت ستصطدم في الزجاج
فريده بصراخ وغضب قائله:
 ااااااااااه، كااااااااااامل، انت اتجننت
نظر لها كامل ثم قال :
انزلوا
فريده بتزمر وأعتراض:
لا انا عاوزه اروح
كامل وهو يتحدث بحده ويشدد على كل حرف قائلا :
وانا قولت يلا انزلوا
وضعت فيفيان يدها على كتف فريده تحثها على النزول كي لا يحدث شئ يندمون عليه بعد ذلك، قائلا :
ف… فريده حبيبتي يلا ننزل
فريده وهي تنفض يد فيفيان من عليها بعصبيه قائله :
وانا مش هنزل وهمشي دلوقتي وحالا يلا
اقترب منها كامل وعينيه لا تبشر بالخير وكان الشرار يتطير منهما، ثم امسك يدها بعنف وضغط عليها قائلا :
واقسم بالله العظيم لو مانزلتي يا فريده لهوريكي الوش التاني اللي انتي لسه ماشوفتهوش وهنزلك برضو بس بطريقتي انا، واظن ان طريقتي مش هتعجبك اصلا
فريده بالك وعينيها تلمع بالدموع والتي حاولت مجاهده بأن لا يهبطان :
ح… ححاضر بس سيب ايدي
نظر كامل الي يدها والتي غلب عليها اللون الأحمر بشده فتركها سريعا وجدها تتألم، فاهم نفسه في سره على فعلته
هبطت فريده من السياره وذهبت الي الباب وعيطت معاها دمعتها التي طوال عمرها كانت تجاهد كي لاتهبظ في أي موقف مهين وجارح لها
كانت تفكر في حياتها السيئه التي لطلما جاءت الي ذلك العالم الموحش تتعارض لاشياء غريبه لم تتحملها، ماهذا؟، ماذا فعلت لكل ذلك؟، اهي ولدت لكي تصبح ملجئ هموم الدنيا؟!
كل ذلك التفكير قطعه
صوت فيفيان وهي تقول :
روحي يا فريده هجيب الشنطه واجي
هرن لها فريده راسها ثم ذهبت
فيفيان وهي تقف أمام كامل 
قائله :
ممكن افهم هي عملت لكل دا عشان تعمل معاها كدا؟
نظر لها  كامل ثم نظر الي فريده التي تصعد على الدرج والحزن يغلب عليها
ثم بدء في التحدث….
كانت تقف السيده ميرفت في النافذه تراقبهم وعندما وحدت فريده تقترب من الباب هبطت سريعا لكي تستقبلها والسعاده تغمر قلبها
ميرفت بسعاده وترحيب :
اهلا اهلا يا قمر، اي العسل دا كله، نورتي البيت يا ست البنات
ابتسمت لها فريده فقد أحست بالراحه منذ أن راتها، ثم قالت :
اهلا بحضرتك انا فريده، وحضرتك اسمك اي؟
ميرفت وهي تحتضنها :
انا اسمي ميرفت وبيقولولي ميمي، انتي كمان هتقوليلي ميمي
فريده بأدب :
لا طبعا ميصحش
ميرفت بأمر :
وبعدين معاكي يا ديده، انا متعوده على كده كله بيقولي يا ميمي وبعدين انا حبيتك اوي، دا كامل من كتر ماهو بيحكي عنك وعن شقاوتك وجمالك بقا عندي فضول اني اشوفك، تعالي ياقمر اعرفك الي بنت اخو جوزي، دي بسمه
بسمه وهي ترحب بها بابتسامه بشوشه قائله :
اهلا فريده انا بسمه
فريده وهي ترد الترحيب قائله :
اهلا وسهلا
رفع عاصم يده مثل المجرمين ثم قال بطريقه مضحكه :
والله انتي عرفاني يا باشا
ضحكت فريده بشده على طريقته
وكان ذلك في دخول كامل والذي عندما رآها تضحك هكذا، شعر بأنه يريد أن يقوم بصفعها على وجهها كي تقف عن الضحك، اهي سعيده هكذا وهي تضحك مع صديقه
ميرفت بترحيب وابتسامه هادئه قائله :
اهلا وسهلا مين القمر دي بقا؟
كامل وهو يذهب بعينيه على فريده قائلا :
دي فيفي يا ماما، فيفيان
فيفيان وهي تمد يدها لكي تصافحها  وعلى وجهها ابتسامه صافيه قائله :
انا فيفيان وبيقولولي فيفي ازاي حضرتك
ميرفت بسعاده :
ماشاء الله بنات زي القمر، اذيك ياروحي عامله ايه انا ميرفت مامت كامل وقوليلي يا ميمي وبدون اعتراض
ضحكت فيفيان وقالت :
ههههههههههه ماشي يا ميمي
ضحك الجميع وجلسوا في جو من الحب ولكن بعض نظرات من الآخرين بالتحدي، ونظرات غضب ونظرات سعاده، ونظرات حب وغزل، ونظرات وتوتر
             بقلمي منه وائل
*************************
                 في الصعيد
كان يجلس في مضيفة المنزل كان يجلس وينظر الي التلفاز ولكن عقله في شئ اخر، ااي ان وجد امرأه تدخل المنزل ووجها ملئ بالبكاء
محمد بقلق :
مالك يااما نعيمه بتبكي ليه؟ حوصل حاچه لكريمه؟
نعيمه ببكاء شديد :
هيوحصل يا ولدي، الحاچ اخد كريمه على مصر لانه عرف ان بتكم عايشه اني خايفه ياولدي الحجهم بالله عليك
انتفض محمد بصدمه وقد دب
 الرعب في اوصاله ثم قال بقلق :
راحوا فين يااما جوليلي بسرعه
نعيمه وهي تخرج ورقه من جلبابها وتقول بشهقات عاليه :
دبه العنوان اللي جالتلي عليه كريمه وشايله فيه بتها الحج بتك ومراتك يا ولدي، ابوها ماشايفش جدامه غير الشيطان، الله يرضى عنك يا ولدي رچعلي بتي
نظر لها محمد ثم قبل راسها وقال وهو يرحل :
ماتجلجيش يااما اني هرچعها
عبد القوي بعلو صوته :
رايح فين ياولدي، ياولدي،
نعيمه؟!، كيفك يا بت عمي؟ اي اللي چابك اهنه وازاي چيتي وچوزك؟ 
نظرت له نعيمه بحزن ثم نظرت الي الاسفل وقالت :
اني بخير يا ولد عمي، وچيت كيف دي حاجه تخصني، وچيت عشان ابنك يلحج مراته لان محدش هيجدر غيره، فوتك بعافيه يابن عمي
ثم تركته ورحلت
عبد القوي بحزن :
لو كنتي وافجتي يابت عمي مكنش كل ديه حوصل، بس انتي اللي اخترتي الفراج وروحتي لواحد مايعرفش ربنا
              بقلمي منه وائل
*************************
         في  المساء في المدرسه
كانت تجلس كعادتهت المعتاده تقرأ في كتاب في الحديقه الخلفيه، إلى أنها رات سياره تقف على مقربه من باب المدرسه ويخبط منها راجل بجلباب صعيدي وسيده بجلباب أيضا ولكن شعرها اشعث وموضع عليها الطرحه باهمال وهو يجذبها ورائه مثل القطه
ميرت بقلق :
اي دا مين دول؟
ثم ذهبت سريعا الي السيده ماري لكي تبلغها بذلك
على الناحيه الأخري كان يسحبها ورائه ويقول :
هي دي المدرسه يابت؟
كريمه ببكاء وخوف :
ااا…. ايوا يا بوي هي
ذهب الحاج فتحي الي الباب وقام بطرقه
فتحت السيده ماري الباب وكانت تقف بجانبها ميرت وعلى وجهها علامات القلق والخوف منذ رؤيتها لكريمه التي بجانبه تبكي 
السيده ماري بتساؤل وهي تنظر إلى كريمه التي تبكي بجانبه بقلق وتوتر :
وي؟ حضرتك محتاج حاجه؟
نظر لهم الحاج فتحي باشمئزاز ثم قال :
من ١٩ سنه كان في بت صغيره جدام المدرسه اهنه حد حطاها ومشى، البت ديه فين؟
نظرت له ميرت بصدمه واتسعت حدقة عينيها، ثم نظرت الي السيده ماري التي لا تقل صدمه عنها 
الحاج فتحي بصوت عالي :
اي يا مرا انتي وهي ماهتسمعوش، فين البت دي؟….. 
              بقلمي منه وائل
*************************
            في منزل كامل
كانوا يجلسون على العشاء ويتناولون الحديث ولكن كانت تشعر فريده بالتعب كثيرا فطلبت منهم الخلود الي النوم، تحت أنظار كامل الذي ينظر لها
فيفيان :
هو انا ممكن اخرج الجنينه
بسمه بمرح :
تعالي وانا كمان هخرج معاكي
اوقفهم عاصم قائلا :
انا هجي معاكم لحسن هموت واشم هوا 
ميرفت وهي تقف :
خلاص يبقا نشرب الشاي في الجنينه يلا، مش هتيجي معانا يا كامل 
كامل وهو يشعر بالنعس:
لا انا هطلع انام بقا مانمتش من امبارح 
ميرفت :
ماشي يا حبيبي تصبح على خير 
صعد كامل الي غرفته، وهو يذهب نظر الي غرفة فريده ثم ذهب إلى غرفته 
في غرفة فريده كانت تجلس على الفراش بحزن وتحدث نفسها قائله :
انا عملت اي طيب لي بيعاملني كدا 
، انا دماغي وجعتني من التفكير انا هنام 
وبعد انا وضعت الغطاء عليها وكانت ستذهب الي النوم وجدت شخص ما يضع يده عليها وكانت ثقيله 
فريده بصراخ :
عاااااااااااااا، كااااااااااامل 
يتبع….
لقراءة الفصل الرابع عشر : اضغط هنا
لقراءة باقي فصول الرواية : اضغط هنا

اترك رد