Uncategorized

رواية أحببت مدمن الفصل الثامن والعشرون 28 بقلم روان ابراهيم

  رواية أحببت مدمن الفصل الثامن والعشرون 28 بقلم روان ابراهيم

رواية أحببت مدمن الفصل الثامن والعشرون 28 بقلم روان ابراهيم

 رواية أحببت مدمن الفصل الثامن والعشرون 28 بقلم روان ابراهيم

حازم ببسمة:- هجوزها فاروق
الجميع:- ايييييه
إنچي بصدمة:- أنت هتبعني للحيوان داااا
حازم بحزم:- هو دا اللي هيربيكي يا إنچي ومفيش نقاش في الموضوع دا(وبنبرة استهزاء) قولي يارب هو يوافق عليكي أصلا
إنچي بغل:- وأنا محدش يقدر يرفضني يا حازم، أنا اللي رفضاه رافضة أتجوز خدام يا حازم
إياد وهو يصفعها:- أخرسي والكلام اللي أتقال هو اللي هيتنفذ أطلعي على أوضتك يلااا
(ثم غادرت المكان وهي في حالة أنهيار مما حدث ومما سيحدث معها)
حازم وهو يربط على يد إياد:- متزعلش مني يا صاحبي بس أختك أختي وأنا خايف عليها وعارف إن فاروق هو أولى بيها من غيره وهو اللي هيعدلها ثق فيا
إياد ببسمة حب:- حبيبي يا حازم أنا مقدرش أزعل من أخويا الكبير وأنت أدرى بمصلحتها
(ثم تعانقا تحت نظرة الحب من سهير وميرڤت وملاك التي أرادت أن تُضيف بعض الفُكاهة في ذلك الجو المشحون)
ملاك بهزار:- كفاية حضن بقى يا زوما
الجميع بدهشة:- زومااا
(سقط إياد على الأرض من كثرة الضحك و..)
إياد بضحك:- بقى حازم باشا اسمه زوما احيه عالضحك يا زوماااا
سهير بضحك:- والله وعيشنا وشوفنا اليوم اللي بقى حازم يتقاله يا زوما
ميرڤت بضحك هي الآخرى:- ايه حكاية زوما دي يا… زوما يا عسل(ثم ضحكت بشدة)
حازم بتوعد لملاك:- عجبك كدا يا ست هانم مش أنا قولتلك متتقالش برا الأوضة أعمل أنا فيكي ايه قوليلي( ثم أقترب منها وهي تبتعد حتى قفزت من أمامه وظلت تجري وهو خلفها وصوت ضحكاتهما تتعالى وسط فرحة تلك الأم الحنون وأختها وحب إياد مع بعض من الغيرة)
ميرڤت بحب:- الحمدلله يا سهير جت اللي هتغير حياة ابنك
سهير بدموع الفرحة:- أخيرا شوفت الضحكة مرسومة على وشه(ثم رفعت يدها وهي تدعي و..)  يارب أسعدهم مع بعض وأرزقهم بالذرية الصالحة يارب أبعد عنهم أي شر وأبعد عنهم ولاد الحرام وأحفظهم من كل سوء
ميرڤت:- يلا يا سهير نطلع نريح لإني تعبانة من السفر
حازم وهو يقترب منهم:- ها يا جماعة ناويين تعملوا ايه دلوقتي
إياد وهو يتثائب ويصعد لغرفته:- أنا عن نفسي هنااام ومتنساش لينا قعدة مع بعض يا زوما(ثم ضحك) سلام يا جماعة
حازم بسخرية:- سلام ياخويا ولما نشوف بكره دلعك هيبقى ايه (ثم ضحك الجميع)
سهير بنعاس:- يلا يا حبايبي تصبحوا على خير أحنا كمان هنام وبكره بإذن الله نبقى نقعد مع بعض ونتكلم مع عروستنا القمر
ملاك وهي تقبل سهير:- بإذن الله يا ماما تصبحي على خير يا حبيبتي، تصبحي على خير يا خالتو
سهير وميرڤت:- وأنتي من أهل الخير يا ست البنات
(صعد كلًا منهم لغرفته وظل حازم جالسًا مع ملاك و..)
حازم وهو يقترب من ملاك بحب:- ما تيجي أحنا كمان ننام يا لوكا
ملاك بجدية:- روح يا حازم نام وأنا هذاكر شوية أمتحاناتي قربت خلاص وعايزة أظبط نفسي في كام مادة
حازم بحنان وهو يساعدها على خلع حجابها:- محتاجة ايه وأنا هساعدك فيه أو شوفي محتاجة مدرسين تانيين أجيبهوملك يظبطولك الدنيا ولا ايه اللي يريحك بالظبط
ملاك بهدوء:- شكرا يا حازم أنا بإذن الله هظبط الدنيا مع نفسي، يلا أطلع أنت وأنا هجيب كتبي وأذاكر هنا
حازم بحب:- هتذاكري فوق على مكتبك وأنا هقعد معاكي أنا مش عايز أنام دلوقتي ومش عايزك تنسي إن في راجل معانا في القصر يعني ممكن ينزل في أي لحظة فمتكتريش من قعدتك هنا يلا بينا يا بطتي
ملاك:- حاضر يا حازم يلا بينا
في الغرفة:-
حازم بتوتر خفيف وهو جالس على السرير:- احم ملاك المفروض كنا هنقعد مع بعض ونتكلم حاولي نتكلم في أقرب وقت لإني محتاجك في حياتي كمراتي بجد وأم لعيالي
ملاك بفم مفتوح من الصدمة:- هااا ايه الكلام دا يا حازم احنا هنا أخوات وبس أحنا ايه يا كوكو أخوااات ويلا بقى أمشي من جنبي علشان بقيت مقلقة منك
حازم وهو يقفز على السرير:- نعم يا روح خالتو ايه أخوات دي وإيه الهبل اللي قولتيه دا أقسم بالله أنا مجنون وممكن أتجنن عليكي روحي يا ماما على مذاكرتك علشان أنا بنفسي هعرفك أحنا أزاي أخوات أمشي يا بنتي
ملاك برقة ودلع:- حاتر يا بابتي (ثم ركضت على مذاكرتها)
حازم وهو يضرب يد بيد:- ايه الدلع دا يا جدعان يارب متجننش على البت دي
في الصباح وفي مكانٍ ما في القصر:-
….:- أيوا يا باشا في جديد
عامر:- خير يا بطة حصل ايه
….:- الست سهير والست ميرڤت وإياد بيه وصلوا امبارح وكمان البيه حازم عايز يجوز الست إنچي لفاروق
عامر بصوت مرتفع:- ايه اللي بتقوليه دا يا هانم، أزاي دا كله حصل امبارح ومعرفتنيش
….:- يا بيه الجو كان مش تمام امبارح علشان أبلغك باللي حصل وأديني قولتلك كل حاجة أهو محصلش حاجة يعني
عامر بغضب:- خلاص خلاص عينك على عيلته كويس جدا  وأي جديد بلغيني بيه علطول يلا أقفلي ولما أعوزك هكلمك سلام
في غرفة سهير:-
ميرڤت بتساؤل:- سهير اسم اللوا ماجد مش غريب عليا 
سهير بقلق:- بس دا مات يا ميرڤت أكيد تشابه أسماء
ميرڤت بقلق متبادل:- وأفرضي طلع هو هتعملي ايه
سهير بنهاية للحوار:- كفاية بقى يا ميرڤت هنرجع تاني نتكلم في نفس الموضوع أنا زهقت
ميرڤت وهي تنهر أختها:- دي أخرة عمايلك السودة يا سهير أنا مش عارفة لحد دلوقتي ايه اللي رمي بيكي على الشخص دا
سهير بغضب:- عمرك ما سمعتي عن الحب يا ميرڤت ولا ايه سبق وقولتلك حبيته مقدرتش أسيطر على مشاعري
ميرڤت وهي تحركها بقوة من ذراعها:- مشاعر ايه وهو في الآخر رماكي وشكلك لسه بتحني هو كان أعزب لكن أنتهي يا هانم كنتي متجوزة، ربنا يستر يا سهير ويفضل الموضوع دا مستور
سهير وهي تتجه ناحية الباب:- وهو هيفضل مستور أزاي وأنتي بترجعي تتكلمي فيه
(فتحت سهير الباب وأتفاجأت بوجود سمر)
سهير بتعجب:- أنتي بتعملي ايه هنا يا سمر
سمر بتوتر:- كنت كنت أه أنا كنت بنادي حضرتك وميرفت هانم علشان الفطار جاهز تحت
سهير بشك في تلك الفتاة:- صحيتي حازم وملاك؟
سمر بتوتر:- أه أقصد لاء يا ست هانم لسه هروح أصحيهم أنا قولت أنادي لحضرتك الأول وأشوف الباقي، ست صب صباح هي اللي قالتلي كدا
سهير بهدوء عكس ما بداخلها:- أنزلي أنتي وأنا هصحيهم، شوفي إنچي وإياد
سمر وهي تركض من أمامها:- حاضر يا هانم
سهير لميرڤت:- شكل القصر دا ليه ودان وشكلها مش سهلة
ميرڤت باستغراب:- قصدك ايه يا سهير
سهير وهي تغادر الغرفة:- ولا حاجة يا ميرڤت يلا أنزلي وأنا هصحي حازم وملاك
في غرفة حازم:-
حازم:- أدخلي يا ماما
سهير:- صباح الخير يا حبيبي
حازم بحب:- صباح النور يا سوسو
سهير:- يلا يا حازم هات مراتك وأنزلوا أفطروا ونقعد مع بعض كدا بعد الفطار قبل ما تروح شغلك
حازم وهو يقبل يدها:- عنيا يا سوسو أنا هخلص لبس ونازل وراكي وعلفكرة ملاك نزلت، صباح سبقتك وصحتها وملاك نزلت تتأكد إن كل حاجة جاهزة
سهير لنفسها:- البت سمر قالت إنها رايحة تصحيهم وصباح هي اللي قالتلها وكلام حازم عكس كلامها تماما معنى كدا إن في حاجة غريبة في القصر
سهير بحب:- ربنا يسعدكم يا حبيبي، قولي يا حازم أنت مبسوط مع مراتك
حازم بعين عاشقة:- مبسوط بس! دا أنا عديت المرحلة دي أنا فرحان جدا يا سوسو ملاك مفيش منها اتنين ولا في حنانها ولا دلعها ولا رقتها ولا خوفها عليا بجد وجودها ملى عليا حياتي
سهير وهي تحتضنه:- يا حبيبي أخيرا شوفت النظرة دي في عينيك، ربنا كرمك بقلب أبيض تحبها وتحبك وشكلها بنت حلال ربنا يسعدكم يا نور عيني
(نزلت سهير وهي تفكر جيدًا ماذا ستفعل مع سمر وخططت أنها ستضع سمر أمامها دائمًا، ولكن هناك موضوع آخر يشغل بال سهير فقررت أن تقطع الشك باليقين ثم تنشغل بسمر و..)
سهير لملاك:- صباح الخير يا ملوكة
ملاك وهي تقبلها:- صباح النور يا مامي
سهير بحب:- ياااه كان نفسي دايما في بنوتة تقولي يا مامي بنوتة أحبها وأهتم بيها وأدلعها
ملاك بدموع:- وأنا كان نفسي في مامي بجد تبقى جنبي في كل لحظة في حياتي تنصحني وتهتم بيا ونبقى صحاب تدعيلي كل يوم وأقدر أخد رضاها كان نفسي تبقى معايا في يوم جوازي كان نفسي تنصحني أهتم بدراستي وجوزي أزاي كان نفسي مامي تبقى معايا ربنا يرحمك يا مامي(ثم بكت بشدة)
سهير وهي تحتضنها:- يا حبيبتي ربنا يرحمها هي في مكان أحسن يا حبيبتي وأنتي والله زي بنتي وأكتر أنا من ساعة ما حازم حكالي عنك وأنا حبيتك يا عيوني
ميرڤت بتساؤل:- في ايه يا سهير ملاك بتعيطي ليه
سهير بحزن على تلك الصغيرة:- قومي أغسلي وشك يا حبيبتي وتعالي يلا علشان نفطر
سهير بحزن:- كانت بتتكلم عن مامتها ربنا يرحمها ويصبر ملاك عياطها وجعلي قلبي أوي هحاول أغير السيرة علشان متفضلش زعلانة كدا(وعندما لاحظت مجئ ملاك غيرت مجرى الحديث و…) ألا صحيح هو إياد فين ايه كل دا نوم!
ملاك وهي تتجه نحوهم:- يا مامي سيبيه ياخد راحته السفر وحش وهو يا عيني شكله منمش كويس
حازم بصوت مرتفع:- هو مين دا اللي منمش كويس وملاك هانم شاغلة بالها بيه
ميرڤت:- كنا بنتكلم على إياد يا حبيبي، يلا ناكل شكل إياد لسه تعبان من السفر وإنچي هتفطر في أوضتها
حازم:- أحسن برضو، أحم، سمر يا سمر
سمر:- أمرك يا بيه
حازم:- فين إياد بيه صحتيه؟
سمر:- ايوا يا بيه وهو قال أفطروا أنتوا وهو هيبقى ينزل
حازم بأمر:- تمام يلا على شغلك
(جلسوا جميعا على السفرة وشرعوا بتناول الفطار و..)
حازم بهمس لملاك:- مالك يا لوكا شكلك معيطة حصل ايه لكل دا
ملاك وهي تدير وجهها عنه:- مفيش حاجة يا حازم أنا الحمدلله بخير
سهير بتساؤل:- قوليلي بقى يا ملاك أنتي من عيلة ايه
ملاك بهدوء:- من عيلة ماجد السيوفي
سهير وهي تثعل:- ايييييه
يتبع…..
لقراءة الفصل التاسع والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير

اترك رد