رواية هتلر الداخلية الفصل السادس عشر 16 بقلم جنى غنيم

♤ أتتحداني ؟ فليكن أنا أحب التحدي ! ♤

#بقلمي 

مراد اتعصب و مسكها من ياقة القميص و قال بصوت عالي :أنتِ قد القلم ده 

چنی بتسحب نفسها بقوة من ايد مراد و بتقول ببرود : لو مكنتش قده عمري ما هعمله يا خفيف 

كور مراد ايده بعصبية رفعها لفوق ف قالت چنی بسخرية : ايه ! ما تضرب عشان وقتها بدل واحد هتاخده عشرة 

نزل ايده بعصبية و اخد مفاتيح الشقة من على الترابيزة و راح ناحية الباب و رزع الباب بقوة و نزل

قالت چنی بعصبية و صوت عالي : في داهية

قعدت چنی على الكنبة و رجلها بتتهز بقوة و اتصلت على حد و قالت بعصبية : معاك المقدم إياد الرشيدي عايزك بكرة تشوفلي تذكرة طيران للندن باسم چنی عبد الحميد الرشيدي 

-بس يا فندم

چنی بمقاطعة : أنت لسة هتبس بس ! تسمع عن هتلر الداخلية ، انصحك متسمعش عنه عشان لما بجيب اخري بدغدغ الدنيا كلها تمام 

– اوامرك يا فندم 

قفلت چنی الخط و قامت تلبس 

في شقة اللواء عثمان 

عثمان قاعد بيقرأ كتاب و فجأة الباب يخبط جامد اتنفض عثمان و قال بصوت عالي : براحة في ايه ! 

وفتح الباب و قال بصدمة : مراد ! ايه اللي حصل لوشك 

مراد بيدخل و قال بعصبية : انا فاضل تكه و هموتها بجد

عثمان بضحك و ربع ايده : متقولش أن الصوابع الخمسة دول اللي معلمين على وشك من ايد چنى

فرغ عثمان عصير و جاب صينية حط عليها الكوبايتين و طبق فيه بسكوت و قال : طب اهدى خلاص ، اشرب و روق عن دمك هجيبلك كيس تلج استنى

قال مراد بسرعة : هو في إنسان على كره الأرضية بالجبروت ده ؟!

عثمان بصدمة : لا مش للدرجاتي ، و بعدين أنتَ بنفسك قولت ان چنی فيها شئ كويس بس ماضيها كان كفيل يخليها بالصورة دي 

مراد بدأ يهدأ و قال : كنت غبي !

وفجأة باب الشقة بيخبط بقوة و سمعوا صوت چنی و هي بتقول : افتح يا جينيرال 

عثمان بهمس : چنی ! كده كملت ادخل الأوضة دي 

مراد بنفس الهمس : هو احنا هنخاف منها 

عثمان بغضب مكتوم : مش وقته يا مراد بلاش مشاكل 

دخل مراد الاوضة و كان موارب الباب بحيث يسمع و كمان چنی متشفهوش 

راح عثمان و فتح الباب ، دخلت چنی بعصبية ف قال عثمان : مالك داخلة زي التور الهايج كده

قعدت چنی على الكنبة من غير كلام و عمالة تهز في رجلها بعصبية ف قعد عثمان قدامها و قال : مش بكلمك 

فجأه قالت و هي حاطة ايدها الأتنين على ودنها :كفااااااية

عثمان بتمثيل و بيحط رجل على رجل : في ايه يا چنی ؟

چنی بتركيز و بتبص على الترابيزة  : هو في حد هنا ؟

عثمان  بتوتر و بيعدل قعدته : حد ! لاء ليه بتسألي 

چنی بنص عين : اومال الكوبايتين دول بيعملوا ايه و لا أنت متوقع هجيلك في الوقت ده مثلا

عثمان بتأفف : لا عادي يعني اصل في محل بيبيع عصاير فريش لسة فاتح جديد قولت اجرب من عنده عصير المانجا و عصير البرتقان بالجزر 

چنی بمقاطعة :لا ثواني هو مش أنتَ عندك حساسية من المانجا !

عثمان بتحذير : ممكن افهم جلسة التحقيق دي هتخلص امتى و ايه سبب زيارتك و انتِ واحدة لسة خارجة من مستشفى و جرحك لسة ملمش حتى !

جنى قامت وقفت و قالت بعصبية : طب احترم ذكائي حتى ده انا تلميذتك 

عثمان وقف و ربع ايده و قال ببرود : من غير لف و دوران عايزة توصلي لأيه 

چنی واقفة بتهز في رجلها و قالت بعصبية : مراد هنا و انا عارفة و بيسمع كلامي و من الأخر كده ابواب جهنم كلها هتتفتح عليكوا عشان لو مفكرني غبية و لا مش عارفة حاجة  انا بقوله اهو انا ….

عثمان قاطع كلامها بالقلم على وشها 

مراد كان سامع و حاطط ايده على بوقه من الصدمة 

چنی و حاطة ايدها على وشها بصدمة و قالت : هتندم على القلم ده و الندم هيبقى غاااالي اوي ، أنا مسافرة بكرة و مش هتشوف وشي تاني و اعتبرني مستقيلة 

مشيت چنی و رزعت الباب وراها ، خرج مراد و قال بنظرة عتاب : ليه يا عثمان باشا ليه ؟

عثمان بيقعد على الكنبة بتعب و حاطط ايده على رأسه ف قال : لازم القلم ده عشان يفوقها ..ألحقها يا مراد دي مجنونة و ممكن تعمل مصيبة 

نزل مراد جري و لقى چنی قاعدة على السلم و منهارة تماما و لأول مرة مراد يشوف چنی بالحالة دي قعد جانبها و طبطب عليها بصت چنی بصدمة ليه ف قال مراد : قبل ما تزعقي مش قصدي حاجة و اللهِ انا مش ناقص كفاية وشي الوارم 

ضحكت چنی و هی بتعيط ف ضحك مراد كمان و قام و مد ايده ليها بصتله چنی شوية ف مسكت ايده و قامت و بدأت تنفض نفسها ، قال مراد بضحك : خوفت تكسفيني و تقومي من غير مساعدتي 

قالت چنی ببرود : كنت هعمل كده بس مش عارفة ايه اللي منعني 

مراد بعفوية : طيبة قلبك …يلا عشان وشك بدأ يورم ، هتعرفي تسوقي و لا اسوق انا 

حدفت چنی المفاتيح ليه 

ركب مراد مكان السواق و چنی ركبت جانبه ف قالت من غير ما تبصله : بقالك قد ليه عارف ؟

مراد فهم قصدها قال و هو مركز في السواقة : هحكيلك كل حاجة 

في إيطاليا 

ليان نازلة على السلم لابسة فستان اسود طويل بحملات و هيلز و فاردة شعرها البني و لابسة الماسك عشان محدش يشوف وشها 

قاسم واقف مستنيها اول ما شافها تنح 

وقفت ليان قدامه و لسة هو متنح ف قالت بسخرية : ايه مالك بتطلع قلوب من عينيك كده 

قاسم بنحنحة : من عيني بس ♡ 

و غمز لها و سحبها من ايدها بسعادة ف قالت بضحك : براحة هقع انا لابسة هيلز يا قاسم 

قاسم وقف و قال بمرح :  طب مش كنتِ تقولي و شالها و كل ده و رجالتها عاملين يتفرجوا ، راحت متشعلقة في رقبته بضحك

في لندن 

رانيا بقلق : ما تحاول طده يا مازن تشوف چنی تليفونها مغلق و مش عارفة اوصلها 

مازن بتأفف : اديكي قولتي مغلق و بعدين انا حاولت و برضو مفيش فايدة اكيد هي في مهمة و اضطريت تقفل الموبايل 

رانيا بعصبية : مهمة ازاي و هي موقوفة عن العمل 

مازن بخنقة : بصي بقى يا ماما انا مليش دعوة بحوراتكم دي انا رايح اتخمد 

رانيا بزعيق : نام ! نوم الظالم عبادة ، انتم مش هترتاحوا غير لما تجيبوا آجلي بدري بدري 

في عربية قاسم 

بتخلع ليان الماسك و بتبص في مراية و ماسكة صوباع الروچ و عمالة تظبط نفسها 

قاسم بمعاكسةو عمال يبص عليها و هو بيسوق : ياختي كده قمر و كده قمرين 

ليان بضحك : طب ركز يا عم الرومانسي عشان منعملش حادثة النهاردة 

قاسم و عمال يغني : قمرين ..قمرين دول و لا عنين ♡ 

بعد فترة 

قاسم بلعمة عين : انزلي 

ليان بتبص على المكان : متأكد 

قاسم بيمسك ايدها و يبوسها و قال بحب : كله هيبقى تمام ، مش انتِ واثقة فيا ؟

ليان بإبتسامة : اكتر من نفسي ، ثقة عمياء ♡

نزلوا من العربية و هما ماسكين ايدين بعض و طلعوا عند مأذون و اتصل قاسم بأتنين صحاب ليه عرب مسلمين عشان يشهدوا على الجواز 

المأذون : بارك الله لكما وبارك عليكما وجمع بينكما في خير 

قاسم قام و حضن ليان و باسها من رأسها : مبروك عليا أنتِ 

ليان بضحك : متتعودتش على الطيبة دي ها 

قاسم : ارجوكي مش وقت تحول خالص …بحبك

ليان بحب :مش اكتر مني و اللهِ ♡ 

في فيلا محمود 

محمود بيفرغ كاس ف قال : افرغلك معايا 

مجدي سرحان بحزن : عايز افضل صاحي و مركز 

محمود بيقعد قدامه : حالك مش عاجبني ، ايه رأيك تريح اعصابك في اي فندق على البحر و على حسابي يا عم و بالمرة تصالح شيرويت ما هي في الأخر مراتك و ام ابنك 

مجدي بتوهان و تعب : ابني 

محمود بإستغراب : متقولش اني عكيتها اكتر

مجدي بيطلع من شنطته ورق و قال : يا ريت توصل الورق ده ل شيريوت ده ورق طلاقها …انا طالع ارتاح شوية 

في العربية چنی 

مراد : و بس كده يا ستي ده كل الحوار 

چنی بتركيز  في مراية العربية و لاحظت وجود عربية ماشية وراهم بقالها فترة : معاك سلاح 

مراد بصدمة : هتقتليني و لا ايه ؟

چنی بعصبية : خلص .. و يا ريت تقف عند السوبر ماركت ده 

مراد مش فاهم حاجة و وقف ف قالت : خليك متابع موبايلك لما ارن عليك تقعد مكاني من غير رغي كتير  

نزلت چنی و بتحط السلام في جيبها من ورا 

تك تك تك 

خبطت چنی على ازاز عربية اللي وراهم ف نزل ازاز العربية اتصدم لما لقاها چنی ف قالت ببرود : معلش قطعت عليك ، معاك كبريت 

في مطعم في أيطاليا 

ليان بتلذذ : الأكل حلو اوي يا قاسم 

قاسم بلمعة عين : بجد يا حبيبتي عجبك الأكل 

ليان : جدا 

قاسم بحب :ها قوليلي عايزة تقضي شهر العسل فين ؟

ليان تحذير : تؤ تؤ مينفعش احنا اتفقنا على ايه ؟ 

قاسم بتأفف: خلاص سكت و مسك ايدها و قال : بس ايه القمر ده يا ربي 

ليان بضحك : طب بس عشان متكسف 

قاسم بضحك : يا نوحي يا نوحي ♡

عند چنی 

چنی ببرود و بتوجه المسدس في وشه: هتنزل من العربية زي الشاطر و هتيجي معايا بهدوء و متعملش فيها حويط بدل ما تولع في الدنيا و كمان في الأخرة … أنزل يالاااا

نزل البودي الجارد ، راحت چنی ضرباه بضهر المسدس على دماغه و لكن چنی مقدرتش تشيله عشان اصابتها و مراد طبعا كان شايف نزل جري و قال برعب : مين ده ؟ 

چنی بعصبية : انجز شيل معايا و هشرحلك كل حاجة في الطريق 

شالوه و رموه في الكرسي اللي ورا و قعدت چنی مكان السواق و مراد قعد جانبها و حكتله على كل حاجة 

مراد بعصبية :كان ايه لازمة الشو ده كله 

چنی ببرود : انا اسلوبي كده عجبك تمام مش عجبك أنشاالله عن اهلك ما عجبك 

في بيت قديم 

شيرويت عمالة تعيط واحدة صاحبتها عمالة تطبطب عليها و بتقول : Oh , Dear

شيرويت بعياط : انا مش بقولك كده عشان تشفقي عليا اهئ اهئ ، انا بحبه اوي يا ليندا و وحشاني اوي ♡

ليندا بتتكلم بعربي مكسر : u know هو طالقك خلاص ، You must focus on your future life (لازم تركزي في حياتك المستقبلية )

في شقة چنی 

البودي جارد مربوط على كرسي و چنی قاعدة قدامه على الكرسي و حاطة رجل على رجل و بتغني و ماسكة تفاحة و سكينة و عمالة تقطع فيها و تاكلها و مراد ساند بضهره على الحيطة 

بدأ يفوق البودي جارد بس كان دايخ، ف قالت چنی : لا بروح أمك أنت مش جاي تنام هنا ده أنت ليلتك صباحي 

البودي جارد : انا لقيتك فجأة بتهدديني و انا راكن عادي

مراد و مربع ايده : متخلص بروح امك

چنی بعصبية : بذمة اهلك ده منظر حد تستخف بعقله …مين باعتك يالااا

سكت الراجل ، قامت چنی و غرزت السكينة في وشه ف قال : خلاص خلاص … القائد هو اللي طلب مني كده 

ف قالت چنی‌ : مين الزفت ده ؟

البودي جارد بخوف : مجدي بيه  

چنی بسخرية و بتقعد على الكرسي : الحكاية فيها مجدي قولتلي و بتوجه كلامها لمراد : بتعرف تضرب يا مراد ؟ 

مراد : ها 

چنی‌ و تقف قدام البودي جارد ف قالت : يبقى تعرف

بعد فترة 

البودي جارد من كتر الضرب اغمي عليه و چنی ماسكة موبايله و بتتصل على نمرة متسجلة باسم القائد ، قالت چنى : و الله عيشتِ يا چنی و شوفتي الكلب بيتعمله سعر فاتصلت .. ف رد بصوت نايم : في ايه يا زفت بتتصل ليه ؟

چنی بضحك : الزفت حاليًا مش فاضي اصله مطحون ضرب  ف قولت امسي عليك انا 

مجدي بيتنفض من مكانه و بيقول و هو بيبلع ريقه : چنی !

چنی : حان الآن ساعة الإنتقام !

يتبع..