Uncategorized

رواية طفولتى المشتتة الفصل السادس 6 كامل

 رواية طفولتى المشتتة الفصل السادس 6 كامل 
رواية طفولتى المشتتة الفصل السادس 6 كامل

رواية طفولتى المشتتة الفصل السادس 6 كامل 

جلس نايف بتعب على الكنبه
ابو سلمان : قوم شوف بنتك وين هي !!.
نايف مسح على وجهه بقهر وتكلم : بقلعتها ما عاد ابيها …..
مسك ابوه الجوال بعصبيه واتصل على الحراس وطلب منهم يمسكون ريم وما يخلونها تطلع
بعد دقيقتين وقف نايف وتوجه جهة الباب وقفه صوت اخوه سلطان : وين ودك تروح
نايف ببرود : ودي اروح اشوف وين انقلعت هالحيوانه
ساميا : لا تتعب حالك الحراس الحين يجيبونها
قاطعها نايف بعصبية : انتي لا تتدخلين فاهمه وخرج وعلى الجميع علامات استفهام من عصبيته المفاجئة ؟؟؟؟؟؟
ابو سليمان يوجه الكلام لاولاده واولاد اخوه : قوموا روحو شوفو وين طست بنت عمكم
ام سلمان بقهر : لا بارك الله فيها نكدت علينا بهذا اليوم
رن جوال ابو سلمان (الجد)وكانوا الحرس وخبروه انهم ما شافوها تنهد بقهر وسكر الخط وجه كلامه لاحفاده : وش بعدكم تنتظرون قوموا شوفو البنت وين راحت وشوفو بين الفلل يمكن تخبت بزاوية من هالزوايا وبصراخ بسرعة
خرج أحفاده من الغرفة وكان البعض يتحلطم لانهم عندهم مشاوير مهمة بهذا العيد وانلغت هاذي المشاوير بسبب ريم واكثرهم تحلطم سليمان للي ندم انه جابها ولو تركها عند البقالة بقلعتها ……
جلس الجد ابو سلمان على الكنبه بتعب وتنهد
مسك ابو سليمان يده: يبه لا تضغط على نفسك والبنت ان شاء الله بنلاقيها يمكن متخبيه في زاويه من زوايا الحديقة
ام سلمان بقهر : لا تضغط على نفسك وريم ستين داهيه وراها ان شاء الله ما ترجع ونخلص منها
ابو سلمان بقهر : انا ما يقهرني غير سوالفك انتي وابنك الغبي نايف كأنه هاذي البنت مو منا صححي معلوماتك هاذي اسمها من اسمي وسمعتها من سمعتي واي شي يمسها بمس سمعتي وبصرخه فاهمه ؟!!
وابنك الغبي للي اتزوج سارة انتقام من اهلها ما لقى غير ذي الطريقة ينتقم فيها هاذي هيه سارة تزوجت ابن عمها ورجعت علاقتهم احسن من ذي قبل واحنا للي خسرنا ظلت هالريم شوكه بحلوقنا وبعصبيه قلي ويش استفدت من انتقام نايف
تقدم سلطان من ابوه : خلص يبه هدي لا ترفع الضغط عندك وتعوذ من الشيطان وان شاء الله ما يصير الا كل خير
ام سلمان بزعل : يعني انا الحين الغلطانه والشيخة ريم
قاطعتها زوجة سلطان : يا خالتي عمي قصده مو كذا
قاطعتها ام سلمان بقهر : خلص خلص انا فاهمه قصده خلي هالقعده للزفته ريم وقامت زعلانه
مسكها ابو سليمان بترجي: يمه اترجاك ابوي حالته تعبان خلص لا تزيدي عليه اذا لي خاطر عندك اجلسي والعني الشيطان
جلست ام سلمان : ما ودي العن الشيطان ودي العن هالريم الكلبه الله ياخذها ويريحنا منها
اتصل سلطان بنواف يسأله عن ريم طبعا كان الجواب انهم ما لقوها .
قاعدين بالحديقة ومعصبين عالاخير صار لهم ساعتين يدورون عليها وما لقوها
نواف: يعني ملح وذاب وين راحت وتنهد بقهر
عمر : انا للي قهرني كل المشاوير انلغت افففففف
بدر بقهر : انا لازم اقوم اتوطى ببطن سليمان ووجه كلامه لسليمان انت وش عليك منها خلها بالبقاله الله ياخذك انت السبب
سليمان بندم : اففففففف والله اندمت فكرت انتقم منها بس ما زبطت معي اخخخخخخ يالقهر
نواف بتعجب : بس غريبة هاذي البنت عمري ما شفت بقوتها ولسانها اعوذ بالله ملسوووووووونه بشكل الله يكون بعون للي رح يزوجها وتوجهت انظار الشباب لسليمان
سليمان : علامكم تناظروني !!!!!
الشباب بصوت واحد سلامتك وانسدحوا عالارض من الضحك
سليمان بقهر منهم : تخسوون اتزوج هاذي الملسونه على الاقل لو مزيونه اشوى يعووووو ليه ما يتزوجها واحد منكم يالخبلان ؟!
ضحك عمر وقال : لا ابد يالغالي بتعرف قانون البنت لولد عمها وانت مناسب لها اكثر انت عصبي وهي ملسوووووووونه رح تكون حياتكم اكشن وانسدح على الارض وهو يتخيل شكل سليمان وعروسته ريم وانسدح مرة ثانية عالارض من الضحك
قاطعهم بدر وضحك : ما اظن ريموووه توافق عليك شكلها مرتبه وضعها مع ابن الجيران وغمز للشباب ورجعوا مرة ثانية لنوبة الضحك من جديد
قام سليمان بقهر من كلامهم : سخيفين
قاطعه عمه سلطان : حنا ننتظركم وانتو فاتحين ديوان وتضحكون وحنا على اعصابنا لا بارك الله فيكم وتركهم ودخل
ورجع الشباب للضحك مرة ثانية باستثناء سليمان المقهور منهم .
نرجع لبطلتنا كانت تركض بسررررررعة حتى تغادر كل المكان ومن كثر الركض توقفت من التعب شافت نفسها بمكان غريب شبه فاضي من العمران ظلت دقايق واقفه بمكانها تلتفت حولها سمعت صوت شاب واقف بجانب سيارته واشر لها وكان شكله لا يطمئن
في هذا الوقت تذكرت كلام المعلمة عن وجود عصابات بيسرقون الاطفال ويقتلوهم وياخذون اعضاء جسمهم ويبيعونها ترتعش جسمها لكنها قوت نفسها و
قررت في نفسها تروح له لعله يقتلها ويريحها من هالحياه للي كلها حرمان ونزلت دموعها تعبر عن حزنها
توجهت لجهة الشاب وهي عازمه على الذهاب معه حتى تموت وترتاح من الحياة
قربت من الشاب وسألها إذا بتعرف بقاله قريبة من هنا
هزت راسها انها بتعرف مكان بقالة وهي داخلها بتعرف انها حيله من حيلهم
طلب الشاب منها تركب لحتى تدله على مكان البقاله
هزت راسها وتقدمت من السيارة وادخلت رجلها اليمين داخل السيارة بهدوء
لكن في إيد سحبتها واخرجتها من السيارة
هزت راسها وتقدمت من السيارة وادخلت رجلها اليمين داخل السيارة بهدوء
لكن في إيد سحبتها واخرجتها من السيارة بسرعة تفاجئت رفعت راسها حتى تشوف مين سحبها نظرت للشخص بتمعن لكنها عجزت انها تعرف هويته
في هذه الاثناء خرج الشاب من السيارة وعلى راسه علامه استفهام كان وده يتكلم لكن قاطعة حمد بصرامه : من سمح لك تركب البنت بسيارتك الدنيا سايبه عندك ؟
الشاب ببراءة : وش علاقتك بالموضوع وبعدين كنت ودي تدلني على بقالة قريبة من هنا فيها شي بعد ذي ؟!!!!!
حمد بعصبية : ما فيها شي واتمقلع من هنا قبل ما اتصل بالشرطة وتاخذك بتهمة اختطاف
كان الشاب يحلف لحمد انه نيته طيبه وانه غريب عن هذي المنطقة وما يعرف شي عشان كذا طلب منها تدله على مكان البقاله ….
*
*
*
تركت حمد يتفاهم مع الشاب ومسكت يد ريم وشدت عليها وتوجهت قريب من سيارتهم وجلست على الرصيف واجلست ريم بجانبها
كانت ريم تمشي معها بهدوء لحتى تعرف مين هاذي اول مرة تشوفها ذبحها الفضول عشان كذا مشت معها <قلنا لكم ملقوفه هههه
جلست على الرصيف واجلستها جنبي وسألتها بهدوء وحنيه : ليش يا ريم تعملي كذا ما تعرفين انه خطأ تطلعي مع شخص غريب يمكن يسرقك
كانت متفاجئة وعلامات الدهشة على وجهها طنشت كلامها وسالت : كيف تعرفين اسمي ؟!!!!
مسحت على شعرها بحنيه : يمكن ما تعرفيني بس انا اعرفك وتنهدت لما جيتي عند اخوي ابو سيف كنت موجودة وبس بعدها سافرت مع زوجي ورجعت الحين عشان العيد
ريم ببراءة : يعني انتي اخت ابو سلمى قصدي ابو سيف الحقير ؟!!
الهنوف : ما يصير كذا يا ريم انت كبيرة وعاقلة وشطورة ما يصير تغلطين وبعدين لازم تحترميه لانه بكون ابو ….
قاطعتها ريم :بس انا ما احبه لانه واحد حيوان
الهنوف :انا وش قلت لك ما يصير وسرحت الهنوف تتأمل بوجه ريم متغيرة حيل عن اول اذكر لما جت كانت صغيرة وبيضاء وخدودها منفوخات صحيح ما كانت ظاهره معالم وجهها مضبوط وقتها من كثر البكاء بس كنت اشوف جمالها لكن الحين اختلفت نهائيا وجهها اسمر حتى غره لشعرها ما في ونحيفه بشكل وقصيرة يا حليلها صايره تشبه الاولاد ونزلت دمعه من عيني غصب عني على حالها كيف وجهها احمر من الضرب وفي بقايا دم في وجهها تنهدت بقهر وانا اتمنى نايف قدامي واطلع حرتي كلها فيه وقسم بالله لولا انه اخوي وما ودي اعمل مشاكل غير اروح واشتكي عليه لمركز الشرطة
قاطع افكاري زوجي حمد : يالله خلينا نمشي
مسكت يدها حتى اقومها معي لكنها سحبت يدها وهزت راسها دلاله على الرفض
الهنوف بحنان: يلا الشمس حاره قومي اكيد الحين ابو سيف قلقان عليك
ردت بحزم وعصبية : الله ياخذه ما ودي ارجع عنده وديني لدار الايتام بطريقك لاني خلص ما رح ارجع له لانه واحد حقير وكلب ونذل
حمد كان مستغرب من لسانها وبنفس الوقت يناظر الشخص للي واقف خلف الهنوف وريم وطبعا مو منتبهات له وطبعا يسمع كل الكلام وعيونه حمر من العصبية ……
قاطعتها الهنوف : يا ريم عيب تتكلمي كذا يالله قومي نرجع
ريم لوت بوزها : ما ابغى اروح عند الوحش وديني عند
قطع كلامها اليد للي سحبتها ووقفتها على حيلها نايف من بين اسنانه : انا للي رح اوديكي على جهنم
وقفت الهنوف بسرعة وسحبت ريم من يد نايف : انت متى جيت ؟!
وكملت كلامها بقهر :وبعدين معك يا اخي انت ما عندك احساس ما تفهم هاذي طفلة كيف تعمل فيها كذا شوف وجهها خرايط من الضرب حرام عليك اليوم العيد كل الاطفال مبسوطين إلا هي وبصوت عالي كافي حرمان حرام عليك حرمتها من كل شي
كانت الهنوف تتكلم و تمسح دموعها للي كانت تنزل حزن على حال هالبنت
نايف ببرود : حلو اقول يا حنونه وش عرفك اني حارمها من كل شي وانتي من يوم جت سافرتي وما رجعتي إلا الحين ؟ وكتف يدينه ينتظر الاجابة
الهنوف بقهر منه : الكتاب باين من عنوانه بالله هاذي ملابس عيد ؟ هذا شكل طفلة يوم العيد نازل فيها طق إذا انت مو قد المسؤولية اعطيني إياها واربيها واكسب فيها اجر
نايف ومن داخله بركان بس يتظاهر بالبرود : حلو يا ام قلب رهيف خذيها وربيها عندك بتريحيني منها وكمل بعصبية انتي تعرفين بعد كم سنه ريم رح تكبر كيف ودك إياها تعيش مع زوجك وبصراخ جاوبي ؟!
تدخل حمد بعصبية : وبعدين معكم حنا بالشارع مو بالبيت فضحتونا ووجه كلامه للهنوف يالله عالسيارة بسرعة
الهنوف بعناد : ما رح اطلع إلا ومعي ريم ومسكت يد ريم وشدت عليها
حمد وهو يكتم اعصابه : هذي بنته لو يذبحها يموتها ما لنا دخل فاهمه ويالله بدون عناد
سحب نايف يد ريم من الهنوف وبأمر : الحقي زوجك بسرعة ولا تعملي مشكله معه على شي تافه
الهنوف من بين دموعها : حلفتك بالله لا تضربها
نايف ببرود : روحي وما عليك منا ما رح اضربها
توجهت الهنوف للسيارة وهي خايفة على ريم من نايف دخلت السيارة وهي تمسح دموعها
حمد تنهد : عارف انك شفقانه على البنت بس حنا ما يطلع بدينا شي هو ابوها وادبر فيها هزت الهنوف راسها تؤيد كلامه وغادرت سيارتهم المكان ………
كانت ريم تناظر السيارة ولما غابت عن نظرها تذكرت إنه نايف ماسك يدها نفضت يدها منه بقوة وبقرف : من سمح لك تمسك يدي وبدت تمسح يدها وكانها منقرفه منه
نايف كتمت غيضي وخاصة اني وعدت الهنوف ما اضربها توجهت للسيارة وطلبت منها تلحقني كما توقعت رفضت تركب ولسانها الطويل ما سكت
كنت تعبان من الحر وانا ادور عليها قرفان نفسي ومو فاضي للعناد تقدمت منها حملتها كانت تحاول تفلت من يدي فتحت الباب الخلفي وسكرت الباب وركبت السيارة وتحركت راجع للبيت
اتصل ابوي وخبرته اني لقيتها سكرت الخط واستغربت سكوتها نظرت من المراية شفتها جالسة ورافعه رجلينها وحاطه راسها عليهن ووجهها لجهة الشباك وكانت نايمة حسيت بنغزة الم بصدري على حالها شو ذنبها اذا انا انحرمت من شي غالي على قلبي احط حرتي فيها هي ما لها ذنب تنهدت بتعب وبررت موقفي ذنبها انها تذكرني بالماضي نزلت دمعه من عيني مسحتها وانا اجهل سببها تعودت من الشيطان وكملت طريقي وانا استغفر ……..
دخلت من البوابة الكبيرة متجه لبيت اهلي الكل مجتمع هناك كانت سيارة حمد موجوده زفرت بضيق نزلت من السيارة وفتحت الباب الخلفي كانت غاطه بالنوم هزيتها لحتى تصحى فتحت عيونها بشويش ونظرت حولها حتى تعرف هي وين وبعدين وجهت نظرها لجهتي ولما استوعبت اني انا للي قدامها عبست ملامحها وكانه قدامها جني تكلمت بامر : يالله تنزلي
نزلت بهدوء وهي ساكته استغربت يمكن النوم اثر عليها وصارت هاديه مشيت وكانت هي خلفي تمشي بهدوء وصلنا للمجلس مجتمع فيه الجميع دخلت ورديت السلام على الجميع .
كانت انظار الجميع خلف نايف يناظرون الكائن الغريب بالنسبة لهم
دخل نايف وجلس على الكنبه بتعب وكانت ريم واقفه عند الباب والكل مبحلق فيها تقدمت كم خطوة بثقه ومتجاهله النظرات للي من حولها نادت عليها الهنوف بحنيه : تعالي ريوم اجلسي عندي
نغز عمر سليمان بصوت واطي : احلا وهاي عمتي الهنوف بدلع خطيبتك وصار يضحك بشويش
قرصه سليمان بقهر بيده وهو يتوعد فيه
تقدمت ريم بتكبر وجلست جنب الهنوف
يكمل بدر تعليق على سليمان بصوت واطي : اموت على هالكبره يا ناس محد قدك سلوم
نواف مو قادر يثبت نفسه من الضحك على شكل سليمان للي يتوعد بالشباب
الجد بحزم : علامكم تضحكون ؟!
نواف وهو يكتم ضحكته : لا ابد بس نتشاور متى نروح عالملاهي صح شباب وغمز لهم
ايد الشباب كلام نواف وطلبوا من الجد يروحون الحين .
الجد : لا مو الحين بعد المغرب بنروح كلنا ورجع الجد لكلامه وكان حديثهم عن الشغل والشركات اما الحريم فكانت سوالفهم كلها حش
والصغار خارج المجلس يلعبون والشباب قاعدين ضحك وتعاليق على بعضهم
طبعا ما عندهم بنات صبايا اكبر عمر للبنات عندهم 12سنه بالبارتات القادمه رح نتعرف على شخصيات جديده
*
*
*
*
*
كانت ريم جالسه عند الحريم طق كبدها من سوالفهن ولا تخلو الجلسة من نظرات الجده ام سلمان للي لو يطلع بيدها توكل ريم بسنونها بس للي مانعها زوجها ابو سلمان حلف يمين عليها ما تفتح فمها معها وخاصة انه العيد وما وده يزيد النكد بالبيت .
مر الوقت وصار الوقت بعد المغرب وكان الكل مستعد للروحه
الهنوف وهي تكلم ريم : يالله تعالي معي اغسل لك وجهك عشان تروحي معي
قاطعها نايف بحزم وجه كلامه لريم : الحين اتصل بميري تيجي تاخذك وترجعي عالبيت بسرعة
الهنوف بعناد : لا رح تيجي معنا وش ناقصة عن الاولاد حتى تمنعها تروح
نايف بعصبية : والله والله والله ما تروح الملاهي وهذا انا حلفت
الهنوف ببرود : مشكلتك روح كفر عن يمينك
الجده جلست : اذا ريم راحت ما رح اروح
الهنوف بعصبية : قسم بالله اذا ما راحت ريم معنا يحرم علي اجي عندكم او تشوفون وجهي مره ثانيه
نواف يهمس لسليمان : تدخل انت وقول خطيبتي ودي اخذها معي ما حد له دخل
ضرب سليمان نواف بوكس ببطنه وهو يتوعد فيه
تدخل ابو سليمان بحكمه : يا نايف وش يضرك لو طلعت البنت واستانست لا تنسى اليوم العيد وغمز له يعني مشيها عشاني
تنهد نايف بقهر وما قدر يرد اخوه الكبير : اوكي توكلنا على الله وتوجه لامه عشان خاطري قومي معي ولا ترديني
وايد كلامه اخوه سلطان : يمه اليوم العيد والاولاد ينتظرون هذي الساعة عشان الالعاب لا تحرميهم
تنهدت وقامت وهي مغلوبه على امرها ما تحب ترد اولادها
كان نايف واقف ويناظر ريم ومقهور من نظراتها كانها تقول له خاوه غصب عنك وكان بداخله بركان يغلي من القهر
وكانت ريم تبتسم ابتسامة نصر <مو قليله هالريم هههه
توجه الجميع للملاهي وريم ركبت مع الهنوف لانه نايف رفض يركبها معه
كان الكل يلعب ومبسوط الا ريم كانت تحس بغصه بحلقها اصرت عليها الهنوف تلعب لعبت لعبه وحده وكان باين من عيونها الحزن كانت تحاول الهنوف تسعدها بكل الطرق بالمقابل نايف ما سأل عنها كان منشغل مع بناته للاسف
تركتها الهنوف على المقاعد وراحت تشتري بعض الاشياء ….
كانوا واقفين مبسوطين عالاخير سكتهم عمر وهو يوجه سؤاله لسليمان : ما هقيتها منك يا سلوم تترك خطيبتك لوحدها و تيجي معنا واشر على ريم
سليمان بقهر : اقول قسم بالله اذا ما بتغيروا هذي السالفة اني الحين ارجع عالبيت
وكمل وبعدين ناسي العمر بيني وبينها اصحى اكثر من 10 سنوات واشر على بدر ليه ما تاخذها انت العمر بينكم اقل وكمل بقهر وبعدين اولاد اعمامي في كثير من نفس عمرها عندك عبود وحموده هم اولى بها
نواف وهو يبتسم : اعصابك يا حلو يلا شباب خلينا نشوف بنت العم وش قاعده تعمل
سليمان بقرف،: روحوا انتم انا استناكم هنا
طنشوه الشباب وتوجهوا لعند ريم
نواف : حيالله بنت العم
ريم على راسها علامات استفهام ؟؟؟؟؟؟
عمر : ليه ما تلعبي بالالعاب ؟
نظرت له ريم نظرت استحقار
بدر :اموت انا عالثقيل يا ناس ريوم
قاطعه سليمان بقهر : وبعدين معكم انتم خلو البنت بحالها
نواف : يا عيني يغار على خطيبته ما حد قدك يا ريم خطيبك بيغار عليك وانسدح عالارض من الضحك
سليمان وجه كلامه لريم : وش تسوين وحدك هنا وبحزم جاوبي؟
ريم بقرف : وش علاقتك فيني ما لك دخل فاهم ويالله انقلع من هنا
سليمان بثقة : بصفتي انك خطيبتي لما تكبرين
ريم ببراءة : ومين قالك اني ودي اتزوج وسكتت بتفكير وبعدها كملت ببراءة انا اذا تزوجت رح اتزوج سالم لانه مو طويل مثلك واحلى منك
عمر وهو مو قادر يتكلم من كثر الضحك : خبرتكم بنت العم مزبطه وضعها مع الولد اقول سلوم راحت عليك البنت مخطوبه لصديقها
وانسدحوا عالارض كلهم من الضحك إلا سليمان للي فور من العصبية ومسك يد ريم وهزها بقوه
وهو يقول انا من زمان وانا اقول هذي البنت رح تجيب لعيلتنا الفضيحة وقطع كلامه كف على صباحه خلاه منصدم من هذا الشخص
يتبع ……
لقراءة الفصل السابع : اضغط هنا 
لقراءة باقى فصول الرواية : اضغط هنا 

اترك رد