رواية نصف جناني الآخر الفصل التاسع عشر 19 بقلم ايزيس بنت الصعيد

أسر دفع وقعت ع السرير وهو خرج زي المجنون وما ردش علي حد وكان ناوي يسافر شرم و يقتل معتز ركب عربيته زي المجنون بس فجأة توصله مسج علي فونه 

يفتحها أسر ويوقف عربيته فجأة وينصدم  كان محتوي الرسالة ((لو عايز ترجع الضحك لهنا تاني قابلني في شركتك أنا عارف كل حاجة مزعلاها وعارف الحقيقة )) وكان المرسل زياد ..أسر لف عربيته وغير مساره واتجه لشركته 

عند هنا 

بعد ما أسر خرج هنا جريت تلحقه ما قدرتش وانهارت عند الباب وفضلت تعيط والداتها قربت عندها وضمتها 

زينب …مالك يا حبيبتي ايه اللي حصلك يا بنتي دانتي الضحك ما كانتش تفارق وشك 

هنا بشهقات ودموع…خايفة يا ماما خايفة علي أسر اوي اكيد هيضيع نفسه 

زينب …أنا ماعتش فاهمة حاجة خلاص باباكي وجوزك يتفقوا أنه يطلقك ويقول لي طلاق كده وكده ..وانتي بدل ما تزعلي وتاخدي موقف منه خايفة عليه وبتعيطي أنا خلاص برج من دماغي هيطير انتوا بتمثلوا عليا ولا دا برنامج الكاميرا الخفية 

هنا بصدمة وهي لسة بتعيط ..الكاميرا الخفية  ايه بس يا حاجة انتي هو انتي من سنة كام ..دلوقتي فيه رامز عقله طار ورامز مجنون رسمي 

زينب ضحكت…أنا كده اطمنت انك لسة هنا 

هنا ضمت والدتها …والنبي يا ماما قومي اتوضي وادعي لأسر ربنا يحفظه وينجيه ويتصرف بحكمة 

زينب رغم أنها مش فاهمة اي حاجة …حاضر يابنتي 

&&&&&&&&&&&.

أسر وصل الشركة بسرعة البرق وطلع زي المجنون وف دماغه الف سؤال ازاي زياد عرف وحقيقة ايه اللي هيقولها وياتري في ايه تاني لسة مستخبي 

طلع مكتبه والشركة كانت فاضية لقي زياد مستنيه 

أسر …حقيقة ايه اللي انت بتقول عارفها احكي بسرعة أنا مستعجل 

زياد ..اقعد الاول واسمعني وتمالك اعصابك من اللي هاقوله 

أسر بنفاذ صبر …اخلص انت لسة هتقول مقدمات 

أسر قعد

زياد ….أسر انا بحب هنا 

أسر قام بسرعة ناحية زياد ومسكه من هدومه …نعم ياروح امك ..ولسة هيضربه 

زياد…أسر اهدي عشان اللي جاي ف مصلحتك وشال زياد  أيد أسر من  هدومه 

وبدأ يحيكله كل حاجة من اول ما معتز كان بيراقب هنا وراح اتفق معاه لغاية يوم مانفذوا الخطة ووهموا هنا أنه معتز قرب لها 

طبعا أسر كان بيسمع ومصدوم وهيتجنن كل ما يتخيل شعور هنا في اللحظة دي 

أسر …أنت متأكد من الكلام دا 

زياد …ايوا طبعا متأكده وممكن اثبتلك كمان التسجيلات في شقة معتز 

أسر… انا هاوريكم كلمكم يا كلاب انتوا تعملوا كده في مراتي يا ولاد ال*****

زياد بحزن …أنا اسف يا أسر لو عايز تفك الشراكة اللي بينا هيكون طبعا حقك تعمل كده واكتر بس عايزك تعرف حاجة واحدة بس انا فقت وندمت ع اللي حصل وعرفت اد ايه كنت واحد حقير لاني بخون الناس اللي بتساعدني وفي الوقت اللي انت كنت بتنقذ فرع شركتنا في دبي اللي كان هيتقفل بعد وفاة بابا كنت أنا بطعنك ف ضهرك وباستقوي علي مراتك ..بس خلاص انا بأكدلك اني ندمان وكل همي دلوقتي اني اشوف هنا مبسوطة وقوية زي زمان لاني اكتشفت اني حبيت هنا البنت المرحة القوية بس الحزينة المكسورة دي أنا ماحبتهاش 

أسر بص لزياد وغضب الدنيا كله ف عينيه …اطلع برا 

زياد مشي بحزن 

أسر بص للساعة لقي الوقت أتأخر أنه يرجع لهنا قلع الجاكت بتاعه ورماه ع الكرسي بإهمال و مدد ع كنبة مكتبه وبدأ يفكر بهدوء ينتقم منهم ازاي لغاية ما غلبه النوم ونام 

&&&&&&&&&&&&&

قرابة الضهر ف شرم 

جيجي بتفتح عينيها بتعب تبص جمبها تشوف معتز مجرد من هدومه وهي برضو والسرير فيه د*م 

جيجي ….لااااااااااا يا حيواااان

معتز بيفتح عينيه بصعوبة عشان ضوء الشمس فيهم بص بصدمة لما لقي جيجي جمبه وبتعيط 

معتز …ايه اللي حصل 

جيجي …ضربته كف انت بتسألني أنا يا حيوااان انت عملت ايه دانا هوديك في ستين داهية انت الزفت اللي جبته امبارح دا وشربناه بيعمل اييييه 

معتز …اهدي كل حاجة وليها حل ..وقال في نفسه يادي المصيبة أنا وقعت في ايد اختها اللي ما بترحمش اعمل ايه بس واتصرف ازاي 

معتز …أنا احم مستعد أصبح غلطتي ونتجوز 

جيجي …انت تخرس خالص يا حيوان أنا اتجوزك انت ..وقامت راحت تاخد شاور 

معتز ..اعملها ايه دي كمان هو أنا اغتصتبها مش كان برضاها 

&&&&&&&&&&

شادي ….داليا أسر جوا 

داليا…لا يا فندم أسر باشا ماجاش م الصبح 

شادي بيفكر …غريبة دا ماجاش البيت هو حصل ايه ..وفتح الباب لقي أسر نايم ع الكنبة 

قرب منه وصحاه 

اسر بيخبي عينيه من الضوء …شادي احنا امتي هي الساعة كام دلوقتي 

شادي …صحي النوم احنا الضهر 

أسر انتفض م نومته …ايييه.. أنا اتأخرت اوي شادي  خلص الشغل بدالي لغاية ما ارجع 

شادي ….ماشي بس ابقي عد الجمايل بقي 

أسر وهو بيخرج مستعجل م المكتب  …اكيييد 

أسر نزل بسرعة واتصل بأحمد 

احمد بحزن …ايوا يا أسر هنا تعبت واغمي عليها من كتر العياط بالليل والدكتورة جات كشفت عليها وقالت إن عندها انهيار عصبي 

أسر ….اوكي أنا جي سلام ..وقفل وساق عربيته بسرعة جدا وراح لها وصل الشقة  ودخل اوضتها كانت نايمة وعينيها مفتوحة ودموعها نازلة بس مش بتتحرك أسر قرب لها والقلق ف عينيه مسك أيدها بهدوء 

أسر …هنا حبيبتي ردي عليا ماحدش قربلك صدقيني أنا عرفت الحقيقة وهاثبتلك بس ردي عليا 

هنا دموعها نزلت اكتر أسر أنحني لمستواها 

وحضنها وهمس في ودنها… انا معاكي مش هسيبك ابدا 

زينب كانت بتعيط ودخلت لأسر …أنا لازم اعرف كل حاجة مش هابقي زي الاطرش في الزفة احكيلي كل حاجة بنتي هتروحي مني 

أسر …اهدي يا تنت هنا قوية وهاتبقي كويسة أنا معاها ومش هسيبها 

محمد بحزن …تعالي يا زينب أنا هاحكيلك كل حاجة 

أسر …عمي ماحدش لمس شعرة من هنا أنا اتأكدت 

محمد بفرحة …بجد ازاي 

أسر …هتحكيلك كل حاجة بس اطمن علي هنا

خرج محمد ومعاه زينب واسر قلع الجاكيت بتاعه واستلقي جمب هنا أخدها ف حضنه وفضل يقولها كلام  يطمنها لغاية ما نامت وخرج عشان يحكي كل حاجة لأهلها 

&&&&&&&&&&&&

جيجي نازلة زي المجنونة ومعتز وراها 

ركبت عربيتها ومعتز ركب عربيته وبيحاول يوقفها بأي طريقة لانه خايف من أمنا الغولة صافي ????

جيجي كانت بتسوق بسرعة رهيبة وهو بيحاول يعمل اللي يقدر عليه عشان يوقفها بس مش قادر اتصل عليها وهو بيسوق كتير واخير ردت 

معتز …جيجي ما تكبريش الموضوع هي عملية صغيرة ولا كأنه حاجة حصلت بس ما تقوليش لصافي هانم دي تقتلني 

جيجي …أنا اللي هاقتلك يا حيوان 

وفجأة معتز يسرع اكتر بعربيته ويوقف قدام عربية جيجي عشان توقف بس هي تفقد السيطرة علي الفرامل وتصطدم عربيتها بعربية معتز اللي بتصطدم برضو بشاحنة كانت جاية عكس الاتجاه 

جيجي بصت بصدمة وساقت بسرعة جداااا وكانت مرعوبة 

&&&&&&&&&&&

شادي رجع البيت لقي ياسمين قاعدة مسنياه 

…ممكن افهم ايه اللي بيحصل مع أسر وهنا واوعي تخبي عني 

شادي اتنهد …والله انا نفسي مش عارف ايه اللي حصل بس هحكيلك اللي اعرفه 

&&&&&&&&&

أسر رجع تاني لهنا كانت صحيت م النوم أسر قرب لها …الجميل لسة مخاصمني ومش بيرد عليا ولا ايه 

بصت له بملامح خالية من أي تعبير وفجأة أسر شالها وخرج بيها قدامهم دخلها التواليت وحطها في البانيو وشغل عليها المية الساقعة فهي صرخت ف اللحظة دي 

زينب …محمد هو عمل ايه للبت 

محمد…اهدي لما نشوف أخرتها مع جوز المجانين دول 

في التواليت 

هنا بتعيط …أسر انت كويس 

أسر …هنا عايزك تيجي معايا عشان تعرفي انك محدش قرب لك ودي كانت خطة أنهم يوهموكي أن معتز قربلك عارفة هما عملوا كده ليه عشان عارفين أخلاقك كويس وانك هتنهاري لو حصل كده معاكي بس الحمد. لله ربنا حفظك ليا لأنك بتصوني نفسك وتحافظي عليها ..

هنا حضنته وعيطت …بجد يا أسر ولا انت بتقول كده عشان تهديني 

أسر …والله دي الحقيقة وانا هاثبتلك دلوقتي صدق كلامي 

وبعدها خرج أسر محرج وطلب من زينب هدوم لهنا 

بعد ربع ساعة هنا خرجت عادي جدا وبتضحك مع أسر  وماسكة ايده ودخلت اوضتها تلبس حجابها عشان تخرج مع أسر 

زينب بصت لمحمد بدهشة …سبحان مغير الاحوال

&&&&&&&&&&

أسر وهنا وزياد وصلوا شقة معتز واخدوا مفتاح الشقة من اليواب مقابل فلوس كتير اخدها منهم 

طلعوا الشقة وشافوا كل تسجيلات الكاميرات في شقة معتز وشافوا حاجات كتير قذرة كان بيعملها وهنا اتأكدت أنه معتز ما قربلهاش وأنه بفضل ربنا ثم زياد ربنا حفظها من شرهم 

ابتسمت بامتنان لزياد…شكرا يا زياد لأنك كنت موجود 

زياد…هنا أسر  أنا اسف بجد ليكم انا فعلا كانت نيتي مش خير بس الحمد لله فوقت في الوقت المناسب 

أسر مد أيده لزياد …شكرا 

زياد ابتسم …أنا اللي المفروض اقولك شكرا لانك وقفت معايا انت واونكل خالد بجد مش هانسي دا ابدا 

أسر بص لهنا …عرفتي بقي أن ماحدش يقدر يعمل معاكي حاجة 

هنا …الحمد لله أنا بجد لولا البيبي كنت انتحرت 

زياد ابتسم …ايه دا انتي حامل يا هنا يعني هابقي خالو كده ..طب هنعمل  ايه مع مثلث الشر 

أسر…دانا هاعمل فيهم عمايل ماحدش يتوقعها 

هنا ….لاااااا مش قبل ما امارس هوايتي المفضلة فيهم 

أسر وزياد …هتعملي ايه 

هنا ……..

يتبع……