Uncategorized
رواية عذاب الحب الفصل الثاني 2 بقلم إيناس فكري
رواية عذاب الحب الفصل الثاني 2 بقلم إيناس فكري
 |
| رواية عذاب الحب الفصل الثاني 2 بقلم إيناس فكري |
رواية عذاب الحب الفصل الثاني 2 بقلم إيناس فكري
– البنت اللي واقفه بره دِ بتقول انها حامل في ابنك
= بذهول وصدمه: نعم!!!!!
– اتكلم معايا بصراحه انت فعلا ابو اللي في بطنها؟
= لا طبعا ومعرفش مين الست دي اصلا…
” خرجت وأنا قلبي وعقلي مصدوم م اللي البنت دِ قالتو
بصيتلها ببرود واتكلمت
– مين اللي زاقّك عليا؟
= انا هاجر يا عمرو مش فاكرني!
– بصيتلها بتركيز وبدقق في ملامحها بس انا اتأكدت اني معرفهاش مسكت دراعها ولويته واتكلمت
– هتقولي مين اللي وازك عليا ولا يبقا آخر يوم في عمرك
= محدش….وهتبلي عليك ليه وهسوء في سمعتي!! معقول ياست هانم لو هو مش ابو الولد هخاطر بحياتي مع ناس أكابر زيّكو واتبلا ع سي عمر
– لقيت نظراتهم اتحولت ليا بكره…قربت لماما ومسكت ايدها، بلاش شكّك فيا ده كده بتتعبيني انا معملتش حاجه
= شديت ايدي ومحستش بنفسي غير وانا بضربو بالقلم ع وشه… دِ بنت واكيد مش هتقول عليك من فراغ
– حطيت ايدي مكان القلم…ياماما لا دي اكيد حد مسلطها عليا واكيد حابب يأذيني
= بعياط: يابيه حرام عليك مش عشان انا بنت غلبانه ومليش حد تضحك عليا وتستغلني انت السبب في اللي انا فيه ولازم تتجوزني زي ما وعدتني
– انتِ عبيطه يابت روحي شوفي مين الوسخ اللي ضحك عليكِ وجايا ترمي بلاكِ عليا
= الله يسامحك يابيه
– عمر متأكد انك مقربتلهاش
= لا يا بابا محصلش ولا عمرها حصلت.. انا صح بسهر مع نسوان بس مبيحصلش اكتر م الشرب وعمري ماغبت عن وعيي انا متأكد وديما ببقا فايق وحاسس بكل حاجه حواليا
– هصدقك…يمكن لان ده الحل الوحيد اللي قدامي
= هثبتلك اني صح ، ويمكن هي اصلا مش حامل وبتعم كده عشان نديها فلوس ونقول ابعدي بس لا انا عندي حل
” غبت نص ساعه وجيت…جبت دكتوره نساء عشان نشوف حامل ولا لا، دخلت الاوضه عشر دقايق وخرجت
– مبروك المدام حامل وفي الشهر التالت وباين عليها التعب ولازم ترتاح وتتغدا كويس لانها ضعيفه وده غلط ع الجنين والدواء ده يتاخد مظبوط في مواعيده والا هيحصلها نزيف
= مايحصلها نزيف ولا انشالله تموت خالص
– وصٌلي الدكتوره لبره يا عبير
= اوامرك يا هانم…تفضلي
– دلوقتى وتأكدنا انها حامل اي اللي ناوي عليه
= لازم اعرف مين ابوه الحقيقي!
________________
– مالك يشمس؟
= مش قادره اقف ولا اعمل حاجه حاسه بدوخه شديده اوي
– سلامتك يحبيبي…هكلم اسلام ونروح للدكتور
= لا متقلقهوش انا هبقا كويسه
– لا مش هسيبك كده…كل مالك كل ما بتتعبي
= مش يمكن حامل يشمس؟
– معرفش بس حاسه انه لا
= نروح للدكتور ونتأكد
– اطلبي اوبر
” نص ساعه والاوبر جه ووصلنا العياده كانت حالتها مش مستقره وأغما عليها من كتر الدوخه فاستأذنا م المرضي ودخلنا
– ها يدكتور ملها؟
= انا شاكك في حاجه من اتنين يا حمل يا حاجه تامين
– زي اي
= هستبعد الحاجه التانية ولازم التحاليل دي تتعمل وتجيلي بكره
– حاضر
” اتوترت من شكل الدكتور وهو بيقول ممكن حاجه تانيه… ياتري قصدو ع اي!!!
– طب ليه مش كلمتوني آجي معاكو
= محبتش اقلقك وبعدين ما رنا كانت معايا…مطلوب منك تجيب التحاليل وتوديها للدكتور
– حاضر
” جبتها ووصلت العياده ولانها تحاليل بس فدخلت اول واحد في الموجودين
– طمنّي يا دكتور
= اتطمن…..المدام حامل
– بفرحه…..بجد