Uncategorized

رواية أحببت صعيدية الفصل الثامن 8 بقلم ياسمين ابراهيم

  رواية أحببت صعيدية الفصل الثامن 8 بقلم ياسمين ابراهيم

 رواية أحببت صعيدية الفصل الثامن 8 بقلم ياسمين ابراهيم

 رواية أحببت صعيدية الفصل الثامن 8 بقلم ياسمين ابراهيم

عمرو ــــ وبحب الناس الرايقهههههه هههاااي 
معاذ ــــ ياخي اتعدل تعبتني،  
عمرو ــــ اموووه انت جميل ليه النهارده 
معاذ يرميه ــــ ابعد يا سافل،  انا غلطان اني خدتك معايا،،  
ياربي الواد سكر من كاس واحد
عمرو ــــ بس متقولش سكرت،  مش عمرو اللي يسكر،  انا فايق اوي اوووي 
معاذ ــــ لا ماهو واضح،  اتخمد يلا الصبح طلع وهنتاخر على الشغل 
عمرو ــــ هه شغل ايييه،  مش انت قايلي اننا متشاردين 
معاذ ــــ احنا هنتشرد فعلاً لو انت روحت معايا تانى،  المكان ده
ـــــــــــــــــــــــــــــــــــــــــــــــــــــــــــ 
صفا ــــ صباح الخير ياعمي 
بدر ــــ صباح الخير  يابنتي 
صفا ــــ عامل ايه النهارده 
بدر ــــ الحمدللة،  ،  
ياترا مبسوطه معانا هنا
صفا ــــ ايوه يا عمي،  البلد هنا حلوه قوي 
ونضيفه مش زي عيندينا كله تراب وجله وفضلات بهايم 
بدر ــــ يعني علي كدا انتي ارتحتي هنا ونقدر نعمل الفرح 
صفا ــــ لا طبعا ياعمي انا لسة معرفاش العيشه اهنه كيف،  مش يمكن بعد كام يوم اتخنق 
بدر ــــ والله يابنتي براحتك،  اهو احنا لسه قدامنا شهرين 
ـــــــــــــــــــــــــــــــــــــــــــــــــــــــــــ 
ياسين يتحدث في الهاتف ــــ وبعدين بقاا لو مش قد المهمة قولي وانا اشوف غيرك،…. 
لا ماهو مش كل شويه تقولي بكسب ثقة معاذ،  دا هو بيثق فيك اكتر من نفسه،  وقالك علي مكان الورق بس انت اللي خايف من البنت اللي هناك 
مش عاوز حجج فارغه،  لو الأوراق مكنوش عندي النهارده تنسا انك تطول مني حاجة…،،  وبيقفل الخط 
واد خايب قال ثقه قال بس اخلص من الصفقه دي وبعدها هسلمك لمعاذ خليه هو يتصرف معاك عشان انا قرفت منك ومن طمعك،،  
يرفع سماعة التليفون،،،  
نسمه،  تعاليلي عاوزك.. 
نسمه ــــ اومرك ياسين باشا 
ياسين ــــ طيب ومالك بعيدة ليه ما تقربي 
نسمه ــــ تؤ تؤ انا زعلانه منك 
ياسين ــــ ليه بس ياعمري في حد يزعل من ياسين بردو 
نسمه ــــ اه عشان انت سبتني امبارح ومشيت 
ياسين ــــ مفيش حاجه تمنعني عن حبيبي غير الشديد القوي ما انتي عارفه 
نسمه ــــ يا سلام يعني مراتك اهم مني عندك 
ياسين ــــ اكيد لا،  بس انتي عارفه اني بجاريها لغيت ما اخد منها اللي عاوزه وبعدين افضالك انت يا جميل  
نسمه ــــ اممم اذا كان كدا اوكي،  بس اعمل حسابك انك هتسهر معايا النهارده 
ياسين ــــ اوكي،  النهارده انا بتاعك انتي 
نسمه ــــ بتحبني بجد يا ياسو 
ياسين بمكر ــــ الا بحبك دا انا بعشقك،  بس تعالي واقفه بعيد ليه، 
ـــــــــــــــــــــــــــــــــــــــــــــــــــــــــــ
في الشركه  
عمرو ــــ نايم علي مكتبه 
معاذ ــــ صباح الخير 
يوسف ــــ صباح الخير،  ايه التاخير ده كله 
معاذ ــــ راحت عليا نومه ياسيدي 
يوسف ــــ مش لوحدك اللي راحت عليك نومه ويشاور على عمرو
معاذ ضاحكآ ــــ  ايه ده،  
يوسف ــــ انت بتضحك،  بدال ما تصحيه،  احنا جايين نشتغل ولا ننام 
معاذ ــــ معلش بقا الراجل نام متأخّر النهارده 
يوسف ــــ طيب ياسيدي خليه نايم،  ومش مهم الشغل  
معاذ ــــ  عمرو،  عمرو،  قوم انت متخدر ولا ايه،،  
يوسف ــــ دا باين عليه ميت مش متخدر،  
معاذ ــــ قوووم ياض،  روح نام في البيت 
عمرو ــــ  هممم سيبيني بقا يا مايا 
يوسف ــــ مايا؟! 
معاذ ــــ يقصد ياماي،  اصله ليه جد من اجداده القدامه صعيدي،  قوم بقا فضحتنا 
عمرو ــــ ههههااا متحطيش ايدك هنا بقا 
يوسف ــــ ياعم دا هيقل ادبه ادلق عليه كباية ميه 
معاذ ــــ ههههههههههههههه تحط ايدها فين يا واط**ي قوم،  وبيدلق عليه كباية ميه 
عمرو ــــ  هه هاا ايه ده انا بغرق ولا ايه،  
معاذ ــــ قوم فضحتنا الله يفضحك 
عمرو ــــ هممم ياخي حرام عليك انت عارف اني بضايق من الحركه دي  
يوسف ــــ اي حركه فيهم 
معاذ ــــ ههههه بس يا جو الواد كان بيحلم 
عمرو ــــ هو حصل ايه
معاذ ــــ حصل بلاوي،  انت كنت بتقل ادبك فى الحلم ولا ايه 
عمرو ــــ يتمطع وبصوت عالي،  عااااا 
معاذ ـــ ااسد ههههه 
يوسف ــــ انا مش فاهم حاجه 
عمرو ــــ بقرف،  وعاوز تفهم ليه 
يوسف ــــ طيب قوله انت ياعم علشان مطلعش انا اللي وحش 
عمرو ــــ ومن غير ما تتكلم انت وحش بردو 
معاذ ــــ يوووه انتو هتبتدو،  
خلاص،  يلا عمرو فوق كده وصحصح علشان نشوف شغلنا 
عمرو ــــ طيب ياعم،  فوقت اهو بس،  اشرب قهوه علشان راسي هتتفرتك 
معاذ ــــ وانا وحياة ابوك 
يوسف ــــ ميزو ايه رأيك نخرج بعد الشغل في مشوار من بتوع زمان انا مخنوق اووي  
معاذ ــــ لا لا مش هينفع النهارده  
يوسف ــــ اشمعنا يعني،  دا انا بفكر نخرج احنا التلاته 
عمرو ــــ لا انسوني انا مستحيل اخرج مع حد تانى 
يوسف ــــ ايه ده بقا وانا هخرج مع نفسي ولا ايه  
معاذ ــــ  ممكن تاجلها لبكره علشان انا رايح افسح ضيفتنا النهارده ومش فاضي
عمرو بزهق ــــ وياترا هتفسحها في نفس المكان بردو 
معاذ ــــ لا طبعا،  انت بتقول ايه  
يوسف ــــ هي ايه الحكاية 
معاذ ــــ ابدا ياسيدي بس خرجنا انا وعمرو امبارح،  اسكت ياجو،  طلع ميه من تحت تبن ولم البنات حولية 
عمرو ــــ ونبي ما تفكرني عشان انا مش هعديلك الحركه دى  
يوسف ــــ لا بقا انا ماشي وسيبكم انا مش فاهملكم حاجه  
معاذ ــــ ماشي يا جو متنساش تجبلي الورق اللي عاوز يتوقع عليه  
يوسف ــــ تمام 
ـــــــــــــــــــــــــــــــــــــــــــــــــــــــــــ 
معاذ ــــ مساء الخير يا داده 
فاطمه ــــ مساء الخير يابني نورت 
معاذ ــــ دا نورك تسلميلي،  امال فين مرات عمي وصفا وبابا 
بدر ــــ انا هنا،  تعاله  
معاذ ــــ مساء الخير يابابا عامل ايه 
بدر ــــ بخير يابني،  
معاذ ــــ أمال فين صفا
بدر ــــ في اوضتها قالت انها هتجهز نفسها 
معاذ ــــ تمام…. 
بعد دقايق
صفا ــــ ازيك ياعمي 
بدر ــــ  الحمدللة يابنتي،  الله ايه القمر ده 
صفا بخجل ــــ يكرمك اصلك ياعمي 
معاذ ــــ اوبااا 
بدر ــــ انت هتعاكسها قدامي ولا ايه يا ولد 
صفا تبص للارض بخجل ــــ 
معاذ ــــ هي  اوبااا تعتبر معاكسة ولا ايه 
بدر ــــ احسب 
معاذ ــــ طيب يا غالى احسب انت يكون خدت صفا فسحتها وبعدين نشوف وصلت لفين في الحساب بس اوعا تتلخبط 
بدر ــــ ماشي يلا بقا طرقنا
صفا ــــ ههههه 
معاذ بهمس ــــ متضحكيش 
صفا ــــ وه ليه عاد 
معاذ ــــ علشان بتحلوي وانا قلبي مش هيتحمل 
صفا ــــ طيب بذيداك رط ويلا بينا عشان منتاخرشي 
معاذ ــــ طيب طيب يلا 
ـــــــــــــــــــــــــــــــــــــــــــــــــــــــــــ 
في الشركة 
صفا ــــ وه ايه المكان اللي جايبني فيه ده 
معاذ ــــ مش عاوزه تشوفي الشركه ولا ايه 
صفا ــــ هي دي الشركة 
معاذ ــــ ايوه تعالي اتفضلي،،،  
دا مكتبي،  انا وعمرو و يوسف،  
صفا ــــ كيف ده،  مكتب لتلاته أمال مدير الشركه كيف يعني 
معاذ ــــ لا ماهم مساهمين فيها واحنا شركاء فيها من الاول،  بس دي غير الشركه الام طبعا  
صفا ــــ اهااا ايوه 
عمرو يدخل ــــ معاذ انت رجعت تاني لييي….  
صفا بتمتمه ــــ   اهو النج**س جه 
معاذ ــــ ايوه،  كنت بفرج الشركه لصفا وهمشي تاني 
عمرو بقرف ــــ  طيب خد راحتك انا ماشي 
صفا ــــ داهيه لترجعك 
عمرو ــــ نعم 
معاذ ــــ لا دي بتكلمني انا  
عمرو بقرف يبصلها من تحت لفوق ــــ  اه طيب 
صفا ــــ ومالك عتبصلي اكده ما تخدلي صورتين احسن
عمرو ــــ  سلام يا معاذ 
صفا ــــ جك خابط واد ملعو***ن ونج**س 
واللى يشوفه يقول محترم 
معاذ ــــ  صفااا مش هنبتدي تاني،  طلعيه من دماغك بقا 
صفا باستغراب ــــ اطلعه من دماغي كيف 
معاذ ــــ يعني انتي شاغله دماغك بيه،  
قولتلك قبل كدا ان عمرو كويس ومش وحش 
صفا ــــ هممم يكون زي ما يكون وبعدين انا محطهوش في دماغي،  كل الحكاية انه قليل الاد**ب ومترباش 
معاذ ــــ طيب تمام بس يلا بينا بقا علشان نلحق،  مش هنضيع اليوم فى الكلام عنه
صفا  ــــ همم طيب 
هما وخارجين يقابلو يوسف 
يوسف ــــ معاذ انت رجعت تاني ليه 
معاذ ــــ ازيك يا جو،  ابدا كنت بفرج الشركة لصفا وماشي تانى  
يوسف ــــ اها،  نورتي الشركه يا انسه صفا
صفا ــــ متشكره منوره بوجودك 
معاذ ــــ طيب يا جو احنا ماشين بقا 
يوسف ــــ ماشي اتفضلو 
صفا ــــ شوف الناس المؤدبه مش كيف التاني الاهطل ده
معاذ ــــ الصبر يارب،  يابنتي ارحميني هو عملك ايه 
صفا ــــ وكمان ناقص يعملي حاجه طيب دا انا كنت قطعته قطيع
ـــــــــــــــــــــــــــــــــــــــــــــــــــــــــــ 
عمرو لنفسه ــــ مش عارف دي طلعتلي منين،  بنت مستفزه اوي،  انا لو مكان معاذ هقتلها،  
بس انا الغلطان بردو مكنش لازم اتحمق اوي واقوله اتجوزها صعيديه 
التليفون يرن 
الو مين 
المتصل ــــ انت عمرو 
عمرو ــــ ايوه انا،  مين معايا 
المتصل ــــ طيب عاوزة اقبلك بكره ليك عندي حاجه هتعجبك اوى 
عمرو ــــ حاجة ايه دي اللي هتعجبني وانت مين 
المتصل ــــ هتعرف لما نتقابل،  هبعتلك لوكيشن والمعاد علي الواتس،  سلام 
عمرو ــــ انت يا اخ استنا،،، 
قفل الحيوا***ن
طيب مش رايح هه 
 هممم هتكون ايه الحاجه دي 
اممم 
خلاص انا هروح مش هخسر حاجه
ـــــــــــــــــــــــــــــــــــــــــــــــــــــــــــ 
بالليل 
صفا و معاذ داخلين على الفيلا 
معاذ ــــ يارب يكون الخروجة عجبتك 
صفا ــــ الا عجبتني،  دا انتو عايشين في جنه يا واد عمي  
معاذ ــــ كده البلد عجبتك ونقدر نتجوز بقا 
صفا ــــ وه عاد هو انا لحقت وبعدين انا لسه متعودتش علي العيشه اهنه،  
خلينا نكملو الشهرين وبعدين نتحدتو 
معاذ ــــ همم بعيد اوى يا صفا 
صفا ــــ لا مش بعيد ولا حاجه انت بس اللي مش قادر تصبر 
معاذ ــــ بيني وبينك اه اقولك حاجه 
صفا ــــ حاجه ايه دي 
معاذ ــــ اممم لا بلاش 
صفا ــــ وه ما تقول انت عتحيرني ليه 
معاذ ــــ اممم لا لا انتي هتفهميني غلط وانا مش ناقص 
صفا ــــ اوعاك تكون هتقل ادبك والا والله اوريك يا معاذ 
معاذ ــــ عيبك انك بتفهميني ههههه 
صفا ــــ اباي عاد،  جرا ايه يا ود عمي انت اتبرعت بنقطتين الدم بتوعك للقصر العيني ولا ايه 
معاذ ــــ يعني انا معنديش دم قصدك
صفا ــــ ههههه عيبك انك بتفهمني 
معاذ ــــ ههههه بصره 
صفا ــــ طيب ياخوي اهملك دلوق تصبح على خير 
معاذ ــــ انا داخل معاكي،  هسلم علي بابا 
صفا ــــ طيب تعاله 
ـــــــــــــــــــــــــــــــــــــــــــــــــــــــــــ 
زينب ــــ اهم وصلو،  خير يابتي اتاخرتي ليه شغلتيلي بالي عليكي 
صفا ــــ معلش يامه الوقت سرقنا احنا وبنتفرج على البلد 
بدر ــــ  المهم انكم اتبسطو 
صفا ــــ اتبسطت قوي قوي يا عمي  
معاذ بهمس ــــ عشان كنتى معايا طبعاً 
بدر ــــ سمعتك!، لا مش علشان كانت معاك ولا حاجه مش كده يا صفا 
صفا ــــ  ههههه اكده يا عمي،  
عن اذنكم اروح اغير خلاجاتي 
معاذ ــــ   كده ماشى يا صفا ياخسارة العشا الفاخر اللي عزمتك عليه 
زينب ــــ ههههه ربنا يجمعكم على خير ياولدي 
معاذ ــــ يارب يامرات عمي يارب،  ونبي ابقي زني علي ودنها عشان انا زهقت 
بدر ــــ احترمنا يا ولد 
معاذ ــــ حاضر هحترمك بس هي توافق بقا  
استمر الحديث لدقائق،  واذا بصفا تصرخ من داخل غرفتها 
زينب ــــ يا ساتر يارب
معاذ ــــ في ايه،  صفااا، ويركضو جميعا فوق السلم 
معاذ ــــ يدخل الغرفه،  ويجد صفا علي الارض فاقده للوعي 
زينب ــــ يااابتي 
بدر ــــ صفاا 
معاذ ــــ يحملها فوق زراعيه ويضعها على السرير،  
صفا فوقي،  
وبعد دقائق استعادت وعيها 
صفا ــــ هممم اه يا راسي 
معاذ ــــ حصل ايه،  مين عمل فيكي وفي الاوضه كده  
صفا بالم ــــ معرفشي،  بس هو نفس الحرامي اللي قبل كده،  كان بيدور في الاوضه علي حاجه،  ولما زنقته ضربني في راسي وهرب قبل ما امسكه واقتله 
بدر ــــ  لااا دا الموضوع زاد عن حده انا لازم أبلغ البوليس 
معاذ ــــ صح يا بابا احنا لازم نبلغ بس قبلها 
لازم نطرد العجول اللي بره،  ازاي يقدر يدخل مرتين من غير ما يحسو 
ـــــــــــــــــــــــــــــــــــــــــــــــــــــــــــ 
في اليوم التالي داخل الشركة 
يوسف ــــ صباح الخير يا ميزو عامل ايه يارب تكونو انبسطو امبارح 
معاذ ــــ هممم. مش كويس ومنبسطتش، 
الحرامي دخل البيت تاني 
يوسف ــــ ازاي ده،  والامن فين ازاي يقدر يدخل وهما موجودين 
معاذ ــــ علشان بهايم بياكول وينامو وبس انا رفدتهم كلهم 
هممم فين عمرو 
يوسف ــــ معرفش مجاش النهارده 
معاذ ــــ ازاي ده،  مش عادته يتأخر 
يوسف ــــ معرفش بقا 
المهم قولي الحرامي اذا حد في البيت؟! 
معاذ ــــ ابن الكل***ب ضرب صفا وهرب 
يوسف ــــ طيب ليه كل ده
معاذ ــــ اكيد كان بيدور على اوراق الصفقه 
يوسف ــــ وهو ايه عرفو ان الاوراق في البيت اصلا وتحديدا اوضتك،  في حاجه غلط 
معاذ ــــ اممم فعلاً فى حاجه غلط وانا لازم اعرفها،  وفجاه التليفون يرن 
الو 
المتصل ــــ عاوز تعرف مين الحرامي اللي دخل بيتك وضرب خطيبتك،  لازم تيجي دلوقتي في العنوان اللي هبعتهولك 
معاذ ــــ انت مين 
المتصل ــــ مش مهم،  المهم انك تعرف الخاين اللي انت مأمن له سلام
يتبع…..
لقراءة الفصل التاسع : اضغط هنا
لقراءة باقي فصول الرواية : اضغط هنا

اترك رد