Uncategorized
رواية بنات نعمة الفصل الثانى 2 بقلم أحمد حسن
رواية بنات نعمة الفصل الثانى 2 بقلم أحمد حسن
 |
| رواية بنات نعمة الفصل الثانى 2 بقلم أحمد حسن |
رواية بنات نعمة الفصل الثانى 2 بقلم أحمد حسن
( الحوجة مرة – وبتبقا أمرر خاصتا لما يكون عندك نقطة ضعف بتدفعك ليها ، وعزة نفس بتدبح فيك , خلينا نشوف #نعمة هتتعامل إزاي مع الموضوع ده )
__________
أنور .. السلام عليكم
الدكتور .. وعليكم السلام إزيك ياعم انور
أنور .. بخير الحمدلله
الدكتور .. خير ياعم أنور
أنور .. كنت سامع إن حضرتك عايز حد يشتغل معاك في
العيادة يعمل شاي وينضف العيادة
الدكتور .. ايوه فعلا ياعم أنور
أنور .. طب يادكتور انا كنت جايبلك نعمة ست شاطرة وبنت
حلال وامينة وهتعجب حضرتك قولت إيه
نعمة .. إيه هتعجبك دي ياعم !!
متحسن ملافظك عاد ياعم انور !!
أنور .. ههههه مقصدش يابنتي انا قصدي هيعجبه شغلك
معلش يادكتور أصلها طبعها شديد شوية
الدكتور .. لا عادي ياعم أنور أنا عارف إننا هنا في الصعيد
خلاص يانعمة تقدرى تستلمي شغلك من دلوقتي
نعمة .. ربنا يخليك يادكتور ومتشكرين
الدكتور .. طب مش عايزة تعرفي هتاخدي كام ؟
نعمة .. ال يجيبه ربنا كله كويس
الدكتور .. خلاص ياستي انا هديلك 50ج في اليوم
نعمة .. بجد ، ربنا يخليك يادكتور ( ياماأنت كريم يارب)
انور .. مش عارفين نقولك إيه والله يادكتور ، وأنتي يانعمة
مش هوصيكى
نعمة .. كله على الله ياعم انور ، بس متنساش والنبي تعرف
البنات إني في شغل وهرجع الساعة 4 وقول للبت هدى تخلى
بالها من إخواتها لحد ما أرجع
الدكتور .. خلاص يانعمة أعتبري نفسك أشتغلتي النهاردة
وخدي ياستي دول خليهم معاكي وبكرة تيجي تبدأي شغل
نعمة .. إيه دول !!
الدكتور .. دي فلوس
نعمة .. بتاعت إيه !!
الدكتور .. ياستي أعتبريهم سلفة وابقي سديهم براحتك
أنور .. خلاص خديهم يانعمة متقفليش راسك امال
نعمة .. ماشي ياعم أنور ، بس دول سلف وهردهم
الدكتور .. ههههه ماشي ياستي
__________
خرجت نعمة وعم أنور من العيادة وعم أنور بيبص لنعمة
بإستغراب
نعمة .. مالك عتبصلى كده !!!
أنور .. مفيش يانعمة
نعمة .. قولها عاد متتكسفش ياعم أنور
أنور .. اقول ايه يانعمة !!
نعمة .. عارفاك مستغرب إني برفض الفلوس من الدكتور
رغم إني لسه مستلفة منك عشان أجيب فطار لبناتي
بس ال عايزاك تفهمه إني فعلا محتاجة بس ده مش معناه
إن أقبل شفقة ولا عطف من حد
أنور .. متزعليش مني يابنتي بس أنا مقصدش كده
نعمة .. ولا تقصد ياعم أنور
أنور .. يااااااااه عندك عزة نفس يابنتي اتعدمت في زمنا ده
نعمة .. هم شوية ياعم أنور أنتي هتسبلي في عينيك ههههه
أنور .. أنتي عتتريقي علي عاد يانعمة هههه
نعمة .. ماعاش ولا كان ال يتريق عليك ياراجل ياطيب
أنور .. أنا بهزر معاكي يابنتي مصدق مالقيتك بتضحكي
نعمة .. الله يرضى عنك ياعم انور مش عارفة أقولك ايه
والله لولاك مكنتش اعرف أعمل ايه , وربنا يعيني على ال
جاي
___________
في البيت ، البنات وصلو من المدرسة وبيطبلو على الباب
الأم .. اصبري يامقصوفة الرقبة انتي وهي لما افتحلكم
ريهام .. ايه الريحة دي !!!
تغريد .. انتو شامين ال انا شماه ????
هدي .. الجيران شكلهم عاملين ملوخية ????
تغريد .. إوعدنا يارب ونعمل ملوخية زييهم ????
الأم .. طب ولو قولتلكو إن ريحة الأكل دي من عندنا☺️
تغريد .. بجد ♥️♥️
ريهام .. انتي سرقتي الملوخية بتاعت الجيران ياأمي؟
الأم .. ههههههههههههه اخرسي يامقصوفة الرقبة
هدي .. ده في لحمة كمان !!! منين ده ياأمي !!
الأم .. اغسلى إيدك أنتي وأخواتك وبعد ألأكل أحكيلك ياقلب
أمك
__________
في القاهرة وباالتحديد في بيت صابر وزوجته المصراوية
وولادهم
عثمان .. عايز 50ج ياماما عشان عندنا رحلة مدرسية
الأم رنيا .. خد ياحبيبي
الأب صابر .. اهو ده ال أنتي شاطرة فيه ، ياولية أنتي مش
ملاحظة إن دي تالت خمسين ياخدها الواد بحجة الرحلة
رنيا .. وماله ياصابر خلى الولاد يجيبو ال في نفسهم
صابر .. ياولية هي فلوسي حرام !! ما تمسكي إيدك شوية
رنيا .. فلوسك !!!! إيه ياصابر انت هتكدب الكدبة وتصدقها
ولا إيه ؟!
صابر .. اه فلوسي ! مستغربة ليه !؟ هو مش انا مرمي في
الشغل النهار كله وطالع عيني
رنيا .. انت ناسي أني لما أتجوزتك مكانش حيلتك غير
الجلبية ال كانت عليك ، كبرتك ولبستك بدلة وخليتك
صاحب سلسلة مطاعم ، أصحا وفوق ياصابر وأعرف أنت
بتكلم مين ، ودي أخر مرة هحذرك فيها
صابر .. اووووف دي مبقتش عيشة دي
___________
في بيت نعمة
هدي .. مش هتقوليلنا بقا ياأمي إيه سر الغدواية الملوكي دي
نعمة .. هو الربع كيلو لحمة غدواية ملوكي ههههههه
ربنا يجبر بخاطركم ياحبايبي ويجعل عينكم مليانة كده على
طول يارب ????
ريهام .. ما تحكي بقا ياست انتي عايزة أعرف
نعمة .. ههههههههه طب هحكي إيه يالمضة
ريهام .. معرفش بس البت هدى بتقولك احكي
نعمة .. ههههههه انا مش عارفة انتي طلعتيلي منين
يامفعوصة أنتي ههههههه
عالعموم هحيكلكم .. بقا يابناتي ياقمرات ربنا كرمني بشغل
جديد في العيادة بتاعت الدكتور
تغريد .. يعني هتشتغلى دكتورة ياأمي ????
الأم .. هههه لا ياهبلة
ريهام .. يبقا هتاخدي حقن
الأم .. هو في حد بيشتغل ياخد حقن يابنت العبيطة هههههه
هدى .. بس يابت انتي وهي رغي أحكي ياأمي
الأم .. بقا ياستي عمك أنور حكالي إن الدكتور عايز حد
ينضف العيادة ويعمل شاي وأنا وافقت ورحنا شفنا الدكتور
ووافق إني أشتغل في العيادة وعطاني سلفة كمان
ريهام .. يبقا عم أنور هو ال هياخد الحقن ؟
الأم .. أنتي مش شاغل دماغك غير الحقن !! انا عارفة إنك
مش بتفهمي غير بالشبشب ناولى الشبشب يابت ياتغريد
هههههه
تغريد .. حرام تضربي أختي ياولية يامفترية
الأم .. أنا مفترية ! جبتيها منين الكلمة دي يابت !!
طب تصدقي للتضربي معاها
هزرت وضحكت ولعبت نعمة مع بناتها وكان اليوم جميل
وعندما دقت الساعة 7 مساء
أجتمعت نعمة وبناتها قدام التليفزيون
لأنهم كانو متعلقين بمسلسل الساعة 7م
منظرهم وهما في حضن بعض قدام المسلسل
كانت حاجة بتعكس كل الظروف والمأساة ال بيمرو بيها
بس كنت تحس إن بركة ربنا في أي بيت بتبقا ليها معالم
وشكل ولون جميل يحسسك بالبهجة والراحة النفسية
الساعة 8 المسلسل خلص والجميع ذهب للنوم
وتبقت نعمة كعادتها ال قامت صلت ركعتين لله شكر
على كرمه ليها وبعد شوية راحت عند ولادها ونامت في
وسطيهم
_________________
في الصباح
نعمة راحت جابت فطار وعطت بتاع الفول جزء من حسابه
ورجعت فطرت مع ولادها ومشتهم على المدرسة
وراحت هي على شغلها
وصلت نعمة العيادة ونضفتها وبعد شوية الدكتور خرج من
أوضته لأنه ساكن في نفس العيادة
الدكتور .. صباح الخير يانعمة
نعمة .. صباح النور يادكتور
الدكتور .. تسلم أيدك الله ينور ، ياريت تعمليلي فنجان قهوة
مظبوط
نعمة .. حاضر يادكتور
بعد شوية نعمة جابت القهوة للدكتور ال خد منها رشفه وبخها
على طول
الدكتور .. إيه القرف ده !
نعمة .. قرف إيه !!
الدكتور .. القهوة مفيهاش وش وقولت ماشي بس طعمها
غريب كده ليه ، انتي عملتيها إزاي !!!
نعمة .. عملتها زي ما بعمل الشاي
الدكتور .. إيه العبط ده ! يابنتي القهوة حاجة والشاي حاجة
تانية هههههه
نعمة .. عبط !! بص يادكتور ، المرادي هعديهالك عشان
متعرفنيش كويس بس ياك تنطقها تاني ???? وبعدين ياسيدي
إحنا عمرنا ما عملناها ولا شربناها في بيتنا فكرتها زي الشاي
الدكتور .. ههههه خلاص ياستي حقك عليا روحي هاتيلي
الكنكة والبن والسكر وتعالي أعرفك بتتعمل إزي
نعمة .. لا قولى وانا هفهم
فعلا وصفلها طريقة عمل القهوة وراحت عملتها وبقت كويسة
_________
بعد مرور ثلاث شهور
نعمة كانت في العيادة وكل الناس مشيت عدا أخر كشف مع
الدكتور جوة ونعمة متعودة تخلي الدكتور معاه أخر كشف
وتمشي عشان متبقاش معاه لوحدهم
دخلت المطبخ ظبطته بسرعة وخرجت ماشية ناحية
الباب ، نعمة وصلت عند الباب وقعدت تفتحه وتخرج
لقيته ما بيفتحش حاولت تاني وتالت وبردو ما بيفتحش
بصت وراها إتفاجئت بالدكتور واقف وراها ___