رواية عشقت هذه العنيدة الفصل السابع 7 بقلم بوسي صلاح

يامن قرب عليها شاف شفايفها زرقه ووشها شاحب 

زهره:يمنى قاطعه النفس خالص بنتي هتروح مني

يامن:متقلقيش ياامي بابا لو سمحت جهز العربيه هوديها المستشفى

يامن شلها وحطها في العربيه وزهره ركبت جمبها هي ويامن وعلى ركب قدام ونجلاء كانت مستنياهم في البيت

ودوها المستشفى وخدوها على العمليات 

زهره:يارب رجعهالي دي بنتي الوحيده يارب

علي:اهدي يازهره هتبقى كويسه أن شاء الله

يامن كان قاعد عمال يفتكر مشاغبتهم مع بعض مش عايزها تضيع منه

يامن في نفسه:معقول تكون حبيتها ده انت وهي ناقر ونقير مع بعض يارب تكون بخير مش عايزها تمشي عايزها معايا

الدكتور خرج بعد ٣ساعات كلهم جريوا عليه

زهره:بنتي كويسه حصلها حاجه

يامن:اهدي ياامي اي اللي حصل يادكتور

الدكتور:كويس انكوا جبتوها في الوقت المناسب لو اتأخرتوا كان زمان السم انتشر في جسمها كله

علي:ايييي سم

الدكتور:ايوه وكمان كان مفعوله قوي بس الحمدلله قدرنا نشيله من جسمها بس هتقعد تحت الملاحظه لمدة ٢٤ساعه علشان نطمن عليها اكتر

عدى ١٢ساعه ونجلاء جت علشان تقعد مع زهره 

نجلاء:اي ده اومال فين يامن

علي:مش عارف هو كان هنا من شويه

جلال ابتسم وسكت

في مكان آخر في الجامع بجانب المشفى

يامن:يارب رجعهالي وخليها كويسه انا بوعدك يارب اني هتغير بس رجعهالي وحشني جنانها وعنادها معايا يارب

جلال كان بيصلي وشاف يامن وهو قاعد في ركن لوحده وبيعيط ودي اول مره تحصل فرح أن هي عرفت تغير فيه ولو جزء صغير 

عدى١٢ساعه تانيه ويمنى فاقت كله دخلها ماعدا يامن

زهره:يمنى حبيبتي انتي كويسه 

يمنى:انا كويسه ياماما متقلقيش

علي:انتي كويسه ياحبيبتي 

يمنى:كويسه ياحبيبي

يمنى كانت بتدور بعينها عليه

جلال بخبث:اي يايمنى بتدوري على مين

يمنى:هاا لا مبدورش على حد

نجلاء:كده تخضينا عليكي طب انتي كلتي اي امبارح أو شربتي اي 

يمنى افتكرت

Flash back

يمنى:اي ده بقا انا جعااانه طب اعمل اي دلوقتي والساعه ١ بليل اووف (خطرت في بالها فكره)

اتصلت بمطعم وطلبت اكل بإسم يامن

يمنى:اهو اكل وكمان اتسلى شويه

الدليفري وصل وجاب الاكل

يامن:اي ده بتعملي اي

يمنى:اييي باخد من الراجل الاكل تعالى ادفع

يامن:نعمممم 

يمنى:اصل الصراحه طلبت الاكل بإسمك سلاموز الراجل واقف تحت عالفكره

يامن استغفر ودفع الفلوس وطلعلها

يامن:اي ده انتي قافله الباب طب عالفكره بقا اللي ياكل لوحده يزور

يمنى مردتش عليه وكملت اكل وبعدها قعدت شويه ومحستش بحاجه واغمى عليها

Back

يمنى:بس هو ده اللي حصل

يامن دخل وبصلها بعيون منتفخه وقال بلهفه

يامن:انتي كويسه حصلك حاجه اجبلك الدكتور تاني انطقي 

يمنى:هو انت سايبلي فرصه اتكلم انا كويسه مفيش حاجه

جلال غمز لعلي فعلي فهم وضحك بصوت مكتوم

يمنى:اهو مش قولت اللي ياكل لوحده يزور اهو خدت حقك اهو

يامن ضربها بخفه على رأسها 

يامن:بس يابت 

قعدوا يومين في المستشفى وخرجوا كلهم طلعوا ناموا ماعدا يامن ويمنى

تلفون يامن رن

يامن:الو

ميرا:يامن وحشتني

يامن:عايزه اي ياميرا

ميرا:مفيش كنت عزماك عندي في البيت بكره علشان عيد ميلادي وكده وعازمه كمان خالد واحمد اكيد هتيجي مش كده

يامن:أن شاء الله يلا سلام

ميرا:سلام

يامن راح ليمنى 

يامن:بقولك اي

يمنى:اي

يامن:ماتيجي ننسى خناقتنا يوم واحد بس 

يمنى بتفكير:اممم موافقه

يامن:اشطا قومي البسي تعالي نخرج من غير اعتراض

يمنى لبست وخرجوا راحوا الملاهي

يمنى بصريخ: نزلوووونييييي هقع

خلصوا وطلعوا ويامن مبطلش ضحك عليها

يمنى:تصدق بالله هضربك والله

يامن:يلا يا مجنونه

يمنى بطفوله:هاتلي غزل بنات

يامن:حاضر ياطفله 

يمنى كانت بتاكله وهو بيبص عليها بحب يمنى لحظت ده وبصتله 

يمنى:بتبصلي كده لي

يامن:معرفش انك لطيفه كده وقمر كمان 

يمنى بتوتر:ممكن نمشي

يامن:ممكن يااميرتي

&&&&&&&&&&&&&&&&&&&&&&&&&&&&&&&&&&&&&&&

سعيد:انت هتستعبط يلا هو انا قولتلك تقتلوا ولا تقتلها

واحد من رجالته:ياباشا والله الاكل كان مطلوب بإسمه هو 

سعيد:اخفي غور من وشي

سعيد: والله لكسر قلبك ياجلال انت وعلى 

ملحوظه(سعيد بيكره جلال لانه صاحب سعيد واكتر من صاحبه وكمان رفض التعاقد مع شركته)

&&&&&&&&&&&&&&&&&&&&&&&&&&&&&&&&&&&&&&&

يامن ويمنى وهما ماشيين

يامن:انتي لي بتحبي الشغل مع انك لسه صغيره وعندك ٢٣سنه

يمنى: هاتلي بس حمص الشام بتاعك ده وروح جيبلك  واحد تاني 

يامن:اتفضلي يامفجوعه يلا قولي 

يمنى: علشان عايزه اشيل مسؤوليه نفسي مبحبش حد يصرف عليا انا خلاص كبرت

يامن فكر في كلامها وقال بدون تفكير:انا هاجي اشتغل في الشركه انا اصلا كنت مدير الحسابات

يمنى فرحت أن هو قرب يتغير كانت لسه هترد سمعوا صوت ضرب نار وهما خلاص داخلين الفيلا

يامن بصوت عالي:ادخلي جوه بسرعه

الحراس جم وشافو واحد بيجري جريوا وراه مسكوه 

يامن:مش قولتلك ادخلي جوه

يمنى:مش هسيبك لوحدك

حارس:يامن باشا احنا جبناه

يامن شال الشال اللي كان مغطي بيه وشه

يمنى:ازااااي…..

يتبع….

لقراءة الفصل الثامن : اضغط هنا

لقراءة باقي فصول الرواية : اضغط هنا