Uncategorized
رواية معاً من جديد الفصل الأول 1 بقلم شروق فاروق
رواية معاً من جديد الفصل الأول 1 بقلم شروق فاروق
 |
| رواية معاً من جديد الفصل الأول 1 بقلم شروق فاروق |
رواية معاً من جديد الفصل الأول 1 بقلم شروق فاروق
مبارك ي عروسه
بصتله بكسوف وقالت:الله يبارك فيك مبارك لينا
بلع ريقه بصعوبة وقال:أنا..أنا كنت..كنت عاوز أقولك علي حاج….
تالين ب استغراب:مالك متلغبط ليه وحاجة إيه اللي عاوز تقولها
أمير بتلعثم:أنا كنت مجأل الكلام ده لبعد كتب الكتاب
تالين بفقدان أعصاب:ماتقول يا أمير مخبي عليا ايه؟
أمير: اهدي بس أنا هفهمك..أنا اتقدمتلك واتجوزتك غصب عن أبويا
تالين بصدمه:نعم..قصدك ايه غصب عن أبوك!
أمير بحزن:بابا كان عاوز يجوزني بنت واحد صاحبه بس أنا مش بحبها وكنت عارف اني لو طلبت منك حاجه مش هتترددي تساعديني
تالين حست انها دايخه وهتقع ..حطت ايدها علي
راسها ومسكتها جامد وكانت هتقع بس هو لحقها
أمير بخصه:حاسبي يا تالين..مالك حاسه ب ايه؟
تالين بدموع:ابعد عني وكمل كلامك
أمير قعدها علي كرسي وكمل كلام وقال:قولت
أتجوزك وبعدها نتطلق وانتي اكيد فهماني وماترديش اني اتجوز واحده مش طايقها
تالين بعصبيه:انت حيوان مفكر اني لعبه عندك هتتجوزني وترميني بعد كام شهر انا مش ممكن اوافق علي المسخرة دي عديني
أمير مسك درعها ومنعها تمشي وقال:النهاردة فرحنا ومفيش فايدة من اللي بتعمليه ولو عاوزه تطلقي حالا انا موافق بس تخيلي صدمة خالتي وجوز خالتي هتبقي عامله ازاي
شدت ايدها وزقته وقالت:انت ازاي كدا!! انا بكرهك
أمير بصلابه:يلا عشان نخلص من الليلة دي ومسك ايدها ومشي
أما علي طرابيزة في قاعة الفرح
ميادة بفرحه:الله أكبر بنتي زي القمر
روفيدة بضحكة:مين كان يصدق ان ناقر ونقير يتجوزوا!
ميادة:سبحان مغير الأحوال بس أمانه خلوا بالكم منها
عايدة بضجر مصطنع:هتوصيني علي بنتي دي أغلي من روفيدا كمان اعقلي كدا اومال
ميادة ب ابتسامة:ربنا يسعدهم وييسر كل أمر يارب
أما رزق كان سرحان وبيفكر ازاي هيقول لصاحب عمره ان ابنه اتجوز بنت تانيه غير بنته وانه خلف وعده معاه..قاطع سرحانه ايد علي اللي اتحطت علي كتفه
رزق بص وراه وقال ب ابتسامة:ايه يا علي الجاتوه مش عاجبك!
علي:لا دا فل الفل.. ها الموضوع ماشي ازاي؟
رزق بتنهيده:لسا هنعمل اجتماع بكرا نناقش العجز ده ونشوف هنوصل ل ايه
علي:بس المرادي حسن مش هيكون في صفك ي جوز خالتي
رزق بضحكة سخريه:اللي يحصل يحصل
بعد مدة الفرح خلص والكل كان بيهني تالين وأمير
خرجوا من القاعة وركبوا العربية وراحوا البيت
وصلوا عن البيت وتالين كانت ساكته طول الوقت
أمير فتح الباب وقال:اتفضلي يا تالين
تالين بضجر شديد:ماتتكلمش معايا انا هتنيل لواحدي
أمير:خلي بالك دا بيتي انا وانا صاحب الكلمة هنا
تالين:يبقي يفتح الله عديني اروح
أمير بخوف:خلاص ادخلي
دخلت وبصت حواليها بقلق
أمير ب ابتسامه:مالك خايفه من ايه
تالين:هنقسم البيت نصين
أمير: ايه!!
تالين:قدامك عشر دقايق تختار النص اللي يعجبك وانا هدخل اغسل وشي عشان افوقلك يا أميير
أمير بلع ريقه:ايه ده……………