Uncategorized
رواية معاً من جديد الفصل الثانى 2 بقلم شروق فاروق
رواية معاً من جديد الفصل الثانى 2 بقلم شروق فاروق
 |
| رواية معاً من جديد الفصل الثانى 2 بقلم شروق فاروق |
رواية معاً من جديد الفصل الثانى 2 بقلم شروق فاروق
دخلت الحمام وقفلت الباب وراها وسندت راسها عليه وبدأت تعيط عياط هستيري
تالين لنفسها:ازاي كنت غبية كدا..ازاي مالاحظتش نظرات جوز خالتي وانه قد ايه مش طايقني ومش موافق..
اخدت نفس عميق ومسحت دموعها وقربت من الحوض وغسلت وشها بمايه بارده وبصت في المرايا علي وشها واتنهدت تنهيدة حاره
بعد مدة قليله خرجت من الحمام لقت أمير قاعد علي الكنبة وبيسمع التلفزيون
تالين بغيظ:أميير
أمير ب اندماج:اممممممممم
تالين راحت بغيظ وشدت الفيشه وقفلت التلفزيون
أمير قام وقف بغضب وقال:ايه مافيش احترام ليا؟
تالين بسخرية:احترام!..الاحترام ده شعور متبادل يا استاذ
أمير بهدوء:اهدي بس وكل حاجه هتتعدل
تالين بتجاهل لكلامه:ها هتاخد انهو نص
أمير بعدم فهم:نص ايه ده انتي بتتكلمي بجد!
تالين:تمام يبقي اختار انا
أمير بغيظ:يوووه..خلاص انا هاخد الأوضة دي واللي الريسبشن والحمام اللي لواحده
تالين:اتفقنا..تصبح علي خير وراحت ماشية ناحية الأوضة بتاعتها
أمير بلهفه:تالين اصبري بس ..هقول………
قفلت الباب وراها وملحقش يكمل
أمير أخد نفس جامد وراح قعد وشغل التلفزيون تاني
في بيت أهل أمير
عايدة بتعب:كان يوم طويل أوي ي رزق بس ماشاء كانوا يخطفوا القلب
رزق بسرحان:اااه فعلا
عايدة :انا عارفه ان اللي حصل غصب عنك بس ابنك مابيحبش البنت دي
رزق بعصبيه بسيطه:طب حليهالي اتصرف ازاي مع ابوها اللي انا خطبتها منه اقوله ايه ابني راح اتجوز في مسافة اسبوع
عايدة بقلق:طب وبعدين يارزق
رزق:مش هعرفه انه اتجوز تالين
عايدة:ازاي يعني وافرض قالك هيتجوز البنت..وافرض ليه دا اكيد
رزق وهو بيحط ايده علي جبهته:انا هتصرف في كل حاجه عشان ارضي الدلوع بتاعك
في مطار القاهرة كانت بنت ووالدها خارجين من المطار وماسكه دراعه
ميس:الله يابا الجو هنا جميل بليل
عادل بضحكه:اومال ماكنتيش عايزه تيجي مصر ليه
ميس بحزن مصطنع:ارجع يعني
عادل :لا انا بهزر وبعدين انتي عروستنا وما اقدرش ازعلك
ميس بكسوف:تخيل يابابا هتجوز واحد ماشفتهوش من 15 سنه لما كنا بنلعب سوا
عادل بضحكه:دا بقي راجل اعمال صغير كدا..المهم يلا عشان هموت من الجوع
في صباح اليوم التاني
أمير صحي من النوم
أمير بتثاؤب:تالين
تالين كانت في اوضتها بترتبها وسمعت صوته
تالين بضجر:خير!
أمير:عملتي فطار ايه النهارده؟
تالين:فطار ايه ده اللي بتتكلم عليه..كل واحد هنا يخدم نفسه
أمير قام بعصبيه وخرج من الأوضه ولسا هيدخل اوضتها
تالين :استووب..رايح فين؟
أمير ب استغراب:داخل الأوضه ..مالك مستغربه ليه!
تالين:هو انت ينفع تدخل بيت الجيران من غير اذن؟
أمير حرك بؤه بضجر وقال:اااه عشان حوار النص والربع
تالين :جدع..بالظبط كدا
أمير:طب ممكن تعمليلي أكل دا احنا حتي اخوات قبل ما نتجوز
تالين:غور من وشي الساعادي
أمير بخضه:ياما هتكليني ولا ايه انا ماشي
قعدت علي طرف السرير بغيظ
أما هو راح قعد علي الكنبه وقال:انا اللي جبته لنفسي
فجأة فونه رن ورفعه يرد
أمير:ايوا يابابا
رزق بصوت واطي:تعالي بسرعة عادل هنا
أمير بلا مبالاه:طب وفيها ايه ..انا خلاص متجوز
رزق بعصبيه:حسك عينك تقول كدا تاني وخصوصا قدامه واتنيل انزل عشان هو وبنته قاعدين
أمير بخضه:ميس!!هي جت من ألمانيا امتي..الو..الو…. رجع شعره لورا بعصبيه
تالين كانت مربعه ايدها وبتبصله
أمير:نعم
تالين:ولا حاجه بتأمل الهم اللي انا فيه
أمير بعصبيه شال المخده وخبطها ف وشها
أمير:طب امشي من هنا
تالين بصتله ومشيت
بعد شوية لبس ونزل
دخل البيت بخوف بسيط
أمير:السلام عليكم
ردوا االسلام
ميس ب ابتسامه:اذيك يا امير..عامل ايه..
أمير بغصه:ها انا تمام ياميس انتي اذيك..وفين عمي
عيادة بتوتر:اقعد بس راح هو وبابا مشوار وراجعين
أمير لسا رايح يقعد
فجأة تالين دخلت البيت
تالين بعفوية:ميرو..الفون بتاعك نسيته
ميس باستغراب:مين دي طنط..مين دي يا امير
تالين:مين دي!!..انا مراته يحبيبتي………….