Uncategorized

رواية بنات نعمة الفصل الخامس 5 بقلم أحمد حسن

 رواية بنات نعمة الفصل الخامس 5 بقلم أحمد حسن
رواية بنات نعمة الفصل الخامس 5 بقلم أحمد حسن

رواية بنات نعمة الفصل الخامس 5 بقلم أحمد حسن

قمة الوجع أن تأتي الطبطبة بعد فوات الأوان????
يقولون ، أن تأتي متأخرا خيرا من أن لا تأتي????
 ياترى بنات نعمة رأيهم إيه في المثل ده 
تعالو نشوف
___________
قال مقدم الحفل ..
المقدم .. والأن دور الطالبة الحاصلة على المركز الثالث
 على مستوى الجمهورية من محافظة سوهاج الطالبة 
هدى صابر المغازي ووالدتها نعمة محمد السيد
وقف صابر قدام التليفزون مزهول
وهو بيشوف بنته هدى ونعمة أمها طالعين على المنصة
أمام رئيس الجمهورية
وكانت أول كلمات نعمة .. الحمد لله حمدا كثيرا يليق بجلال
وجهه وعظيم سلطانه ، الحمد لله في السراء والضراء ، الحمد 
لله الذي أبعد القريب ، وأقرب البعيد لحكمة يعلمها سبحانه
الحمد لله الذي قر عيني برؤية بنتي في هذا المكان واتمنا
من الله أن يكمل فرحتنا وتصل لمبتغاها 
المقدم .. انتهت كلمت الام والأن جاء دور الطالبة هدى
هدى .. قبل كل شيئ كنت حابة أوضح نقطة ، وأتمنا أن 
يكون خروجي خارج سياق الكلمة أن لا يزعجكم
مبدئيا .. الست ال واقفة قدامكم تعرضت لكل معاني المأساة
 والمعاناة بداية من زوجها الذي طلقها في ظروف غامضة
 بداعية إنها لا تنجب غير بنات ، تركها وحيدة ببناتها الاتي لا
 مصدر عيش لهم ولا مستقبل مشرق ينتظرهم في بيئة لا
 يكسوها الا الفقر ، تركهم وهم لا حول لهم ولا قوه
حاليا هي تتاجر في الخضار وسابقا كانت تعمل فراشة في
 عيادة ومن قبل كانت تعمل باليومية ، كل هذا لأجل أن تصنع
 من بناتها حاجة مشرفة ، وها نحن اليوم أولى بناتها تقف
 أمام رئيس الجمهورية وكبار ممثلى الدولة ، وباقي بناتها
 تسعى لإضافة إنجاز أكبر ، بكل فخر أقولها الست دي أمي
أعتذر إن كنت أطلت عليكم ولاكن كان لابد من أن أعطيها
ولو جزء ضئيل من حقها
 والسلام عليكم ورحمة الله وبركاته
في مشهد ولا أروع تحضن هدى امها وتبوس على إيدها 
وراسها
صمتت هدى ولكن في مشهد رائع يقف الجميع لتهتز أركان
القاعة بتصفيق حار ، ولم يقتصر الأمر على من بالقاعة فقط
بل كان كل من يشاهد التلفاز يقف أمامه فخورا بهذه الأم
إلا صابر والد هدى الذي كان يقف باكيا نادما على فعلته
رغم أنه كان فخورا بإبنته ولكن الندم كان اكبر
_____________
في القطار
نعمة .. ماكانش له لزوم عاد الكلام ال قولتيه ده يابتي
هدى .. لا ياأمي ده حقك ومكنتش هلاقي فرصة أحسن من 
دي أعبر فيها عن ال جوايا قدام الناس كلها
نعمة .. عارفة إني مش هخلص معاكي في الكلام يابت صابر
هدى .. ممكن يأمى متقولليش بنت صابر ياريت تخليها بنت 
نعمة ، وبعدين خدي هنا ياأمي إيه الكلام المنمق ال قولتيه 
في المؤتمر ده ، انتي كنتي عتدرسي من ورايا ولا إيه ????
نعمة .. شوف البت وحديتها عاد ، امال تفكريني جاهلة ولا 
إيه ????
هدى .. لا بجد انا اتفجئت بثقافتك في الكلام بجد أنتي
 ظبطي الكلام ده فين ومين حفظك ????
نعمة .. أقولك ومتضحكيش علي عاد
هدى .. قولى ياأمي ومش هضحك
نعمة .. قعدت أسمع في إذاعة القرءان الكريم طول ال15
 يوم ال فاتو لحد ما قدرت أحفظ الكام كلمة دول وبصراحة
 البت تغريد كانت عتغششني شوية  ????
هدى .. عتغشي ياأمي ????????????????
نعمة .. بت! وطي صوت ضحتك أنتي نسيتي إننا في القطر 
ولا إيه عاد يامقصوفة الرقبة ! 
هدى .. يالهوى بتقلبي في لحظة 
نعمة .. بس تصدقي ضحكتك وانتي مغمضة عينك حلوة 
يابت ، بتفكرني بصفية العمشة في السوق ????????????
هدى .. صفية العمشة يالهوى ياأمي ????????????
وفضلت نعمة وبنتها هدى يضحكو طول الطريق
________________
بعد أسبوع
هدى .. صباح الخير ياأمي
نعمة .. صباح الخير ياهدى ، أخرتي ليه أنا مش قلتلك إني
 لازم أروح السجل بدري عشان أجدد بطاقتي 
هدى .. معلش ياأمي ، تقدري تروحي وانا هقعد مكانك لحد
 ما تيجي 
نعمة .. خلاص ماشي ، ولو إحتارتي في حاجة أسألي رياض 
هو عارف كل حاجة هنا
هدى .. ماشي ياأمي حاضر
_______
بعد شوية في راجل درويش عدا من قدام المحل وبص في
 عين هدى وقال بصوت عالى،
( يووووووسف إستحمل العجاف بعد السمان لأجل ما يعدي بمركبه بر الأمان ، وإيه لازمتك ياحظ لما تسيبني في العجاف وتحضر ساعة السمان ، لا البكا قدامي هيفيدك ولا الندم في عيني هيزيدك ، رووووووح معادش اللجام في يدك عشان تطلق لخيلك العنان ،، وحييييييييييييييي )
هدى .. إي ده !!!!!
رياض .. متخافيش ياست هدى ، ده واحد درويش بيقول أي 
كلام وخلاص بس مش بيأذي حد 
هدى .. درويش !
رياض .. ايوه ياست ياهدى درويش ، بس متشغليش بالك
 بيه ، أنا هروح أنزل الطلبية لو إحتاجتي حاجة نادي علي
هدى .. ماشي يارياض 
_____
بعد شوية 
هدي قاعدة في المحل وفاجئة شخص وقف قدامها
هدي .. أهلا ، حضرتك عايز إيه
،، الشخص مردش ومازال باصص لهدى !
هدى .. أنت عتتأمل فيا ولا إيه ! متقول عايز إيه يافندي !!؟
،، الشخص أنتى هدى 
هدى .. لا إلا الله ما تنطق ياأستاذ عايز إيه مالك بيا هدى ولا 
مش هدى 
،، الشخص ماشاء الله كبرتي وإحلويتي ياهدى 
هدى .. يانهار أبوك إسود أنت كمان بتعاكس ياراجل ياشايب 
طب والله ل… 
،، الشخص هتضربي ابوكي ياهدي ؟
هدي .. اتمسمرت في الأرض ،، بتقول مين!!؟
،، أنا ابوكي صابر ياهدى 
هدى .. ( بدأت تستوعب في دماغها )
صابر .. إيه مالك !!؟
هدى .. ياكش مفكر إنى هطلع أجري عليك واترمي في
 حضنك زي الأفلام
الأب .. !!!!
هدى .. مستغرب ليه !!  أنا أبويا مات 
الأب .. !!!!????
هدي .. لا بلاش البكا✋ ، عارف ليه !؟ لأننا جربناه كتير 
وجربنا وجع أكتر من وجعك دلوقتي 
عارف دمعة المزلول !؟ جربناه
عارف دمعة الحرمان!؟ جربناه
عارف دمعة الجوع !؟ جربناه
حتى دمعت الخوف ؟! جربناه
كنت فين انت هه ؟!
كنت فين وإحنا بنمد إيدنا ونستلف عشان ناكل هه؟!
كنت فين أنت لما برد الشتا كان بياكل من لحمنا هه؟!
كنت فين لما كنا بنتعاير بإن أبونا سابنا عشان بنات وطفش 
هه ؟!
كنت مستعر مننا صح ؟!
الأب .. كفايا ياهدي ياريت تسامحوني يابنتي
هدى .. بنتك إيه !!؟
الكلمة دي مش عايز أسمعها منك تاني 
نسامحك !!!!!!؟ هههههههه????????
أمشي يا ….. الا قولى ولدك الكبير ال رميتنا عشانه أسمه إيه
 عشان أناديك بيه ، معلش أصلي إحنا ميشرفكش تتنادي
 بأسمينا لأننا بنات !
أمشي ياأستاذ وأرجع مطرح ما جيت 
فات أوان طلب السماح ومعادش له لازمة وجودك في حياتنا
أصلك كتر خيرك عودتنا على غيابك فمعادش يفرق وجودك! 
من عدمه!
خرج صابر من المحل وهو واخد كلام يهد جبال ورجله مش 
شايلاه ومنهار 
وهو خارج من الباب كانت نعمة داخلة !!!!!!!!
يتبع ……
لقراءة الفصل السادس : اضغط هنا
لقراءة باقى فصول الرواية : اضغط هنا

اترك رد