رواية عشق المتملك الفصل الخامس عشر 15 بقلم منار سيد

………………..

في الغرفة ما ان صعدا حتي انهارت كما لو كانت تنتظر ان ترحل عنهم فقط..

ريماس ببكاء : ليه يا جاسر ها ليه يرجع دلوقتى عايز مني أي تاني هما خدوا كل حاجه راجعين تاني ليه ليه عايزين يدمروني تاني انا تعبت انا ما صدقت وقفت علي رجلي تاني 

جاسر وهو يحتضانها : اهدي اهدي وفهميني 

ريماس وهي تعطيه احدي الاوراق : بص هنا 

جاسر وهو يقرأ ما كتب بها : ” وحشيني يا ريمو وحشني دلعك ورقتك أي اتجوزتي اوام كده نسيتيني تؤتؤ زعلتيني لا ، واخبار ادم باشا أي سلميلي عليه لحد ما اشوفه اصل ناوي اعملك زياره قريب اووي انا وشري 

عامر “

جاسر بغضب : اه يا ابن ال….والله ل اعرفه مقامه 

ريماس بدموع وخوف : هو يقصد أي ها وليه جايب سيره ادم والحيوانه التانيه دي أي اللي رجعهم تاني يا جاسر 

جاسر : اهدي يا عيون جاسر ينفع وانا هتصرف 

ريماس : مش عايزه ادم يعرف حاجه مش عايزاه يشوفني ضعيفه 

جاسر : بس ادم لازم يعرف لانه جوزك والحيوان ده منعرفش ناوي علي أي

ريماس برفض ومازالت عينيها تُدمع : لا عشان خاطري ادم بالذات لازم يفضل شايف ريماس بتاعت دلوقتي المشاغبه اللي بتضحك علطول ومش فارق معاها  حد مش الرقيقه الحساسه اللي  سهل حد يخليها تعيط 

جاسر : خلاص حاضر 

ريماس وهي تحتضنه وتغلق عينيها : عايزه انام يا جاسر عايزه ارتاح

…………………….

في الاسفل 

احمد : مكنش ينفع توافقها يا ابني 

سهير : ايوه دي بتتدلع 

كارما بصوت منخفض : عمرها ما ادلعت 

ادم بهدوء : معلش يا جماعه مراتي وانا حر …اسر ومراد وليان تعالوا معايا نروح المكتب 

مصطفي : استني خدني معاك 

ويذهبوا للعمل معاً وبعد قليل كانوا قد انتهوا وذهب الجميع الي منزلهم وصعد ادم الي غرفة ريماس ..

ادم في نفسه وهو ينظر اليها ودموعها تهبط اثناء نومها : فيكي أي بس نفسي اعرف مالك قلبي وجعني عليكِ

جاسر بهمس بعدما نهض من جوارها : عايزك

ادم بهدوء عكس ما بداخله : حاضر

ادم بعدما خرجوا من الغرفه : مراتي مالها

جاسر : مفيش كنت وحشها

ادم بحده : جاسر متعصبنيش ريماس كانت كويسه.. خلص

جاسر بتنهيده : حبيتها 

ادم : بعشقها 

جاسر بابتسامه : خوش لها خليك جنبها وهي هتحكيلك كل حاجه لوحدها اهم حاجه حسسها انك مش هتسبها مهما يحصل حتي لو هي طلبت ده 

ادم بجديه : جاسر انا حبيت ريماس معرفش ازاي وامتي بس مبقتش اقدر ابعد عنها انا عاوزها معايا ديما نفسي ادخلها جوايا مخليش حد يشوفها 

جاسر بغيره : ما خلاص يا عم انت ومتنساش ريماس حبيبتي قبلك 

ادم بغيره ايضا : بس دلوقتي هي نبض قلبي انا واوعي كده 

ويتركه ويدلف اليها اما عن جاسر فقد كان ينظر في اثره بابتسامه يبدو ان هناك من يحبها غيره حسناً علي الرغم من انه يتمني لو يذهب الان ويبقيها داخل احضانه الا انه يشعر انها سوف تكون بخير معه …

في الداخل ..

ادم بوجع اصبح يعلم سببه الان : مالك يا نبض قلبي انامتاكد انك مش بخير ..ثم يشير الي قلبه..ده ده وجعني من قبل ما ارجع الشاليه ودلوقتي عرفت  السبب 

ولكن لم تكن معه فقط دموعها تهبط وهي تري خيانه اقرب الناس لها من جديد وبعد دقائق بدأت بالصراخ فقد كان يعاد المشهد امامها من جديد

ريماس بصراخ : متلمسنيش انت فاهم ابعد ايدك عني يا قذر انت وهي 

ادم بقلق وهو يحاول ايقاظها : ريماس  ريماس فوقي ريماس

ريماس بدموع بعدما استفاقت : ليه عملوا فيا كده انا كنت بحبهم

ادم وهو يحتضنها: ششش اهدي انا جنبك

ريماس وهي تنظر له باعين دامعه : عاوزين يبعدوك عني مش عايزينك  تفضل معايا

ادم : هما مين 

ريماس وهي تخبأ نفسها داخل احضانه : هما هما خانوني زمان ودمروني ودلوقتي هيبعدوك عني 

ادم بحنان :  مفيش حد هيبعدني عنك ابدا 

ريماس بأمل : وعد

ادم : وعد يا قلب ادم…يلا نامي

وكانت دهشته عندما وجدها تندس بأحضانه تشدد من تمسكها به كأنها تخشي ان يتركها لا تعلم ان القلب ارتبط بها وانتهى الامر 

ها قد انتهي يوم اخر بما فيه من سعادة وحزن ووجع ، يوم اخر هناك من تمني انتهاءه وهناك من تمني لو يطول اكثر هناك من يأمل يوم جديد افضل وهناك من يخشي بداية يوم جديد ربما يحمل الم جديد وفي النهاية لا احد يعلم ما يخبأه له القدر.

…………………….

تشرق شمس يوم جديد ….في منزل ليان حيث استعدت للذهاب للعمل وهي تدعي ان لا يأتي ذلك المدير اليوم لعل نفسيتها تتحسن قليلا..

في الاسفل..

مراد بابتسامه : صباح الخير 

ليان ببرود : صباح النور .. في حاجه يا فندم

مراد : عايز اتكلم معاكي

ليان وهي ترحل : عندي شغل عن اذنك 

مراد  وهو يمسك يدها : استني بس 

ليان وهي تنزع يدها من يده : اولا متلمسنيش تاني معنديش استعداد اشيل ذنوب ثانياً مينفعش  اتأخر علي الشركه عشان احسان

مراد بغيظ : مش هتتأخري علي زفت هنتكلم ف العربيه وهوصلك وقبل ما تقولي حاجه هنزلك بعيد عن الشركه 

ليان : اووف طيب

وتسبقه الي السيارة  وهي تدب بقدمها مثل الاطفال وهو ينظر في اثرها بابتسامه رُسمت بتلقائيه علي وجهه..

ليان : ها اتفضل يا فندم اتكلم

مراد :اولااسمي مراد مش افندم

ليان ببرود : وثانياً 

مراد بغيظ : بطلي دور البرود عشان مش لايق عليكي ثانياً بقي انا اسف انا عارف انك عملتي كده عشان القضيه انا بس مدايق انك ضحيتي اوي كده 

ليان بقوه غريبه عليها : براحتي اعمل اللي انا عايزاه اضحي اولع انشالله أتجوزه علطول  حاجه ترجعلي مش من حقك تدخل 

مراد بغضب : لا مش براحتك من حقي اتدخل 

ليان بغضب : ليه ان شاء الله 

مراد : عشان عشان 

ليان بغضب : عشان اي

مراد بصراخ : عشان بحبك

………………………………

في منزل الاسيوطي في غرفة ادم تحديداً حيث كان قد استيقظ ولكن لم يستطع النهوض فريماس ما زالت تنام وهي ممسكه به وهو لم يرد تركها فظل يتأملها..

ادم : وعد لحد اخر نفس ف عمري هفضل جنبك ومعاكي ..رغم اني مش فاهم مين دول اللي  خانوكي بس هستني لما تحكي بنفسك و ايّاً كان اللي حصل زمان هفضل معاكي 

ثم يضمها اليه مجدداً وهو يتمني لو يدخلها داخل قلبه لو يعود بهم الزمن ليحميها من اولئك الذين سببوا لها الوجع ، وبعد دقائق  وجدها تستيقظ

ريماس ببحه : ادم انت بتعمل اي هنا

ادم بابتسامه : صباح الخير  الاول

ريماس وهي تبتعد عنه بعدما لاحظت وضعهما : صباح النور انت بتعمل اي هنا انا نمت مع جاسر امبارح

ادم وهو يمنع ابتعدها عنه : اولا متبعديش ثانياً انتي فعلا كنتي نايمه مع جاسر بس انا جيت بليل نمت جنبك

ريماس بخجل :طب ممكن تبعد 

ادم بابتسامه وهو يضمها اليه : لا ده مكانك هنا جنب ده ..ويشير الي قلبه…لتنظر له ريماس بحيره ممزوجه بالدهشه 

ادم بجديه : بصي انا عارف ظروف جوازنا مكنتش طبيعيه يعني مش هنكر اني كنت عايز انتقم منك وان كنت متغاظ انك قلتي ادبك عليا بس معرفش اي اللي حصل فجأه كده لقيت نفسي بتعامل معاكي بحنيه وهدوء انا نفسي مستغرب بس كل اللي هقدر اقولهولك دلوقتى اني جنبك ومعاكي

ريماس بشك : مش هتسبني ولا تبعد عني

ادم برفض : لحد اخر نفس ف عمري 

ريماس بتوتر : انا بشاغب كتير ومش زي البنات و..

ادم بمقاطعه : وانا البنات دي كانت قدامي بس مفيش واحده منهم قدرت تجذب الاسد معادا مشاغبتي ….لحد اخر نبض ف قلبي هفضل جنبك وهتفضلي اول واخر بنت يشوفها قلبي

ريماس بخجل :احم انا هقوم البس عشان الكليه

ادم وهوينظر لها : هتقدري تروحي

ريماس بكذب : اه انا امبارح بس صحابي كانوا وحشني وكده …وترحل سريعاً قبل ان يكتشف كذبها

ادم بهمس : مش بتعرفي تكدبي يا نبض قلبي 

ثم يذهب ليجهز هو الاخر وبعد قليل كانوا قد انتهوا وهبطوا الي الاسفل 

ريماس وهي تركض الي جاسر فقد اصر ادم علي مبيته هنا بالامس : بقي كده بتنيمني وتقوم

جاسر بهمس وهو يحتضنها : جوزك كان هيبقي افضل مني

ادم بغيره وهو ينتزعها من جاسر : خلاص يا عم انت هو انت كل ما تشوفها هتحضنها

جاسر باستفزاز : اختي

ادم بغيظ : ومراتي يا حلو..ثم ينظر الي ريماس وانتي متحضنيش حد غيري مفهوم

محمد بضحك : خلاص يا عم الحبيب 

مالك لريماس بهمس : عملتي اي ف الواد

ريماس بهمس : قسماً بالله ما اعرف انا زي زيك

محمد : يلا نفطر 

ثم جلسوا جميعا محمد الي جواره ياسمين بجانبها جاسر وعلي الناحيه الاخري يجلس مالك بجواره ريماس بجانبها ادم ..

مالك بهمس لريماس : ريمو ما تكلمي سياده اللواء  يقدم الخطوبه 

ريماس بهمس : تدفع كام 

مالك بغيظ : ماديه حقيره 

ريماس  بهمس : بقي كده شوف هتتجوزها ازاي

ادم بغيظ : بتقولها اي 

مالك بخبث : اسرار ما بينا

ادم بغضب : ولا اخلص 

ريماس بضحك مكتوم : عادي يا ادم مش بنقول

ادم بغيره : متضحكيش واسكتي انتي اقولك تعالي هنا

وينهض ويجلس هو جوار مالك ويضع يده علي خصرها كانه يقول للجميع ‘ هي ملكٌ لي’ كل هذا تحت انظار محمد وجاسروياسمين الذين كانوا يبتسمون علي هذا العاشق

…………………………. 

في الجامعة بعدما اوصل ادم ريماس واتجه الي المديرية وذهبت هي الي صديقتها ..

كارما براحه : اخيراً جيتي

ريماس باستغراب : في اي

كارما بقلق : انتي كويسه 

ريماس بتنهيده : دلوقتى  اه الحمدلله 

كارما : يعني امبارح مكنتيش كويسه انا كنت متأكدة اي اللي حصل ادم زعلك اتخانقتو..

ريماس بمقاطعه : اي بالعه راديو اهدي ادم معملش حاجه

كارما : اومال اي

ريماس : عامر بعتلي جواب 

ثم اعطتها اياه 

كارما بعدما قراته : يا قذر عايز اي الحيوان ده

ريماس بتنهيده : معرفش خايفه اوي يا ريت ميظهرش 

كارما : ريماس ادم لازم يعرف الحيوان ده شكله مش ناوي علي خير

ريماس برفض : لا ادم لا مينفعش يعرف مش عايزاه يعرف حاجه من اللي  حصلت زمان ولا يعرف حاجه عن شخصيتي زمان 

كارما بشك : انتي حبتيه

ريماس بحيره : معرفش بحس معاه بأمان  محستوش قبل كده ببقي واثقه ان لو حصلي حاجه مش هيسبني بحب اشاغبه عشان يكلمني بقيت احب انام ف حضنه كنت بمثل النوم عشان يحضني لاني مكنتش بعرف انام بعيد عنه احساس غريب بحسه معاه قلبي مش بعرف اسيطر علي دقاته طول مهو جنبي

كارما بابتسامه : كل ده ومتعرفيش هو ده الحب يا ريماس امان وثقه احساس غريب بس جميل

ريماس بخوف : خايفه يسبني يبعدوه عني هو كمان

كارما برفض : مش هيحصل ادم مش هيسيبك

ريماس : هو قالي كده ووعدني

كارما بابتسامة : يبقي تهدي ومفيش داعي للخوف والحيوان التاني ده مش هيقدر يجي جنبك.. يلا عشان المحاضره

ريماس بضعف : يا رب

وتذهب كلٍ منهما الي محاضرتها وريماس تتمني ان لا تري ذلك الوغد مجدداً 

………………………..

في المديرية حيث ذهب ادم وكذلك مراد واسر وبعد انتهي اجتماعهم وتحديد موعد القضية فها قد اقترب موعد انهاء تلك المهمة وبعد مرور ساعتين كان قد استعد ادم للذهاب للجامعة لرؤية حبيبته فهو يريد الاطمئنان  عليها فما زال لا يعرف ماذا هناك وعندما نزل الي الاسفل حيث سيارته وجد جواب عليها جواب اخر قد يكون السبب في ألم قلبه هو الاخر وربما لا فلا احد يعلم ما يخبأه له القدر وما يمكنه ان يحدث فالغد.

………………………..

في مكانٍ اخر يجلس هؤلاء وهم يستبيحون فعل ما حرمه الله من فواحش عديده 

مجهول ١: كده المخدرات هتدخل امتي

مجهول ٢ : الشحنة جاهزة ومستنين التعليمات 

مجهول ١ : استعدوا قريب اووي هتدخل البلد

مجهول ٢ : حلو وبالنسبة للبنات اللي جوا دول

مجهول ١ بقذارة : لا دول فيهم شوية مُزز اي عنب خليهم كده لما نستمتع احنا الاول نبقي نجهزهم للسفر 

مجهول ٢ بخبث : حلو اووي يا رياسه خلينا نمتع نفسنا شويه 

ثم اخذوا يضحكون بقذارة وهم غافلون عن السميع العليم الذي يعلم ما يفعلون وهو قادر علي حماية تلك البنات مِن مَن هم مثلهم اعمتهم الحياة وزينتها ونسوا ان هناك الخالق الذي يعلم كل شيء ووسوس اليهم الشيطان فاصبحوا هم شياطين الانس يرتكبون العديد من الفواحش …

يتبع ……