Uncategorized

رواية عشق المتملك الفصل التاسع عشر 19 بقلم منار سيد

 رواية عشق المتملك الفصل التاسع عشر 19 بقلم منار سيد
رواية عشق المتملك الفصل التاسع عشر 19 بقلم منار سيد

رواية عشق المتملك الفصل التاسع عشر 19 بقلم منار سيد

مجهول : البت معاك
احسان : ايوه
مجهول : عرفت منها حاجه
احسان : دي هبله متعرفش حاجه واحنا كده كده غيرنا المعاد
مجهول : تمام…انا عاوزها
احسان باستغراب : ليه
مجهول بابتسامة قذره : اهو دخلت دماغي
احسان : حلال عليك
 …………………….
ريماس بعدما دلفت الي الداخل وهي تنوي فعل شيء ما..
ريماس : استاذ مراد
مراد وهو ينظر لها بعدما كان يضع وجهه بين يديه : نعم
ريماس : انا هقولك كلمتين تسمح
مراد : اكيد انتي بمكانه اختي 
ريماس وهي تجلس امامه : حلو اوي…انت حمار
مراد بصدمه : ايه
ريماس بإيماء : حمار والله وغبي كمان اسمع مني
مراد بحده خفيفه بعض الشيء :مدام ريماس مينفعش كده
ريماس بحده وهي تنظر له بقوه : بعيد عن مدام اللي هتخليني اقوم اولع فيك بس انت حمار عارف ليه عشان البت مستنياك وانت قاعد عملي فيها سونا العاشق
مراد : انا مستهلش ثقتها دي ولا انها تحبني
ريماس بتأييد : ايوه فعلا دي حقيقه
مراد بدهشه : انتي مش هتقوليلي لا طبعا تستاهل
ريماس ببساطه : واحد وشايف نفسه ميستهلش هتعب نفسي ليه
مراد بهمس : اي البت دي
ريماس بقوه : بص بقي انت دلوقتى هتقوم وتبطل تلوك كتير هتقوم زي الشاطر تاخد عربيتك وتطلع ع العنوان تجيب البت وتيجي زي الشاطر الامور 
مراد بصدمه : هو انا ابن اختك وانا اسمع كلامك ليه 
ريماس ببساطه : عشان لو معملتش كده هقول لادم انك زعقتلي وضربتني بالقلم عشان قولتلك روح ل ليان وشوف ادم هيعمل اي
مراد بصدمه تتضاعف : يخربيتك
ريماس : هتفضل ترغي كتير قوم يلا مش عايزه صداع 
مراد : انا ماشي مش ناقص جنان
ريماس : يلا يا كداب انت هتروحلها 
مراد بحرج : لا
ريماس بضحك : كداب والله يلا هوينا بقي واه صح لما تكون بتحبها كده بلاش شغل التقيل ده سلام
وتصعد للاعلي وتتركه في دهشته حسناً  يبدو ان ادم محظوظ بوجودها في حياته..
……………………
لم يمر الكثير من الوقت وكان قد وصل وقبل صديقيه ايضاً ولما لا وهو كان يسوق بأقصي سرعه وبعد لحظات انضم اليه صديقيه وجاسر ايضاً …
ادم بابتسامه : كنت متأكد اني هلاقيك هنا
مراد : البركه ف مراتك
ادم بدهشه  :ريماس عملت اي
جاسر وهو علي يقين ان اخته جعلت مراد يجن : لا ده هتلاقيه حوار طويل
اسر: انا وجاسر هنهجم من وراء وانت ومراد من قدام
ادم : تمام
وبالفعل يتجه جاسر واسر الي الباب الخلفي ومراد وادم من الباب الامامي وكانوا يقومون بقتل كل من يعترض طريقهم فمراد يقوم بكسر رقبتهم واسقاطهم سريعاً وادم كذلك بالإضافة الي استخدامه للسلاح بعد وضع كاتم الصوت وفي غضون دقائق كانوا قد اسقطوا جميع الرجال ف ادم ومراد انتهوا مِن مَن ف الامام واسر وجاسر مِن مَن ف الخلف 
اما في غرفه في هذا المكان حيث تجلس ليان بخوف تنظر لمن حولها فقد كان يجلس امامه الزعيم كما يقال الي جواره احسان وامامهم يقف الرجال الذين سوف يسلمهم شحنة المخدرات او لنقل السموم التي يقتلون بها العديد من الشباب ..
مدحت او الزعيم كمل يلقب : جبت الشحنه 
_ ايوه
الزعيم :احسان خدها منه 
حسناً  لم تكن شيء كبير الحجم فهي كانت شرائط برشام حيث يسهل لهم بيعها  …
_ الحلوه تخصك
احسان : لا
_ عايزها طيب
الزعيم بضحك قذر: تمام هبعتهالك بس بعد ما اخلص معاها انا الاول 
كل هذا وهم لا يرون اولئك الذين يختبأون في الغرفه لو كانوا يرونهم لكانوا تمنوا الموت ف الحال ولنكن اكثر دقه لو رأوا مراد تحديدا حيث كانت عينيه حمراء عروقه بارزه ابيضت مفاصله من شده الضغط عليها…
احسان بضحك : لا وهي اي ممتعه
حسناً لن يحتمل المزيد خاصة وقد بدأ جسدها بالاهتزاز والبكاء …
مراد وهو يصيب الرجال بارجلهم وايديهم فهو لم يرد قتلهم ليس قبل اخد حقها : انا همتعك يا …
ادم وهو يقف يحمي ظهره : سلم نفسك انت وهو
اسر وهو ينضم اليهم هو وجاسر : عجبتكوا ها وحيات امي لادفنكوا هنا
وبعد ذلك بدأ اطلاق النار من كلا الجهتين وانسحاب مراد الذي اخد ليان خارج الغرفه حتي لا تصاب وعاد من جديد يشارك معهم القتال بل اشد من الجميع كلما تذكر حديثهم عن حبيبته… وبعد دقائق من القتال وموت جميع الرجال ولم يحدث شيء لابطالنا بالطبع ….
…………………
في منزل ادم كان تجلس ريماس بمفردها ف مالك يرتب لخطوبته ومحمد ذهب الي والدها 
ريماس بملل وقلق في نفس الوقت : انا زهقت اتأخروا اوي
ثم خرجت الي حديقه المنزل وكانت صدمتها عندما وجدت الحرس جميعا ملقون ارضاً غارقين في دمائهم وشخص ملثم يقف امامها وفي لحظات كان يرش شيء علي وجهها لتسقط في نوم عميق هذه المره..
………………..
اما بالعوده الي اولئك الابطال فكانت دهشتهم عندما لم يروا جثه احسان وهذا الزعيم بين الجثث فاسرع مراد الي المكان الذي خبأ به ليان ولم يجد شيء سوي السلسلة التي كانت ترتديها وبعض قطرات الدماء ولا شيء اخر وهي اختفت …
ادم : فين ليان
مراد بألم : ضاعت ليان خلاص ضاعت مني
اسر : بسرعه لازم نلحقهم
جاسر بإسراع : ايوه يلا هحدد مكانهم تاني
مراد وهو يغمض عينيه بألم : السلسله هنا خلوها قلعتها
 وفي اللحظات التالية وسط خوفهم وهم يبحثون عن اي شيء قد يوصلهم بها كان هاتف ادم يدق وبالطبع لم يكن سوى ذلك الوغد
 ادم : الو .. مين 
احسان : بص يا حلو دلوقتي انت وصاحبك هتيجوا على عنوان ده من غير اي اسلحه من غير الشرطه يا اما تقرا الفاتحه على الاموره بتاعتك
ادم بحده : انت تقصد اي يا حيوان
احسان بضحك : هسمعك صوتها يمكن تبقي اخر مره
ريماس : ادم
ادم بقلق : ريماس انتي كويسه الحيوان ده لمسك
ريماس بقوه غريبه علي ما هي به: لا اطمن ادم اوعي تسمع الزباله ده متخافش عليا 
احسان وهو يصفعها مما جعلها تصرخ : اها يا ….انا هوريكي
ادم بغضب : سيبها يا ابن ال…. عايز اي دلوقتى 
مدحت : تيجي لوحدك انت والحلو التاني عشان الاموره التانيه معانا ولو فكرت مجرد تفكير تجيب حد تاني او الشرطه اعرف انهم ميتين 
ادم : تمام ….العنوان
مدحت : في ….
ادم بتهديد : تمام لو لمستوهم متلموش الا نفسكوا ….ثم يغلق في وجهه … مراد قوم بسرعه ليان وريماس معاهم لازم نطلع علي العنوان ده بسرعه
مراد وهو ينهض سريعاً : يلا
اسر : يلا هسوق انا
ادم برفض : قال انا ومراد بس
جاسر بغضب : يعني اي انا مش هسيب اختي
ادم بحده : دي مراتي مش هتخاف عليها اكتر مني
جاسر بعصبيه : اختي وانت السبب ان زباله زي دول يوصلولها معرفتش تحافظ عليها زي ما قولت يبقي سبني ارجعها انا
ادم : تمام انا السبب وانا اللي هرجعها … اسر محدش يجي ورانا هيموتوا لو حد غيري انا ومراد راح
اسر : تمام ماشي
ثم يذهب مراد وادم سريعاً الي العنوان الذي اخبرهم به ولم تمر سوي نصف ساعه وكانوا قد وصلوا وبالطبع وجدوا احسان في انتظارهم
احسان : برافو متأخرتوش
ادم : هما فين
احسان : هما مين
مراد بغضب : وحيات امك
وما ان قال ذلك حتي ضربه احد الرجال بمقدمة مسدسه علي رأسه من الخلف مما جعل الرؤيه تتشوش قليلا قبل ان يغمي عليه…
ادم بغضب : يا … سبني يا … وانا اعرفك مقامك
ولكن كما يقال الكثره تغلب الشجاعة فاخذوه هو الاخر الي احدي الغرف وقاموا بربطه هو ومراد…
ريماس بخوف : ادم 
ادم هو يطمئنها : اهدي انا هنا اهو ..فين ليان
ليان بضعف من شده الضرب الذي لاقته وهي تقاوم : انا ااهو…مراد مراد ماله
ادم : متقلقيش مغمي عليه مش اكتر..
ريماس خطفوكي ازاي والزفت الحرس اللي علي الباب راحوا فين
ريماس وهي تحاول مداره جسدها قبل ان يراه هو : معرفش انا لقيتهم ميتين وفي واحد رش حاجه علي وشي صحيت لقيت نفسي هنا
ادم بغضب وهو يلاحظ ملابسها الشبه ممزقه : عملوا فيكي اي
ريماس بخوف : مفيش حاجه 
ادم وهو يضغط علي اسنانه : ريماااس خلصي
ريماس بدموع : هقولك…
فلاش باك 
عندما استيقظت وجدت نفسها في مكان لا تعرفه ورأسها يؤلمها بشده اخذت تحاول التذكر حتي تذكرت ان اخر شيء رأته هو ذلك الذي رش شيئا علي وجهها، اذا من هذا ؟ وماذا تفعل هنا؟ ولكن لم يكن لديها الوقت الكافي للتفكير اكثر حيث فتح احدهم الباب ودلف اليها…
مدحت بخبث :منوره
ريماس بثبات : انت مين
مدحت : جوزك هيبقي يقولك 
ريماس باستغراب : ادم … اها انت قذر من اللي هو بيخلص البلد منهم
مدحت وهو يمسكها من شعرها : انا اللي قذر يا…بس تعرفي انك حلوه اووي
ريماس وهي تبعده عنها : ابعد ايدك عني يا حيوان
مدحت بقذاره وهو ينزع عنها حجابها بقوه : حلوه وشرسه كمان بحب كده انا
ريماس بغضب : قسما بالله لو لمستني لازعلك
ولكنه لم يبال كان فهي مقيدها لن تستطيع فعل شيء 
مدحت وهو يقترب منها : وريني هتعملي اي
وجاءه الرد سريعا حيث ما ان اقترب منها حتي قامت بضربه برُقبتيها في بطنه بقوه وضرب فكه بقدمها مما جعله يجلس ارضا يتأوه بألم 
ريماس وهي ترفع حجابها بقدمه تضعه عليها فهذا الوغد استطاع تمزيق جزء من فستانها : ابقي فكر الاول انت بتتعامل مع مين
مدحت بغضب والم : والله لاوريكي يا ….مش حتت عيله زيك تضربني
ريماس بانتصار وثقه وهي تراه يتألم : وانا مش عيله انا حرم ادم الاسيوطي يعني حرم الاسد 
فيتركها ويرحل وهو يتلوي من الم معدته وفكه الذي ينزف …
باك
ادم بصدمه : انتي عملتي كده
ريماس : اومال اسيبه يلمسني
مراد بضحكه ضعيفه : خاف علي نفسك
ليان : مراد انت كويس
مراد بوجع يخفيه فما زال رأسه يألمه : انا كويس متقلقيش
ادم بسخريه : مخلاص يا عم الحبيب 
مراد : يا عم ادينا بندردش بدل الملل
ريماس : مش هتنقذونا وكده زي الروايات 
ليان بصوت ضعيف : انتي مش محتاجه حد ينقذك
مراد بقلق : ليان انتي كويسه انتي بتنزفي
ليان بابتسامة باهته : كويسه
احسان : حلو يا رب تكون الخدمه عجبتكوا
ريماس : قذره زي وشك بالظبط
ادم : عيب يا ريمو … ثم يبثق علي وجهه ..دي و…زيك انت والو…التاني
مراد : قولي يا حس الا مدحت مشغلك مرمطون كده من زمان 
احسان بغضب : والله لاوريكوا هتتمنوا الموت انتو هنا تحت رحمتنا
وما ان قال ذلك حتي انفجرت ريماس بالضحك وهم ينظرون لها بدهشه وعلي رأسهم ادم ف الوضع لا يوجد به شيء مضحك
ريماس بضحك : سوري سوري بس هو فصلني ضحك
احسان بغضب : ليه اراجوز
ريماس بضحك : اصلك بتقول للاسد والفهد هتتمنوا الموت عبيط اووي
ولم يكد يصفعها حتي ضربته بقدمها بقوه جعلته يسقط ارضاً يتلوي بألم ..
احسان بوجع : يا بنت ال…
ريماس : عيب كده مينفعش
ادم : انا كده اطمنت عليكي
مراد بضحك : انا قلقت عليك انت
احسان : والله لتشوفي هعمل فيكي اي يا …
ثم يخرج وهو يسبها ويتوعد لها
ريماس باللامبالاة : يا عم روح …يلا يا ادم فكني
ادم وهو ينهض : يلا 
مراد بصدمه : انت مكنتش مربوط كل ده 
ادم وهو يفك وثاق ريماس ثم وثاقه : لا كنت مربوط 
مراد : اومال اي
ريماس : صاحبك ده زكي ما شاء الله يا استاذ انا غمزت لادم وبدأت استفز الحيوان ده ولما ضربته ادم خد السكينه من جيبه وفك نفسه
مراد باعجاب وهو ينهض :لا جامده عجبتيني
ادم : نخرج من هنا واظبطك
ثم خرجوا سريعاً ومراد يحمل ليان يحاول وقف النزيف وهي تكاد تفقد الوعي ولكن ما ان خرجوا حتي….
ـــــــــــــــــــــــــــــ
يتبع ……
لقراءة الفصل العشرون : اضغط هنا
لقراءة باقى فصول الرواية : اضغط هنا

اترك رد