رواية اللطيم الفصل التاسع عشر 19 بقلم هنا سلامة

ليل بعصبيه : مالي ايه يا روح امك ؟؟ انت دخلتي ازاي يا سها ؟؟

سها بعصبيه : انت بتتعصب ليه ؟ انا الي انعشتك امبارح و انقذتك على فكره

ليل بعصبيه : يا ستي شكرا بس دخلتي ازاي ، و ضماني ليكي ازاي ؟؟؟

سها بعصبيه : انت ليه محبيتنيش ؟؟ ليه حبيت سيلين دوناً عن بنات العمارة كلها ؟؟ يعني الف بنت داست على كرامتها و اتقدمتلك و في الاخر تتجوز عيله في جامعه ؟؟

ضربها بالقلم و قال بعصبيه : العيله دي عندها كرامه و احسن و أجمل من أي واحده شوفتها و لسه هشوفها ، العيله دي مش رخيصه زيكم ! العيله دي مراتي و قريب هتبقى ام عيااالي !

سها بعصبيه : هترجعلي يا ليل و هترجعلي راااكع و ساعتها انا الي هرفضك

ضحك بسخرية : ارجعلك ؟؟ هو انا كنت معاكي قبل كده اصلا ؟؟ فوقي من أحلامك دي و عيشي على أرض الواقع

رمت سها مفتاح الشقه و قالت بعصبيه : ده مفتاح الشقه بتاعكم انا خدته امبارح من غير ما سيلين تاخد بالها ، صدقني انت هتندم يا ليل و لو وصلت اني اقتل سيلين هعمل كده 

ليل مستوعبش إلى هي قالته و لا قدر يسيطر على نفسه و ما فاقش غير على صوتها و هي بتعيط و بتقوله يرحمها من ضربه ! 

سها بعياط : خلاص يا ليل .. احلفلك بأغلى حاجه عندي اني مش هقرب لها 

ضرب رأسها في الحيطة و قال بعصبيه : لو بس فكرتي فيها أن كان بحسن أو بسوء نيه هدفنك حياااااااااا، براااااااا

طلعت تجري و هي خايفه منه اكتر من اي مرة ، كل مره كان بيرفضها بعصبيه لكن مش بالشكل ده ! جسمها اتكسر من الضرب و كل ده عشان هددته بسيلين ! دخلت شقتها و لحسن الحظ ابوها كان في الشغل ، دخلت للحمام و اخدت شور سخن يريح جسمها شوية ، حطت حجاب على رأسها طول اليوم عشان محدش يشوف رأسها و هي وارمه بالشكل ده ، دخلت لاوضتها و قالت بعصبيه : فكرني هموت عليه ؟؟ ده انا هموت على فلوسه، بس خلاص .. ليل كبر و كبر اوي على شغلي ده ، لازم الاعبه على تقيل.. بس مش دلوقتي خالص .. اااه يا نفوخي، يا ابن المفتريااااا

في الجامعة عند سيلين 

: لو سمحتي استني 

التفتت سيلين لصوته و قالت : انا يا دكتور سالم ؟؟ 

سالم بابتسامة : ايوه انت يا بنتي 

راحت له سيلين و قالت باستغراب : خير يا دكتور ؟ 

سالم : انت زي بنتي يا سيلين و انت عارفه اني بعزك و ليل بيوصيني عليكي في الامتحانات ، لكن شكلك النهارده باهت، ليل مزعلك ؟ 

ابتسمت بكسره و قالت بهدوء غريب ، عكس طبيعتها هي دايماً بتتكلم بطاقة غريبة و صوت مبهج و هيبر

سيلين بهدوء : انا اي حد يزعلني بس هو لا، انا الي خايفه اني ازعله يا دكتور

سالم بابتسامه : ليل بيحبك يا بنتي جداً ، مبتشوفيش بييجي يسأل عنك بعد كل امتحان ازاي كأنك بنته ، لا مؤخذه في السؤال يعني يا بنتي هو مفيش حاجة جاية في السكه ؟؟

ابتسامتها اختفت و قالت بهدوء : بعد اذنك يا دكتور .. 

طلعت بره المدرج و هو قال بعصبيه : ايه يا سالم ! البنت زي بنتك و كل حاجه بس مينفعش اسأل سؤال شخصي اوي كدة

في الصيدليه إلى تحت بيتهم 

ظبطت الروج بتاعها و قربت المطوه من جنبه اكتر : هي دي مرات ليل ؟ انطق 

الصيدلي ببلعت ريق : ا .. ايوه 

: شكلها جايه علينا ، انا هطلع من الباب الخلفي و نفذ إلى اتفقنا عليه 

الصيدلي بخوف : بس دي مرات ليل اللطيم 

قربت المطوه اكتر و قالت : إلى قولته يتنفذ و الا ابنك هيموت، متنساش انه معانا لسه 

الصيدلي بخوف : حاضر حااضر 

طلعت من الصيدليه من الباب الخلفي و دخلت سيلين و قالت بتعب : عاوزه بنادول يا علي لو سمحت .. 

علي بارتباك : انت كويسه يا سيلين هانم ؟ 

سيلين بتعب : ايوه صداع مش اكتر 

سحب الشريت و قال : الف سلامه على حضرتك ، ده بنادول نازل السوق جديد و فعال

سيلين بابتسامة باهته : شكرا يا دكتور علي .. بعد اذنك 

في شقة ليل و سيلين 

دخلت سيلين و اخدت البنادول و بعدين دخلت ل ليل ، كان لسه نايم قعدت جمبه بهدوء و باسته بحب و شغف 

سيلين بحزن : انا بحبك اوي ، انا مكنش نفسي يطلع عندي كده.. كان نفسي أحقق احلامك كلها يا ليل .. 

بدأت تعيط بهدوء و ايدها بتترعش ، صحى ليل على صوت شهقتها و هو مصدوم من عياطها 

ليل بخضه : مالك يا حبيبي مالك ؟؟ 

سيلين بعياط :  ………. 

ليل بصدمه : انت بتقولي ايه !!!!!!!!